Resep deur Rediscover Dairy

• Volroommelk is propvol belangrike voedingstowwe soos kalsium, proteïen en vitamien B12.
• Hierdie koesterkos kan as ’n nagereg of ligte maaltyd bedien word. 
• Hou in gedagte dat hierdie nostalgiese Suid-Afrikaanse gereg se tekstuur klonterig moet wees, nie glad nie. 

Genoeg vir 6–8.

Bestanddele 

• 2 liter volroommelk 
• 1 heel kaneelstokkie 
• 300 ml koekmeel 
• 5 ml (1 t) fyn sout 
• 50 g botter, in blokkies gesny 
• Kaneelsuiker, vir opdiening 

Metode 

1. Gooi die melk in ’n groot kastrol. Voeg die kaneelstokkie by en verhit dit stadig oor medium-lae hitte. 
2. Sif intussen die meel en sout in ’n mengbak. Werk die botter saggies met jou vingerpunte by die meel in om groot frummels te vorm. Moenie oorwerk nie. Sit eenkant. 
3. Sodra die melk begin kook, sprinkel die frummelmengsel in die kastrol. Roer heeltyd anders brand dit vas.
4. Verlaag die hitte en laat die mengsel prut. Laat dit vir 10 minute stadig prut, terwyl jy aanhoudend roer en dit begin verdik en die frummels uitswel.
5. Bedek en laat dit vir nog 5 minute prut. Haal dan van die hitte af. 
6. Strooi kaneelsuiker in die opdienbakkies. Skep die melkkos in en strooi nog kaneelsuiker bo-oor. Bedien dadelik. 

The post Tradisionele melkkos appeared first on rooi rose.

Beste melkkos. Deur Vickie de Beer. Foto deur Lee Malan

Lees ook: 

Basiese pampoentert

Groenboontjiebredie

The post Beste melkkos appeared first on rooi rose.

“Die melkkos was ons lekkerste bederf en die beste trooskos. My ma het dit in ’n skotteltjie in die warmlaai gehou om dik en romerig te word. Dit was aandete én poeding, alles in een. Dit was allerbelangriks dat jy ’n “bootjie” (kaneelstokkie) met die skepslag moes kry. Daar was altyd minstens twee, een vir my en een vir my sussie.” Vickie de Beer

Genoeg vir 6 porsies

• 2 liter (8 k) volroommelk
• 2-3 kaneelstokkies
• 250 ml (1 k) + 45 ml (3 e) bruismeel
• 2,5 ml (½ t) sout
• 15 ml (1 e) botter

Kaneelsuiker
• meng 125 ml suiker met 30 ml fyn kaneel

1 Gooi die melk in ’n groot kastrol, voeg die kaneel by en verhit tot kookpunt.
2 Voorverhit die warmlaai van die oond of voorverhit die oond tot 60 °C.
3 Sif intussen 250 ml van die bruismeel en die sout in ’n mengbak saam. Werk die botter saggies met jou vingerpunte by die meel in. Moenie oorwerk nie.
4 Hou die meelmengsel onder ‘n druppende kraan en vorm groot frummels met jou vingerpunte. Skuif die gevormde frummels eenkant toe en vat elke keer nuwe meel van die kante van die bak tot al die meel opgebruik is.
5 Skuif die gevormde frummels eenkant toe en vat elke keer nuwe meel van die kante van die bak tot dat al die meel gebruik is.
6 Meng die res van die meel (45 ml) deur sodat die frummels los van mekaar en net-net met meel bedek is.
7 Voeg die frummels by die warm melk en kook vir 20 min. oor lae hitte tot die melkkos begin verdik en die frummels uitswel.
8 Sit ’n deksel op en sit vir 3 uur in die warmlaai van die oond sodat dit kan verdik. Sit met kaneelsuiker voor.

The post Ouma Jakkie se melkkos appeared first on rooi rose.