Ken jou vleissnitte deur Vickie de Beer. 

Ken jou vleissnitte

Kies ferm, helder rooi vleis.

Kyk wanneer die vervaldatum is.

Sorg dat daar nie gate of ekstra vloeistof in die verpakking is nie.

Wors. Foto: Denys Gromov, Pexels

Bêre die vleis op die onderste rak van die yskas (die koudste plek) sodat bloed nie in ander kosse inloop nie.

Kruisstuk (rump), bolendeskyf (porterhouse) en lendeskyf (sirloin) bevat meer vet as filet en kan daarom smaakvoller wees. Maak dit vinnig oor baie warm kole gaar.

Bolendeskyf/porterhouse cut. Foto: Helia Ghaharian, Pexels

Kruisstuk (rump). Foto: Kyle Mackie, Unsplash

Filet (gewis die duurste) moet net vir ’n kort rukkie oor baie warm kole gebraai word. ’n Filet kan heel oor die kole gerooster word en later in dun lappies gesny word, of jy kan dit voor die tyd in dik skywe sny en vinnig oor die kole rooster. Vir die beste resultate behoort jy die skywe vir 5 min. aan ’n kant te braai en net een keer om te draai.

Filet. Foto: David Phototasty, Unsplash

Lamsnoisettes: ’n Noisette word gewoonlik uit die lende gesny, is beenloos en daarom ’n heerlike stukkie vleis om oor die kole gaar te maak.

Lamsnoisettes. Foto: Mohamed Olwy, Pexels

Lamslendetjops: Lamvleis behoort nooit gaarder as ligpienk voorgesit te word nie. Draai die tjops op hul sye om die vet behoorlik bros te laat word vir die lekkerste smakie.

Lamslendetjops. Foto: Emre Vonal, Pexels

The post Ken jou vleissnitte appeared first on rooi rose.

Allerlekkerste ‘sout’ Paasbolletjies deur Vickie de Beer. Bygestaan deur Julia van Maarseveen. Foto’s deur Lindy Kriek

Genoeg vir 12 bolletjies.

Bestanddele

Droë bestanddele

• 500 g broodmeel
• 50 g melkpoeier
• 10 g (1 sakkie) kitsgis

Nat bestanddele

• 80 ml (⅓ k) esdoringstroop of heuning
• 1 eier
• 100 g botter
• 30 ml (2 e) korrelmosterd
• 200 ml water by kamertemperatuur

Vulsel

• Week 100 g gekapte droë vye vir 10 min. in 30 ml brandewyn
• 1 ui, geskil en oorlangs in dik skywe gesny
• 30 ml (2 e) botter
• 200 g beleë (verouderde) cheddar, gerasper
• 1 x 250 g-pakkie repiesspek, kap 50 g fyn en hou 200 g vir die broodjies
• 60 ml (1/4 k) esdoringstroop, effens warm gemaak sodat dit maklik smeer

Metode

1. Meng al die droë bestanddele in ’n middelslag-mengbak en maak ’n holte in die middel. Meng die nat bestanddele in ’n maatbeker en gooi dit in die holte by die droë bestanddele.
2. Meng goed tot dit ’n werkbare deeg vorm – jy kan dit ook in ’n elektriese menger meng. Laat rys die deeg vir sowat 2 uur tot dubbel die grootte.
3. Braai intussen die uie, geweekte vye en gekapte salieblare in ’n middelslagpan tot sag en karamelkleurig. Skep uit en laat afkoel.
4. Braai die 50 g gekapte spek in dieselfde pan tot bros en goudkleurig en laat afkoel.
5.  Druk die geryste deeg met die palm van jou hand af. Gooi die uiemengsel, gebraaide spek en kaas by die deeg en werk dit deur met jou hande met ’n knie-en-vou aksie tot alles eweredig deurgemeng is.
6. Verdeel die deeg in 12 ewe groot bolletjies en pak dit knus langs mekaar op ’n bakplaat. Bedek met ’n skoon kombuisdoek en laat rys weer tot dubbel die grootte.
7. Verhit intussen die oond tot 200˚C. Pak die res van die spekrepies op ’n bakplaat en bak vir 5 min. tot net-net gaar. Haal uit en hou eenkant.
8. Bak die rolletjies vir 20 min. Haal uit en pak die halfgaar spek in kruise bo-op die broodjies. Smeer die bolletjies met edsdoringstroop en bak vir nog 5-7 min. tot goudkleurig.
9. Haal uit en smeer nog ’n lagie stroop oor sodat die bolletjies mooi blink.

Lees ook

Paasbolletjiering

Gebraaide Paasbolletjies met sappige droë vrugte

3 Pragtige tafeldek-idees vir jou Paastafel

’n Heerlike kuierkos-spyskaart vir Paasfees

The post Allerlekkerste ‘sout’ Paasbolletjies appeared first on rooi rose.

Resep deur Vickie de Beer. Foto: Johan Wilke

Genoeg vir 6.

Metode

1. Verf 500 g beesfilet met olyfolie.
2. Maal swartpeperkorrels fyn tot jy 45 ml (3 e) het.
3. Rol die filet in die peper totdat dit heeltemal bedek is.
4. Geur met seesout.
5. Verhit ’n riffelpan oor hoë hitte.
6. Rooster die filet vir sowat 8-12 min. (draai 4 keer en rooster 2-3 min. aan elke kant).
7. Haal uit die pan, laat rus vir 5 min. en sny in dun skywe.
8. Dreineer intussen 1 x 400 g-blik artisjokharte en 1 x 400 g-blik piment, in kwarte gesny.
9. Rangskik die artisjokke, gesnyde piment en filet op ’n groot dienbord.
10. Voeg ’n hand vol sondroëtamaties en ’n hand vol vars roketblare by.
11. Sit voor met parmesaankrulle.

The post Mediterreense biefslaai appeared first on rooi rose.

Voorgereg

Wildsvleis-carpaccio met ’n brandewyn-vinaigrette

Hoofgereg

Geroosterde Masala-hoender

Laekoolhidraat-quiche

Somerse groenslaai met ’n rokerige pancetta-slaaisous

Nagereg

Laekoolhidraat-kaaskoek

The post Laekoolhidraat Kersspyskaart appeared first on rooi rose.

Genoeg vir 8

Bestanddele

• 2 uie, dun repies gesny
• 2,5 kg skaapboud, in 2-3 cm blokke gesny
• 350 g droëperskes, middeldeur gesny
• 45 ml (3 e) kerriepoeier
• 15 ml (1 e) heel koljander
• 30 ml (2 e) bruinsuiker
• 4 lourierblare
• 125 ml (½ k) rooiwyn
• sout en gemaalde swartpeper
• 8 sosatiestokkies wat in water geweek is (ons het louriertakke gebruik).

Metode

1. Pak die bestanddele in lagies in ’n groot glas- of plastiekbak wat dig sluit.
2. Begin met van die repies ui. Pak dan van die vleisblokkies en perskestukkies op die uie en strooi van die kerrie, koljander, bruinsuiker en lourierblare bo-oor.
3. Herhaal die lae deur weer met uie te begin. Gooi die rooiwyn oor en marineer vir 3 uur of oornag. Draai die vleis een keer om.
4. Ryg die vleis om die beurt met perskestukkies op die sosatiestokkies. Geur na smaak. Braai oor bereide kole tot gaar.

The post Kerriesosaties appeared first on rooi rose.

Beesvleis-en-Guinness-pastei met murg deur Vickie de Beer, bygestaan deur Inemarie Rabie. Foto: Lee Schwagele van CRPHotographic

Genoeg vir 6.

Bestanddele

• 1 kg beesvleisblokkies (dikrib/chuck), in 5 cm-blokke gesny
• 45 ml (3 e) olyfolie
• sout
• 1 ui, geskil en gekap
• 2 kort selderystingels, in ringe gesny
• 1 wortel, gekap
• 2 knoffelhuisies, geskil en fyngekap
• 375 ml (1½ k) donker bier, soos Guinness of stout
• 1 blikkie (400 g) heel geskilde tamaties
• 3 tiemietakkies
• 3 lourierblare
• 30 ml (2 e) botter
• 250 g bruin knopiesampioene
• 6-8 salotte of piekeluitjies, geskil
• 1 knoffelhuisie, geskil en fyngekap
• 1 groterige murgbeen

Deeg

• 375 g koekmeel
• 180 g koue botter
• 150 g roomkaas
• 60 ml (¼ k) yswater

Eierwas

• 1 eier en ’n knypie sout, liggies geklop\

Metode

1. Verhit die olie in ’n groot swaarboomkastrol. Geur die vleis met sout en braai in sarsies tot goudkleurig.
2. Skuif die vleis eenkant toe en gooi die ui, seldery, wortel en knoffel by. Braai die groente tot goudkleurig.
3. Voeg die bier en tamatie by die vleis en groente, roer deur en voeg die kruie by.
4. Bedek die kastrol en laat die bredie vir 2-3 uur saggies prut tot die vleis sag is.
5. Maak intussen die deeg: Sit die botter en meel in die bak van ’n voedselverwerker. Pols die masjien tot die mengsel soos broodkrummels lyk.
6. Voeg die roomkaas en yswater by en pols weer tot dit lyk asof die deeg bymekaarkom. Gooi die deeg op ’n skoon werksvlak uit en druk met jou hande verder bymekaar.
7. Druk die deeg plat en draai met kleefplastiek toe. Laat rus vir sowat 2 uur in die yskas.
8. Smelt die botter in ’n klein kastrol en braai die sampioene, uitjies en knoffel vir omtrent 15 min. daarin tot goudkleurig.
9. Voeg by die bredie en roer deur.
10. Voorverhit die oond tot 200 °C.
11. Spuit ’n 20 cm-losboomkoekpan goed met kleefwerende kossproei.
12. Verdeel die deeg in twee en rol sowat 5 mm dik uit op ’n skoon werksvlak wat liggies met meel bestuif is. Voer die koekpan daarmee uit.
13. Sit die murgbeen in die middel van die pan. Skep die vulsel om die been in die pan.
14. Rol die res van die deeg tot sowat 5 mm dik uit, en sny ’n 25 cm-sirkel daaruit.
15. Bedek die vulsel met die deegsirkel, sny kepies in die deeg waardeur die murgbeen versigtig gewikkel kan word.
16. Knyp die twee lae deeg met jou  vingerpunte vas aanmekaar.
17. Verf die deeg met die eierwas en  bak vir 45-60 min. of tot goudbruin.
18. Laat effens afkoel en keer uit.

The post Beesvleis-en-Guinness-pastei met murg appeared first on rooi rose.

6 maklike en vinnige beesvleisresepte vir aandete

Vinnige steak-en-sampioen-pasteie

Klik hier vir die resep

Indiese steak-slaai

Klik hier vir die resep

Die beste beesvleisfrikkadelle vir hamburgers

Klik hier vir die resep

Lae GI steak-wraps

Klik hier vir die resep

Lasagne met ’n geurige krummelbolaag

Klik hier vir die resep

Spaghetti Bolognese

Klik hier vir die resep

Op soek na nog aandete-inspirasie? Loer hier

1 Maklike maalvleismengsel, 7 maklike resepte

Kook 1 keer, eet 3 keer

5 Vinnige visresepte vir aandete

5 Maklike skaapvleisresepte

5 Maklike en lekker varkvleisresepte

7 Vinnige vegetariese geregte vir aandete

10 Maklike hoenderresepte

5 Lekker laekoolhidraat-aandetes

The post 6 maklike en vinnige beesvleisresepte vir aandete appeared first on rooi rose.

Kersfees-hampastei deur Vickie de Beer. Foto: Lindy Kriek

Genoeg vir 8

Bestanddele

Deeg

• 500 g (4¾ k) koekmeel
• 120 g (½ k) botter
• 100 g roomkaas
• 45 ml (3 e) water

Vulsel

• 600 g gerookte varkskenkel (eisbein)
• 8 eiers
• 20 g  (25 ml) botter
• 3 preie, gekap
• 2 knoffelhuisies, geskil en gekap
• hand vol tiemie, blaartjies van die takkies gestroop
• 200 g mange tout, ruweg gekap
• 150 g (1 k) ertjies
• hand vol grasuie, gekap
• 150 ml suurroom
• 15 ml (1 e) Dijon-mosterd
• gerasperde skil van 1 suurlemoen
• 15 ml (1 e) room

Eierwas

• 1 eier liggies geklop met ’n knypie sout

Metode

1. Sit die eisbein in ’n groot kastrol. Bedek met water en laat prut vir 2 uur tot die vleis van die been afval. Gooi nog water by indien dit te droog kook. Lig met ’n gaatjieslepel uit die kastrol en trek die vleis van die been af. Hou eenkant.
2. Maak intussen die deeg: Gooi die meel en botter saam in die bak van ’n voedselverwerker en verwerk tot dit net begin by-mekaarkom. Voeg die roomkaas en water by en verwerk tot alles goed bymekaarkom en ’n werkbare deeg vorm. Vorm die deeg in ’n sirkel en draai in kleefplastiek toe. Laat rus vir ’n  uur in die ysk
3. Kook ses eiers vir 6 min. in borrelende soutwater en sit dan dadelik in yswater. Dop af en hou eenkant. (Die twee ongekookte eiers word later gebruik.)
4. Verhit die botter en ’n bietjie olie in ’n middelslagpan. Braai die preie, knoffel en tiemie vir sowat 2-3 min. daarin. Geur na smaak met sout en peper. Maak dit toe met ’n vel bakpapier en ’n deksel sodat die preie sag kan kook maar nie verbruin nie. Kook vir 20 min.
5.  Voeg by die mange tout by en kook vir nog 5 min. Voeg by die ertjies, grasuie en ham by en roer goed deur. Trek van die hitte af en laat afkoel.
6. Voorverhit die oond tot 200 °C. Spuit ’n 20 cm-losboomkoekpan goed met kleefwerende kossproei.
7. Meng die suurroom, mosterd, suurlemoenskil, room en die twee ongekookte eiers saam in ’n maatbeker, geur met sout en peper.
8. Verdeel die deeg in twee dele. Rol sowat 5 mm dik uit op ’n skoon werksvlak wat liggies met meel bestuif is. Voer die koekpan daarmee uit.
9. Skep die helfte van die ham-en-ertjie-mengsel in die pan. Pak die 6 gekookte eiers in ’n kring in die vulsel en druk dit effens in. Gooi die helfte van die roommengsel oor, gevolg deur die oorblywende hamvulsel. Gooi die res van die roommengsel oor die vleis.
10. Rol die res van die deeg uit tot 5 mm dik en sny ’n 25 cm-sirkel daaruit.
11. Bedek die hamvulsel met die 25 cm-deegsirkel. Knyp die twee lae deeg met jou vingerpunte aan mekaar vas. Sny met ’n skerp messie ligte kepies in die deeg. Verf die deeg met die eierwas en bak vir 40-45 min. of tot goudbruin.
12. Laat effens afkoel en keer uit die pan. Laat heeltemal afkoel voor jy dit vir die piekniek inpak.

The post Kersfees-hampastei appeared first on rooi rose.

5 vinnige skaapvleisresepte vir aandete

Lamsworsie-en-boontjiebredie

Klik hier vir die resep

Lamsvleis in tamatiesous

Klik hier vir die resep

Mediterreense lamsburgers

Klik hier vir die resep

Geroosterde lam-en-somergroente-gebak met kruisementpesto

Klik hier die resep

Gebakte tamatie-en-lamsvleis

Klik hier vir die resep

Lamskofta met beet-tzatziki

Klik hier vir die resep

The post 5 vinnige skaapvleisresepte vir aandete appeared first on rooi rose.

Varkvleis: Kook een keer, eet drie keer deur Vickie de Beer. Foto’s: Neville Lockhart

Stadig geroosterde varkblad

Die varkblad is regtig waarde vir geld en baie min moeite omdat dit stadig oornag in die oond rooster. Die restultaat is sagte, sappige vleis met duisend gebruike.

Lees ook: Groente-kragsop om jou immuunstelsel te versterk

Klik hier vir die resep

Romerige varkvleis in appelbiersous

Lees ook: 9 blink planne met blikkieskos

Klik hier vir die resep

Amandel-en-appelkoos-pilau

Lees ook: Kook een keer, eet sewe keer – hoender

Klik hier vir die resep

Lees ook: 1 maklike maalvleismengsel, 7 vinnige resepte

The post Varkvleis: Kook een keer, eet drie keer appeared first on rooi rose.

Die beste-este steak-toebroodjie deur Vickie de Beer, bygestaan deur Inemarie Rabie. Foto: Lee Schwagele, CRPhotographic.

Bestanddele

• ½ rooi-ui, geskil en in ringe gesny
• 5 ml (1 t) suiker
• 10 ml (2 e) rooiwynasyn
• 400 g beesfilet in dun steaks gesny (probeer minstens 8 steaks uitkry, 2 vir elke broodjie)
• 8 lappies beleë chedder
• 8 snye suurdeegbrood
• 30 ml (2 e) crème fraîche
• 30 ml (2 e) Dijon-mosterd
• 45 ml (3 e) botter

Sous

• 45 ml (3 e) olyfolie
• 15 ml (1 e) rooiwynasyn
• 1 knoffelhuisie, geskil en fyngekap
• 1 anjovisfilet
• 5 ml (1 t) Dijon-mosterd
• 5 ml (1 t) heuning
• 60 ml (¼ k) crème fraîche
• ’n hand vol (omtrent 20) basiliekruidblare
• ’n klein handjie vol Italiaanse pietersielie
• ’n hand vol roketblare, gewas

Metode

Begin met die sous

1. Gooi al die bestanddele, behalwe die roketblare, in die bak van ’n voedselverwerker en verwerk tot glad (of gebruik ’n stokmenger).
2. Meng die uie, suiker en asyn in ’n klein bakkie en hou eenkant tot benodig.

Broodjies

1. Meng die crème fraiche en mosterd en hou eenkant. Verhit die botter oor matige hitte in ’n middelslagpan. Braai elke sny brood vinnig aan albei kante daarin tot goudkleurig. Haal uit en hou eenkant.
2. Verhit ’n swaarboom-riffelpan oor hoë hitte. Geur die steaks met sout en smeer met olyfolie. Skroei die vleis om die beurt (1-2 min.) aan elke kant in die verhitte pan. Moenie die pan te vol pak nie, en laat die pan weer goed warm word voor die volgende steaks gebraai word. Laat rus.
3. Sit al die steaks terug in die pan en sit ’n lappie kaas op elkeen, laat staan om te smelt.
4. Pak die brood op ’n broodbord. Smeer een kant van 4 van die snye met die crème fraîche-en-mosterdmengsel.
5. Sit 2 skywe steaks op elke broodjie gevolg deur ’n groot skep van die sous, ’n paar roketblare en die gepiekelde uie.
6. Sit die ander snye brood bo-op elke broodjie en val weg!

The post Die beste-este steak-toebroodjie appeared first on rooi rose.

Hoender-en-sampioen-bredie met sagte kluitjies

Foto Lindy Kriek

Lees ook:

Vinnige mikrogolfoond-beesvleisbredie

Pampoenbredie

The post Hoender-en-sampioen-bredie met sagte kluitjies appeared first on rooi rose.

Geroosterde hoender: Kook een keer, eet drie keer deur Vickie de Beer, bygestaan deur Nicola Basson. Foto’s: Neville Lockhart

Geroosterde knoffelhoender

Berei die hoender oor die naweek voor as jy meer tyd het. Sit dit voor met jou gunsteling-bygeregte. Gebruik dan die oorskiethoender om die ander twee geregte deur die week te maak.

Klik hier vir die resep

Koeskoesslaai met hoender

Klik hier vir die resep

Mexikaanse sop

Klik hier vir die resep

The post Geroosterde hoender: Kook een keer, eet drie keer appeared first on rooi rose.

5 heerlike wildsvleisresepte

“W” is vir die winter en vir wildsvleis! Probeer een van hierdie 5 heerlike wildsvleisresepte. PLUS ons wys jou hoe om wildsvleis te rook.

Hoe om wildsvleis te rook

Ja, dis moontlik om self wildsvleis te rook, en boonop is dit fantasties lekker! Klik hier vir die resep.

Klik hier

Heel springbokfilet met turksvysous

Klik hier 

Wildswors met brandrissie

Klik hier

Wildsvleiskoftakerrie

Klik hier

Gerookte wildsvleis

Klik hier

Wildsvleis-carpaccio

Klik hier 

The post 5 heerlike wildsvleisresepte appeared first on rooi rose.