As daar nou een program is wat die vlammetjie van hoop in dorpies regoor die land aangesteek het – ’n vlammetjie wat al hoe helder, wyer en sterker brand – is dit kykNET se lewensveranderende werklikheidsreeks, Lottoland help ’n dorp.

Tot nou toe het 44 dorpe regoor Suid-Afrika baat gevind by hierdie ongelooflike projek. Dis nie net praatjies nie, danksy Lottoland help ’n dorp is daar meer s R30 miljoen in die platteland belê. Ongelooflik!

Nou kan jóú dorp ook deel van hierdie projek word, ’n projek wat op so ’n positiewe manier verandering in gemeenskappe bewerkstellig, ’n projek wat grense afbreek en mense laat hande vat vir die groter prentjie: die voortbestaan en vooruitgang van kleiner dorpies in die land.

Ses dorpe gaan gekies word om hulle dorp op die beste moontlike manier aan die land bekend te stel. Dink net wat kan alles met ’n maksimum begroting van R1 miljoen in jou dorp verrig word.

Nog nie oortuig nie? Kyk net na ’n paar van die suksesverhale wat reeds deur kykers gesien is.

Een van die beste voorbeelde is Coligny in Noordwes, die dorpie wat voor Lottoland help ’n dorp se hulp as die “dorpie wat in duie gestort het” bekend gestaan het. Dit was ook die dorp wat vir al die verkeerde redes die nuus gehaal het. Ná ’n R1 miljoen-inspuiting het die inwoners hul hoofstraat en dorpsingange opgeknap en die gemeenskap het saamgestaan en ’n nuwe storie vir hul dorp begin skryf.

In die Oos-Kaap het Rhodes met minder as 30 permanente inwoners ’n groot oplewing in besoekers én belangstelling in die dorp beleef.

Die impak van die nuwe sportterrein wat by Vanwyksdorp in die Klein-Karoo tot stand gebring is, het so wyd uitgekring dat die inwoners sélf hul huise met ’n vars lagie verf verfraai en die dorp verder begin opknap het.

Maar dis nie net in die dorpe waar daar winde van positiewe verandering waai nie. Buurdorpe klop gereeld aan vir hulp en leiding om ook dieselfde oplewing in hul dorpe te bewerkstellig.

Is jou dorp gereed om met groot visie, goeie beplanning en samewerking ’n merkwaardige omwenteling mee te bring? Wat belangrik is, is dat die projekte ook ’n duidelike visuele verskil toon – kykers en besoekers moet die verandering kan sien.

So skryf jy in:

• Stuur ’n e-pos na dankielottoland@gmail.com
• Inskrywings sluit 30 Januarie 2026.

Lees ook: Kokkedoor: Son & see skop af en die Stemmets wys hoe dit gedoen word!

The post Maak ’n plan en skryf jou dorp vir ‘Lottoland help ’n dorp’ se vyfde seisoen in! appeared first on rooi rose.

“Elegansie is nie moontlik sonder parfuum nie. Dit is die onsigbare, onvergeetlike, ideale bykomstigheid,” het Coco Chanel gesê. En ons stem saam! ’n Parfuum is soveel meer as net ’n geur – dit is ’n weerspieëling van jou styl, jou gemoed en jou geheime selfvertroue.

Ons het by van ons voorbladsterre gaan aanklop om uit te vind watter geur hul gunsteling is – en hoekom juis dié een hul hart gesteel het.

Die antwoorde is net so uniek soos die vroue self:

Rolene Strauss

“Ek het twee gunstelinge. Nomad van Who Is Elijah (ongelukkig is dit nie in Suid-Afrika beskikbaar nie) en Eau des Jardins van Clarins. Beide is lig, skoon en vars!”

Natasha Vermaak

“Jo Malone se Scarlet Poppy! Dit was my trouparfuum.  Jo Malone het ‘n paar jaar gelede vir my die parfuum gestuur en ek was dadelik mal oor die unieke reuk. Selfs na ek na hul winkel was om al hulle geure te ruik, was hierdie een steeds my gunsteling.  Dis fun, vibrant, diep en net ‘n joyful reuk!”

Cindy Swanepoel

“Ek is lief vir Bvlgari Omnia Crystalline! Dis skoon, sag en nie overbearing nie. Ek vra altyd vir Craig om vir Kersfees en my verjaarsdag net parfuum te koop. Hy dink dis vervelig, maar ek dink nie ‘n mens kan ooit genoeg hê nie!”

Leah

“The One van Dolce & Gabbana! Dit was ‘n geskenk van Hennie en ek het dit op ons troudag gedra. Dis vars, skoon, elegant en nie soet nie.”

Kate Roothman

“My gunsteling is Tom Ford se Bitter Peach! Dit is só ’n lieflike geur omdat dit ‘n perfekte balans tussen soet en sensueel tref. Dit het ’n speelse, aanloklike karakter, maar ook ‘n warmte en diepte wat elegansie bring. Dis nie net ’n parfuum nie, dis ’n hele mood! Elke keer wanneer ek dit dra, voel ek selfversekerd, gewaagd, en ’n bietjie misterieus. Dis daardie tipe geur wat in die vertrek agterbly na jy weg is. Ek is mal daaroor!”

Marlee van der Merwe

“Ek is gek oor CHANEL se Coco Mademoiselle. Dit is ‘n tydlose parfum en ruik effens anders in elke seisoen. Ek is ook mal oor Michael Kors se Signature, maar ‘n mens kry hom nie sommer meer in die hande nie. Dit was my troudag-parfuum en het ‘n sterk geur van jasmyn.

Rolanda Marais

“Ek is mal oor Comme des Garçons se parfuums, veral Comme des Garçons 2. Dit is unisex en ongewoon. Dan hou ek ook baie van die plaaslike handelsmerk Apartment se parfuums. Die naam van elke parfuum is so uniek! Dit is ook geskik vir mans én vroue.”

Desire Gardner

“My gunsteling-parfuum is nog al die jare DKNY Orginal Women. Ek is ‘n gewoonte-dier, so as ek eers van iets hou, bly dit ‘n gunsteling. Ek dink ek het dit die eerste keer op skool geruik en was dadelik mal daaroor.  Mense wat my goed ken, assosieer my met hierdie heerlike vars reuk.  Die parfuum is vir my nostalgies en herinner my aan my jonger self en dis altyd lekker om aan jou jonger self herinner te word!”

Nadia Beukes

“Ek is nog altyd mal oor die die geur van Dior se J’adore en die storie agter die ontwikkeling en komposisie daarvan. J’adore wat “I love” beteken was ook die eerste geskenk wat my man, David vir my gegee het toe ons nog uitgegaan het. Hy was oorsee en het al die pad van Parys vir my ‘n bottel van hierdie Franse parfuum saamgebring. Dit was toe natuurlik ook die parfuum wat ek op my troudag gedra het.”

Leandie du Randt

“Bvlgari Allegra Biaciami. Mense se altyd vir my ek ruik ryk as ek dit aanhet! Dit laat my bold en selversekerd voel!”

Lees ook: 10 redes waarom jy rooi rose se Julie-uitgawe móét lees!

The post Ons voorbladsterre verklap hul gunsteling-parfuum! appeared first on rooi rose.

Nadia se bloeityd 

Sy is geseënd om ma-wees met  ’n loopbaan te kan kombineer danksy die hulp van haar man, oumas en oupas, en ’n wyer ondersteuningstelsel. Skuins ná 40 blom dié aktrise en sangeres, Nadia Beukes, in elke rol wat sy aanpak.  

Wen ’n handgemaakte diamant-en-platinumring

Een gelukkige leser kan ’n unieke en tydlose ring ter waarde van R27 500 van die juwelier Schermans wen!  

Bekendes oor ma’s en Moedersdag: Dorette Potgieter, Leah en Therese Bam

Vir ’n wyle het dinge effens broekskeur gegaan, maar vandag tel Dorette Potgieter haar seëninge en is dankbaar dat daar harmonie in haar lewe, loopbaan en persoonlike lewe is 

Koolhidrate vir kouer weer      

Koolhidrate soos pasta en aartappels is ideaal vir die kouer maande en jy kan dit gesond en gebalanseerd hou!  

Sluimerende siektes 

Daar is geen noemenswaardige simptome nie en niks wat daarop dui dat jy eintlik baie siek is nie. Wat moet jy van die sogenaamde ‘stille kankers’ weet?

Lees ook: Ons Moedersdaggeskenkgids: Kreatiewe geskenke wat wys jy gee om  

Kleure wat pas skep balans

Ontdek die geheim van ‘n harmonieuse kleurkombinasie wat jou uitrusting sal laat uitstaan.  

Veselryke soetgoed

Ons weet reeds hoe goed vesel vir jou cholesterol en maag is. Gelukkig hoef dit nie onaangenaam te smaak nie. Jy kan dit in ietsie soets ook geniet!  

Só lyk ’n vrou wat opstaan           

Herstel ná ’n lewe saam met ’n narsis is ’n lang pad met baie kronkels. Maar dit is moontlik. Jy moet gló. Jy moet probéér, skryf Ilse Verster in haar nuwe boek ’n Vrou staan op. Sy deel vier fases wat sy gebruik het om haar lewe ná 40 jaar se mishandeling deur ’n gewelddadige eggenoot te herbou.

Brei ‘n trui

 Een patroon, baie opsies! Druk jou eie stempel af met ’n basiese patroon.  

Vat die gap

Vir menige skoolverlaters is die besluit wat om ná skool te doen ’n reusekopkrapper. Dikwels is ’n gap-jaar dan ’n antwoord op die onsekerhede, maar wat kan tydens só jaar alles op die kaarte wees?

Lees ook: WEN ses bottels wyn van KWV!

The post 10 redes waarom jy rooi rose se Mei-uitgawe móét lees! appeared first on rooi rose.

The post Vrouemaand: rooi rose-voorbladsterre vertel wat dié maand vir hulle beteken appeared first on rooi rose.