Vir so lank as wat sy kan onthou, vertel Melanie du Toit stories deur karakters, kuns en verhoogproduksies.

Dié Afrikaanse skrywer en sensasie op sosiale media, beter bekend as ‘Mel die Storieverteller‘ se komiese inhoud het al vir 270 000 TikTok-volgelinge gesorg.

Lees nog: Vyf-vinnige-vrae-Vrydag met die komedie-inhoudskepper Mel die Storieverteller

Sy het vanjaar haar eerste komiese eenvrouvertoning, ‘Almal is Mal!’ geskryf en opgevoer. Haar debuutvertoning in Mei by die Atterbury Teater in Pretoria het tot haar verbasing uitverkoop en nou het sy al meer as 40 keer hierdie vertoning regoor die land opgevoer.

“Ek dink die vertoning is so gewild omdat dit snaaks is en dit ‘n baie mooi boodskap oordra wat almal moet hoor,” meen sy.

Die komiese teks van Almal is Mal! gaan oor haar ervarings in Londen as ‘n 21-jarige ‘konserwatiewe meisie’ en hoe sy vinnig besef het dat almal in die wêreld eintlik mal is (party steek dit net baie beter weg as ander).  Mel deel humoristiese staaltjies oor die drie ‘wesens’ saam wie sy ‘n kamer moes deel, hoekom sy matte bo teëls verkies en die vier vlakke tydens ‘n partytjie. Sy stel ook haar dronk alter-ego, Melissa, in die vertoning voor.

“My grootste inspirasie vir my stories is mense en die mal dinge wat ons almal aanvang. My vertoning fokus op mense wat almal bietjie eienaardig is en mal dinge wil doen, maar hulself moet inhou omdat hul bang is vir ander se oordeel,” vertel sy.

Mel beloof om in 2024 aan te hou om gehore se lagspiere te oefen met die bekendstelling van haar tweede komiese stuk, ‘Dik Deurmekaar.’

Hierdie nuwe vertoning sal weereens die lyne tussen ‘stand-up comedy’ en ‘n verhalende eenvrouvertoning vervaag. In die stuk gesels en vertel sy van die eerste keer toe sy die sensasie van verwardheid in Juffrou Draak se klas ervaar het en hoe sy die res van haar skooljare moes vrede maak met die feit dat alles, veral matriekafskeide en haarstyle, ‘n “hengse deurmekaarspul” is. Mel lewer ook haar komiese opinie oor die onverstaanbare obsessie met visvang en ander mense se seksuele oriëntasie en deel snaakse waarnemings van ‘straight couples’, die landslied, slimfone en ‘fancy’ karre.

Die trouklokke lui ook vroeg volgende jaar vir dié komediant en haar verloofde, Ronald Welgemoed.

“Die lekkerste ding vir ons is dat ons dit presies soos ons wil, kan reël . Nie ek of Ronald hou van sukkel of admin nie.”

Die paartjie beplan dus ‘n nie-tradisionele naweektroue “sonder tierlantyntjies” in die Weskus, wat konvensies uitdaag en liefde op húl voorwaardes vier.

Behalwe vir haar komiese bekwaamheid, is Mel ook ‘n ekspressionis wanneer dit by mode kom. Sy moedig vroue aan om veral kleur sonder vrees te omhels.

“Hou op om bang te wees dat jy te veel aandag trek omdat jy nie dra wat almal dra nie. Wat is nou die ergste wat kan gebeur? Iemand gaan dalk vir jou sê jy lyk soos ‘n sirkus, maar as jy hou van die sirkus, dan doen jy dit vir jouself. Ons moet ophou vir mans of ander mense aantrek,” raai sy aan.

Mel glo dat die sleutel tot die inkorporering van kleur klein kan begin – met kleurvolle oorbelle of skoene met ‘n motief op.

Volg haar op TikTok, Instagram en Facebook!

Lees ook: 10 redes waarom jy die Januarie-uitgawe van rooi rose móét lees!

The post Mel die Storieverteller: Van TikTok na Teater appeared first on rooi rose.

Nóg Suid-Afrikaanse bekendes en hul troetelkinders! – Deur Zoë Salzwedel. Hooffoto: Pixabay

Lees ook: Plaaslike bekendes en hul troetelkinders!

Zak Hendrikz

Die gewilde akteur, vervaardiger en regisseur is mal oor donkies – tot dié mate dat hy selfs met hulle boer! Zak en sy vennoot, Jesse Christelis, se plaas en onderneming is op ’n kleinhoewe buite Randfontein geleë waar hulle met donkies van ’n baie skaars en gesogte bloedlyn teel – ’n bont donkie met blou oë.

Saam het Zak en Jesse in 2012 The Donkey Diary gestig, en ook besluit om voorheen mishandelde donkies te koop en te rehabiliteer. Teen Oktober 2016 het Zak en Jesse (persoonlik) meer as 250 donkies gerehabiliteer en uitgeplaas. Dié taak val onder hul sekondêre maatskappy, Donkeys and dwarf goats SA.

The post Nóg Suid-Afrikaanse bekendes en hul troetelkinders! appeared first on rooi rose.

Celeste Barber: Instagram-ster en internasionale sensasie! – Deur Zoë Salzwedel. Hooffoto: Instagram: @celestebarber

Die gewilde sosiale media-platform, Instagram, het al soveel male aan ons bewys presies hoe wild en vreemd dit werklik kan wees… Híér kry jy iets van alles – van bekendes se vreemde portrette en modelle se waaghalsige fotosessies tot influencers se wilde video’s en interessante lewensraad.

En dis hoeka een van dié influencers wat ons aandag getrek het. Celeste Barber, ma van vier, skrywer, komediant en Instagram-ster, het die internet behoorlik aan die gons met haar snaakse #CelesteChallengeAccepted-reeks. Celeste het in 2015 dié reeks begin en het byna oornag ’n internasionale sensasie geword – en gebly.

Celeste plaas sy-aan-sy foto’s van haarself (en soms van haar man) langs die bisarre beelde van bekende persoonlikhede en modelle. Sy wys vir jou presies hoe vreemd bekendes dikwels kán wees! Háár weergawes van bekendes se foto’s is altyd ’n treffer, gevul met realisme en ’n goeie sin vir humor.

In ’n artikel met My Modern Met vertel Celeste dat sy die #CelesteChallengeAccepted begin het as ’n “pret eksperiment om te sien hoe dit sal lyk as ’n gemiddelde persoon haarself afneem terwyl sy rykmens-dinge doen”.

Dié konsep lewer egter skreeusnaakse resultate wat die absurditeit van die oorspronklike foto versterk. Niemand spring die #CelesteChallengeAccepted vry nie, en niks is vir Celeste buite perke nie. Kyk ’n mens na haar Instagram-profiel sien ’n mens gereeld bekendes soos Justin Bieber, Gigi Hadid, Kim Kardashian, Beyónce en Jennifer Lopez waarmee die spot gedryf word.

The post Celeste Barber: Instagram-ster en internasionale sensasie! appeared first on rooi rose.

Sosiale media-influencers onder 25: Marko met ʼn K – Deur Zoë Salzwedel 

In ons nuwe reeks Sosiale Media-Influencers onder 25 gaan ons met ’n paar van Suid-Afrika se gewildste, invloedrykste en snaakse influencers onder 25 onderhoude voer. In ons vierde artikel in dié reeks gesels ons met die jong komediant en musikant, Marko Erasmus – beter bekend as Marko met ’n K!

“Ek is nog altyd die nar van die klas …”

Marko Erasmus is 18 jaar oud en woon al sedert hy drie is in Ellisras in Limpopo. Met meer as 45 200 volgelinge op Instagram, ’n goeie sin vir humor en sy liefde vir musiek, het Marko vinnig vir homself ’n naam gemaak onder die jongmense van Suid-Afrika – en hy maak seker dat hulle sy naam reg spel!

Sy kort komiese video’s het soos ’n veldbrand versprei omdat alledaagse mense daarby aanklank kon vind. In sy video’s dek hy onderwerpe wat wissel van hoërskoolprobleme tot die minder bekende voordele van ’n kleindorpse lewe. Ons gesels met Marko oor sy inspirasie, sy planne vir 2019 en waar dit alles begin het.

Wat geniet jy om in jou vrye tyd te doen?
Ek geniet dit om musiek te maak, klavier te speel en snaakse video’s vir my aanhangers in my vrye tyd te maak.

The post Sosiale media-influencers onder 25: Marko met ʼn K appeared first on rooi rose.

Voor hy in Jon Stewart se legendariese skoene inklim om The Daily Show in Amerika aan te bied, gee M-Net Movies Comedy (kanaal 104 op DStv) hierdie naweek aan kykers ’n driedubbele dosis van Noah.

“Dit is die ideale vermaak vir die langnaweek,” sê M-Net se hoof van publisiteit, Lani Lombard. “En om te verseker dat dit inpas in jou naweekplanne, gee ons jou meer as een opsie om deur die weergalose Noah vermaak te word.”

Op Vrydag, 24 April, vertoon M-Net Movies Comedy Trevor Noah: That’s Racist; Trevor Noah: It’s my Culture en Trevor Noah: African American agter mekaar van 19:15. Jy kan hierdie vertonings ook op Saterdag, 25 April, van 12:25 en Sondag, 26 April, van 14:55 sien.

Dit sal ook beskikbaar wees op die DStv Dstv Catch Up .

The post Kuier die naweek saam met Trevor Noah appeared first on rooi rose.