Aandag alle passievolle tuiskokke wat wondere in ‘n kombuis kan verrig! Jou kans om op S3 (voorheen bekend as SABC3) se bekende MasterChef South Africa-verhoog te skyn, is hier.

As jou disse vriende en familie weer en weer laat opskep, kan dit jou teken wees dat jy ‘n kans staan om ons land se volgende kossensasie te word. Om nie eens te praat van die allemintige prys van R1 miljoen waarmee die wenner sal wegstap nie.

Deelnemers moet Suid-Afrikaanse burgers ouer as 18 jaar wees, met geen vorige professionele sjef-ervaring nie. Al wat jy nodig het, is ‘n liefde vir kos, ‘n aanleg om onvergeetlike disse te maak, en ‘n begeerte om jou talent aan die nasie ten toon te stel.

Om jou voorskoot in die ring te gooi, besoek die amptelike MasterChef South Africa-webwerf by www.masterchefsa.tv.

Die sperdatum vir inskrywings is 15 Maart 2024. Moenie hierdie geleentheid misloop om jou kulinêre vaardighede ten toon te stel en jou lewe dalk vir altyd te verander nie.

Twintig talentvolle deelnemers sal gekies word om die ikoniese MasterChef-voorskoot aan te trek en hul vaardighede in die kombuis ten toon te stel.

Onder bekende beoordelaars se oordeelkundige oë sal deelnemers opwindende uitdagings in die gesig staar deur bestanddele van die Pick n Pay-spens te gebruik om heerlike meesterstukke te skep.

Lees ook: ‘Dutch Baby’ met eksotiese sampioene & brosgebraaide spek

The post Is jy Suid-Afrika se volgende Masterchef? Hier’s hoe om vir Seisoen 5 in te skryf appeared first on rooi rose.

Heerlike kos, interessante kulture en Gordon Ramsay! – Deur: Zoë Salzwedel Hooffoto: Verskaf

Gordon Ramsay is in Skotland gebore, maar het grootgeword in Stratford-upon-Avon in Engeland. Ná ’n besering wat sy hoop op ’n belowende sokkerloopbaan voortydig beëindig het, is hy terug universiteit toe om ’n kursus in hotelbestuur te voltooi. Sy toewyding en natuurlike talent het daartoe gelei dat Gordon saam met van die wêreld se topsjefs kon werk – soos Albert Roux en Marco Pierre White van Londen, en Guy Savoy en Joël Robuchon van Frankryk. 

3 Michelin-sterre

In 1993 is Gordon as die hoofsjef van die Aubergine-restaurant in Londen aangestel, en binne drie jaar vanaf sy aanstelling het dié gesogte restaurant twee Michelin-sterre ontvang. In 1998, op die ouderdom van 31, het hy sy eerste volfiliaal restaurant, Restaurant Gordon Ramsay, oopgemaak en dit het vinnig die mees gesogte lof in die kulinêre wêreld ontvang – 3 Michelin-sterre. Dié besonderse prestasie het daartoe gelei dat Gordon die eerste Skotse sjef in die geskiedenis is wat drie Michelin-sterre verower het. Vandag is Restaurant Gordon Ramsay Londen se enigste restaurant wat dié toekenning vir so lank kon behou, en Gordon is een van slegs vier sjefs in die Verenigde Koninkryk wat drie sterre tegelyk kon behou.

 

View this post on Instagram

 

A post shared by Restaurant Gordon Ramsay (@restaurantgordonramsay) on Jul 25, 2018 at 9:30am PDT

Nou ’n veelbekroonde, internasionaal bekende Michelin-sjef, besit Gordon Ramsay ’n hele reeks suksesvolle restaurante regoor die wêreld. Dit sluit twee ondernemings in Katar in Doha in, vyf restaurante in Las Vegas, en onderskeidelik ook restaurante in Atlantic City, Baltimore, Hong Kong, Singapoer en Doebai (om maar net ’n paar te noem, gaan kyk gerus hier na al sy restaurante). Hy besit ook 15 verskillende restaurante in London. 

Asof dít nie indrukwekkende genoeg is nie

Die volgende generasie multimedia-produksiemaatskappy Studio Ramsay is in 2016 gestig deur Gordon Ramsay en het ’n gesamentlike onderneming met All3Media gevorm om televisieprogramme te ontwikkel en vervaardig. Studio Ramsay se eerste produksie was die regstreekse-reeks The F Word With Gordon Ramsay wat in die VSA op première geplaas is, en sy tweede FOX-reeks Gordon Ramsay’s 24 Hours to Hell and Back is dié seisoen se nommereen-kookprogram op televisie. 

Hy is bekend vir uiters suksesvolle, oorspronklike en bekroonde programme en vervaardig TV-reekse wat wêreldwyd deur gehore geniet word aan albei kante van die Atlantiese Oseaan. Voorbeelde hiervan is sy FOX-reekse The F Word With Gordon Ramsay, Gordons Ramsay’s 24 Hours to Hell and Back, MasterChef, MasterChef Junior, Hell’s Kitchen en MasterChef Celebrity Showdown, asook Bravo se Best New Restaurant en Food Network se kompetisiereeks Food Court Wars. 

Maar het jy geweet?

• Gordon Ramsay het ’n wêreldwye vennootskap met WWRD (Waterford, Wedgwood, Royal Doulton), wat kwaliteit huis- en leefstylprodukte verskaf.
• In 2014 het Gordon en sy vrou, Tana Ramsey, die Gordon en Tana Ramsay-stigting opgerig om ’n betekenisvolle verskil te maak aan liefdadigheidsorganisasies wat vir hulle belangrik is. Die stigting werk tans saam met die Great Ormond Street-hospitaal wat as een van Londen se mees gerespekteerde kinderhospitale bekend staan.
• In 2006 het Koningin Elizabeth II aan Gordon ’n OBE (Order of the British Empire) toegeken vir sy bydrae aan die industrie.
• Hy woon saam met sy vrou, Tana en vier kinders, saam met hul twee honde, twee katte en ’n skilpad. Hy verdeel sy tyd tussen Los Angeles en Londen.

Gordon Ramsay op National Geographic

 

Geniet ’n epiese avontuur om die wêreld saam met Gordon Ramsey waar hy na Peru, Laos, Marokko, Hawaii, Alaska en Nieu-Seeland reis. 

Van Peru tot Hawaii gaan hy prentjiemooi-valleie ontdek, deur bosse wandel en nuwe hoogtes bereik in sy meedoënlose strewe na kulinêre inspirasie. 

 

Heerlike kos, interessante kulture Gordon Ramsay!

 

Gordon Ramsay: Uncharted volg Gordon terwyl hy inheemse mense van regoor die wêreld ontmoet om te leer oor die kulture, geregte en geure wat uniek is vir elke gebied. Elke bestanddeel wat hy oes en elke gereg wat hy proe, sal ’n nuwe resep inspireer, wat van nuuts af geskep is om die hart van daardie kultuur te verteenwoordig. Elke episode word afgesluit met Gordon wat homself uitdaag om sy nuutgevonde vaardighede op die proef te stel, terwyl hy en ’n plaaslike koslegende saam kook om ’n fees te hou.

 

Die avonture wat Gordon tydens die première-seisoen van Gordon Ramsay: Uncharted aan pak, sluit in:

• ’n Soektog deur ’n digte oerwoud in Laos vir wewermier-eiers en duiktogte in gevaarlike waters op jag vir slakke. 
• Paling-jag met tradisionele Maori-tegnieke aan die sy van ’n plaaslike visserman in Nieu-Seeland.
• Spieshengel met die legendariese vryduiker Kimi Werner in Hawaii.
• ’n Klimtog tydens ‘n sneeustorm saam met ’n plaaslike snuffelaar om inheemse kruie in Alaska te oes.
• Abseil teen ’n kolkende waterval om plaaslike sampioensnuffelaars in Marokko te ontmoet.
• Om van ’n krans af te hang op soek na kaktuswurms – een van Peru se inheemse lekkernye. 

 

Heerlike kos, interessante kulture Gordon Ramsay!

 

Die reeks sal ook wêreldwyd in 172 lande en 43 tale uitgesaai word. Gordon Ramsay: Uncharted word vervaardig deur Studio Ramsay vir National Geographic. Aanvullende episodes van die reeks is reeds voor die première-seisoen aangevra en die produksie daarvan sal later vanjaar weer begin. 

Gordon Ramsay: Uncharted première op 7 Augustus 2019 om 21:00 op National Geographic (kanaal 181 op DStv). 

 

 

Volg gerus vir Gordon Ramsey op Instagram, Facebook en Twitter.

Vir nog lekker stories oor bekendes, klik hier

The post Heerlike kos, interessante kulture en Gordon Ramsay! appeared first on rooi rose.

Suid-Afrikaners is gaande oor MasterChef Australië. Vertel ons meer oor die nuwe reeks wat eersdaags in Australië afskop?

Dit is al ons 8ste jaar! Dit is alles wat jy verwag van MasterChef met ’n paar opwindende kinkels daarby. Die deelnemers is almal interessante mense en die standaard was geweldig hoog die jaar.

Was daar enige wenners of deelnemers wat jou gunstelinge was?

Nee! Ek het van almal gehou, elkeen is my gunsteling.

Hoe het MasterChef Australië se eet- en kookgewoontes verander?

Baie, ek dink nie net in Australië nie, maar ook in die res van die wêreld! Mense wil weer kook, maak nie saak of hulle agt of 80 is nie.

Watter raad kan jy aan jong sjefs bied?

Werk hard! Daar is geen ander geheim vir sukses nie. Droom groot en werk hard om jou drome te bereik.

Wat is jou gunstelingkosherhinnering uit jou kinderdae?

Om gebraaide seekat direk van die kole af te eet by my oom se huis. Die kosbare herhinnering om langs die vuur saam met my oom en Pa te staan, asof ek ook een van die groot mense is.

Wie inspireer jou?

Alle sjefs wat passievol is oor wat hulle doen. Sjefs soos Marco Pierre White en Heston Blumenthal, die leiers, inoveerders en skeppers. Hulle sit nooit stil nie en druk altyd voorentoe.

Kan jy ’n paar van die jongste kosneigings met ons deel?

Ons pekel en gis (fermenteer) baie kosse. En ons gebruik ook baie interessante Japanese bestandele in ons kos.

*George Colombaris tree op Saterdag, 28 Mei 2016 om 12:00 by die Chefs Open Theatre op en op Sondag, 29 Mei om 13:30.    

Die Good Food and Wine-skou trek vanjaar ’n splinternuwe baadjie aan met nuwe eienaars Fiera Milano Exhibitions Africa aan die stuur. Die hele ervaring gaan baie meer interaktief wees met unieke sensoriese ervarings vir kos en wynliefhebbers. Kreatiewe kunstenaar Hannelie Visser is die samesteller van die uitstallings en gaan verseker dat dit die jongste kos- en leefstylneigings vir besoekers bied.

Die Sjefs Teater is dié jaar gratis en oop vir almal om te geniet. Bekende sjefs soos George Calombaris en Adriano Zumbo van Masterchef Australië-faam tree daar op saam met plaaslike bekendes soos Jenny Morris en Siba Mtongana.

Daar is ook ’n nuwe gesondheidsafdeling wat ’n wye verskeidenheid gesondheidsprodukte sal bekendstel. Loer gerus ook in by die Eat Well Live Well-teater om 11:30 op Sondagoggend waar rooi rose se kosredakteur, Vickie de Beer, smullekker laekoolhidraat-resepte uit haar boek The Low Carb Solution for Diabetics saam met medeskrywer Kath Megaw sal demonstreer.

Kaartjies kos R140 per persoon (volwassenes) en jy kan ook ’n naweekpas teen R190 koop. Vir meer inligting en kaartjies besoek www.goodfoodandwineshow.co.za

The post Ons gesels met MasterChef se George Colombaris appeared first on rooi rose.