Begin reeds die vorige dag met die roomyskoek.

Genoeg vir 10-12

Bestanddele

• 1 x 360 g-blikkie karamel
• 750 ml (3 k) room
• 15 ml (1 e) vanieljegeursel
• 300 g x 70% donkersjokolade, ruweg gekap
• 200 g swartbessies (bevrore of vars)
• 100 g pekanneute, liggies gerooster en ruweg gekap
• 200 g Romany Creams met sjokoladevulsel, fyn gemaal

Metode

1. Spuit ’n jellievorm of Bundt-koekpan met ’n deursnee van 25 cm met kleefwerende kossproei.
2. Meng die karamel, room en vanieljegeursel in ’n groot mengbak. Klits met ’n elektriese klitser tot lig en donsig.
3. Verdeel die roomysmengsel eweredig tussen 3 verskillende mengbakke.
4. Smelt die sjokolade vir 1 min. op die ontvriesstelling van die mikrogolfoond. Roer die sjokolade deur en smelt vir nog 30 sek. op ’n slag tot dit heeltemal gesmelt is – roer ná elke 30 sek. Vou slegs 200 g van die gesmelte sjokolade by een van die mengsels in. Hou die res eenkant. Vul die voorbereide pan met die sjokoladeroomys. Sit in die vrieskas vir 30 min.
5. Verwerk die swartbessies in ’n voedselverwerker tot glad en vou die swartbessies by een van die laaste twee mengsels in. Gooi die swartbessieroomys bo-op die sjokoladeroomys en sit vir nog 30 min. in die vrieskas.
6. Meng die pekanneute deur die oorblywende roomys en vul die pan met die pekanneut-roomys. Sit in die vrieskas vir 30 min.
7. Meng die Romany Creams en oorblywende sjokolade en druk die kors met die agterkant van ’n lepel liggies bo-op die karamelmengsel vas.
8. Sit die roomyskoek oornag in die vrieskas, laat dit vries en haal eers 10-15 min. voor die uitkeerslag uit die vrieskas. Sit voor met ekstra bessies en vars kruisement.

The post Feestelike roomyskoek appeared first on rooi rose.

Genoeg vir 6-8.

Bestanddele

• groot hand vol vars basiliekruidblare
• 4 perskes of nektariens, in kwarte gesny
• 500 g kersietamaties, middeldeur gesny
• 200 g bocconcini-mozzarella
• 100 g dennepitte of gevlokte amandels, gerooster
• sout
• 30 ml (2 e) olyfolie en 45 ml (3 e) balsemiekasyn

Metode

1. Pak die basilieblare, perskes, kersietamaties en bocconcini in ’n kransvorm op ’n mooi dienbord uit.
2. Strooi die dennepitte oor, geur met sout, sprinkel die olyfolie en asyn oor en sit voor.

The post Caprese Kersfeesslaai met perskes appeared first on rooi rose.

Genoeg vir 4.

Bestanddele

Slaaisous

• 1 k (250 ml) vars kruisement
• ½ k (125 ml) olyfolie
• 10 ml vars knoffel, fyngekap
• 15 ml witwynasyn
• 10 ml heuning
• knypie sout

Slaai

• 6 lappies parmaham
• ½ spanspek, afgeskil en in wiggies gesny
• 1 avokado, geskil en in skyfies gesny
• 200 g waatlemoen, geskil en in blokkies gesny
• 200 g fetakaas, verbrokkel
• 50 g pistasieneute, uit die dop
• ½ rooi-ui, geskil en in dun skyfies gesny
• ’n hand vol vars basiliekruid
• ’n hand vol vars kruisement

Metode

1. Bring water in ’n middelslagkastrol tot kookpunt.
2. Dompel die kruisementblare vir sowat ’n minuut in die kokende water, dreineer en sit in yswater. Dreineer en druk die oortollige water uit.
3. Verwerk die kruisement en die olie in ’n voedselverwerker tot fyn. Gooi deur ’n sif.
4.  Meng die kruisementolie met die knoffel, witwynasyn en heuning. Hou eenkant.
5. Draai ’n skyfie parmaham om elke spanspekskyf en pak dit op ’n dienbord. Pak skyfies avokado tussenin en strooi die res van die bestanddele oor die spanspekskywe.
6. Sit met die kruisementslaaisous voor.

Lees ook: Oosterse waatlemoenslaai

The post Slaai met vrugte, parmaham & fetakaas appeared first on rooi rose.

Resep deur Vickie de Beer. Foto: Lee Schwagele crphotographic.co.za

Genoeg vir 8

Bestanddele

• 4 klein pere, afgeskil en middeldeur gesny, ons het die klokhuise gelos, maar jy kan dit uithaal
• 2 e (30 ml) olyfolie
• ½ k (125 ml) heuning
• ’n hand vol vars tiemietakkies
• 200 g bruismeel
• 4 t (20 ml) bakpoeier
• 4 t (20 ml) fyn gemmer
• 200 g strooisuiker, plus ekstra om oor te sprinkel
• 200 g amandelmeel
• 4 e (60 ml) vars tiemie, blare afgestroop
• 6 eiers, liggies geklits
• 200 g botter, gesmelt
• ½ k (125 ml) geglaseerde gemmer in stroop, gedreineer en ruweg gekap
• 3 e (45 ml) gevlokte amandels

Metode

1. Voorverhit die oond tot 200 ˚C. Spuit ’n 25 cm-losboomkoekpan deeglik met kossproei.
2. Sit die pere op die bakplaat. Bedruip liggies met olyfolie en heuning en sprei die tiemietakkies bo-oor uit. Rooster die pere vir sowat 30 min. Draai hulle elke 10 min. om sodat hulle aan albei kante karamelliseer. Haal uit en laat afkoel.
3. Verlaag die oondtemperatuur tot 180 ˚C.
4. Sif die bruismeel, bakpoeier en gemmer in ’n mengbak. Voeg die suiker, amandelmeel en tiemie by en meng goed.
5. Maak ’n holte in die middel van die droë bestanddele. Voeg die eiers, botter en geglaseerde gemmer by die droë bestanddele en meng goed.
6. Gooi die mengsel in die voorbereide koekpan, rangskik die pere op die koekbeslag en strooi die gevlokte amandels oor die deeg maar nie op die pere nie.
7. Bak vir 45-50 min. of tot goudbruin en ’n toetspen skoon uitkom.

Lees ook: Appel-peer-en-karamel-tert

Lees ook: Peer-en-okkerneut-koekies

Lees ook: Goue amandel-peertjies & sjokolade-vrugtetertjies

The post Geroosterde peer-en-amandel-koek appeared first on rooi rose.

Genoeg vir 8

Bestanddele

• 1 klein waatlemoen, geskil en in happie-grootte stukke gebreek
• 2 lemmetjies, in wiggies gesny + fyn gerasperde skil van 3 lemmetjies
• 500 ml (2 k) klaarbereide lemmetjie-sorbet (ons het Lecca ill Gelato gebruik)
• 100 g (1 pakkie) pistasieneute, gekap
• hand vol kruisementblare

Metode

1. Pak die waatlemoen en lemmetjies in ’n dienbak en strooi die lemmetjieskil oor.
2. Skep die roomys net voor die voorsitslag bo-op en strooi die pistasieneute en kruisementblare oor.

The post Waatlemoen-en-lemmetjie-slaai appeared first on rooi rose.

The post Hoender-en-pynappel-roerbraai appeared first on rooi rose.

Lewer sowat 10-12 plaatkoekies

185 g (1¼ k) meel
7,5 ml (1 ½ t) bakpoeier
knypie sout
5 ml (1 t) kaneel
2,5 ml (½ t) neutmuskaat
15 ml (1 e) strooisuiker
80 ml hawermout
375 ml (1½ k) karringmelk
1 eier, liggies geklits
gerasperde skil van 1 lemoen (opsioneel)
1 appel, gerasper
35 g botter, gesmelt + ekstra vir braai

1 Sif die meel, bakpoeier, sout, kaneel en neutmuskaat in ’n middelslag-mengbak. Roer die strooisuiker en hawermout by.
2 Meng die karringmelk, eier, lemoenskil en appel en voeg die botter by. Gooi die karringmelkmengsel by die meelmengsel en meng goed. Laat vir 20 min. staan.
3 Braai lepels vol van die beslag in ’n bietjie gesmelte botter in ’n pan. Draai om wanneer daar borreltjies bo-op vorm en braai tot goudbruin alkant. Sit voor met haselneut-en-heuning-botter.

Haselneut-en-heuning-botter

100 g botter
100 g haselneute, liggies gerooster en grof gekap
100 g heuningkoek of 3 e (45 ml) heuning

1 Verwerk al die bestanddele in ’n voedselverwerker tot glad. Skep uit en rol in waspapier toe.
2 Hou vir 20 min. in die yskas tot hard. Skep dun skyfies op die warm plaatkoekies en sit voor terwyl die botter smelt.

The post Hawerplaatkoekies met haselneutbotter appeared first on rooi rose.

The post Harissa lam met vrugtige koeskoes appeared first on rooi rose.

Resep deur Vickie de Beer. Foto Lee Schwagele crphotographic.co.za

Genoeg vir 4-6.

Die hoender sal vir 2-3 dae in die yskas vars bly.

Bestanddele

• 2 e (30 ml) olyfolie
• 1 e (15 ml) botter
• 1 e (15 ml) fyngekapte vars gemmer en fyngekapte knoffel
• 4 grasuie, ruweg gekap
• 1 t (5 ml) gekapte brandrissies
• ¼ k ongesoute geroosterde kasjoeneute
• 500 g ontbeende hoenderdye (koop so by die supermark)
• ¼ k (60 ml) sjerrie
• 3 e (45 ml) sojasous
• 4 ontpitte dadels gesny
• sap van een lemmetjie
• 2 hande vol fyngekapte vars koljanderblare

Metode

1. Verhit die olie en botter in ’n groot pan oor matige hitte. Geur die hoender met sout en verbruin alkant tot goudkleurig. Skep uit en hou eenkant.
2. Braai die gemmer, knoffel, grasuie en brandrissie vir 2 min. of tot die knoffel goudkleurig is.
3. Voeg die kasjoeneute en hoender by en braai vir 5 min.
4. Voeg die sjerrie, sojasous, dadels en lemmetjiesap by en laat die mengsel vir sowat 7 min. prut tot die sous afgekook is en die hoender gaar is.
5. Roer die vars koljander by en laat afkoel voor jy die gereg in ’n digsluitende houer bêre.

The post Geurige dadel en sjerrie hoender appeared first on rooi rose.

Resep deur Vickie de Beer. Foto Lee Schwagele crphotographic.co.za

Genoeg vir 2 middagetes

Die pesto kan vir tot ’n week in die yskas gebêre word.

Bestanddele

Spesery geroosterde groente

• 1 t (5 ml) fyngekapte knoffel
• 1 t (5 ml) komyn
• 1 t (5 ml) vinkelsaadjies
• 1 t (5 ml) koljandersaad
• ½ t (2,5 ml) gerookte paprika
• ½ k (125 ml) olyfolie
• 1 groot patat, skoongeskrop en in blokke opgesny
• 6-8 babawortels
• 3 rooi-uie, in kwarte gesny
• 1 blomkool en 1 broccoli, in blommetjies gesny
• 3 e (45 ml) olyfolie
• 400 g haloumi, in 3 cm-blokke gesny
• ¼ k (60 ml) elk pampoensaad, sonneblomsaad en gevlokte amandels

Metode

Spesery geroosterde groente

1. Verhit die oond tot 200 ˚C.
2. Meng die knoffel, komyn, vinkel, koljander, gerookte paprika en olyfolie in ’n groot mengbak.
3. Voeg die groente by die spesery-olie, meng goed en skep in ’n groot oondpan.
4. Rooster die groente vir 30-40 min, of tot gaar. Voeg die haloumi en saadjies by as daar 10 min. van die roostertyd oor is.
5. Haal uit en laat afkoel voordat jy dit vir die week in ’n digsluitende houer bêre.

Quinoa-groentebakkie en broccoli-pesto

1. Verwerk 1 k (250 ml) gestoomde broccoliblommetjies, ’n hand vol vars basiliekruid, 1 t (5 ml) fyngekapte knoffel, ½ k (125 ml) olyfolie en ½ k (125 ml) kasjoeneute in ’n voedselverwerker tot glad. Geur met sout en swartpeper.
2. Meng 1 k (250 ml) gaar quinoa met 1 k van die geroosterde groente (*sien resep bo).
3. Skep dit in 2 kosblikke met ’n skeppie broccoli-pesto en ’n geposjeerde of saggekookte eier.

The post Quinoa groentebakkie en broccoli pesto appeared first on rooi rose.

The post Lemmetjiekaaskoek appeared first on rooi rose.

The post Amandel-en-appelkoos-pilau appeared first on rooi rose.

The post Almonds and apricot pilaf appeared first on rooi rose.

The post Vis in piesangblaarpakkies gebak met broccoli-groenslaai appeared first on rooi rose.