Instructions

1 Sny 2 eiervrugte in ringe. Pak op ’n bakplaat uit. Sprinkel 15 ml (1 e) avokado-olie oor en geur met
sout. Rooster tot goudbruin, draai eenkeer om.
3 Verhit 15 ml (1 e) avokado-olie in ’n pan oor matige hitte.
4 Voeg 7,5 ml (1 ½ t) kaneel by 1 kg basiese bolognaise en gooi ’n blikkie lensies by.
5 Pak die bolognese en eiervrugskywe in lae in ’n oondvaste bak met ’n inhoudsmaat van 2 liter.
6 Meng 250 ml (1 k) dubbeldikjogurt, 1 groot eier en 100 g fyn gekrummelde fetakaas met kruie.
7 Gooi oor die bolognese en bak vir 25 min. in ’n voorverhitte oond van 180 °C, of tot goudbruin.

Instructions

1 Verhit die olie in ’n groot sopkastrol en braai die vleis daarin tot goudbruin.
2 Voeg die ui, knoffel, wortel, seldery, prei en botterskorsie by en braai vir 5 min.
3 Voeg die heel tamatie, water en lensies by. Die groente en vleis moet bedek wees met water, so afhangende van die grootte van jou kastrol, sal jy dalk nog water moet byvoeg.
4 Geur met die lourierblaar, ? bietjie sout en kook vir 15 min. Verlaag die hitte en laat prut vir 2 uur tot die lensies gaar is.
5 Strooi die pietersielie oor, roer een keer deur en sit met die parmesaan-doopstokkies voor.

Parmesaandoopstokkies

Voorverhit die oond tot 220 °C en voer ’n bakplaat met bakpapier uit.
1 Rol 1 rol blaardeeg liggies op ’n skoon, meelbestrooide werkvlak uit.
2 Verf liggies met eier, sprinkel die parmesaan oor en geur met paprika, swartpeper en sout.
3 Rol die ander rol blaardeeg op die meelbestrooide werkvlak uit. Verf liggies met eier en sit op die ander vel blaardeeg. Rol weer liggies uit.
4 Sny die deeg in ? netjiese reghoek. Sny in 2 cm-stroke en draai ’n paar kinkels in elke strook. Sit op die bakplaat en verf met die res van die eier, en strooi nog sout oor.
5 Bak vir 8-10 min. tot goudbruin. Haal uit en laat afkoel. Sit met die lensiesop voor.

Instructions

1 Verhit die olyfolie in ’n groot kastrol oor matige hitte. Braai die uie vir 5 min. daarin, of tot sag.
2 Voeg die knoffel, wortel en seldery by. Braai vir nog 5 min.
3 Voeg die speserye by en braai vir 2 min.
4 Voeg die tamaties, witwyn, hoenderaftreksel, heuning en lensies by.
5 Bring tot kookpunt, verlaag die hitte en laat prut vir 45 min. of totdat die lensies sag is. Geur met sout en swartpeper.
6 Verhit intussen die oond tot 200 °C. Sit die bene op ’n pan en bak vir 30 min. of tot goudbruin.
7 Haal die murg uit die bene en roer in die lensie-bredie in.
8 Sit die bredie met die oopgesnyde beentjies voor.

Instructions

Voorverhit die oond tot 180 °C.
1. Sprinkel die helfte van die olie oor die eiervrug en geur na smaak. Braai stuk-stuk oor matige hitte aan albei kante tot gaar. Hou eenkant tot benodig.
2. Verhit die res van die olie oormatige hitte in ’n groot pan en soteer die uie, knoffel en wortel vir 3 min. daarin tot sag.
3. Gooi die tamaties (en die sous), kaneel en lensies by en prut vir 10 min.
4. Roer die pietersielie deur en haal van die hitte af.
5. Pak die eiervrug en lensiemengsel in lagies en eindig met ’n lagie eiervrug.
6. Meng die jogurt, eier en feta en gooi oor die lensiemengsel. Bak tot die bolaag geset en goudkleurig is - sowat 40 min. vir individuele bakkies en ’n uur vir ’n gesinsgrootte bak.

Instructions

*Vat die slaaisous in ’n ander houer saam en gooi dit net voor ete oor, anders is die slaai teen daardie tyd al pap.

Slaaisous

• Meng 125 ml olyfolie, 60 ml witwynasyn, 10 ml heuning, 10 ml gekapte knoffel, 10 ml korrelmosterd en ’n knypie sout

Voorverhit die oond tot 200 °C
1 Sny die eiervrug in dik skywe en pak op ’n bakplaat uit. Gooi sout oor en sprinkel olyfolie oor albei kante.
2 Rooster vir 15-20 min. of tot goudkleurig en gaar, maar nie pap nie. Laat afkoel.
3 Pak die slaai: Begin met ’n handjievol blare in elke bottel, gevolg deur 2-3 skywe eiervrug, lensies, tamatiestukkies, ricotta en kruieblare.
4 Herhaal die lagies tot die bottel vol is. Gooi die slaaisous oor net voor julle eet.

Avokado-waatlemoen-en-feta-slaai

• ¼ van ’n klein waatlemoen, geskil en in blokke gesny
• 2 avokado’s, geskil, in blokke gesny en met suurlemoensap besprinkel
• 200 g feta, in blokke gesny
• 1 rooi ui, geskil en in fyn ringe gesny
• ’n hand vol vars koljander- en kruisementblare

1 Meng al die bestanddele en pak in glasbottels met deksels.
2 Gooi die slaaisous (resep bo) oor net voor julle eet.