Inkopiewenke vir Swart Vrydag deur Bea Lingenfelder en Susra Matthee. Hooffoto: Unsplash

1 Stel ’n begroting op

Besluit vooraf wat jy op hierdie dag wil koop en hou daarby. ’n Mens kan binne ’n oogwink te veel geld op winskopies uitgee. Daarom is dit wys om die produkte wat jy regtig nodig het voor die tyd te kies en nie net spontaan te koop vir die afslag nie.

Lees ook: Pantser jouself teen onnodige aanlyn-inkopies

2 Stel vooraf ’n wenslysie op

Elke aanlynwinkel het ’n wenslysie (wish list) waar jy al jou gunsteling items kan “stoor” tot jy gereed is om dit te koop. Plaas al jou items vooraf in die wenslys sodat jy op die dag net op die afdeling kan klik en alles op een slag betaal. Sommige aanlynwinkels laat jou toe om al jou items reeds in die koopmandjie (“cart”) te hou, maar dit kan uitgeskop word as daar probleme met die netwerk is – dus is die wenslysie die beter opsie.

Lees ook: 3 webwerwe om jou lewe makliker te maak

3 Doen jou huiswerk

Dit is moeilik om enige afslag te weerstaan, maar sommige winskopies is regtig nie altyd daardie lang rye en ure voor die rekenaar werd nie. Winkels begin al vroeg in November hulle afslagitems bekendstel. Maak seker jou bloed, sweet en trane is die moeite werd – werk vooraf die afslagpersentasie uit en bepaal of dit die moeite werd is vir die item wat jy wil koop; ’n duursame item soos ’n wasmasjien met ’n groot afslag is natuurlik ’n slim kopie.

4 Maak seker jou besonderhede is reg

Televisiestelle en baie ander elektronika vereis dikwels dat jy ’n lisensienommer moet intik tydens die koopproses. Maak dus seker jy het alle nommers, kodes en inligting gereed vir wanneer daardie vrae opduik. Jou soektog na dokumentasie kan jou dalk net jou wenkopie kos!

Lees ook: Wees veilig aanlyn

The post Inkopiewenke vir Swart Vrydag appeared first on rooi rose.

Spaar só vir die dinge wat jy begeer. Promosie deur Hyperia. 

Dit kan moeilik wees om te spaar. Dit is slegs met die regte tegnieke dat ’n mens vinnig ’n groot bedrag geld kan spaar. Hier is ’n paar wenke en stappe wat jy kan doen om seker te maak dat jy die geld het vir die dinge wat jy regtig wil hê.

Probeer om aanlyninkopies te doen

Aanlyninkopies is die nuwe neiging. Dis nie meer vir mense nodig om dit wat hulle nodig het in inkopiesentrums te gaan koop nie. Aangesien jy nêrens heen hoef te ry nie, spaar jy ook op petrol. Baie handelaars het aanlynwinkels wat dit vir kopers makliker maak, en baie het groot besparings wat slegs aanlyn beskikbaar is.

Kry spesiale aanbiedings in aanlynkatalogusse

Met webwerwe soos latestspecials.co.za kan jy nou elke dag die allernuutste aanbiedings sien. Indien jy na ’n spesifieke item soek, klik bloot op die produkkategorie om al die spesiale aanbiedings te kry waarna jy op soek is. Dit sluit kos, klere, skoonheid en gesondheid, elektroniese toestelle en baie meer in.

Op hierdie manier hoef jy nie deur produkte te sif wat jy nie nodig het nie. Byvoorbeeld, indien jy op soek is na Tupperware specials, soek net die woord “Tupperware”. Of miskien wil jy die jongste aanbiedings van Clicks sien? Dan kan jy die katalogus met die druk van ’n knoppie sien! Dis so maklik.

Spaar tyd!

Indien jy ’n besige skedule het, sal aanlynkatalogusse dit maklik maak om tyd te spaar en dinge te doen waarvan jy hou. Nou hoef jy nie meer rond te ry om die beste pryse te soek nie, jy kan sommer ’n lys maak van jou gunsteling- handelaars se spesiale aanbiedings en hulle moeitevry gaan koop!

Nog wenke om te spaar

• Kyk of jou gunsteling-winkels beloningsprogramme het, en sluit by almal aan!
• Maak ’n lys voordat jy inkopies gaan doen en hou daarby. Moenie goed koop wat jy nie nodig het nie.
• Koop gehalte– elektriese toestelle, asook klere wat sal hou. Op dié manier sal jy spaar deurdat jy nie dieselfde ding weer en weer koop nie.
• Probeer wegbly van jou kredietkaart! Kredietkaarte is moeilik om af te betaal.
• Is dit byna tyd vir iemand se verjaarsdag? Maak jou eie geskenke en moenie duur presente gaan koop nie.
• Skep ’n doeltreffende, maar redelike, daaglikse begroting en hou daarby.
• Verkoop die goed in jou huis wat jy nie nodig het nie en sit dié geld in jou spaarrekening.

Spaar vinnig geld vir die goed wat jy wil hê

Dit was nog nooit makliker om te spaar vir die dinge waarvan jy droom nie. Veral met die ontploffing van aanlynkatalogusse, kan spaar ’n werklikheid wees en nie net iets waaroor jy dink nie.

Maak seker jy begin VANDAG spaar. Besoek www.latestspecials.co.za gereeld vir al die nuwe spesiale aanbiedings.

The post Spaar só vir die dinge wat jy begeer appeared first on rooi rose.

Swart Vrydag (beter bekend as Black Friday) is ’n verskynsel wat in die VSA ontstaan het. Normaalweg vind hierdie dag op die Donderdag na Thanksgiving plaas en dit word gereken as die eerste dag van die Kersinkopieseisoen waar winkels en handelaars groot afslae bied op hul produkte. Hierdie koopfenomeen het die afgelope paar jaar sy pad Suid-Afrika toe gevind en jaarliks vermeerder die hoeveelheid winkels wat hieraan deelneem.

Hier is ’n paar winskopies wat jy dalk wil dophou:

Zinio, die digitale tydskrifplatform, het ’n Voor-Swart Vrydag aanbieding waar jy 40% afslag op tydskrifte kan kry as jy tussen vandag en Vrydag 24 November 2017 inteken. Gebruik net die kode BLACK40 en jy kan jou gunstelingtydskrifte, insluitende jou heel gunsteling, rooi rose, vir baie goedkoper lees.

Cotton On sal op Swart Vrydag ’n uitverkoping hou op gekose klerestyle wat insluit hul alledaagse klerereeks, nuwe seisoen-style en hul denimprodukte. Daar sal 30% – 50% afslag gebied word op hierdie produkte. Hierdie aanbod is beskikbaar in winkels en aanlyn.

As jy by Pandora meer as R1 799 spandeer, sal jy ’n beperkte uitgawe sterlingsilwer armband GRATIS ontvang. Hierdie aanbod is landwyd beskikbaar tussen 24 en 26 November 2017, terwyl voorraad hou.

Mr Price Home sal Swart Vrydag-uitverkopings hou tussen 20 en 27 November 2017.

Total Sports sal ’n Swart Vrydag-uitverkoping hou beide aanlyn en in hul winkels sodat jy jou sportklere en bykomstighede kan opdateer sonder om die bank te breek.

As jy belangstel in ’n nuwe handsak, hou dalk Via La Moda dop, wat glo goeie aanbiedinge sal hê. Dis egter nie beskikbaar op Swart Vrydag nie, maar vind eerder plaas tussen 30 November en 2 Desember.

The post Swart Vrydag-winskopies appeared first on rooi rose.

Deur voort te bou op die groeiende aanvraag na handgemaakte produkte, direk aangekoop vanaf die vervaardigers, beoog KAMERS om weer nuwe kreatiewe en skeppende entrepreneurs se werk in meer as vyf uitstallings tydens 2016 ten toon te stel.

Wanda du Toit, een van KAMERS stigters, sê as haar positiwiteit oor ons land ’n insinking beleef, besoek sy net een van die 200 talentvolle entrepreneurs wat elke jaar oudisies doen om aan KAMERS deel te neem.

“Die kreatiwiteit en energie om ’n eie onderneming in ons land te begin, is ongelooflik. Dit is so bemoedigend!”

KAMERS se dertiende jaar gaan ’n gelukkige een wees en sal na verwagting ’n groei toon op die platform van spontane handel (“pop-up retail”). Dit bied ’n koesterende omgewing aan honderde talentvolle entrepreneurs waarin hulle meer oor die bedryf kan leer.

KAMERS se programme vir herfs

KAMERS 2016 Johannesburg

20 – 24 April 2016

St John’s College, Houghton

9:00-17:00 Woensdag tot Saterdag

9:00-15:00 Sondag

KAMERS 2016 Kaapstad

1 – 5 Junie 2016

Kasteel de Goede Hoop

9:00-17:00 Woensdag tot Saterdag

9:00-15:00 Sondag
Toegang

R70 en sluit ’n pragtige KAMERS-inkopiesak in

Afslag is beskikbaar vir studente en pensioenarisse

Kaartjies is beskikbaar by die ingang of by www.plankton.mobi

Koop aanlyn by shop.kamersvol.com | Facebook | Twitter | Instagram

The post Inkopie-extravaganza by KAMERS 2016 appeared first on rooi rose.

Met die opening van ’n paar nuwe winkels in Johannesburg, was ons geïnspireer om die beste winskopie-winkels vir julle uit te soek. Lees ook 32 Clothing se wenke oor hoe om jou kas skoon te maak sodat jy plek het vir jou nuwe skatte.

Winskopies / fabriekswinkels

Landwyd:

Jam: Jy kan vir die hele gesin hier klere kry. Hul onderklere-afdeling is die beste.
PQ: Met klere van so min as R30 vir ’n hemp is dit ideaal vir ’n stywe begroting.

Johannesburg:

32 Clothing: Ingevoerde handelsname teen ’n fraksie van die prys, met twee splinernuwe winkels.
Big Blue Clearance Store: Alle Big Blue se uitverkopings-voorraad word hierheen gestuur.
World Wear: ’n Klompie winkels saam op een plek. Dis die ideale plek vir ’n skoenliefheber.
Retail Crossing: ’n Klompie winkels saam op een plek. Goed vir sportsdarg en meubels.

Kaapstad:

Labels for Less: Gehalte handelsname teen vanaf 40% afslag.
2ndTake: Ingevoerde handelsname vir die hele gesin.
Freezerland: Bekostigbare en grootmaat gevriesde kos.
Acces Park: ’n Klompie winkels saam. Handelsmerke se direkte fabriekswinkels almal in dieselfde plek.
Zoom Footwaer Facortory Shop: Zoom-skoene op afslag.
Ina Paarman: Jou kombuis gunstelinge
Naartjie: Iets vir die klein mensies

7 wenke om jou kas skoon te maak

• Atmosfeer: Omdat ’n goeie skoonmaaksessie ’n paar uur kan neem, maak seker jy is goed gevoed, goed uitgerus en dat jy in ’n goeie gemoedstoestand is wanneer jy jou kas aanpak. Luister na musiek, miskien ’n glasie wyn en sê die heeltyd vir jouself, “Het ek hierdie nodig?”
• Gooi dit bokkie! Gooi letterlik die hele inhoud van jou kas uit op jou vloer. Dit plaas dinge in perspektief, en wys duidelik hoeveel goed jy het. Om doelloos deur jou kas te rommel, gaan nie werk nie.
• Begin by die begin: Maak drie hopies; ja, nee en miskien. Wees eerlik met jouself oor elke item, en plaas dit op die regte hoop. Jou “nee”-hoop moet effens groter as jou “ja”-hoop wees. Maak vrede met die feit dat jou “miskien”-hopie waarskynlik deel van jou “nee”-hopie gaan word.
• Gure: Tendense kom en gaan, en elke jaar probeer ons om klere wat tydloos en modern is te koop, maar modes verander. As jy dit nie in die laaste jaar gedra het nie, is dit ’n definitiewe “nee”.
• Belê in die toekoms: Maak jou lewe makliker deur in ’n paar dun, goeie gehalte hangers, ’n skoen-organiseerder, en ’n paar stofsuiersakke waarin jy jou dik winterklere en aandrokke kan stoor, te belê.
• Kry ’n tweede opinie: As jy aan die einde van jou lente-skoonmaak proses voel asof jy letterlik niks in hierdie hele wêreld oor het nie (behalwe die klere aan jou lyf), bel ’n vriendin. Praat met haar oor jou besluite en saam kan julle dalk ’n paar items red wat jy dalk verkeerd uitgegooi het.
• Koester jou sukses: Bederf jouself met nuwe klere by die plekkies op ons winskopie-lys. Jy verdien dit!

The post Beskostigbare bederfies appeared first on rooi rose.

Bespreek sommer nou jou plek teen slegs R25 595 per persoon wat deel.

Wat kan nou lekkerder wees as ’n week lange inkopie-en-kulturele toer na China saam met die aktrise en stylkenner Zetske van Pletzen en modeontwerper Werner Dey?

Ons vertrek op 16 November en is weer terug op 25 November. Zetske en Werner sal ons na hul gunsteling-winkels en -besienswaardighede vergesel en byderhand wees om raad vir die keuse van klere te gee. Hulle bied ook persoonlike stylsessies aan vir elkeen wat saamreis.

17 November Land om 12:25 in Hongkong. Die gids ontmoet ons by die lughawe en neem ons na die hotel. Die middag besoek ons die Wong Tai Sin-tempel, die jademark en Templestraat waar jy ook in die plaaslike winkels kan rondsnuffel. Die aand is daar ’n bootrit, buffetete en die Symphony of Lights-vertoning by Victoria-hawe.

18 November Ná ontbyt vertrek ons na die Stanley-mark, eet ’n Dim Sum-middagete saam en die middag kan jy rustig in die markte inkopies doen.

19 November Laaste dag in Hongkong. Jy kan weer op jou eie by gewilde winkelsentrums soos Ocean City, Times Square en Sogo inkopies doen.

20 November Ná ontbyt vertrek ons na Guangzhou waar ons twee aande oorbly. Ons besoek die Sun Yat Sem-gedenksaal, die Five Ram-beeldhouwerk en die Nanye-koninkryk-museum.

21 November ’n Dagtoer na Foshan, die pottebakkershoofstad van China, wat die Zumiao-tempel, Liang-tuine insluit. Ons eet middag- en aandete in plaaslike restaurante.

22 November Die oggend besoek ons die Chen Clan-akademie, die Tempel van die Ses Baniaanbome, Qingping-mark, Shangxiajiu se inkopiestraat en ná middagete ry ons per trein na Shenzhen waar ons twee nagte bly.

23 November Vanoggend is daar tyd vir inkopies in die Luohu-winkelsentrum. Ná middagete woon ons ’n kulturele vertoning in die Splendid China- en China Folk-kultuurdorpies by.

24 November Vandag kan jy na hartelus rondloop. Ná ete haal ons in Shekou ’n boot na die Hongkong-lughawe en om 7:20 op 25 November is ons terug in Suid-Afrika.

Bespreek jou plek!

Bel 083 371 2404 of stuur ’n e-pos na Harriet@skyarchtravel.com

Reëls & voorwaardes
Die toer sluit in: retoervlugte op SAA, verblyf in vierster-hotelle, alle etes wat op die toerplan aangedui word, private bustoer, ’n Engels-sprekende toergids, China-visum, alle ingangsfooie wat by die reisplan ingesluit is, bootkaartjies wat in die reisplan ingesluit is. Die groeptoer saam met Zetske en Werner is onderhewig aan ’n minimum besprekings-kwota. Indien die minimum besprekings-kwota nie bereik word nie, sal die wenner en haar metgesel steeds saam met ’n toergids die toer op hul eie onderneem. Algemene reëls & voorwaardes vir die kompetisie sal in die Julie 2015-uitgawe van rooi rose verskyn.

The post Bespreek jou plek na China! appeared first on rooi rose.

Het jy geweet jou gunsteling salonprodukte is nou aanlyn beskikbaar?

Retailbox is ’n aanlynwinkel wat professionele haar- en skoonheidsprodukte met die klik van ’n knoppie verkoop.

Jy kan nou jou skoonheidsinkopies gemaklik voor jou rekenaar doen. RetailBox lewer binne 3 werksdae jou bestelling voor jou deur af. Bestellings bo R500 word verniet afgelewer.

Geskenkidee:

Probeer RetailBox se nuwe “Secret Box” – ’n boks vol haar- en skoonheidsprodukte wat groot en toetsgrootte produkte insluit, spesifiek saamgestel vir jou vel en haartipe. Besoek www.retailbox.co.za vir meer inligting.

The post Koop jou salonprodukte aanlyn appeared first on rooi rose.