Die Heuwels Fantasties, Francois van Coke, Die Piesangskille, Early B, Justin Vega, Robbie Wessels, Rikus Nel, Spoegwolf, Appel, Jack Parow, Riaan Benade, Kurt Darren, Karlien van Jaarsveld en spesiale Namibiese kunstenaars Sagarias Tsam, Lin-Mari, en Vaugn Ahrens gaan sorg vir `n onvergeetlike musiek-dag op Saterdag 21 September, Vegkop, Windhoek. 

Neville Basson is die seremoniemeester.  

Die Suid-Afrikaanse kunstenaars wat by Liefde by die Nam (in samewerkingmet Kosmos 94.1) optree, is dit eens dat Namibië een van die mooiste lande in die wêreld is. Karlien van Jaarsveld sê: “Namibië se mense is lekker mense en dit maak dit vir ons lekker. Ons gaan alles gee op daai verhoog!” 

Early B sê die Namibiërs se gesindheid en gasvryheid maak dit vir hom spesiaal. “Hulle hou hard partytjie en praat so lekker Afrikaans. Ek voel altyd goed wanneer ek my taal met liefde kan deel. Ek kom met die lekkerste set wat ek nog ooit in Nam gedoen het. Ek gaan ook my nuutste liedjie daar doen wat nog moet uitkom, so hulle hoor dit eerste en ekslusief by Liefde by die Nam. Hulle sal moet reg kom om te dans.” 

Robbie Wessels vertel: “Daar is `n bekoring aan Namibië wat mens nie regtig in woorde kan beskryf nie. As mens ry daar op die soutpaaie tussen Walvisbaai en Henties dan voel mens dit. Dit is net super spesiaal. Ek bring my grootste kuier-liedjies. Hoop ek Sien julle daar!” 

 Jack Parow maak so gereeld as moontlik `n draai in Namibië. “Ek LOVE dit daar. Die mense het so baie gees. Van my set by Liefde by die Nam kan hulle groot energie, groot spiere en groot doppe verwag. Dit gaan juig lat die die walms styg!” 

Maak gereed vir ‘n ongelooflike dag van musiek, liefde, en pret!” 

Koop jou kaartjies nou by www.liefdebydiedam.co.za 

– Algemene Toegang: 299 NAD 

– VIP (sluit vinnige toegang, toegang tot VIP-gebied, en sitplekke met eie kroeg en toilette in): 2999 NAD 

– Kinders (4-12 jaar): 200 NAD 

– Kinders onder 4: Gratis toegang 

Lees ook: Ses aanhalings en vyf feite oor ‘Nêrens, Noord-Kaap: Deel II’ se eerste episode

The post Net liefde vir Namibië onder SA se grootste kunstenaars! appeared first on rooi rose.

Kaartjies vir Liefde by die Dam in Johannesburg het binne enkele minute vanoggend uitverkoop.

Pierre Greeff van Die Heuwels Fantasties en ook een van die hooforganiseerders van die Liefde-konsertreeks sê: “Ons is dankbaar vir die goeie afskop! Joburg is ons mothership-konsert en altyd next level. Daar is iets aan hierdie vertoning wat net elke jaar ons almal se verwagtinge bly oortref. Ons werk met die nuutste verhoog-tegnologie om wêreldklas-konserte aan te bied en daar is ook heelwat verrassings by elkeen. Ons raai almal in Kaapstad en Windhoek aan om te spring om kaartjies te kry voor dit te laat is.”

Dié gewilde konsert-reeks is bekend vir groot skares voor groot verhoë met `n reeks kunstenaars wat die top-klas Afrikaanse pop en alternatiewe klanke van die Suid-Afrikaanse musiek-landskap verteenwoordig.

Daniël Marais van treffer-groep Die Piesangskille, wat vir die eerste keer vanjaar by die konserte in al drie die stede gaan optree, vertel dat hy so paar jaar gelede as jong musiekliefhebber by twee Liefde-vertonings was. “Elke keer as ek by die huis kom vertel ek my vriende: Dit was INSANE! So dit is rerig vir ons `n baie groot voorreg om hierdie keer op die verhoog te wees. Ons kan nie wag om die liefde met almal nou vanaf die verhoog te deel nie.”

“Liefde by die Dam is een van die awesomeste konserte waarvan ek nog ooit deel was,” sê Robbie Wessels. Dit het ‘n great vibe, so baie energie en gees. Met my vertoning gaan ek net probeer om almal lekker te laat kuier met al my groot treffers soos Leeuloop, Asseblief my lief, Skinnidip en meer.”

Early B tree ook vanjaar weer by al drie Liefde-konserte op. “Liefde by die Dam en Nam is vir my sover elke jaar van die grootste geleenthede om my liefde vir musiek te deel met skares van duisende mense. Dis amazing!”

Appel beaam tong in die kies, “Vanaf Liefde by die Dam tot Liefde by die Nam, is daar maar niks noravlok wat dit kan vervang!”

• Emmarentia Dam – Saterdag 3 Augustus.
• Vegkop, Windhoek – Saterdag 21 September.
• Meerendal, Durbanville – Saterdag 2 November.

Koop kaartjies by Ticketmaster of gaan na http://www.liefdebydiedam.co.za

Kaartjiepryse:

Algemeen: R299

VIP: R2999 – (vinnige ingang, toegang tot VIP area en sitplekke met area se eie kroeg en toilette.)

Geen VIP kaartjiepryse vir kinders, slegs een prys per persoon vir VIP.

Kinders 4 tot 12jaar – R200.

Kinders onder 4 gratis toegang.

Kunstenaars Liefde by die Dam 2024:

Johannesburg:

Die Heuwels Fantasties, Francois van Coke, Die Piesangskille, Early B, Robbie Wessels, Eloff, Appel, Elandre, Demi Leigh Moore, Droomsindroom, Bobby van Jaarsveld, Chris Plakkies, Bacchus Nel & Georgetown Brass Band, Biggy, Radio Raps en Justin Vega.

Windhoek:

Die Heuwels Fantasties, Francois van Coke, Die Piesangskille, Early B, Justin Vega, Robbie Wessels, Rikus Nel, Spoegwolf, Appel, Jack Parow, Riaan Benade, Kurt Darren, Karlien van Jaarsveld, Sagarias Tsam, Lin-Marie en Vaugn Ahrens.

Kaapstad:

Die Heuwels Fantasties, Fokofpolisiekar, Die Piesangskille, Early B, Robbie Wessels, Blackbyrd, Jack Parow, Snotkop, Rikus Nel, Loufi, Appel, Elandre, Riaan Benade, Droomsindroom en Justin Vega. Met Schalk Bezuidenhout as seremoniemeester.

‘Liefde by die Dam’ bedank die volgende media en borge: kykNET, Jacarandafm, Bok Radio, Kosmos 94.1, Flying Fish, Olof Bergh, lift, SA`s most flexible airline, Naked Insure, We Buy Cars, Ticketmaster.

Lees ook: Besoek Stellenzicht se unieke ekowyn-pod vir ’n uitsonderlike wynproe-ervaring

The post Duisende kaartjies vir ‘Liefde by die Dam’ Johannesburg verkoop binne enkele minute uit appeared first on rooi rose.