Die vyfde seisoen van MasterChef South Africa begin môreaand op kanaal S3 (voorheen SABC 3). Kykers kan op Saterdag 14 Julie weer hope kreatiwiteit, opwinding en natuurlik ’n passie vir kos verwag.

Deelnemers sal weer voor verskeie uitdagings te staan kom, en van die land beste sjefs ontmoet en sodoende hul vaardighede slyp.

Hul kulinêre meesterstukke is te danke aan die Pick n Pay-spens se vars bestanddele. Die mooi spens op die stel is ingerig volgens die handelaar se vlagskipwinkels, insluitende Pick n Pay Waterstone in Kaapstad, Pick n Pay Musgrave in Durban en Pick n Pay Redruth in Johannesburg.

The MasterChef Pick n Pay-spens bevat hope vars en ander bestanddele, maar ook unieke PnP-reekse soos Live Well en Let’s Cook.

MasterChef SA se vyfde seisoen op Saterdag om 19:30 op S3 en word op Sondae om 18:30 op S2 en Woensdae om 18:00 op S3 herhaal. Die wenner sal op 23 November 2024 aangekondig word.

Kook soos ’n meestersjef:

Probeer gerus Pick n Pay se romerige tagliatelle met bros prosciutto

Bedien 6 | Ongeveer 30 minute

Bestanddele

• 1 pakkie (500 g) PnP-eiertagliatelle 
• 200 g prosciutto crudo, gekap
• 2 e (30 g) botter
• 2 knoffelhuisies, fyngekap
• 2 eiers + 2 eiergele
• 1 k (250 ml) room
• ½ k (80 ml)  parmesaankaas, gerasper 
• sout en varsgemaalde peper

Opdiening

• hand vol vars ertjiespruite 
• geblansjeerde aspersies
• parmesaankaas

Metode:

Kook pasta volgens pakkie se instruksies. Hou warm eenkant.

2. Braai prosciutto in ’n droë pan oor matige hitte tot bros. (Moenie als op een slag ingooi nie, braai stuk vir stuk). Verwyder en hou eenkant.
3. Voeg botter in dieselfde pan en smelt oor matige hitte
4. Braai knoffel tot geurig en verwyder pan van hitte.
5. Klits eiers saam (insluitende eiergele), room en kaas. Geur na smaak.
6. Gooi pasta weer in pan saam met knoffel en meng.
7. Voeg eiermengsel by en roer terwyl jy oor lae hitte kook totdat sous verdik, ongeveer 3–5 minute. Geur na smaak.
8. Sit warm saam met bros prosciutto, ertjiespruite en aspersies voor en sprinkel parmesaankaas oor.

Lees ook: Vyf-vinnige-vrae-Vrydag met Jak de Priester oor KoppieTeeFontein se nuwe seisoen 

The post MasterChef SA is terug op die kassie! appeared first on rooi rose.

Aandag alle passievolle tuiskokke wat wondere in ‘n kombuis kan verrig! Jou kans om op S3 (voorheen bekend as SABC3) se bekende MasterChef South Africa-verhoog te skyn, is hier.

As jou disse vriende en familie weer en weer laat opskep, kan dit jou teken wees dat jy ‘n kans staan om ons land se volgende kossensasie te word. Om nie eens te praat van die allemintige prys van R1 miljoen waarmee die wenner sal wegstap nie.

Deelnemers moet Suid-Afrikaanse burgers ouer as 18 jaar wees, met geen vorige professionele sjef-ervaring nie. Al wat jy nodig het, is ‘n liefde vir kos, ‘n aanleg om onvergeetlike disse te maak, en ‘n begeerte om jou talent aan die nasie ten toon te stel.

Om jou voorskoot in die ring te gooi, besoek die amptelike MasterChef South Africa-webwerf by www.masterchefsa.tv.

Die sperdatum vir inskrywings is 15 Maart 2024. Moenie hierdie geleentheid misloop om jou kulinêre vaardighede ten toon te stel en jou lewe dalk vir altyd te verander nie.

Twintig talentvolle deelnemers sal gekies word om die ikoniese MasterChef-voorskoot aan te trek en hul vaardighede in die kombuis ten toon te stel.

Onder bekende beoordelaars se oordeelkundige oë sal deelnemers opwindende uitdagings in die gesig staar deur bestanddele van die Pick n Pay-spens te gebruik om heerlike meesterstukke te skep.

Lees ook: ‘Dutch Baby’ met eksotiese sampioene & brosgebraaide spek

The post Is jy Suid-Afrika se volgende Masterchef? Hier’s hoe om vir Seisoen 5 in te skryf appeared first on rooi rose.