Deur Amy Steenkamp. Foto’s: Getty Images

Rooibos vir lipsorg

Wanneer dit by die versorging van jou lippe kom, is natuurlike en doeltreffende bestanddele die beste om gesonde, plomp lippe te verseker.

Rooibos kry wêreldwyd aansienlik aandag as ’n bestanddeel wat natuurlike skoonheid bevorder. Dit is afkomstig van die blare van die Suid-Afrikaanse Aspalathus linearis-plant wat bekend is daarvoor dat dit ’n magdom voordele vir die vel, veral die lippe, bied.

Rooibos is bevogtigend. Die delikate vel op ons lippe kort ’n bietjie ekstra sorg, en rooibos verskaf die sagte voeding en beskerming wat dit nodig het.

Die voordele is merkwaardig. Rooibos se bevogtigende eienskappe voorkom dat jou lippe in koue weerstoestande (soos die winter waarin ons ons tans bevind) droog en gebars raak, en dit kan ook as ’n beskermende lagie gebruik word, wat vog verseël en jou lippe teen faktore soos wind, koue temperature en UV-strale beskerm.

Maak jou eie rooibos-lipskrop by die huis

• 2 t rooibos (as jy nie gedroogde blare byderhand het nie, breek ’n teesakkie oop en gebruik dit)
• 1 t klapperolie
• ’n Druppel heuning
• 2 t suiker

Meng bestanddele saam en jy het ’n heerlike rooibos-afskilferskrop!

Hoe om die skrop te gebruik:

1. Begin met skoon, droë lippe.
2. Plaas ’n klein hoeveelheid van die lipskrop op jou vingerpunt of ’n skoon lipborsel.
3. Masseer die skrop vir ongeveer 1 minuut in sirkelbewegings saggies op jou lippe. Die suiker- en rooibostee sal help om die dooie velselle af te skilfer, terwyl die heuning en klapperolie jou lippe sal bevogtig en voed.
4. Spoel die skrop met warm water af.
5. Wend nou ’n lipsalf of bevogtiger aan om jou lippe bevog en sag te hou.
6. Onthou, hierdie tuisgemaakte lipskrop is slegs vir eksterne gebruik. Dit is altyd ’n goeie idee om ’n pleistertoets te doen voordat jy iets op jou lippe aansit, veral as jy ’n sensitiewe vel het of vermoed dat jy allergieë vir enige van die bestanddele het.

Die voordele van rooibos

• Dit is kafeïenvry.
• Dit verhoog hartgesondheid.
• Dit help met slaap.
• Dit spog met anti-inflammatoriese eienskappe.
• Hierdie trots Suid-Afrikaanse juweel kan ’n natuurlike, doeltreffende oplossing bied vir die handhawing van die gesondheid en skoonheid van jou vel en lippe.

Geniet jou rooibos-lipskrop!

Lees ook: Velsorg vir mans

The post Die geheim van sagte lippe? Rooibos! Probeer hierdie skrop appeared first on rooi rose.

Die Revlon ColorStay Satin Ink-reeks se langdraende formule is verbasend gemaklik, droog nie uit nie en bevat buigsame kleurtegnologie wat nie kraak of vervaag nie. Dis waterbestand en bedek die lippe in een stap vir tot 16 uur se gemaklike kleur.

Slim, eksklusiewe toediener

Die sagte toediener met sy punt maak voorsiening vir presiese aanwending en egalige kleurverspreiding.

Buigsame formule

Buigsame kleurtegnologie laat die formule saam met die lippe beweeg, wat krake of skilfering voorkom.

Langdra en lewendige kleur

Die formule bevat ‘n gekonsentreerde pigment eksklusief tot Revlon wat tot 16 uur se kleur toelaat.

Een-stap kleur en gemak

Verryk met antioksidantryke swartbessie-saadolie wat verseker dat die formule gemaklik op die lippe voel.

Revlon se beste wenke vir jou lippe:

• Vind jou perfekte neutrale lipskakering deur ’n kleur te soek wat die naaste aan jou natuurlike lipkleur is.
• Om jou lippe met ‘n ColorStay-lipomlyner te omlyn voordat lipstiffie aansit, sal ‘n presiese aanwending verseker.
• As jy die hele dag lipstiffie gedra het, maak seker dat jy jou lippe met ’n voedsame lipsalf behandel voor slaaptyd.
• Sit jou lipstiffie op van die middel van jou lippe na buite vir ‘n egalige aanwending.
• Verwyder langdraende lipstiffie-formules deur ‘n bietjie klapperolie op watte te drup. Vryf liggies oor die lippe en wag ‘n minuut of twee. Die lipstiffie sal moeiteloos afgly.

Beskikbaar in 10 nuwe hoë-impak skakerings:

Dis teen R199-95 aanlyn beskikbaar of by uitgesoekte apteke en winkels landwyd.

Lees ook: 20 Wenke vir #fotomooi-grimering

The post Revlon se ColorStay Satin Ink-reeks brei uit! appeared first on rooi rose.

Vraag
My lippe word al dunner namate ek ouer raak. Is daar ’n behandeling of produk wat my lippe voller sal laat lyk?

Antwoord
Dit is ’n algemene probleem by ouer vroue, veral by dié wat reeds ’n dun liplyn het. ’n Plastiese chirurg kan die lippe met vullers voller laat lyk. Hierdie behandeling is nie indringend nie en vereis ook nie ’n lang hersteltyd nie. Chirurge gebruik hialuroonsuur soos Juvederm, Restylane, Teosyal en Esthelis om die fyn lyntjies op te plomp sodat die lippe voller lyk. Laat doen dié prosedure by ’n dokter sodat jy nie dalk met té vol lippe sit nie.

Botoks word ook baie gebruik, so ook topikale behandelings wat groeihormone bevat wat die fyn lyntjies verminder. Ek stel voor dat jy ’n deeglike analise by ’n dokter laat doen sodat jy die verskillende behandelings kan bespreek en besluit wat aan jou behoeftes voldoen.

*Isabel Roos, uitvoerende direkteur van die Isa Carstens Akademie in Stellenbosch en Pretoria

The post Kry voller lippe só appeared first on rooi rose.

Ons lip-lekker wenke!

• Jou lipstiffie lyk beter op jou lippe as jy gereeld lipsalf aanwend (vermy só krakerige, droë lippe).

• As jy gedurig in die son is, gebruik ’n lipsalf met ’n SBF-faktor om die vel op jou lippe te beskem.

• Hidreer gereeld jou lippe met lipsalf om dehidrasie en plooie wat daarmee saamgaan te vermy. Onthou voller lippe lyk jonger!

• As jou lippe baie droog is en lipsalf nie vir jou werk nie, gebruik ’n bietjie suiker en Vaseline en skrob saggies jou lippe daarmee. As jy nie suiker wil gebruik nie, gebruik ’n tandebrosel om saggies die dooie velletjies van jou lippe af te skrob.

1. Avon Care Repairing Lip Balm
2. Clarins Moisture Replenishing Lip Balm
3. Eucerin Intensive Lip Balm
4. Kiehl’s LIP BALM #1
5. African Extract Rooibos Nourishing Lip Balm

Getint

6. Palladio Naturally Brone Tinted Lip Balm
7. Essence Kiss Care Love Lip Balm
8. Maybelline Baby Lips

Gegeur

9. Crabtree & Evelyn Citron, Creme & Honey Lip Butter

Teenveroudering

10. Dermalogica Age Smart Renewal Lip Complex

The post Versorg jou lippe só appeared first on rooi rose.