Foto’s: Nardus Engelbrecht

Die gesogte kykNET Silwerskermtoekennings vir Film en TV is tydens ’n uitskieter-gala op Saterdag 31 Augustus by die Kaapstadse Internasionale Konferensiesentrum (Kiks) oorhandig.

Vanjaar is die gesogte Silwerskermbeeldjies weer uitgedeel aan akteurs, aanbieders en persoonlikhede wat tussen 1 April 2023 en 31 Maart 2024 vir uitmuntende vermaak op die kykNET-kanale gesorg het.

Foto: Nardus Engelbrecht

Daar is ook erkenning gegee aan legendes in die vermaaklikheidswêreld. Hans Strydom, wat al van 1973 af diep spore in veral Afrikaanse flieks getrap het en die patriarg At Koster in Binnelanders speel, en die veelsydige Denise Newman, deesdae veral bekend vir haar ikoniese rol as Bridgette in Suidooster, is beide vir hul lewensbydraes vereer. Die TV-vervaardiger Roberta Durrant is ook vir haar lewenslange toewyding aan die bedryf gehuldig.

“Film en TV is soos twee kamers van kykNET se hart,” sê Waldimar Pelser, M-Net-kanaaldirekteur: Premium-kanale. “Die een kan nie gesond wees sonder die ander nie. Om hierdie twee kommersiële kunsvorms te verenig by ’n toekenningsaand is nie net heerlik nie, maar ook noodsaaklik.

“Dit is ook baie bevredigend om te sien hoeveel skeppers van Afrikaanse inhoud hul hand aan albei waag – filmmakers wat TV maak en andersom. Die sukses daarvan neem ons bedryf vorentoe. Dit is belangrik om erkenning te gee aan almal wat met min hulpbronne wonderwerke op skerm verrig.”

Foto: Nardus Engelbrecht

Boonop vier kykNET vanjaar ’n kwarteeu van vermaak, hoofsaaklik gemik op die Afrikaanse mark. In die kanaal se bestaan van 25 jaar het dit so deel van huishoudings geword soos biltong en beskuit.

Waldimar beskou TV by uitstek as ’n spanpoging en het groot lof vir kykNET se vennote wie hy as meesters van storie, kinematografie, sakeplanne, ondersoekwerk, vermaak en van oplossings soek en vind, beskryf. “Op 25 sê ons uit die hart dankie vir die ure, die idees, die aandag aan detail, en die liefde wat ons deel met ons kykers. Dankie dat julle kykNET saam gebou het.”

Die toekenningsaand was ’n glansryke affêre soos min, iets wat selde op so ’n groot skaal op eie bodem ervaar word.

Leon van Nierop, Anlie Janse van Rensburg en Werner Klopper. Anlie, ons redaktrise, dra ‘n Carike Nel Designs-skepping.

DIE WENNERS IN DIE TV-KATEGORIE IS: 

Beste byspeler in ’n komedie 

• Taktiek – Mandri Sutherland 

Beste aanbieder in ’n vermaaklikheidsprogram 

• Wie word ’n miljoenêr? – Rian van Heerden 

Beste aanbieder in ’n leefstylprogram 

• Ommighellie – Frazer Barry 

Beste nuweling in ’n telenovela of sepie 

• Wyfie – Mienke Ehlers 

Foto: Nardus Engelbrecht

Beste akteur in ’n komedie 

• Taktiek – Bennie Fourie 

Beste aktrise in ’n komedie 

• Magda Louw – Desiré Gardner 

Beste aanbieder in ’n realiteitsprogram 

• In die sop – Bertus Basson 

Foto: Nardus Engelbrecht

Beste ensemble-aanbiederspan 

• Toks en Tjops – Breyton Paulse, Hamilton Wessels, Rika Nieuwoudt, Rikus de Beer, Janina Oberholzer, Jean de Villiers, Jonathan Mokuena, Jannie du Plessis, Tommy Dickson (Chef Vaatjie) 

Beste byspeler in ’n telenovela of sepie 

• Wyfie – Marguerite van Eeden 

Beste manlike byspeler in ’n drama 

• Koek – Dawid Minnaar 

Beste vroulike byspeler in ’n drama 

• Koek – Sandra Prinsloo 

Beste aanbieder in ’n joernaalprogram 

• Prontuit – Kabous Meiring 

Beste aanbieder in ’n dokumentêre realiteitsprogram 

• Grondpad geloof – Dana Snyman 

Beste aanbieder in ’n geselsprogram 

• Hannes aan huis – Hannes van Wyk 

Beste aanbieder in ’n aktuele program 

• In gesprek – Lourensa Eckard 

Beste akteur in ’n drama 

• Koek – Jacques Bessenger 

Foto: Nardus Engelbrecht

Beste aktrise in ’n drama 

• Koek – Cindy Swanepoel 

Foto: Nardus Engelbrecht

Beste aktrise in ’n telenovela of sepie 

• Suidooster – Jill Levenberg 

Beste akteur in ’n telenovela of sepie 

• Arendsvlei – Jody Abrahams 

Persoonlikheid van die Jaar 

• Rachelle Fourie 

DIE WENNERS IN DIE SPEELFILM-KATEGORIE IS: 

Beste draaiboek van ’n speelfilm 

• Som van twee – Simoné Pretorius 

Foto: Nardus Engelbrecht

Beste oorspronklike klankbaan in ’n speelfilm 

• Som van twee – Snoozefest, Hunter Kennedy 

Beste klankontwerp in ’n speelfilm 

• Die Kwiksilwers – Sound Surgeon Studios, Morné Marais 

Beste kinematografie in ’n speelfilm 

• Hier.Na – Ebrahim Hajee 

Beste redigering in ’n speelfilm 

• Som van twee – Dries Scholtz 

Beste grimering en haarstilering in ’n speelfilm 

• Die Kwiksilwers – Hanri Neethling 

Beste kostuums in ’n speelfilm 

• Hier.Na – Ayesha Khatieb 

Beste manlike byspeler in ’n speelfilm 

• Som van twee – Pierre Breytenbach 

Beste vroulike byspeler in ’n speelfilm 

• Hier.Na – Trudy van Rooy 

Beste regie in ’n speelfilm 

• Som van twee – Simoné Pretorius 

Foto: Nardus Engelbrecht

Beste akteur in ’n speelfilm 

• Som van twee – James Borthwick 

Beste aktrise in ’n speelfilm 

• Hier.Na – June van Merch 

Beste speelfilm 

• Som van twee 

DIE WENNERS IN DIE KORTFILMS-KATEGORIE IS: 

Beste draaiboek van ’n kortfilm deur ’n opkomende filmmaker 

• Marie se laaste dag – Mercy Kannemeyer en Lourensa Eckard 

Beste regie van ’n kortfilm deur ’n opkomende filmmaker 

• Die Skynwerper – Dewet van Rooyen 

Beste kortfilm deur ’n opkomende filmmaker 

• Marie se laaste dag 

Beste kinematografie in ’n kortfilm 

• Marie se laaste dag – Tom Marais 

Beste redigering in ’n kortfilm 

• Baas se honne – Leon Visser 

Beste akteur in ’n kortfilm 

• Die Skynwerper – Ben Albertyn 

Beste aktrise in ’n kortfilm 

• Selah – Erica Wessels 

Beste Shotgun-kortfilm 

• Baas se honne 

DIE WENNERS IN DIE DOKUMENTÊR-KATEGORIE IS: 

Beste kort dokumentêr 

• Maak stil die geblaf 

Beste regie in ’n kort dokumentêr 

• Maak stil die geblaf – Marisa van Tonder 

Beste redigering in ’n kort dokumentêr 

• Vergeet van my – Pierre-Arnold Theron 

TOEKENNINGS VIR LEWENSBYDRAE: 

• Denise Newman (aktrise) 

• Hans Strydom (akteur) 

• Roberta Durrant (TV-vervaardiger) 

FEESGUNSTELING 

• Die Kwiksilwers 

Die 12de kykNET Silwerskermfees is moontlik gemaak deur Openserve en die Stad Kaapstad.

Lees ook: EKSKLUSIEWE FOTO’S: Donnalee Roberts vier veertig keer om die son!

The post kykNET Silwerskermtoekennings vir Film en TV: Hier’s vanjaar se wenners! appeared first on rooi rose.