In haar nuwe boek Riviere in die wildernis deel Karlien van Jaarsveld, die gewilde vermaaklikheidspersoonlikheid, vir die eerste keer diep persoonlike grepe uit haar lewe en praat oor kwesbare onderwerpe. Sy gesels kaalvoet en sonder pretensie oor haar soeke en seer met die Here, want sy weet dat Hy gewillig en met deernis luister.

Karlien vertel van haar kronkelpaaie van pyn en verlies en hoe sy deur die jare daardie paaie gevleg met haar onwrikbare geloof, gestap het. Sy deel met die leser haar ondersoeke in die Woord, die suiwer leringe van Jesus, sielvolle gedigte, lirieke en diep persoonlike gewaarwordinge.

In Riviere in die wildernis leer ons Karlien ken soos nog nooit tevore nie. In haar arms het sy al lewe, siekte en dood vasgehou en geleer hoe om, of die Here nou gee óf neem, steeds ’n halleluja te sing.

“Riviere in die wildernis is soos ’n vars bries in die Christelike literatuur wat té dikwels besaai lê met versigtig geykte mooipraatjies,” sê Jaco Strydom, skrywer van Daka.

Laat haar woorde jou hart roer en jou herinner: Jy is nie alleen nie. Kry Riviere in die wildernis nou by jou naaste boekwinkel of bestel aanlyn. Klik hier vir meer inligting.

Lees ook: WEN Karlien van Jaarsveld se nuutste boek!

The post Karlien van Jaarsveld deel persoonlike grepe en hoop appeared first on rooi rose.

Margaret Gardiner pryk op die voorblad van rooi rose se Maart-uitgawe en gesels onder andere met ons oor haar nuwe boek, Bedorwe Skoonheid: Joey Superster, wat pas (in beide Afrikaans en Engels) in Suid-Afrika bekendgestel is.

Haar eerste roman is ’n uitvloeisel van haar jare lange ervaring in die vermaaklikheidsbedryf en haar perspektief op die maniere waarop mense in die kollig terugslae en mislukking hanteer.

“Ek is opgewonde om my storie met my Suid-Afrikaanse aanhangers te deel – in ’n land wat ek baie liefhet,” sê sy.  “Hierdie boek gaan oor hoe ons die uitdagings oorkom wat ons vorm en hoe ons innerlike krag vind te midde van ons diepste struwelinge.”  

Welkom in die wêreld van die model Joey Superster – ‘n warrelwind van kokaïen, seks en geld.

Dit lyk asof Josephine Brinkley alles het: Sy is ‘n superstermodel in Amerika tydens die 1980’s, ‘n voorbladmeisie wat kaal op mode-advertensieborde bo Sunset Boulevard pryk. Vroue wil soos sy wees. Mans wil haar eenvoudig net hê. Maar onder die blink lagie fineer skuil ‘n traumatiese verlede.

Die einde van haar huwelik met die Italiaanse aristokrasie het gelei tot ‘n tydperk in rehabilitasie.

Met haar terugkeer na partytjies, premières en modelwerk, hoop sy dat ‘n lewe van ontwerpersklere en glansmense haar nie weer op haar ou weë sal terugneem nie. As sy maar net werklik gesien, gehoor en verstaan kon word, sou sy dalk nie weer op ‘n pad van selfvernietiging gaan nie.

Joey wil die oorsaak van haar wilde, ongetemde gedrag konfronteer – maar moet toegee dat ‘n daad uit haar jeug by haar spook. Terwyl Joey veg van verslawing tot verlossing, kan sy die rigting van haar lewe verander, haar donker verlede hanteer en die superster word wat sy altyd bestem was om te wees?  

Die voormalige Mej. Heelal vertel sy is tasbaar opgewonde om Joey, ’n supermodel, se storie te deel. “Joey Superstar is die eerste van ’n reeks Damaged Beauty-boeke wat ek beplan oor goeie meisies wat volgens die reëls probeer speel, seergemaak en gebreek word, en eindelik die grense verskuif om te word wie hulle regtig is,” sê sy.  

Die Afrikaanse uitgawe word deur Naledi uitgegee, en beide die Afrikaanse en Engelse weergawes word deur Naledi in Suid-Afrika versprei.  

“’n Groot dag het aangebreek vir Naledi. Om Margaret Gardiner se eerste internasionale roman uit te gee, is ’n belangrike mylpaal vir ons. Beide die Engelse en Afrikaanse weergawes verskyn in Maart in Suid-Afrika en sal gepaardgaan met haar besoek aan die land – ’n groot hoogtepunt in ons publikasieprogram,” sê Johan Coetzee, uitvoerende hoof van Naledi.  

Om Margaret se boek, Bedorwe Skoonheid: Joey Superster, te bestel, klik hier. Dis ook by uitgesoekte boekwinkels reg oor die land beskikbaar.

Ter viering van Margaret se nuwe boek, gee ons vir vyf gelukkige lesers elk ‘n kopie en ons Maart-uitgawe wat Margaret geteken het!

Bepalings en voorwaardes: Alle pryse in rooi rose is onderhewig aan beskikbaarheid en is nie oordraagbaar, herverkoopbaar of terugbetaalbaar vir kontant nie. Vir nog bepalings en voorwaardes, besoek www.rooirose.co.za

Om in te skryf, volg @rooirose op Instagram en voltooi die onderstaande vorm:

Sluitingsdatum: 4 April 2025 

The post WEN Margaret Gardiner se nuwe boek en ‘n getekende uitgawe van rooi rose! appeared first on rooi rose.

Margaret Gardiner se nuwe boek, die eerste in ’n reeks, Damaged Beauty: Joey Superstar, is in die VSA en VK bekendgestel en het reeds wêreldwyd lof ontvang met 5-ster resensies.

• Margaret Gardiner kry dit reg om op ’n meesterlike wyse oomblikke van hartseer met straaltjies hoop te kombineer, wat Joey se reis van selfontdekking ’n diep emosionele ervaring maak waarmee mense kan vereenselwig. Hierdie is die eerste boek in die reeks, en ek sien met opgewondenheid uit na toekomstige aflewerings wat ander karakters in hierdie storie sal verken. Alhoewel die boek maklik lees, lig dit belangrike waarhede uit oor die wêreld agter die skerms en die stryd om van slagoffer na oorwinnaar te transformeer. Gardiner deel haar persoonlike ervarings in die mode- en skoonheidsbedryf asook haar kennis van sielkunde in haar skryfwerk. Hierdie boek is inspirerend en herinner ons daaraan dat skoonheid nie net gaan oor hoe jy lyk nie, maar iets is wat in elkeen van ons lê. Selfs pragtige mense kan van binne lelik voel en moet leer om hulself te aanvaar vir wie hulle regtig is – binne en buite. ’n Uitstekende boek, veral vir ouer tieners wat gek is oor beïnvloeders. – Doreen Chombu vir Readers’ Favourite

• Hoewel Joey in haar twintigs is, het haar storie ’n amperse “coming of age”-gevoel. Dit speel af in die glans en glorie van Los Angeles, met verwysings na première-aande en partytjies, maar die boek fokus hoofsaaklik op karakterontwikkeling. Dit is ’n diep, karaktergedrewe verhaal oor ’n lewe buite die verblindende kollig – met ’n brose hoofkarakter waarvoor jy nie anders kan as om empatie te hê nie, selfs wanneer sy selfvernietigend optree. – Charlotte Walker, Love Reading – UK

• Gardiner vang die glans van die modebedryf vas terwyl sy die donker realiteit agter die flitsende kameras ontbloot – verraad, misleiding en desperate soeke na verbintenis. Die roman se grootste krag lê in sy boeiende karakters en emosionele diepte. Omdat Joey so maklik is om mee te vereenselwig en ’n mens met foute is, vind haar storie aanklank by enigiemand wat al verwerping ervaar het of gesukkel het om hul eie waarde te bepaal. Gardiner se skryfstyl is filmies en vang die hoogtepunte en laagtepunte met rou eerlikheid vas. Die egtheid van Joey se stryd maak hierdie boek ’n onvergeetlike leeservaring. Damaged Beauty is perfek vir lesers wat van karaktergedrewe stories en emosionele verhale van menslike veerkragtigheid hou. – Zahid Sheikh vir Readers’ Favorite

Foto: Willem Botha, Rok: George Stander/Leocé Luxury Couture

Foto: Verskaf

Na baie afwagting, berei Gardiner haar ook voor vir die vrystelling van haar boek in Suid-Afrika. Die boek (in beide Afrikaans en Engels) word op 10 Maart 2025 amptelik in Suid-Afrika bekendgestel en sy sal Johannesburg, Pretoria en Kaapstad besoek vir ’n reeks bemarkingsgeleenthede, boektekensessies en ’n mediatoer.

“Ek is opgewonde om my storie met my Suid-Afrikaanse aanhangers te deel – in ’n land wat ek baie liefhet,” sê sy.  “Hierdie boek gaan oor hoe ons die uitdagings oorkom wat ons vorm en hoe ons innerlike krag vind te midde van ons diepste struwelinge.”

Vir meer inligting of om Margaret se boek, Damaged Beauty: Joey Superstar, vooraf te bestel, klik hier.  

Lees ook: Suidooster se Kaashifa oor skokkende storielyn: ‘Ek het op my ervaring staatgemaak’

The post Margaret Gardiner se boek kry 5-ster resensies en sy besoek binnekort SA! appeared first on rooi rose.

Riaan Grobler, ’n geliefde radio-omroeper by Pretoria FM asook bekende skrywer en sanger, bewys weer waarom hy ’n meester van kreatiewe uitdrukking is. Met sy splinternuwe album Moskonfyt, in samewerking met die talentvolle Jomari, en sy tweede roman Hospitaal Weltevreden wat in Januarie 2025 rakke gaan tref, neem Riaan sy passie vir musiek en storievertelling na die volgende vlak.  

Sy jongste album Moskonfyt spruit uit sy en Jomari se vriendskap van 17 jaar, vanaf die tyd toe hulle ’n jaar lank dieselfde huis ná sy universiteitsjare gedeel het.  

“Sy het die meeste van die agtergrondsang op my vorige albums gedoen omdat ek die meeste van my albums by haar man, die meester-musiekvervaardiger Werner Beukes, opgeneem het,” vertel hy. 

En toe Riaan die eerste keer die liedjie “’n Dag Sonder Jou” hoor, het hy geweet dit moet ’n duet wees – en sy droom van ’n vollengte album saam met Jomari is gebore. Nou, ná ’n jaar se harde werk, is “Moskonfyt” gereed om gehore mee te voer. 

Riaan se skryftalent kry boonop binnekort ’n nuwe hoofstuk met sy tweede roman, Hospitaal Weltevreden.  

Ná die sukses van sy debuutroman keer Riaan terug met ’n boeiende storie wat in ’n hospitaal afspeel. Anders as sy topverkoper, Geheime op Philadelphia, wat hoofsaaklik oor musiek en liefde gegaan het, verken hierdie boek die lewens van drie merkwaardige vroue: dr Anna-Mart, wat in die noodeenheid werk, die streng onkoloog dr Louise Tredoux, en die hospitaal se sielkundige Rentia le Roux.  

Volgens Riaan bevat die verhaal temas van “liefde, geloof en hoop”. 

“Die lesers sal gou agterkom dat dié drie vroue se hegte vriendskap deur diep waters gaan. Die intriges en geheime in die hospitaalgange gaan jou op die punt van jou stoel laat sit.” 

Karlien Meiring het meer oor die veelsydige kunstenaar se kreatiewe reis gaan uitvind. 

Is daar ’n bepaalde boodskap of gevoel wat jy en Jomari met jul album, Moskonfyt, probeer oordra?  

Mense moet dit kan geniet, lekker daarop kan dans, maar ook nostalgies kan raak. Daar is regtig mooi snitte op wat jou hartsnare gaan roer, maar ook liedjies wat jou voete gaan laat roer. 

Hoe kry jy tyd om te skryf? Het jy ’n spesifieke roetine?  

Ek skryf net op Sondae. Ek kan ook nie in stilte skryf nie, so ek gaan skryf elke Sondag ná kerk by my gunsteling-koffiewinkel in Brooklyn Mall. Daar sit ek vier tot ses uur lank en probeer 4 000 woorde per slag skryf. 

Is daar iets wat jy met radio- en TV-aanbieding geleer wat jy in jou skryfwerk of musiek toepas?  

Ja, ek het met honderde verskillende mense te doen gekry wat elkeen ’n unieke storie het. Dit gee ’n mens baie materiaal vir storielyne. Mense interesseer my geweldig baie en ek is van nature ’n baie nuuskierige mens. As TV- en radio-aanbieder het dit my baie gehelp om die ongewone vrae te vra. 

Jy het oor die jare in soveel kreatiewe velde gewerk. Watter van hierdie rolle gee jou die meeste vervulling?  

Radio sal altyd in my bloed bly. Jy’t net jou stem om mense se aandag te hou. Jy moet elke onderhoud anders benader om ’n spesiale invalshoek te kry, want dan kry jy die mooiste antwoord en stories uit mense. 

 

View this post on Instagram

 

A post shared by GROOTfm 90.5 (@grootfm90.5)

Wat beteken sukses vir jou in hierdie stadium van jou lewe en loopbaan?  

Sukses is om elke keer ’n nuwe album uit te bring of ’n nuwe boek, of ’n loodglaslamp klaar te maak. Solank ek mense kan inspireer en iets kan doen, groot of klein, om ’n bydrae tot hul lewe te kan maak, is my loopbaan en doel op die aarde ’n sukses. 

Moskonfyt is nou op alle digitale stromingsplatforms beskikbaar. 

Lees ook: Ontmoet Herman Bosman – ‘Wie word ’n miljoenêr’ se heel eerste miljoenêr!

The post Vyf-vinnige-vrae-Vrydag met Riaan Grobler, ’n meester van musiek en stories appeared first on rooi rose.

Die bekroonde akteur, entrepreneur en skrywer Hykie Berg se jongste boek, Geroep vir meer – Hoe om suksesvol te leef, is nou op die rakke. 

Die boek is geïnspireer deur alles wat Hykie, wat sy stormagtige geskiedenis met mense deel, die afgelope twee dekades oor die idee van sukses geleer het en hoe om dit te bereik.

“Die dag toe ek besluit het om persoonlike verantwoordelikheid vir my lewe te neem, was die dag wat my lewe verander het. Ek het besef ek is nie magteloos nie, maar dat ek die vermoë het om my eie toekoms te bou. Net só het elke mens daardie vermoë,” verduidelik hy. “Ons is nie slagoffers van ons omstandighede nie, ons is die argitekte daarvan.” 

“Ons moet net ons denkwyse en perspektief oor die lewe verander. Elkeen van ons is geroep vir meer as wat ons besef of dink. Almal sukkel met beperkende gedagtes, maar jy is waar jy is as gevolg van die storie wat jy jouself vertel. As jy die storie verander, sal jou lewe ook verander.” 

Volgens Hykie is Geroep vir meer – Hoe om suksesvol te leef geskryf vir dié “wat bereid is om uiteindelik ’n kans te waag, God met totale toewyding te vertrou en in geloof die rigting van hul lewenskoers te verander. Dit is geskryf vir elkeen wat weer hoop wil hê en werklik suksesvol wil lewe. Dis vir diegene wat bereid is om aksie te neem, uit hul gemaksone te tree en hul vrese in die gesig te staar.” 

Hykie spreek gereeld gehore toe en is elke keer verstom hoe min mense werklik doelgerig lewe. “So baie mense het geen visie vir hul lewe nie en sal dus nooit hul volle potensiaal bereik nie. Hulle weet nie wat hulle uit die lewe wil hê nie. Hulle weet nie waarheen hulle op pad is nie. Hulle het ophou droom en het geen doel, plan of eindbestemming nie. Maar daar is ’n beloofde land vir elkeen van ons, die droom wat God oor ons lewe het. Hy het vir elkeen van ons gawes, talente en verhoudinge gegee wat wag om ontgin te word. Elke mens het dus die vermoë om ’n veelvlakkige droom vir hul lewe te skep én dit ’n werklikheid te maak,” vertel hy. 

Sy nuwe boek vorm deel van Hykie en sy vrou, Gerridene, se visie om in die volgende vyf jaar 100 nuwe miljoenêrs te skep en 100 gesinne weer saam te bring deur pa’s en ma’s toe te laat om die rotresies te ontsnap. 

Hykie en sy vrou, Gerridene (Foto: Verskaf)

“Om ’n buitengewone impak te maak en ’n lewe van ware betekenis te lei vat meer as net passie en verbeelding om tot vervulling te kom. Ek hoop dat my boek mense sal inspireer om weer te begin droom en opgewonde te raak oor die eindelose moontlikhede wat die lewe bied, om verantwoordelikheid te vat vir hul besluite, en om die krag te ontdek wat binne elkeen van ons lê om ’n impakvolle lewe te leef.” 

Hykie was ook in 2010 die wenner van Survivor Maldives. Sedertdien het hy verskeie suksesvolle projekte aangepak en is vandag nie net ’n bekroonde akteur en TV-aanbieder nie, maar ook ’n internasionale spreker, ’n suksesvolle entrepreneur en ’n topverkoperskrywer. 

Sy eerste boek, My storie van hoop (Ultimate Survivor is die Engelse vertaling hiervan) is gebore toe hy aan Survivor deelgeneem het en tot die besef gekom het dat die Here hom nie in die vermaaklikheidsbedryf geplaas het om ’n Oscar te wen nie, maar om vir hom ’n platform te gee om mense te bedien. Hierdie topverkoper is met die Andrew Murray Desmond Tutu-prys bekroon.    

“My vorige twee boeke het albei oor my uitdagings met my verslawing sowel as my geestesongesteldheid gegaan. Hierdie boek is ’n tipe selfhelpboek met baie van die temas wat ek die laaste 20 jaar geleer het rakende prestasie en die wil om weer op te staan en nie te gaan lê nie. Die boek is opbouend, vol liefde en inspirasie!” 

Karlien Meiring het meer oor Geroep vir meer – Hoe om suksesvol te leef gaan uitvind. 

Wat is die kernboodskap wat jy graag wil hê lesers van hierdie boek moet wegneem? 

Die besef dat ek en jy nie stuck is nie. Ons kan ons lewe op alle vlakke verbeter as ons graag sou wou. En dat dit van kardinale belang is om ’n droom en visie vir jou lewe te hê. Daar’s ’n roeping en ’n plan met jou lewe, jy moet dit net ontdek. 

Hoe het die proses om dit te skryf jou uitgedaag? 

Ek wy twee hoofstukke aan die beginsels van selfdissipline en konsekwentheid wat uiters belangrik in die proses van uiteindelike prestasie is, want selfdissipline is die brug tussen jou begeertes en resultate. Sonder die selfdissipline om konsekwent te wees, kan niemand werklik enigiets noemenswaardig bereik nie. Die skryf van hierdie boek het my selfdissipline en konsekwentheid tot die uiterste beproef, want daar was baie dae wat ek nie wou skryf nie, maar ek moes. Mike Tyson het altyd gesê: “Discipline is doing what you hate to do, but nonetheless doing it like you love it.” 

Wat dink jy is die grootste struikelblok wat mense verhoed om hul droomlewe te leef? 

Meeste mense wil nie deur die ongemak en pyn gaan wat gepaardgaan met die opofferings wat gemaak moet word om hul drome te bereik nie. Daar is ’n prys om te betaal, en daai prys moet eers betaal word voordat die droom ’n werklikheid kan word, en vir meeste mense is dit ’n te groot prys. 

Jy en jou vrou het ’n doelwit gestel om 100 nuwe miljoenêrs in vyf jaar te skep. Hoekom is hierdie missie vir julle so belangrik? 

Een van die groot redes hoekom gesinne uitmekaar val, is as gevolg van ma’s en pa’s wat nie teenwoordige ouers is nie. In baie gevalle is dit omdat die druk en werk van vandag so baie vereis dat hulle nie by die belangrike dinge in die lewe uitkom nie. Wat is dus die antwoord? Die antwoord is die gig-ekonomie en ’n deeltydse onderneming wat passiewe inkomste genereer sodat jy die rotresies kan ontsnap. Dis in hierdie omgewing wat ons mense bemagtig om vir hulle ’n tweede vorm van inkomste te genereer sodat hulle wel weer kan droom en ’n lewe van vryheid kan geniet. 

Watter raad sal jy vir iemand gee wat in die lewe vasgevang voel en nie weet waar om te begin op hul reis na sukses nie? 

Eerstens, ken jou Bybel en bid. Tweedens, figure uit wat jy uit die lewe wil hê. Meeste mense weet nie wat hulle wil hê nie, dus is hulle soos ’n skip sonder seile wat nooit by ’n beplande bestemming gaan uitkom nie. Sodra jy weet wat jy wil hê, gaan kry mense wat het wat jy wil hê, en vra hulle om jou te mentor. Moet nooit raad vra van iemand wat nie het wat jy wil hê nie. En dan laastens, lees soveel as moontlik boeke oor mense wat het wat jy wil hê. Alle leiers en mense wat ongelooflike dinge vermag, is lesers.  

Die boek is landwyd by uitgesoekte boekwinkels beskikbaar en kan ook hier bestel word.

Lees ook: Vyf-vinnige-vrae-Vrydag met ‘Diepe waters’ se twee nuwe gesigte

The post Vyf-vinnige-vrae-Vrydag met Hykie Berg oor sy nuwe boek    appeared first on rooi rose.

Die bekroonde akteur, entrepreneur en skrywer Hykie Berg se nuutste boek, Geroep vir meer – Hoe om suksesvol te  leef, is eersdaags beskikbaar.

Die boek is geïnspireer deur alles wat Hykie – wat sonder skaamte sy stormagtige geskiedenis met mense deel – die afgelope twee dekades oor die konsep van sukses geleer het en hoe om dit te bereik. 

“Die dag toe ek besluit het om persoonlike verantwoordelikheid vir my hele lewe te neem was die dag wat my lewe verander het. Ek het besef ek is nie meer ’n slagoffer en magteloos nie, maar dat ek die vermoë het om my lewe te kies en my eie toekoms te bou. Net só het elke mens daardie vermoë,” verduidelik hy. “Ons is nie slagoffers van ons omstandighede nie, ons is die argiktekte daarvan.”

“Ons is nie vasgevang nie, ons moet net ons mentaliteit en perspektief oor die lewe verander. Elkeen van ons is geroep vir meer as wat ons besef of dink. Almal sukkel met beperkende gedagtes, maar jy is waar jy is as gevolg van die storie wat jy jouself vertel. As jy die storie verander, sal jou lewe ook verander. Jy is nie “stuck” nie.”

Volgens Berg is Geroep vir meer – Hoe om suksesvol te  leef geskryf vir dié “wat bereid is om uiteindelik ’n kans te waag, God met totale toewyding te vertrou en in geloof die rigting van hul lewenskoers te verander. Dit is geskryf vir elkeen wat weer hoop wil hê en werklik suksesvol wil lewe. Dis vir diegene wat bereid is om aksie te neem, uit hul gemaksone te tree en hul vrese in die gesig te staar.”

Hy brei uit: “Hierdie boek handel oor die beginsels van ’n suksesvolle en betekenisvolle lewe, die droom wat God oor jou lewe het en die persoonlike verantwoordelikheid wat elkeen van ons aan die dag moet lê om deel te kan hê in die wonderwerk proses van die lewe. Die boek het die potensiaal om jou lewe te verander, indien jy bereid is om die beginsels wat ek bespreek toe te pas. God is lief vir jou en wil hê jy moet floreer, vrug dra, en bo alles sy vrede en liefde ervaar. Die boek handel oor hoe om jou beloofde land in te neem.

“Ongeag jou omstandighede, jou verlede, of die uitdagings wat jy in die gesig staar, wil God jou uitnooi om saam met Hom ’n pad te stap, sodat Hy Homself aan jou kan openbaar en Sy geheime oor jou lewe aan die lig kan bring. Sy droom vir jou lewe is meer boeiend, belangwekkend en opwindend as enige droom wat jy self kan bedink, verbeel of voorstel. Jou wildste drome kom nie naby aan dit wat God vir jou beplan het nie,” vertel hierdie veelsydige man, wat sy Skepper in 2010 tydens die realiteitsprogram Survivor Maldives ontmoet het.

Hykie spreek gereeld gehore toe en is elke keer verstom hoe min mense werklik doelgerig lewe. “So baie mense het geen visie vir hul lewens nie en sal dus nooit hulle volle potensiaal bereik nie. Hulle weet nie wat hulle uit die lewe wil hê nie. Hulle weet nie waarheen hulle op pad is nie. Hulle het ophou droom en het geen doel, plan of eindbestemming nie. Maar daar is ’n beloofde land vir elkeen van ons, die droom wat God oor ons lewens het. Hy het vir elkeen van ons gawes, talente en verhoudinge gegee wat wag om ontgin te word. Elke mens het dus die vermoë om ’n veelvlakkige droom vir hul lewe te skep én dit ’n realiteit te maak.”

Hy voeg by: “God wil vir elkeen van ons Sy beste gee. Hy wil nie hê Sy kinders moet vergaan in skuld, armoede en ellende nie. Ek sê nie God wil hê almal moet miljoenêrs wees nie, maar Sy hart is dat dit goed gaan met elkeen van ons. God sal vir jou meer as genoeg gee om Sy droom oor jou lewe te laat realiseer, sodat jy jou opdrag hier op aarde kan uitvoer en ander ook kan help om hulle opdragte te voltooi.” 

Sy nuwe boek vorm deel van Hykie en sy vrou, Gerridene, se visie om in die volgende vyf jaar 100 nuwe miljoenêrs te skep en 100 gesinne weer saam te bring deur pa’s en ma’s toe te laat om die rotresies te ontsnap.

“Om ’n buitengewone impak te maak en ’n lewe van ware betekenis te lei, vat meer as net passie en verbeelding om tot vervulling te kom. Ek hoop dat my boek mense sal inspireer om weer te begin droom en opgewonde te raak oor die eindelose moontlikhede wat die lewe bied, om verantwoordelikheid te vat vir hul besluite, en om die krag te ontdek wat binne elkeen van ons lê om ’n impakvolle lewe te leef.”

Hykie was ook in 2010 die wenner Survivor Maldives. Sedertien het hy verskeie suksesvolle projekte aangepak en is vandag nie net ’n bekroonde akteur en TV-aanbieder nie, maar ook ’n internasionale spreker, ’n suksesvolle entrepreneur en ’n topverkoper-skrywer.

Sy eerste boek, My Storie van Hoop, Ultimate Survivor (die Engelse vertaling van My Storie van Hoop) is gebore toe hy aan Survivor deelgeneem het en tot die besef gekom het dat die Here hom nie in die vermaaklikheidsbedryf geplaas het om ’n Oscar te wen nie, maar om vir hom ’n platvorm te gee om mense te bedien. Hierdie topverkoper is met die Andrew Murray Desmond Tutu-prys bekroon.   

Hy is ook die ambassadeur van Creative Kidz, ’n skool wat remediërende onderwys en ondersteuning bied aan kinders met leeruitdagings.

Hykie en Gerridene is die trotse ouers van Leméh, asook hulle drie Schnauzers, Rupert, Cupcake en Rori. Hulle woon in Johannesburg. Die paartjie deel ’n passie vir God se Koninkryk, vermaak, entrepreneurskap en mense. Hulle glo ook daar is min dinge in die lewe wat so kragtig is as om genoeg passiewe inkomste te verdien wat jou in staat stel om voltyds te doen wat jy graag sou wou en het saam ’n enorme passie om mense te leer hoe om uiteindelik ook voltyds in hul roeping te kan leef en by hul drome en doelwitte uit te kom. Hulle visie is om in die volgende vyf jaar 100 nuwe miljoenêrs te skep en 100 gesinne weer saam te bring deur pa’s en/of ma’s toe te laat om die rotresies te ontsnap.  

Hykie het in Pretoria grootgeword en het aan Hoërskool Die Wilgers gematrikuleer. Ná skool het hy sy graad in dramatiese kunste, vermaak en media bestuur aan Stellenbosch Universiteit voltooi. 

Hy is reeds meer as twee dekades lank in die vermaaklikheidsbedryf betrokke en is tans te sien in Binnelanders waar hy die gewilde Dokter Conrad Bester vertolk. Vandag is dit vir hom ’n voorreg om deel te kan wees van die preek-span van Centre Church in Johannesburg, waar hy geestelik verryk word om landswyd te kan bedien.  

Berg is ’n voorstander in die stryd om die stigma teen geestesiekte te verbreek – sy geskiedenis met middelmisbruik is welbekend – en is ’n geakkrediteerde geestelike gesondheidsafrigter.  

As gewilde motiveringspreker spreek hy kwessies soos prestasie, beperkende gedagtes, leierskap, en die beginsels van ’n suksesvolle lewe aan. Dit is vir hom ’n voorreg en ’n seën om ander te kan help en hy bedien ook graag by rehabilitasiesentrums. 

Wanneer hy nie besig is met werk nie, spandeer hy tyd saam met sy gesin en drie honde. Hy is ook gefokus op fiksheid en gesondheid, en vind sy ontspanning in lees en verrykende werkswinkels.  

Lees ook: 10 redes waarom jy die Augustus-uitgawe van rooi rose móét lees!

The post Hykie Berg se inspirerende nuwe boek is binnekort op die rak appeared first on rooi rose.

Leo

Benna, dis crazy. Ons werk vir ’n no-name, no-prestige outfit, ons moet lieg soos criminals, en ons jaag spoke van twaalf jaar terug. Ek sê jou, dis die end times dié.

’n Student se dood in die berg by Stellenbosch lyk verdag.
’n Oud-recce vermoor as ’n boodskap. Aan iemand: Hou julle bekke.
’n Korrupte politikus se lyk in die sandkuil van Arabella se sestiende putjie. Met ’n onontsyferbare kode daarby.
’n Mooi veldgids, gewerf as ’n heuningwip vir die grootste dollar-rooftog in die land se geskiedenis. En staatskapers wat elkeen van die ondersoeke saboteer.
Jy’t ’n koel kop nodig om dit alles te ontrafel, om die enorme druk te kan hanteer. Jy moet kalm en gefokus en nugter wees.
Maar Bennie Griessel se kop is nie koel nie. Hy’s bedruk. Bekommerd. Bevrees. Want op 12 Junie moet hy trou, ’n datum wat op hom afkom soos ’n sneltrein. En hy’s glad nie reg vir dié ding nie.
Dis ’n resep vir ’n ramp.

Griessel en Cupido is terug. Hier kom moeilikheid, GROOT moeilikheid.

Oor die skrywer:

Internasionaal bekende skrywer Deon Meyer woon op Stellenbosch. Sy publikasies sluit in dertien misdaadromans (onder meer Spoor, 2010, 7 Dae, 2011, Kobra, 2013, Ikarus, 2015, Koors, 2016, Prooi, 2018, en Donkerdrif, 2020. Orion, Proteus en Infanta is met die ATKV-prosaprys bekroon en Prooi met die ATKV-prys vir Spanningsfiksie.

Publikasiedatum: 27 Oktober 2023
Prys: R360,00
Kategorie: Afrikaanse roman
ISBN-13: 9780798183383

Digitale-uitgawe
Prys R330,00
Epub ISBN: 9780798183390

* Prys onderhewig aan verandering

Lees ook: Devil’s Peak se lokprent is uiteindelik hier!

The post Deon Meyer is terug met ’n nuwe Bennie Griessel-dossier! appeared first on rooi rose.

Sedert sy haar eerste boek in 2018 gepubliseer het, het Melina Lewis ses boeke geskryf, insluitend ’n trilogie vir tweens, en uiteindelik is haar sewende boek – The Playlist – gereed vir die Suid-Afrikaanse publiek.

Melina Lewis (Foto: Verskaf)

The Playlist is ’n storie oor ’n reis deur verlies, verslawing, verhoudings en uiteindelik liefde – vertel met ’n klankbaan van 43 liedjies. Dis ’n fisieke reis wat die twee hoofkarakters, Jack en Maria, om Suid-Afrika heen moet onderneem.

“Die storie gaan oor die proses wat elkeen van ons moet onderneem om deur ons eie ‘goed’ te werk,” verduidelik Melina.

“Die reis wat my twee karakters neem en die musiek wat hierdie ekspedisie vergesel, is so belangrik. Ek is mal oor musiek, lirieke en die proses om elke liedjie te kies om by die ‘tema’ van die hoofstuk te pas. Ek was mal oor die skryfproses van hierdie boek – dit was ’n reis binne ’n reis, binne ’n ander reis – dié van Maria en Jack en hul persoonlike evolusie en die evolusie van hul verhouding.”

Wanneer Jack Pringle, die bedorwe en rebelse seun van een van Kaapstad se rykste gesinne deur sy pa gedwing word om saam met Maria Alexopoulos op ’n reis te gaan, het hy geen idee wat vir hom voorlê nie. Jack se onlangse manewales het hom in ernstige moeilikheid laat beland, en hy moet aan sy pa se vereistes voldoen, anders sal hy sonder geld opeindig, iets waarmee hy nie vertroud is nie.

Maria, die hoofprojekbestuurder van ’n NRO genaamd Wells for All, maak haarself gereed om haar laaste reis regoor Suid-Afrika te aan te pak om haar projekte af te sluit en ’n paar los drade vas te maak. Maria se onlangse persoonlike verlies en hartseer maak haar minder as verdraagsaam teenoor Jack, ’n man wat 20 jaar jonger as sy is. Ongelukkig moet sy Jack saamneem om sy pa, die NRO se hoofskenker, tevrede te stel.

Wanneer hulle gestroop word van alles wat hulle glo hulle behoort te wees, kan Maria en Jack hul waarheid onder die Afrika-sterre vind.

Deur die boek verken Melina die unieke verhouding tussen musiek en geheue, en demonstreer sy hoe musiek die krag het om emosies op te roep en herinneringe aan te wakker op ’n manier wat min ander dinge kan.

Karlien Meiring het meer oor haar nuwe boek gaan uitvind.

Wat het jou geïnspireer om The Playlist te skryf? Was daar enige persoonlike ervarings of gebeure wat die storielyn beïnvloed het?

Ek wens ek kon onthou wat die oorspronklike vonk was wat daartoe gelei het dat ek die boek geskryf het, maar ek kan ongelukkig nie – ek blameer dit op ma-wees! Ek kan nie eers onthou wat ek vir ontbyt geëet het nie! Dit gesê, daar is altyd persoonlike gebeurtenisse en ervarings wat in ’n mens se skryfwerk invloei. Mense, plekke, moontlikhede. Almal van hulle. Spesifiek verwant aan hierdie boek, wou ek karakters skep wat diep seergekry het, selfs trauma ervaar het, wat sou vereis dat hulle sielkundig op ’n reis moet gaan om ’by die ander kant uit te kom’, maar wat met ’n fisieke reis gepaard kan gaan. Tydens die skryf van die boek het ek ’n vriend weens dwelmverslawing en uiteindelik selfdood verloor. Dit het my in my spore gestop en ek het maande lank nie geskryf nie. Toe ek uiteindelik na my sleutelbord kon terugkeer, het ek geweet watter pad my karakter Jack moes volg. Die feit dat Maria van Griekse afkoms is, is ook iets waarby ek kan aanklank vind. My pa is Grieks, en daarom het ek ook inspirasie uit n paar “Griekse” aspekte geput.

Musiek speel ’n belangrike rol in The Playlist. Hoe het jy die liedjies wat in die boek verskyn, gekies ?

Elke hoofstuk was soos ’n avontuur. Ek sou die vorige hoofstuk wat ek geskryf het lees, dan besluit waarheen die storie gaan, dan sou ek dink watter liedjie die gevoel van die hoofstuk die beste sou verteenwoordig. Ek sal dan óf presies weet watter liedjie pas, óf ek sal ’n bietjie tyd deurbring om ’n tema of spesifieke woorde te Google. Dan, die absolute beste deel, sou ek sit en luister na die liedjies, en die lirieke lees. Enige verskoning om ledig te sit en net musiek te luister! Ek het dit “navorsing” genoem …

 

View this post on Instagram

 

A post shared by Melina Lewis Author (@melinalewisauthor)

The Playlist word as ’n mondigwordingsroman beskryf. Watter uitdagings het jy in die gesig gestaar om die kompleksiteit van hierdie oorgangstydperk in ’n persoon se lewe vas te lê?

Jack se mondigwordingsproses is ’n komplekse proses. Hy is tegnies ’n volwassene, ’n jong volwassene, maar nietemin ’n volwassene. Hy word egter deur sy pa soos ’n baba hanteer, want hy neem geen verantwoordelikheid vir sy lewe nie. Dit is heel waarskynlik ’n mede-afhanklike verhouding. Jack sal moet leer om sy eie mens te wees voordat hy werklik ’n volwassene kan word, asook sy verslawing kan oorwin. Ek het dit moeilik gevind om oor sy verslawing te skryf. Dit het eintlik my hart gebreek elke keer wat hy die verkeerde besluit neem. Ek het dit amper gehaat om dit te moet skryf, maar ek het geweet ek moes. Jack is ’n pragtige jong man, en om hom te laat groei tot ’n intelligente, durf ek sê, gelukkige mens, was opwindend.

Is daar enige spesifieke skrywers of boeke wat jou skryfstyl beïnvloed het of jou as skrywer geïnspireer het?

Sjoe! Ek is my hele lewe lank ’n ywerige leser, en het deur baie skrywersfases gedwaal. Ongelukkig is ek redelik maklik om te beïndruk. Ek hou van ’n goeie storie wat boeiend is, en in hierdie stadium in my lewe moet dit redelik lig en vermaaklik wees. Ek bewonder al die fantastiese Suid-Afrikaanse skrywers wat hul bes probeer om raakgesien te word – hulle inspireer my die meeste. Skryf is eensaam en soms neerdrukkend, so dit is wonderlik om te weet dat ander skrywers aan jou kant is.

 

View this post on Instagram

 

A post shared by Melina Lewis Author (@melinalewisauthor)

Wat hoop jy sal lesers van The Playlist onthou lank nadat hulle dit gelees het?

Wel, ek hoop hulle laai die snitlys op Apple of Spotify af. Elke liedjie verteenwoordig ’n hoofstuk. Ek wil hê hulle moet saamsing en dink oor die reis wat Maria en Jack afgelê het. Ek wil hê mense moet in hul motors klim en deur Suid-Afrika reis. Ek wil hê mense, meer as enigiets, moet glo in hul eie selfwaarde en belangrikheid in die wêreld. Ek hoop dat The Playlist hulle ’n tikkie vreugde en hoop gee.

Die speellys sal vanaf 01 Junie 2023 in boekwinkels en aanlyn beskikbaar wees. Jy kan ook die boek direk by Melina op www.melinalewis.com koop of die Kindle-uitgawe hier koop.

Lees ook: Vyf-vinnige-vrae-Vrydag met mode-inhoudskepper PrettyBelle

The post Vyf-vinnige-vrae-Vrydag met Melina Lewis – oor haar nuwe boek appeared first on rooi rose.