Die knusste kussings: Wat jy moet weet voordat jy weer kussings koop deur Salomé Delport. Hooffoto:  bruce mars  vir Unsplash

Jy slaap sleg. Wat is fout?

Dr. Dale Ray, senior navorser aan die Sport Science Institute of South Africa, sê mense skryf hul moegheid toe aan ’n verskeidenheid probleme, soos stres, angs, die menopouse, hul skildklier, koffie, medisyne of ’n maat wat snork.

“Intussen word slaapgemak te dikwels afgeskeep. Ons slaap jaar in en jaar uit op ons kussings, matrasse en beddegoed sonder om te besef hoeveel hulle in werklikheid tot jou nagrus bydra.”

Jou kussing sowaar ook?

Sy het ’n punt beet. Die meeste van ons skaf die beste matras aan wat ons kan bekostig. Maar kussings is ’n nagedagte, al is dit vyftig persent van jou gemak. Jy koop iets wat bekostigbaar is, sommer by die goedkoper huiswarewinkels.

En kyk net hoe jy verplig word om te kies. Niemand van ons word toegelaat om ’n kussing vooraf uit te toets nie. Hoe doen jy dit in elk geval? Jy kan nie kussings vir ’n proefslapie huis toe neem nie. Daar is waarskynlik nie eens ’n bed in sig waarop jy die kussing onder jou kop kan inwerk en “aanpas” nie. Daarby is die kussings meestal in plastiek verpak, wat die uittoets verder bemoeilik.

Die meeste van ons kyk maar na die prys. Baie van ons voel of die kussing hard of sag is. Heelwat van ons let meer op na die draadtelling van ons katoenkussingslope as na die kussing wat ons daarin sit. Net ’n paar van ons weet genoeg van vulsels sodat ons dit as ’n oorweging gebruik.

Gaynor Walker, eienaar van Granny Goose, en ’n beddegoedkenner soos min, deel met ons haar beste wenke vir die koop van ’n kussing.

iStock/fongleon356

Lees ook: Hou bekommernis oor werk jou wakker? Hier is die beste slaapraad

Eienskappe van ’n nommerpas-kussing

Jy kan kussing-koop soos bra-koop benader: sommer die naaste sportbra’tjie aanglip, of jou persoonlike mates gebruik om ’n hoogs geïndividualiseerde nommerpaskussing te koop.

Lees ook: Ons moet wakker skrik oor slaappille

1. Moet jy die nuwe, gemakliker kussingvorms probeer?

Die bekende reghoekige kussing het die afgelope dekade begin verander. Die nuwe vorms is nog skaars – ek het dit nog net by Granny Goose gesien.

Jy kry nou V-vormige kussings wat heerlik gerieflik vir syslapers is. Die punt van die V pas onder jou nek in, terwyl die arms van die V jou rug en maag ondersteun sodat jy nie vorentoe of agtertoe val nie. So help dit om jou rugwerwels en heupgewrigte in ’n gemaklike, stresvrye posisie te hou.

Daar is ook U-vormige kussings met twee superlang bene wat die kussing so lank soos jy maak. Die bene ondersteun ook jou rug, heupe en knieë. Hou jy daarvan om in die bed te lees, kan jy die bene terugvou sodat hulle arms vorm en amper soos ’n gemakstoel om jou pas.

Lees ook: 22 slaapprobleme met 22 slaapoplossings

iStock/ Demkat

2. Is die kussing breed genoeg vir jou?

Die meeste van ons het nog reghoekkussings. As jy ’n kussing koop, kyk ’n slag na die breedte van die reghoek. Jou kop moenie aan die bokant van die kussing “oorhang” nie. As jy ’n lang nek het, werk ’n breër kussing beter.

Lees ook: Hoe om jou matras skoon te hou

iStock/andresr

3. Watter vulsel werk vir jou?

Die vulsel bepaal hoe jou kussing voel – en maak ’n baie groot verskil aan hardheid, sagtheid, sweterigheid, allergie, hoogte en vormhouding. Hier gaan dit oor persoonlike voorkeure en die praktiese oorwegings wat vir jou belangrik is. Sommige laat jou makliker sweet terwyl ander jou lekker koel hou; party is ekovriendelik en disintegreer heeltemal ná jy dit weggegooi het terwyl ander verder bydra tot die plastieklading op Moeder Aarde.

Ná jy die lysie van jou voorkeure wat hier volg, deurgewerk het, lees in die kassie langsaan watter vulsel aan jou vereistes sal voldoen.

Lees ook: Allergies vir stofmyte? Hier is 14 plekke waar hulle in jou huis skuil …

iStock/kate_sept2004

4. Is die kussing die regte hoogte?

Jou slaapposisie en jou skouerbreedte bepaal hoe hoog jou kussing moet wees.

Iets oor jou slaapposisie: in die ideale slaapposisie lê jou nek-werwels en rugwerwels in ’n reguit lyn. (As jy so lê, is die kans dat jy snork ook op sy kleinste.)

Prakties beteken dit dat as jy op jou rug slaap, jy ’n plat kussing nodig het, terwyl mense wat op die sy slaap, ’n kussing nodig het wat die hele ruimte tussen die skouerknop en die nek vul sodat jou nekwerwels met gemak in ’n reguit lyn rus.

Lees ook: Wat elke vrou moet weet oor slaap en menopouse

iStock/penkanya

5. Hou jy van ’n veerkragtige of plat kussing?

Jou kop, vertel Gaynor, weeg 4 -5 kg. Dit is soveel as vier tot vyf liter melk. Jou kussing moet dus ’n taamlike gewig kan hanteer.

’n Vulsel wat baie met lug opgepof is, gaan binne weke deur jou kopgewig platgedruk wees. Dit kan werk vir rugslapers, wat juis ’n taamlike plat kussing soek.

Syslapers soek ’n vesel wat veerkragtig is en kan “terugdruk”, soos dons, vere, memory foam en lateks.

Balvesels kan ook werk, mits die kussing so styf gestop is dat die balletjies nie sywaarts wegrol nie.

Lees ook: 6 oplossings tot 6 slaapprobleme

iStock/AnnaRise

6. Hoe sag moet jou kussing voel?

Moet jou kussing meegee, of hard wees? Dit is ’n persoonlike keuse. Al wat belangrik is, is dat dit jou ruggraat ondersteun sodat die werwels in ’n reguit lyn lê.

Harder kussings is van soliede materiaal gemaak, soos lateks, of kan net voller gestop wees, soos met dons, vere, mikrovesel of enige van die ander stopmateriale.

Lees ook: Snork is oukei, maar wat van slaapapnee?

iStock/AleksandarNakic

7. Hoeveel kussings verkies jy?

Twee, drie? As jy breë skouers het maar tog ’n sagte kussing verkies, werk dit die beste om ’n ferm kussing heel onder vir ondersteuning te gebruik, terwyl ’n sagter, dunner kussing jou die nodige, gemaklike sagtheid gee.

Baie mense slaap met ekstra kussings onder, of tussen die knieë, wat ook help om jou rugwerwels in die gesondste posisie te hou. ’n Kussing vir onder die knieë kan taamlik plat wees, terwyl ’n kussing tussen die knieë vir syslapers heelwat dikker gestop kan wees – min of meer so dik dat dit jou knieë so wyd soos jou heupe van mekaar lig.

Lees ook: Help! Ek kan nie slaap nie!

iStock/Alikaj2582

Meet jou skouerbreedte so

• Staan sylangs met jou skouer teen ’n muur.
• Vra iemand om die afstand van die muur tot agter jou oor te meet.
• Dit gee jou ’n taamlik betroubare skatting van hoe hoog jou kussing moet wees.

Lees ook: 6 oefeninge wat vir snork help

8 Sal die kussing jou laat sweet?

Sommige van die sintetiese materiale laat jou sweet – loer na die lys hieronder om jou hiermee te help.

Die materiaal waarmee die kussing oorgetrek is, het ook ’n uitwerking hierop. ’n Vulsel in ’n sintetiese kussingsak sal jou beslis baie meer laat sweet as ’n sak van katoen.

Let ook op na jou kussingsloop: katoen is altyd die koelste, terwyl satyn, sy of poliëster jou kan laat sweet.

Lees ook: Koop slim: Die 5 belangrikste beleggings vir jou huis

iStock/AntonioGuillem

Die gewildste kussingvulsels

Dons en vere

Baie gemaklik en ekovriendelik maar sommige mense is allergies hiervoor. Terloops, dit is nie waar dat ’n mens net vir vere en nie vir dons allergies kan wees nie. Nog ’n feit oor dons- en verekussings: hulle ís wasbaar.

Lees ook: Is ek regtig allergies vir vlooibyte?

Batting

Aanvanklik heerlik sag en maak ’n taamlike hoë kussing maar jy slaap dit gou plat en hard. Die word ook hard en knopperig wanneer dit gewas word.

Balletjievesels (soos Unicurl)

Sag, gemaklik, koel en wasbaar. Die kussings moet styf genoeg gestop wees vir genoeg hoogte en om te keer dat die vesels onder jou kop wegskuif.

PET

’n Groen keuse omdat dit van gebruikte plastiekkoeldrankbottels gemak word. Nogtans ’n baie gemaklike, donssagte kussingvuller.

iStock/Sonja Rachbauer

Mikrovesels (soos FossaFlakes en Primaloft)

Gemaklike, donssagte, koel, veerkragtige kussings. Kan asemhaal en water wegvoer, wat sweet keer.

(Mikrovesels kan van verskeie sintetiese vesels gemaak wees. Die term beteken net dat die veseldraadjies superdun is – dunner as sydraad, wat ook net ’n vyfde van ’n haar se dikte is. Hierdie draadjies is uiters sag, elasties en sterk.)

Lateks

Nog ’n groen keuse, omdat dit van rubber van die rubberboom gemaak word. Die kussing bly gewoonlik so hoog as wat dit was toe jy dit gekoop het terwyl jy daarop slaap. Ferm, gemaklik en wasbaar, sou jy ’n stywe kussing verkies.

Lees ook: Wat almal moet weet oor sinus- en stofmytallergie

Poli-uretaan

’n Warm kussings wat jou kan laat sweet. Dit word op twee maniere in kussings gebruik:

1. Memory Foam: Die vulsel is gevorm om altyd terug te spring en verseker ’n ferm, taamlik stywe kussing.
2. Skuimspons: ’n Vulsel van allerhande soorte spons wat fyn opgesny is. Gemaklik mits die skuim egalig en fyn gesny is, of klonterig as die skuim te grof gesny is. Die kussing moet ferm gestop wees om goeie ondersteuning vir jou kop te verseker.

Lees ook: 22 Slaapprobleme, 22 oplossings.

The post Die knusste kussings: Wat jy moet weet voordat jy weer kussings koop appeared first on rooi rose.

Dieselfde is ’n nee-nee

Strooikussings wat ooreenstem met die bank is 80’s en outyds! Strooikussings is die ideale manier om al die kleure en patrone in ’n kamer saam te voeg. Probeer om pret te hê met jou keuse van strooikussings. Gebruik dit om kleur, tekstuur en patrone te meng en ’n tema te skep wat ’n ware weerspieëling van jou eie persoonlike gevoel en styl is.

Plasing is belangrik

Strooikussings kan ’n spasie verander, afhangende van waar dit geplaas word. Jy kan groepies van verskillende groottes saam plaas, of vir ’n meer eenvormige voorkoms kan jy kussings kies wat almal dieselfde grootte is. Wanneer die kussings in groepe verdeel word, groepeer dit in pare of onewe getalle. Dit is ook ’n goeie idee om die kussings op ’n manier te rangskik waar daar ’n soort simmetrie in die reëling vir optimale visuele impak is.

Kies jou palet

Die keuse van een of twee soliede kleure werk goed, of anders kan jy twee verskillende patrone of teksture kies vir ’n effektiewe en opvallende voorkoms. Maak seker dat jy altyd kleure kies wat met jou bank ooreenstem, maar harmoniseer dit met jou vloerbedekking, gordyne en ander dekor-elemente.

Die styl sal die nommer dikteer

Vir meer tradisionele dekor, is dit die beste om te hou by ’n eweredige hoeveelheid strooikussings. Die maklikste manier om dit te bereik is om twee ooreenstemmende soliede kleure te kies en dit in die hoeke van die bank te plaas. Kies dan twee kleiner ooreenstemmende patrone en plaas dit voor die twee groter kussings. Vir ’n driesitplek-bank, kies vyf verskillende strooikussings met verskillende patrone en ander bypassende eienskappe.

Lees ook: 5 maniere om kamers groter te laat lyk

The post Stilering met strooikussings: Wenke om jou spasie te vervolmaak appeared first on rooi rose.

Het jy al met ’n “slaap-plooi” op jou gesig of nek wakker geword? Hierdie is ’n klein indikasie van hoe ons vel beskadig word terwyl ons saggies lê en slaap. Wanneer ons op beddegoed soos katoen of linne slaap, kry ons sulke ongewenste “slaap-plooie”. Hierdie “harde” materiale trek ook vog uit ons hare en vel, waar egte sy se eienskappe baie nader is aan ’n mens se vel, dus beskadig dit nie jou vel nie.

Dit is boonop beter om op ’n sy kussingsloop te slaap wat haarverlies gedurende slaap ook verminder.

’n Sy-kussingsloop voorkom gesig- en slaapplooie gedurende jou nagrus: die gladde oppervlak laat jou vel toe om oor die kussing te gly in plaas daarvan om vasgetrek te word. Jou vel is ook meer gehidreer omdat ’n sy kussingsloop nie al die vog uit jou vel absorbeer nie. Die sy kussingsloop hou dus jou velprodukte op jou gesig en word nie in die kussingsloop ingetrek nie.

Ons sê, probeer die Silk Lady Pillowcase (www.thesilklady.com)

The post Slaap sysag appeared first on rooi rose.