Danksy die betrokkenheid van ons lesers het rooi rose met ons bekende KANSA-projek deur die jare ’n groter bewustheid van kanker geskep en broodnodige geld ingesamel. Ons lesersdag ten bate van KANSA het intussen ook ’n spesiale oggend op die kalender geword en in wellewendheid en styl gegroei. Danksy die gasvroue wat elkeen volgens ’n gegewe tema ’n tafel vir tien dek en kaartjies aan hul gaste verkoop, is dit nog altyd ’n dag van vriendskap, mooi musiek en ’n gekuier om die pragtig versierde teetafels, om van die talle pryse nie eens te praat nie.

Ons kuier weer saam in die Saint George-hotel in Pretoria. Rozanne McKenzie is die seremoniemeester en vanjaar is ons sprekers Madelein Rust, skrywer van die sielkundige riller Mosterdsaad en ook ’n kankerpasiënt, asook die akteur Jacques Bessenger. Die groep mooi manne van Adam en ’n serenadegroep gaan vir ons sing. Arno Marais van Die Boekklub gaan ook met ons gesels.

Die winkelgroep SPAR wat al jare lank by die KANSA-dag betrokke is, was vanjaar weer so vrygewig om drie geskenkbewyse aan die drie wenners van SPAR se Tafel van die Dag te skenk: Die eerste prys is R6 000, die tweede R3 000 en die derde R1 000.

Pret en pryse!

Daar is volop geskenke en Pryse wat gewen moet word. Ook ’n vakansie in Mauritius. Bring ’n ekstra geldjie vir die Kaartjies wat jy daar kan koop om van die verskeie lieflike pryse te kan wen.

Waar en wanneer

DATUM
12 Oktober 2016
TYD
09:00 vir 09:30
PLEK
Die Saint George-hotel, Pretoria
KOSTE
R200 per persoon wat deur ’n gasvrou uitgenooi word, of ’n tafel vir ander gaste dek
TEMA
Herwin
Vir besprekings en inligting oor hoe om ’n gasvrou vir die oggend te wees, bel Marie Claassen by 012 329 3036 of mclaassen@cansa.org.za

The post KANSA-tee Pretoria appeared first on rooi rose.

Stellenbosch se KANSA-tee is soos gewoonlik ’n vrolike en swierige affêre waar ons lekker saamkuier. Vir die derde jaar dek die gasvroue volgens ’n gegewe tema ’n tafel vir tien mense (kompleet met teestelle, blomme, versierings en eetgoed) en verkoop dan die kaartjies aan hul gaste. So samel almal geld vir Kansa in én kuier lekker saam.

Jana du Plessis, motiveringspreker en kankeroorwinnaar, is ons gasspreker. Die bekende sanger Willem Botha en die vroue van Jaloersbokkies gaan vir hope vermaak sorg. Willem het onder meer hoofrolle in die tweede en derde seisoen van Sterlopersvertolk, en is ook ’n talentvolle fotograaf. Die Jaloersbokkies is eg Kaaps soos breyani en koesisters, soos ghoema en winterreën Met liedjies wat nostalgies val op die oor, bekoor Jawaahier Petersen en Nedine Blom hul gehore met treffers soos “Grietjie van Gharies”, “Sarah de Jager” en ander piekniekliedjies en moppies.

Pret en pryse!

Bring ’n ekstra geldjie vir die lootjies wat jy daar kan koop om van die verskeie lieflike pryse te kan wen.

Waar en wanneer

DATUM
Saterdag 17 September 2016
TYD
09:00 vir 09:30
PLEK
Stellenbosch-stadsaal
KOSTE
R200 per persoon wat deur ’n gasvrou uitgenooi word, of ’n tafel vir ander gaste dek
TEMA
Herwin

Vir besprekings en inligting oor die verantwoordelikhede van ’n gasvrou, bel KANSA BESPREKINGS, Minette van Zyl, tel: +27 44 874 4824, sel 082 443 3601, e-pos mvzyl@cansa.org.za

The post KANSA-tee Kaap appeared first on rooi rose.

Die Kansa-geselligheid wat rooi rose in samewerking met verskeie borge aanbied, het nie net ’n groter bewustheid van kanker geskep en broodnodige geld vir die vereniging ingesamel nie, maar ook in statuur en styl gegroei. Elke jaar kom sit al meer Kansa-ondersteuners aan die teetafels. Danksy die gasvroue wat elkeen volgens ’n gegewe tema ’n teetafel vir tien dek (kompleet met teestelle, blomme, versierings en eetgoed) en dan kaartjies aan hul gaste verkoop, is dit ’n swierige en vrolike affêre.

Yolanda Maartens Brown, bekende vermaakpersoonlikheid, is ons gasspreker. Sy het onlangs haar radiowerk laat vaar en wil nou die drome waar maak van kinders wat ’n pad met kanker en ander lewensbedreigende siektes stap.

Kom luister gerus hoe sy vertel dat jy jou soms sien in plekke waar jy dit nie verwag het nie, en deur ander se oë lyk dinge vir jou dalk ook anders – jy sien jouself dalk vir die eerste keer.

Success Lekabe van OFM is weer ons seremoniemeester vir die oggend. Haar spontane geaardheid en aanbieding maak haar veral gewild onder luisteraars. Sy sê sy is ’n sportfanatikus wat ook daarvan hou om stories te vertel en lewens te verander.

Leah gaan vir die vermaak sorg. Haar klank het nie ’n spesifieke teikenmark nie, maar sy is gewild onder oud en jonk. Die jonger geslag hou van die nuutheid van haar musiekstyl en ouer mense sal hou van di nostalgie wat haar lirieke optower.

Pret en pryse!

Bring ’n ekstra geldjie vir die lootjies wat jy daar moet koop om vir die verskeie geskenke in aanmerking te kom.

Waar en wanneer

DATUM
Saterdag 3 September 2016
TYD
09:00 vir 09:30
PLEK
Kopano Nokeng, Bloemfontein
KOSTE
R200 per persoon wat deur ’n gasvrou uitgenooi word, of ’n tafel vir ander gaste dek
TEMA
Herwin

Vir besprekings en inligting oor die verantwoordelikhede van ’n gasvrou, kontak Adel Wiid by awiid@cansa.org.za of bel 051 444 2580.

The post KANSA-tee Vrystaat appeared first on rooi rose.

Die Kankervereniging van Suid-Afrika (KANSA) gebruik hierdie dag van bewustheid om die algemene mites oor kanker te beklemtoon en te verduidelik.

Volgens die voorsitter van KANSA, Sue Janse van Rensburg, vind 14 miljoen mense in Suid-Afrika jaarliks uit hulle het kanker. Dit beteken 1 uit elke 4 mense word daardeur beïnvloed. Die organisasie fokus vanjaar op vier algemene kanker-mites, naamlik:

1. Ons hoef nie oor kanker te praat nie.
2. Daar is geen simptome of tekens van kanker nie.
3. Daar is niks wat ek aan kanker kan doen nie.
4. Ek het geen reg op kankersorg nie.

Vir meer inligting oor hierdie simptome, besoek KANSA se webblad hier.

The post 4 Feb: Wêreld Kankerdag appeared first on rooi rose.