kapokaartappels | rooi rose

Baba-aartappelslaai met roomkaas, jogurt & mayo-sous

Karlien Meiring — Mon, 02 Oct 2023 08:42:55 +0000

Resep deur Rediscover Dairy

Genoeg vir 6-8 porsies

Bestanddele:

1kg baba-aartappels, gekook, afgekoel & gehalveer

¼ koppie (60 ml) roomkaas

½ koppie (125 ml) dubbelroom gewone jogurt

¼ koppie (60 ml) mayonnaise

2 hardgekookte eiers, fyn gekap

¼ koppie (60 ml) agurkies, gekap

Vars gedrukte suurlemoensap

Seesout & varsgemaalde swartpeper, na smaak

Vars basiliekruidblare, om voor te sit

Metode:

1. Voeg die gehalveerde baba-aartappels in ‘n groot mengbak.

2. Meng die roomkaas, jogurt en mayonnaise in ‘n kleiner mengbak. Meng goed totdat die slaaisous glad is.

3. Voeg die slaaisous by die aartappels, saam met die gekapte eier, agurkies en vars suurlemoensap. Geur goed met seesout en varsgemaalde swartpeper.

4. Sprinkel met vars basiliekruid voor opdiening.

Lees ook: Gevriesde druiwe-, kiwi-, okkerneut- en heuning-jogurt-skerwe

The post Baba-aartappelslaai met roomkaas, jogurt & mayo-sous appeared first on rooi rose.

Brosgebraaide lendeskyf

Michelle Nortje — Tue, 09 Aug 2022 07:24:21 +0000

Alida Ryder se bekende blog, Simply Delicious, is een van my gunsteling-kosblogs. Haar boek, Heerlik en Maklik: Hartskos is ook ’n staatmaker in my kombuis.

“My ma was nie baie lief vir kos maak nie, maar so nou en dan wou sy ons bederf en het dan vir ons dié steaks gemaak. Sy het vroegmiddag al begin om die steak plat te slaan en dit was altyd so lekker om by die kombuistafel te sit en toe te kyk hoe sy die steaks vinnig in die meel, eier en dan weer in meel druk voor hulle in die warm vet gebraai word. Wanneer ek na haar verlang, is dit steeds die gereg wat ek die graagste maak.”

My ma se brosgebraaide lendeskyf

Genoeg vir 4

• 4 lendeskywe (sirloin steaks)
• 500 ml (2 k) meel, met sout en peper gegeur
• 2 eiers, geklits
• olie vir braai
• suurlemoenskyfies
• groenslaai om mee te bedien

1 Slaan die steak met ’n vleishamer plat. Voorverhit 60 ml olie in ’n groot pan oor hoë hitte.
2 Druk die steaks eers in die gegeurde meel, dan in die eier en dan weer in die meel.
3 Braai tot goudbruin en gaar.
4 Sit op kombuispapier om die oortollige olie te absorbeer en sit dadelik voor met romerige kapokaartappels of bros gebraaide skyfies en ’n groenslaai.

Lees ook: RESEP: Armand Aucamp se witvis met vanieljesous van Tahiti

The post Brosgebraaide lendeskyf appeared first on rooi rose.

Boeuf Bourguignon met peperwortel-kapokaartappels

Rooi Rose — Tue, 14 Jul 2015 10:54:07 +0000

Boeuf Bourguignon met peperwortel-kapokaartappels

Ingredients

60 ml (¼ k) avokadoolie
1,4 kg beesskenkel (sonder been) of diklies in blokkies
sout en gemaalde swartpeper
2 uie, gekap
2 knoffelhuisies,gekneus
60 ml (4 e) koekmeel
750 ml (1 bottel) rooiwyn
310 ml (1¼ k) beesaftreksel of water
15 ml (1 e) tamatiepuree
hand vol tiemie
2 lourierblare
200 g spekblokkies
250 g salotte of pekeluitjies,geskil
250 g knopiesampioene
Fyn aartappels
sout
5 groot aartappels, geskil en in blokke gesny
60 ml (¼ k) botter
80 ml (1/3 k) room
80 ml (1/3 k) melk
80 ml (1/3 k) crème fraîche
15 ml (1 e) peperwortelsous,
kies een met min asyn

Instructions

Verhit die oond tot 180 °C.

1 Braai die skenkels in sarsies in baie warm avokado-olie in ’n groot oondvaste kastrol tot goudkleurig. Geur na smaak. Haal uit en hou eenkant.
2 Braai die gekapte uie vir 4 min. in dieselfde kastrol tot goudkleurig. Voeg die knoffel by en braai vir nog 1 min. oor lae hitte.
3 Voeg die meel by en roer vir 3 min. totdat al die olie geabsorbeer is.
4 Gooi die rooiwyn en aftreksel geleidelik by, roer deurentyd. Bring tot kookpunt.
5 Voeg die verbruinde vleis, tamatiepuree, tiemie en lourierblare by. Bedek en bak vir 2uur.
6 Panbraai die spek oor hoë hitte tot bros. Voeg die uitjies en sampioene by en braai tot goudkleurig.
7 Meng die sampioenmengsel deur die vleis. Bedek en bak weer vir nog 30 min.
8 Kapokaartappels: Kook die aartappels in gesoute kookwater tot sag. Dreineer, druk fyn en meng die botter deur. Meng die res van die bestanddele deur. Geur na smaak. Sit die Boeuf Bourguignon met die kapokaartappels voor.

The post Boeuf Bourguignon met peperwortel-kapokaartappels appeared first on rooi rose.

Spyse vir die winter

Rooi Rose — Tue, 26 May 2015 22:00:00 +0000

Wortel en knolgroente

In die winter is wortel- en knolgroente weer volop. Hierdie aardse plesiertjies is propvol vitamiene, minerale en vesel. Dit bevat wel natuurlike suiker, maar is steeds laag in kalorieë. Kies ferm groente met die stingels sowel as die wortels steeds aan. Dit verklap hoe vars die groente is. Eet kleiner groente soos rape, radyse en babawortels binne ’n paar dae. Groter wortelgroente kan langer gestoor word.

Winteridee

Maak kapokaartappels spesialer en voedsamer deur ’n verskeidenheid knolgroente saam met die aartappels te kook. Probeer wortels, patats en witwortels.
Sny groente soos wortels, witwortels, patats en beet in papierdun skyfies (gebruik sommer ’n groenteskiller). Diepbraai in olie en sit as krakerige snoephappie voor. Gebruik ook as versiering vir sop of bredies.
Aangesien groente soos wortels en beet heelwat suiker bevat, kan jy ook konfyt of marmelade daarvan maak.
Gebruik oorskiet- geroosterde groente in slaaie of koeskoes.
Voeg knol- en wortelgroente soos patats, beet of wortels by jou aartappel-gratin. Sny in dun skywe en stapel soos gewoonlik tussen die aartappellae. Gooi laastens room oor en bak tot sag.

Wenke

Onthou om organiese groente deeglik te was voor jy dit eet. Maak seker jy kry jou organiese groente by ’n betroubare verskaffer wat organies gesertifiseer is.

The post Spyse vir die winter appeared first on rooi rose.

Varkworsies met gekaramelliseerde uie en kapokaartappels

Vickie de Beer — Tue, 14 Jul 2009 10:15:00 +0000

Varkworsies met gekaramelliseerde uie en kapokaartappels

Serves: 4 Nutrition facts: 200 calories 20 grams fat

Ingredients

500 g gehalte-varkworsies (bangers)
2 knoffelhuisies
’n paar salieblare (opsioneel)
30 ml (2 e) olyfolie
2 kg aartappels, geskil
300 ml melk
70 g botter
sout en swartpeper
Uie
4 rooi uie
15 ml (1 e) olyfolie
60 ml (¼ k) balsemiekasyn
2 e botter
60 ml (¼ k) tamatiepassata (fyn gemaakte tamaties, kry dit by die geblikte tamaties in die supermark, dis gewoonlik in bottels)

Instructions

Voorverhit die oond tot 200 C.

Begin met die kapokaartappels. Kook die aartappels in gesoute kookwater tot sag. Dreineer en druk fyn, meng die melk en botter deur die aartappels. Geur met sout en peper. Hou eenkant.
Worsies: Sny met ’n skerp mes kepe in elke worsie. Kap die knoffel en salie fyn en rol elke worsie in die mengsel.
Pak die worsies op ’n bakplaat, sprinkel die olyfolie oor en rooster die worsies in die oond tot goudbruin.
Maak intussen die uie. Sny die uie oorlangs in dun skyfies en soteer in ’n middelslagpan tot sag. Voeg die balsemiekasyn by en kook dit af tot dik en stroperig. Voeg die botter en die tamatiepassata by en roer deur.
Sit die kapokaartappels met die worsies en gekaramelliseerde uie voor.

The post Varkworsies met gekaramelliseerde uie en kapokaartappels appeared first on rooi rose.

Mascarpone-kapokaartappels met bruinbotter

Rooi Rose — Mon, 24 Nov 2008 08:11:00 +0000

Mascarpone-kapokaartappels met bruinbotter

Serves: 6 Nutrition facts: 200 calories 20 grams fat

Ingredients

800 g (sowat 4 groot) aartappels, geskil en gesny
250 g (1 houertjie) mascarpone
100 g botter
growwe seesout en gemaalde swartpeper
Bruinbotter
100 g botter

Instructions

Sit die aartappels in ’n groot kastrol met koue water en kook vir sowat 15 min. tot sag. Dreineer.
Maak die aartappels fyn tot sag en glad. Voeg die mascarponekaas en botter by. Geur met sout en swartpeper.
Verhit die botter intussen in ’n kastrolletjie oor lae hitte vir sowat 3 - 4 min. tot dit net begin verkleur. Laat verbruin, maar wees versigtig dat dit nie brand nie.
Skep die bruin botter oor die kapokaartappels en sit voor.

The post Mascarpone-kapokaartappels met bruinbotter appeared first on rooi rose.