Stadig geroosterde lamsblad op karamel-piekeluitjies

Rooi Rose — Tue, 31 Mar 2015 22:00:00 +0000

Stadig geroosterde lamsblad op karamel-piekeluitjies

Serves: Genoeg vir 6 Nutrition facts: 200 calories 20 grams fat

Ingredients

500 g piekeluitjies, geskil
2,25 kg lamsblad met die skenkelbeen aan
3 knoffelhuisies, in kwarte gesny
12 roosmaryntakkies
60 ml olyfolie
Maldon-sout

Instructions

Verhit die oond tot 150 °C.
1 Sit die piekeluitjies in die oondpan. Geur met sout en sprinkel olyfolie oor, hou eenkant.
2 Sit die lamsblad op ’n skoon werksvlak en sny met ’n skerp messie oraloor klein kepies in die vleis.
3 Druk ’n stukkie knoffel en ’n takkie roosmaryn in elke kepie. Vryf die hele blad in met Maldon-sout.
4 Sit die vleis op die piekeluitjies en sprinkel olyfolie oor. Bedek met foelie en bak vir 3½ tot 4 uur.
5 Haal die foelie af en bak verder by 170 °C tot die vleis murgsag is en met ’n vurk van die been afgetrek kan word.

The post Stadig geroosterde lamsblad op karamel-piekeluitjies appeared first on rooi rose.

Gerolde lamsblad met tiemiesous en groenboontjies

Rooi Rose — Wed, 15 Jul 2009 13:12:00 +0000

Gerolde lamsblad met tiemiesous en groenboontjies

Serves: Genoeg vir 6 Nutrition facts: 200 calories 20 grams fat

Ingredients

2 kg lamsblad, ontbeen
’n hand vol vars tiemie
sout en gemaalde swartpeper
500 ml (2 k) witwyn
400 ml rooiwyn
250 ml (1 k) preie, gekap
250 ml (1 k) wortels, gekap
250 ml (1 k) seldery, gekap
3 knoffelhuisies
’n hand vol vars tiemie
2½ liter (10 k) goeie aftreksel
500 g vars groenboontjies
15 ml (1 e) olyfolie
3 knoffelhuisies, gekneus
6 skyfies gegeurde botter (sien resep)

Instructions

Voorverhit die oond tot 160 ºC.
1 Geur die lamsrol met sout en gemaalde swartpeper en strooi tiemie oor. Rol stewig op en bind met kombuistou vas.
2 Verhit die olie in groot, oondvaste swaarboomkastrol en braai die lamsblad alkant tot goudbruin. Haal uit en hou eenkant.
3 Soteer die preie, wortels, seldery en knoffel tot goudbruin en sag. Voeg die wyn by en laat tot omtrent die helfte afkook.
4 Voeg die aftreksel en tiemie by en sit die vleis terug in die kastrol. Bedek en sit vir sowat 3 uur in die oond. Haal die vleis uit en hou eenkant.
5 Afgekookte tiemiesous: Gooi die vloeistof in die kastrol deur ’n sif of moeseliendoek en verhit in ’n middelslagkastrol. Bind ’n bossie tiemie met kombuistou vas en sit in die vloeistof. Laat tot die helfte afkook, verwyder die tiemie en hou eenkant.
6 Dompel die groenboontjies in borrelende kookwater en laat vir sowat 1 min. staan. Haal uit en sit onmiddellik in yskoue water. Dreineer.
7 Verhit die olyfolie in ’n pan en soteer die knoffel vir sowat 1 min. daarin. Haal die knoffel uit en voeg die boontjies by. Soteer tot die boontjies lekker warm is. Sny die gegeurde botter in dun skyfies en sit net voor opdiening op die warm boontjies.
8 Sny die lamsblad in 8 mm-skywe en sit voor met tiemiesous, groenbone en brosgebraaide aartappels.

The post Gerolde lamsblad met tiemiesous en groenboontjies appeared first on rooi rose.

lamsblad | rooi rose

Stadig geroosterde lamsblad op karamel-piekeluitjies