’n Tyd vir gevaarlik leef

Die omroeper en skrywer Amore Bekker staan op die drumpel van ’n nuwe lewensfase. Een waarin sy wil waag, haarself wil uitdaag en met oorgawe wil leef.

My kind is gay 

Ons samelewing is vandag baie meer oopkop as tien of 20 jaar gelede, maar dikwels is dit steeds ’n groot skok vir ouers as ’n kind die eerste keer onthul dat hy of sy gay is. ’n Kenner vertel meer oor die verskillende fases waardeur ’n ouer gaan en wat ’n ouer kan doen om dit te verwerk, te aanvaar en ’n veilige ruimte vir die kind te skep 

Dis Vadersdag: Bekende pa’s gesels

Bradley Olivier is bekend vir sy rol as Danny Jantjies in die hospitaaldramareeks Binnelanders. Wat baie mense egter nié van die gewilde akteur weet nie, is dat hy ’n baie cool pa is. Hy gesels meer daaroor.

Geon Nel is nie net ’n veteraan van die teaterwêreld nie. Nee, die man wat die rol van die stemmige boer Frans in Nêrens, Noord-Kaap vertolk, is ook ’n bedrewe kulkunstenaar.

Dit maak nie saak hoe oud jy is of in watter fase van jou lewe jy is nie – ’n baba bly ’n groot geskenk. Hiervan kan Jannie Moolman en sy vrou, Melissa, getuig. En hulle kan nie wag om te sien wie van Pa of Ma se talente hul dogtertjie erf nie.

Vitiligo: ’n Velvyand?

Vir mense wat dit het, is vitiligo veel meer as net ’n toestand wat vlekke veroorsaak. Baie worstel met selfbeeldkwessies of ernstiger geestesprobleme. Zerelda Esterhuizen deel haar ervaring en vertel ons meer daarvan.

Dis warm kos, skat 

Met hierdie warm bredies, pasteie en pastageregte sal jy enige hart warm kan maak – maak nie saak hoe bibberend koud die winter is nie! 

‘n Jas wat netjies pas

Wat is winter sonder ‘n mooi jas om jou warm, maar ook modieus te hou?

Tree goed af

Soos ons lewensverwagting toeneem, so neem die beleggingstermyn vir wanneer jy die dag aftree ook toe. Elke Brink wys die strategie wat jy kan volg.

’n Nuwe, klein begin 

Om die eerste eienaar van dié dubbelverdiepinghuis naby Somerset-Wes te wees, was soos om op ’n skoon skilderdoek te kon verf. Deur kreatief met dekor te werk te gaan, is hierdie kleiner ruimte met sy groot uitsigte in ’n ware tuiste omskep.

Wen ’n safari-wegbreek met Aquila

Een gelukkige leser kan verblyf vir twee nagte vir twee mense ter waarde van R19 600 by Aquila- privaat wildreservaat in die Touwsrivier-omgewing wen.

Ontklotter jou lewe

Ons is al amper by die helfte van die jaar. Wat het van jou nuwejaarsvoornemens geword om jou klerekas en huis in orde te kry? Begin vandag en omskep jou huis in ’n tuiste waar jy jou batterye kan herlaai.

Lees ook: ’n Viering van alle ma’s: WEN met Pandora!

The post 10 redes waarom jy die Junie-uitgawe van rooi rose móét lees! appeared first on rooi rose.

Die swart leerbaadjie

Dié sexy item hoort in jou versameling. Jy sal nooit spyt wees as jy in ’n duursame leerbaadjie belê nie. Dra dit in die winter saam met ’n swart denim en in die somer oor ’n rokkie vir daardie kenmerkende stadstyl-voorkoms.

Die wit hemp

Die wit kraaghemp is ’n pasmaat by alles – of dit nou by denims, ’n snyersbroek of patroonromp is. Dit is ook die perfekte item om laag op laag te dra. Knoop dit toe tot bo en verf jou lippe rooi vir ’n sjiek voorkoms. Wees egter versigtig om te veel op hierdie hemp te spandeer, omdat die kleur se leeftyd beperk is. Koop eerder slim en skaf elke tweede seisoen ’n nuwe een aan.

Leerstewels

Die lengte van leerstewels wissel elke jaar, maar die stewel wat altyd op die rakke sal bly, is die perdrystyl. Hierdie item waarborg jou ’n stylvolle voorkoms sonder om ure aan jou uitrusting te beplan. Gaan vir die kenmerkende denim van kop tot tone of wissel dit af met ’n maksirok en baadjie. Onthou om jou leerstewels af en toe te politoer om ’n lang leeftyd te verseker.

Die soldaatjas

Jy kan maar op hierdie snit spandeer, want dit sal nog lank in jou kas hang. Kies een van duursame materiaal – soortgelyk aan die Burberry-jasse. Maak seker die lengte van die jas pas by die lengte van jou lyf. Indien jy kort is, moet jou jas tussen jou heupe en knieë hang, maar ’n langer persoon kan dit met ’n ekstra lang jas ook waag.

Parka

Die parka is perfek vir naweekdrag en jy sal dit elke naweek wíl dra. Kies dus ’n kleur wat by baie van jou ander klere pas, sodat jy dit elke keer ’n ander voorkoms kan gee. Die gewildste is om dit saam met donker denims en wit tekkies te dra.

Kasjmier-trui

’n Kasjmier-trui is een van jou beter beleggings, mits jy mooi daarna kyk. Dit lyk nie net duursaam nie, maar dit voel ook sag teen jou vel en sal jou beslis warm hou. Grys is die perfekte kleur vir ’n crew-nek kasjmiertrui.

Wit tekkies

Wie het ooit gedink wit tekkies sal só gewild wees? Wit is normaalweg ’n gewaagde kleur vir skoene, maar dit skep die perfekte voorkoms vir moeitelose gemakdrag. Dit sal jou donker denim goed uitbalanseer of by jou ligter kleure inskakeer. Daar is ook deesdae baie produkte wat jy kan koop om wit tekkies skoon te hou, asook verskeie wastegnieke wat hulle splinternuut laat lyk.

Donker denims

Die eerste ding waarna jy gryp op ’n koue wintersoggend. Daar is net iets omtrent donker denims wat dit ’n gunsteling vir wintersdrag maak. Die donker kleur skep daardie effense netjieser voorkoms wat jou stylvol laat lyk. Belê in meer as een van hierdie items vir die tye wanneer een in die was is. Hierdie een van Woolworths is gemaklik, baie vleiend en sal jou nie ’n plaas se prys kos nie.

Swart enkelstewels

Jy kan nooit verkeerd gaan met swart nie. Jy vertoon op jou beste as jy swart van kop tot tone dra. Hierdie enkelstewels is jou beste maat in die winter, omdat dit ’n praktiese lengte vir enige geleentheid is en jy lyk altyd netjies.

The post Winter-items waarin elke vrou moet belê appeared first on rooi rose.

Dra die Trench Coat soos die New Yorkers

As jy wil weet wat om te dra en hoe om dit te dra, hoef jy net diegene dop te hou wat New York se modeweek bywoon. Hier wys een van die New Yorkers, Diego Zuko, hoe om die trench coat stylvol te dra. Met hierdie uitrusting is jy reg vir modeweek.

Hier is nog maniere hoe jy hierdie ikoniese jas oor naweke of werk toe kan dra:

Naweek

Dit is maklik om die trench coat informeel en reg vir naweekdrag te laat lyk. Dra dit saam met jeans en ’n gestreepte top. Breton-strepe is ook altyd ’n wenner saam met jeans en ’n trench coat. Die goue skoene gee ’n interessante element aan die uitrusting. Rond dit af met ’n informele leer-drasak.

Werk toe

Wat lekker is van die jas, is dat dit langer is as die gewone trench coat. Wat dit maklilk maak om ’n rok daarby te dra. Jy wil nie hê jou rok se soom moet onder jou jas uithang by jou werk uitrusting. Dit skep ’n informele voorkoms. Met hierdie jas is dit nie moontlik, tensy jy ’n rok tot by jou enkels dra. Swart, maroen en grys is baie goeie pasmaats vir werk. Die swart hofskoene is ’n goeie belegging vir werk. Jy sal baie dra uit dit kry.

The post Dra die nuwe “jas” só appeared first on rooi rose.