Instructions

1 Voorverhit die oond tot 140 °C.
2 Voer 4 groot bakplate met bakpapier uit en sit ’n 804- grootte spuitpunt (omtrent die grootte van ’n 20c-stuk) aan ’n groot spuitsak.
3 Sif die gemaalde amandels en versiersuiker 3 keer saam en pas die gewig aan om ’n eindgewig van 300 g te kry.
4 Klits 55 g van die eierwitte in ’n elektriese menger tot sagtepuntstadium. Gooi 15 g strooisuiker geleidelik by en klits tot glad.
5 Verhit die res van die strooisuiker en water in ’n kastrol oor lae hitte tot die suiker opgelos is. Verhoog die temperatuur en laat die stroop tot 113 °C kook. Gooi die suikerstroop in ’n dun straal by die geklopte eierwitte. Klits tot die mengsel afgekoel is.
6 Meng die oorblywende 55 g eierwitte en rooswater by die amandelmengsel in. Kleur soos verkies. (Onthou, die eierwit gaan die kleur aansienlik ligter maak, gooi genoeg kleursel by.)
7 Vou 1/3 van die meringue by die amandelmengsel in. Vou dan die res van die meringue versigtig by tot dit amper die digtheid van seeskuim het. (Wees versigtig om dit nie te oorwerk nie, anders gaan die makrolletjies net uitloop.)
8 Skep die mengsel in ’n spuitsak en spuit sirkels van so 2,5 cm op die bakplate.
9 Bak vir 15-20 min. afhangende van jou oond. Laat op die bakplate afkoel.
10 Meng die roomkaas en ’n paar druppels kleursel met ’n elektriese menger tot effens sag.
11 Vul net voor opdiening. Skep die roomkaasmengsel in ’n spuitsak en spuit sowat 10 ml (2 t) op een helfte van die makrolletjies. Druk die ander helftes versigtig bo-op.

Doen dit reg

“Seeskuimdigtheid” is wanneer die mengsel ’n duidelike dik streep maak wanneer dit opgelig en gedrup word.

Instructions

1. Verwerk die gemaalde amandels en versiersuiker in ’n voedselverwerker tot dit soos poeier lyk, sif en hou eenkant.
2. Klits die eierwitte met ’n elektriese menger tot sagte punte begin vorm. Voeg die suiker bietjie vir bietjie by en klits die eierwitte styf, blink en glad.
3. Vou die amandel-en-versiersuiker-mengsel, asook die kleursel, liggies by die eierwitte in. Die beslag moet dik maar nog effens loperig wees.
4. Om te toets of die beslag reg is, skep ’n bietjie op ’n kleinbordjie. Die puntjie wat die meringue vorm, moet uitsak as die bordjie getik word.
5. Spuit met die spuitsak 20 sirkels op die voorbereide bakplaat. Laat vir 30 min. staan sodat die beslag kan uitdroog. Bak vir 10-12 min. Haal uit en laat op ’n draadrakkie afkoel.

Instructions

1. Sif die amandels deur ’n fyn sif. Weeg die amandels weer af sodat jy 100 g fyn amandelmeel het. Sif die amandels en versiersuiker drie keer saam.
2. Klits die eierwitte tot sagtepuntstadium. Voeg die strooisuiker eetlepel vir eetlepel by terwyl jy deurentyd klits.
3. Klits tot die mengsel dik en blink is. Vou die meringuemengsel by die amandelmengsel in.
4. Voeg ’n paar druppels van die voedselkleursel by. Skep die beslag in ’n spuitsak met ’n 1½ cm-tuit.
5. Spuit die beslag in 2½ cm-sirkels op die voorbereide bakplaat. Los ’n opening van 5 cm tussen die amandelkoekies.