jellie | rooi rose

Bessiejellies

Rooi Rose — Fri, 15 Nov 2024 10:42:52 +0000

Genoeg vir 6

Bestanddele

625 ml (2½ k) tee-en-vrugtesap
30 ml (2 e) gelatienpoeier
125 ml (½ k) strooi-suiker
250 ml (1 k) frambose
dubbel dik jogurt vir die voorsitslag
hand vol kruisementblare

Metode

Gooi 60 ml (¼ k) van die tee oor die gelatien en laat staan vir 5 min. om te spons.
Verhit die res van die tee en suiker in ’n pan oor matige hitte en roer tot die suiker opgelos is. Haal van die hitte af en meng die gelatien deur tot opgelos.
Gooi in 4 x 250 ml (1 k) teekoppies en laat afkoel tot kamertemperatuur. Skep die frambose by die tee in die koppies. Bedek met kleefplastiek en laat stol in die yskas.
Sit voor met skeppies jogurt en strooi kruisementblare oor.

The post Bessiejellies appeared first on rooi rose.

Teejellies

Michelle Nortje — Wed, 27 Jan 2016 16:27:16 +0000

Teejellies

Serves: 6 Nutrition facts: 200 calories 20 grams fat

Ingredients

Koop ’n geurige Oolong-tee soos Vanilla Rose en maak die mooiste jellies daarmee.
20 ml (4 t) poeiergelatien
125 ml strooisuiker
500 ml water
10 ml (2 t) roostee (ons het Origin se Vanilla Rose gebruik)

Instructions

Laat die gelatien vir 5 min. in 60 ml (¼ k) water week tot dit soos ’n spons lyk.
Verhit die water en suiker in ’n klein kastrol oor matige hitte en roer tot die suiker opgelos is. Voeg die tee by en laat trek vir 1-2 min.
Roer die gelatien by die warm vloeistof tot dit gesmelt is. Gooi in 6 mooi jellievormpies met ’n inhoudsmaat van 90 ml. Sit in die yskas vir minstens 2 uur of tot geset.

The post Teejellies appeared first on rooi rose.

Lietsjie-jasmyn-en-vonkelwyn-jellie

Michelle Nortje — Thu, 21 Jan 2016 13:44:28 +0000

Lietsjie-jasmyn-en-vonkelwyn-jellie

Serves: 6 Nutrition facts: 200 calories 20 grams fat

Ingredients

Genoeg vir 6
• 18 lietsjies, geskil en pitte uitgehaal
• 20 ml (13 g) gelatienpoeier
• 150 ml aangemaakte jasmyntee, kokend warm (te kry by PnP)
• 45 ml (3 e) strooisuiker
• 15 ml (1 e) fyn gerasperde vars gemmer
• 400 ml vonkelwyn

Instructions

1 Gebruik 6 bakkies met ’n inhoudsmaat van 125 ml elk en sit 3 lietsjies in elk.
2 Sprinkel die gelatien oor 50 ml van die vonkelwyn en laat spons.
3 Verhit die warm jasmyntee, suiker en gemmer oor lae hitte. Roer tot die suiker gesmelt is. Voeg die gelatien by en roer tot heeltemal opgelos. Roer die vonkelwyn deur. Laat effens afkoel.
4 Gooi die mengsel deur ’n sif oor die lietsjies. Sit vir 2-3 uur in die yskas of totdat die jellie gestol is.
5 Doop die bakkies vir 5-10 sek. in kookwater voor jy die jellie versigtig op bordjies uitkeer.

Sit die jellie met geklopte klapperroom voor:

6 Klapperroom kan styf geklop word as die blikkie oornag in die yskas gehou word.
7 Klop 1 blikkie (400 g) klapperroom en 30 ml strooisuiker tot dik en donsig en sit skeppies van die room met die jellie voor.

The post Lietsjie-jasmyn-en-vonkelwyn-jellie appeared first on rooi rose.

Espressojellie

Rooi Rose — Tue, 12 Feb 2013 14:11:44 +0000

Genoeg vir 6

Bestanddele

20 ml (4 t) poeiergelatien
250 ml (1 k) water
90 ml (6 e) fyn espressokoffie
720 ml kookwater
180 ml (¾ k) strooisuiker
5 ml amandelgeursel

Metode

Strooi die gelatienpoeier oor die water, laat vir minstens 5 min. staan.
Sit die espresso-koffiepoeier in ’n koffieperkoleerder en gooi die kookwater by. Laat staan vir ’n paar minute.
Meng die koffie en gelatien en gooi in ’n middelslagkastrol. Verhit oor matige hitte, maar moenie dat die mengsel kook nie. Voeg die suiker en amandelgeursel by en roer tot opgelos. Laat afkoel.
Gooi in ’n plat, reghoekige bak van 25 cm x 20 cm x 3 cm en sit oornag in die yskas sodat dit kan stol.
Keer die bak op ’n plastiek-kapplank uit. Doop ’n 3 cm-metaalkoekiedrukker vinnig in warm water en druk sirkels uit die jellie. As jy nie ’n koekiedrukker het nie, kan jy ’n mes in warm water druk en die jellies in blokke sny. Rol in strooisuiker om hulle feestelik te laat lyk.

The post Espressojellie appeared first on rooi rose.