Deur Cornel Dunn

Die vertrek

Verskillende matte pas by verskillende vertrekke. Voorportale en kombuise het baie meer voete as die slaapkamer of woonkamer. Dit is dus wys om ’n weerstandige mat te kies vir hierdie areas. ’n Donkerder mat met of sonder patrone sal voetspore verbloem.

Grootte

Meet, meet en meet weer. Vermy ’n klein matjie in ’n groot vertrek. Kies ’n mat wat jou meubels groepeer. Dit beteken ondermeer dat die kante van die mat onder die meubels moet inpas.

Lees ook: 5 dekorflaters om te vermy

Verskillende materiale

Akrilies

Dit is weerstandig en maklik om skoon te hou. Hierdie opsie is goedkoper as wol met die voordeel dat dit minder van sy vesels verloor.

Polipropileen

Dit het ’n sintetiese vesel wat weerstandig is sowel as maklik om skoon te hou. Dit is goed vir areas met baie verkeer. Hierdie matte is beskikbaar in kort vesel sowel as langhaar matte.

Viscose

Hierdie vesel is minder duursaam . Dit word gewoonlik met wol gemeng maar is nie geskik vir areas met baie verkeer nie.

Katoen

Dit word gewoonlik plat geweef. Hierdie vesel is minder duursaam as sisal en jute, maar maak op met sy sagtheid.

Wol

Dit is besonder gemaklik en duursaam. Hierdie matte hou maklik skoon en is die geskikste opsie naby vuurherde.

Jute

Die natuurlike vesel is duursaam en geskik vir baie verkeer. Dit is baie na aan Sisal.

Sisal

Dit is besonder duursaam – selfs meer as Jute. Tog moet spesiale droogskoonmaak opsies gebruik word om die mat skoon te maak. Dit is nie maats met water nie.

Ons gunstelinge:

Lees ook: Skep ’n fokusmuur

The post Kies die regte mat appeared first on rooi rose.

Ses skoonmaakfoute vir banke en stoele wat jy nooit moet maak nie. Deur Cornel Dunn. Hooffoto: Pexels

Gestoffeerde meubels soos banke en stoele kan kwaai deurloop onder troeteldiere en kinders. Naas matte, word hierdie meubelstukke die meeste blootgestel aan stof en vlekke.

Verhoed die volgende as jy dit wil skoonmaak.

Hier is ses skoonmaakfoute vir banke en stoele wat jy nooit moet maak nie

1. Jy skrop die materiaal

Deur die materiaal te skrop, dryf jy die merke net dieper in die vesel in.

As die merk vars is, gebruik kombuispapier om die oortollige vloeistof weg te klad.

As die vlek ouer is, maak gebruik van ’n vlekverwyderaar of ’n stoomskoonmaak-masjien.

2. Jy gebruik te veel water

Selfs skoon water sal vlekke laat as die materiaal te nat word. As die materiaal droog word, sal daar dan ’n permanente watervlek wees. Gebruik die minimum water.

3. Jy gebruik die verkeerde skoonmaakprodukte

Enige skoonmaakmiddel wat bleikmiddels of ammoniak bevat moet vermy word. Dit sal die materiaal laat verkleur en ook beskadig. Selfs die vesels self sal ’n knou kry.

4. Jy gebruik die verkeerde skoonmaaktoerusting

Gebruik sagte mikrovesel-lappies wat nie rafels sal agterlaat nie.

Vermy harde borsels.

5. Jy wend materiaalbeskermers verkeerd aan

Materiaalbeskermers soos Scotch Guard is baie gewild. Dit verhoed vlekke en beskerm die meubelstuk.

Daar is ook doen-dit-self-produkte beskikbaar, maar as jy dit nie reg aanwend nie, kan dit jou baie skade berokken. As jy twyfel, laat dit liewer professioneel doen.

6. Jy gebruik te veel hitte

Sekere materiale soos sy of mengsels hiervan, word maklik deur hitte beskadig. Alhoewel stoomskoonmaak baie gewild is, is dit nie ideaal vir alle materiale nie.

Wenke om jou gestoffeerde meubels self skoon te maak

Tuisgemaakte skoonmaakmiddels is goedkoop en vriendeliker vir die omgewing.

• Vir materiaalbekleedsel, meng ’n ¼ koppie witasyn, ’n ¾ koppie warm water en 1 eetlepel opwasmiddel. Skud dit saam in ’n sproeibottel. Sproei die vlek. Gebruik ’n mikrovesel-lappie om die vlek saggies te vryf. Gebruik ’n tweede lappie wat in water geweek is om die seep te verwyder. Druk dit droog met ’n handoek.
• Vir leerbekleedsel, meng ’n ½ koppie olyfolie met ’n ¼ koppie witasyn. Sproei dit op die vlek en poets.
• Vir sintetiese bekleedsel, meng ’n ½ koppie witasyn, 1 koppie warm water en 2 eetlepels opwasmiddel in ’n sproei bottel. Sproei die area en gebruik ’n sagte lappie om die vuilheid saggies weg te vryf.

Lees nog: Hoe om skoon matte sonder ’n matmasjien te kry

The post Ses skoonmaakfoute vir banke en stoele wat jy nooit moet maak nie appeared first on rooi rose.

– Deur Cornel Dunn. Hooffoto: Pixabay

Kleur

Jou keuse van kleur is die beginpunt. As jy alreeds heelwat kleur en patrone in jou vertrek het, moet jy verkieslik ’n effekleurige mat kies wat een van jou bestaande kleure komplimenteer of alternatiewelik natuurlik gaan. As jy ’n bont mat verkies, is dit beter om die mat eerste aan te skaf en die meubels daarna.

’n Mat is dikwels die grootste item in jou vertrek. Neem dus jou vloerbedekking en muur se kleur in ag. Moet egter nie té veilig speel nie, ’n helder mat kan ’n vertrek ’n groot hupstoot gee.

Tekstuur

Daar word dikwels nie gelet op die tekstuur van die mat en die invloed daarvan op die vertrek nie. ’n Vertrek met baie tekstuur en verskillende lae skep ’n ryk en warm gevoel. Daar is soveel meer beskikbaar as wol en sisal.

Kombineer jou bestaande meubels met ’n kontrasterende tekstuur. Kombineer fluweel met ’n grasmat of ’n leerbank met ’n mat met ’n lang pluis. Wees ook prakties. Indien ouer mense die mat sal gebruik, kan ’n lang pluis hul stapvermoë belemmer.

Grootte

Hier moet jy jou eie oordeel gebruik. ’n Los mat moet jou hele sit-area akkommodeer, nie noodwendig die hele vertrek nie. Ten minste die voorpote van jou banke en stoele moet op die mat staan. In die eetkamer moet die mat onder die tafel groot genoeg wees om ook die stoele the akkommodeer.

Neem ook die vorm van jou vertrek in ag. ’n Vierkantige vertrek werk beter met ’n vierkantige of ronde mat. Dieselfde geld vir ’n langwerpige vertrek.

Verskaffers

Hertex | hertex.co.za
@Home | 0860 576 576
Mr Price Home | 0800 212 535
Superbalist | superbalist.com
Rebtex | 083 616 0535

The post Los matte appeared first on rooi rose.