Definieer jou krulle

Rooi Rose — Fri, 21 Apr 2023 11:40:00 +0000

Waarom wil jy jou hare beskadig deur jou krulle reguit te blaas? Definieer dit eerder so:

Stap 1
Wend ’n produk wat krulle definieer op klam hare aan.

Stap 2
Draai stringetjies hare om jou vinger om ekstra definisie aan die krulle om jou gesig te gee.

Stap 3
Steek die krulletjies met ’n haarknippie om jou gesig vas en laat dit inbly terwyl jy grimeer of aantrek.

Stap 4
Haal die knippies uit en wend serum aan om daardie los, kroeserige haartjies te tem.

Wenke vir krullerige hare:

• Laat jou hare natuurlik droog word – haardroërs kan jou hare verder uitdroog en dit laat kroes.
• As jou hare deur die loop van die dag sleg begin lyk, maak jou hande nat en trek dit deur jou hare. Die water reaktiveer weer die produk.
• As jy jou hare heeltyd reguit maak, verloor jy definisie in jou krulle. Dit sal ’n rukkie duur voordat dit weer soos vroeër krul.
• ’n Ligte haarkleur kan jou krulle droër laat lyk.Gebruik ’n bevogtigende sjampoe
• Krulle lyk die beste as dit natuurlik gelos word. Jou borsel moet net in die stort gebruik word: Kam die koeke ná ’n was uit terwyl die opknapper nog in jou hare is. Spoel daarna met koue water af en gebruik opknapper wat jou hare voed en glans gee.

Probeer gerus hierdie produkte

Marc Anthony Strictly Curls Shampoo & Conditioner

Redken Ringlet (by uitgesoekte salonne)

Lees ook: Werk só met fyn hare

The post Definieer jou krulle appeared first on rooi rose.

Kry die perfekte krulle

Rooi Rose — Wed, 04 Jun 2014 22:00:00 +0000

Dit is nie altyd maklik om perfekte krulle te kry nie. Krulle wat hou, gedefinieer is maar steeds sag voel. Krulle wat nie te wild lyk nie, maar steeds vol lewe. Die volgende stappe wys jou hoe.

Dit het jy nodig

Curls & Waves Shampoo
Curls & Waves Conditioner
Curls & Waves Firm Hold Curl Cream or Light Hold Curl Cream

Stap 1

Was jou hare met Curls & Waves Shampoo en Conditioner, dit sal jou hare bevogtig en mooi laat blink. Maak seker jy spoel jou hare goed af nadat jy die opknapper gebruik het, aangesien enige oortollige produk jou krulle swaar sal maak en dus nie lank hou nie. Gebruik nou die Curls & Waves Light Hold, or Firm Hold Curl Cream en druk ’n 50 sent grootte se hoeveelheid in die palm van jou hand. Gebruik eerder eers minder room en voeg later by indien dit nodig is.

Stap 2

Vryf die krulroom deur al jou hare, van die wortels regdeur tot aan jou haarpunte. Definieer jou krulle en draai elke krul om en om jou vinger. Moenie ’n borsel gebruik nie, dit sal jou krulle laat kroes.

Stap 3

Gebruik nou die “diffuser” op jou haardroër en stel op ’n lae spoed en lae hitte en maak jou hare droog.

Stap 4

Sodra jou hare droog is, gebruik jou vingers om sagkens die krulle uitmekaar te trek om hul verder te definieer. Die Curl Cream sal jou styl in plek hou. Geniet jou krulle!

The post Kry die perfekte krulle appeared first on rooi rose.

krulle | rooi rose

Definieer jou krulle

Probeer gerus hierdie produkte

Kry die perfekte krulle