1 Bly een dag per week grimeringvry

Só sê dr. Ian Webster, ’n Kaapse dermatoloog en eienaar van dermastore.co.za. Grimering, en veral onderlaag, kan 20-25 bestanddele bevat, onder meer preserveermiddels en pigmente. Wanneer jy een dag per week nie grimering dra nie, gee jy jou vel kans om asem te haal en natuurlik te funksioneer. Dis op die dag ook nie nodig om jou gesig diep te reinig nie omdat dit jou vel kan uitdroog.

2 Hou vervaldatums in ag

Altesame 97,4% van die studente wat aan ’n gevallestudie (Investigation on the Use of Expired Make-up and Microbiological Contamination of Mascara), deelgeneem het oor die gebruik van grimeermiddels wat reeds verval het, het erken dat hulle hulle nie aan die vervaldatum steur nie. Altesame 70% van dié groep het maskara gebruik wat skadelike bakterieë bevat en tot ooginfeksies kon lei. Gooi liewer ou produkte weg as om geld aan medikasie te bestee!

Daar behoort op die agterkant van die meeste verpakkings ’n simbool te wees wat soos ’n oop dekseltjie lyk met die aantal maande daarby, sê maar 12 m, sodat jy met die oopmaakslag al die vervaldatum in gedagte kan hou.

Die Amerikaanse skoonheidskenner en skrywer Paula Begoun het algemene riglyne saamgestel:

Grimering
• Maskara en vloeibare oogomlyners: 4-6 maande
• Room- of vloeibare onderlaag: 6-12 maande
• Poeierprodukte: 2-3 jaar
• Lipstiffie en glans: 2-3 jaar

Velsorg
• Reinigers: 1 jaar
• BHA- OF AHA-afskilferaars: 1 jaar
• Bevogtigers en serums: 6 maande tot een jaar

“Gooi produkte uit wat snaaks lyk of ruik” Paula Begoun

3 Limfdreinering

“Ons limfstelsel verwyder vaskulêre vloeistof en gifstowwe uit die liggaam, maar namate ons ouer word, onaktiewer raak en meer spanning het, word die limfstelsel luier en stadiger,” verduidelik Cindy van der Merwe van Cryoliving in Kaapstad.

Met Cryoliving se SleekSculpt-behandeling lê jy in ’n baie groot broek met 24 verskillende lugkompartemente waardeur die lug op en af vloei en druk, wat met limfatiese beweging help. Ons het die behandeling getoets en het ’n effense vermindering van selluliet gesien. Dit is ’n gemaklike en ontspannende behandeling. Ná ses behandelings het ek 11 cm in totaal verloor (maar ook gesond geëet en geoefen).

Foto: Pexels

4 Los die slegte gewoontes

Ons kundiges sê watter goeie gewoontes jy moet aanleer om jou vel op sy beste te laat lyk:

Die dermatoloog: Dr. Ian Webster
• Maak jou gesig skoon voor jy gaan slaap. Jou vel herstel en vernuwe terwyl jy slaap.
• Smeer soggens sonskerm aan en wend deur die dag weer sonroom aan.
• Gebruik ’n goeie breëspektrumsonskerm met ’n hoë sonbeskermingsfaktor.
• Bly binnenshuis op die warmste deel van die dag wanneer UV-bestraling op sy ergste is – veral as jy nie sonskerm aanhet nie. Dit kan tot DNS-beskadiging lei wat velkanker kan veroorsaak.

Die estetiese velterapeut: Sonette Donker (en eienaar van skinid.co.za)
• Los die sigarette. ’n Roker se vel verouder tien jaar vinniger as ’n nie-roker s’n, veral vanweë die gebrek aan vitamien C. Die vel lyk ook vaal en grys weens ’n tekort aan suurstof, en neem twee keer so lank om te herstel.
• Skaal die sopies af, want oormagtige alkoholgebruik kan tot velsensitiwiteit lei.
• Eet gesond. ’n Swak dieet kan jou voortydig oud laat lyk en puisies veroorsaak omdat jou vel nie die nodige voedingstowwe kry nie.
• Hande tuis. Wanneer jy aan puisies karring en druk, kan dit merke laat en selfs hiperpigmentasie veroorsaak.

Die nasionale opleier vir Estée Lauder en Tom Ford, Leila Marx sê:
• Moenie jou gesig net met water, of water en seep reinig nie.
• Verwyder ooggrimering met ’n geskikte produk, nie baba-olie nie.
• Verwyder daardie lae maskara behoorlik sodat jou wimpers nie swak word en breek nie.
• Gebruik ’n afskilferaar om te voorkom dat die veltekstuur oneweredig en grof word. Daar is geen produk wat die tekstuur beter sal laat lyk nie.

5 Maskers

Wissel jou gewone masker af met een wat onsuiwerhede verwyder soos ’n geaktiveerde houtskool- of kleimasker. ’n Multi-masker is ’n goeie idee: Wend die klei- of houtskoolmasker slegs op die probleemgedeeltes aan, soos die T-sone. Gebruik jou gewone masker op die res van jou gesig.

Lees ook: Die beste multi-maskers

Houtskoolmaskers
Houtskool wat negatief gelaai is, trek soos ’n magneet geaktiveerde bakterieë, gifstowwe, oortollige olie en ander gifstowwe (wat positief gelaai is) uit jou vel.

Klei
Klei is bekend daarvoor dat dit oortollige olie absorbeer en die vel liggies afskilfer. Ideaal vir olierige of kombinasievelle.

Foto: Pixabay

6 Suiwer jou hare

Besoedeling beïnvloed ook ons hare. Dit is nie die gifstowwe van motors en fabrieke wat die skade aanrig nie, maar die metale en minerale in kraanwater. Die metale en minerale bou in jou haarvesels op en veroorsaak oksidatiewe skade (’n soort onsigbare roes). Meng asyn met water en spoel jou hare hiermee af, of gebruik ’n opknapper wat histidien bevat.

7 Anti-oksidante

“Besoedelingmolekules is vier keer kleiner as dié van jou vel en kan jou vel daarom maklik binnedring. Anti-oksidante help om die skade wat besoedeling aanrig teë te werk,” sê Sonette Donker. Vitamien C en E, resveratrol, groen tee, bessies en granate is almal gewilde en goeie anti-oksidante wat in velsorgprodukte gebruik word.

8 Voorkom inflamveroudering

“Inflammaging”, soos dit op Engels bekend is, is die opgeboude velskade wat met verloop van tyd opgedoen word. Die skade word aangerig deur laegraadse ontsteking (inflammasie) wat deur die omgewing, genetika, dieet en persoonlike gewoontes veroorsaak word. Inflammasie is eintlik bedoel om ons te beskerm, maar wanneer daar konstante inflammasie is, word die vel en velstruktuur geleidelik afgebreek,” verduidelik dr. Bradley Wagemaker van Lamelle. ’n Gesonde leefstyl, dieet en produkte wat die vel se natuurlike anti-inflammatoriese respons naboots, kan hiermee help, sê hy. Lamelle Dermaheal is ontwikkel om selveroudering en inflammasie teë te werk.

Foto: Pixabay

9 Vitamien C

Vitamien C is ’n anti-oksidant, maar is so ’n belangrik dat hy sommer sy eie plek in ons artikel verdien. “Dié vitamien is vir alle mense belangrik, maar veral vir rokers, want een sigaret neem 15 mg vitamien C uit jou vel,” sê Sonette Donker.

Ons liggame maak nie natuurlik vitamien C nie, hoewel die vitamien ’n belangrike rol speel in die vervaardiging van kollageen wat help om jou vel helderder, jonger en gesonder te laat lyk, Dis ook goed vir pigmentasie. Dis belangrik dat die produk lugdig verpak is om dit stabiel te hou. As die room in ’n pot is of ’n skroefdoppie het, los dit liewer.

Lees ook: Hoe om jou haarborsel behoorlik skoon te maak (en hoekom jy moet!)

The post Detoks jou voorkoms appeared first on rooi rose.

Mede-eienaars van Treasure Chest, Karley Parish en Shelley Smyth, gee die volgende raad

• Maak seker dat jy altyd vyf bra’s in jou klerekas het, so kan jy dit om die beurt dra. As jy jou bra drie tot vier keer gedra het, moet dit gewas word. Maak seker jou sportbra’s word na elke gebruik gewas.

• Bra’s wat met draad gevoer is (asook delikate broekies), moet met die hand gewas word. Wasmasjiene sal die materiaal laat inkrimp en beskadig, veral borduursel en lycra-items.

• Deur gebruik te maak van louwarm of koel water en sagte alkoholvrye wasmiddels, sal jy die elastisiteit van jou onderklere se materiaal beskerm.

• Onderklere moet nooit in ’n droeër geplaas word nie. Die hitte sal die vesels en elastisiteit van die materiaal beskadig en die kleur laat verbleik. Laat dit aan ’n hanger droog word aan jou wasgoedlyn, weg van direkte sonlig en hitte.

• Maak seker jou onderklere-laai is netjies georganiseer. Gebruik skoenbokse (oorgetrek met mooi papier), om jou bra’s van jou broekies te skei. Dit is goedkoop en effektief. Groepeer jou onderklere volgens kleur en styl.

• Om te verseker dat jou bra’s nie vorm verloor nie, hang dit aan gordelhakke of hangers. Alternatiewelik kan jy dit plat in die laai neerlê.

The post Hou jou onderklere in ’n goeie kondisie appeared first on rooi rose.

Gee die eenvoudige t-hemp en jeans nuwe lewe

Almal van ons het daardie gunsteling t-hemp-en-jean-uitrusting waarop ons staatmaak. Ruil die klassieke denim- of leerbaadjie vir ’n helder pofbaadjie. Die baadjie gee net daardie tikkie andersheid wat jou uitrusting nuwe lewe sal gee.

Daar is ’n styl, kleur en materiaal vir elke vrou

Verkies jy satyn, pienk en bonkig of eerder wol, swart met ’n effense langer snit? Hoe jy ook al die dag voel, daar is ’n styl vir elke voorkeur.

Dit kan selfs saam met oefenklere gedra word

Van die gim tot die winkels. Die athleisure-styl is nou hoogmode en wat is meer gepas as om die sportiewe voorkoms verder met ’n pofbaadjie te beklemtoon?

Jy kan dit opkikker met borduur- of appliekwerk

Speel veilig met eenvoud, of dra dit soos op die loopplanke met verskeie motiewe en patrone van borduur- of apliekwerk. Skerp jou naaldwerkvernuf op en werk self ’n paar pronkpleisters aan die moue en rug om dit daardie stadstyl te gee.

Die pofsnit steek ongewenste kurwes weg sonder om jou uitrusting lomp te laat voorkom

Bonkig beteken nie noodwendig lomp nie. Sommige van ons is nie altyd gemaklik met styfpassende style nie, en dis waar die pofbaadjie tot jou redding kom. Die oorgrootte snit skep ’n gemaklike voorkoms wat jou informeel, tog sjiek sal laat lyk.

The post 5 redes hoekom ons van pofbaadjies hou appeared first on rooi rose.

Inglipskoene

Mansskoene is meer bonkig as ooit en daar word op detail soos tossels, gespes en stikwerk gefokus. Inglipskoene sal jy nog baie dra, al is jy eerder ’n veterskoen- of tekkieman. Dit kan saam met amper alles in jou klerekas gedra word – saam met jeans vir naweke of chino-broeke vir netjiese geleenthede.

Die nuttige hemp

’n Gemaklike en klassieke hemp, gekenmerk aan sy knopiesflapsakke op die bors. Mosgroen is veral een van die kleure wat jy hierdie seisoen nog baie gaan sien.

Rolnektruie

Die rolnektrui het die afgelope paar jaar weer sy opwagting gemaak en kan as stylvol bestempel word. Dra dit onder ’n baadjie en saam met ’n denim of waag ’n bietjie en dra dit saam met ’n netjiese pak.

Kameelkleur

Kameelkleur is voorheen meestal beperk tot jasse en baadjies. Hierdie winter kan jy dit egter van kop tot tone dra in verskillende skakerings en patrone. As die effekleur vir jou te eentonig is, kan jy dit met vlootblou of roomkleure afwissel.

Geruite patrone

Geruite patrone werk goed in tradisionele kleure soos rooi, groen en blou om ’n klassieke gevoel te behou. Eksperimenteer met ’n dikker en meer helder weergawe van die patroon vir ’n lewendiger gevoel. Mosterdskakerings en heldergroen is voorbeelde van meer gewaagde kleurkeuses wat ’n indruk sal maak.

Die nie-so-smal das

Hoewel die dun das steeds hoogmode is, is die dikker ontwerp die beste keuse vir ’n gesofistikeerde gevoel. Pas jou das by die seisoen aan, byvoorbeeld tweed– en woldasse werk goed vir die winter. Indien jy nie seker is nie, is ’n soliede kleur altyd ’n wenner, omdat dit net so goed saam met ’n patroonhemp werk as saam met ’n eenvoudige wit hemp. Let ook op die lengte van die das: Maak nie saak hoe lank jy is nie, maak seker jou das se punt raak altyd op jou gordellyn.

Badsakkie met pa se voorletters

Verpersoonlik die geskenk met die toevoeging van sy voorletters op die badsakkie. Wys vir Pa hy is spesiaal met hierdie bietjie ekstra moeite. Die voorletters word op ‘’ tradisionele hand-deboss-tegniek geskep waar die letters verhit en diep in die leeroppervlak gestempel word vir ’n duursame gehalte. Dit is ’n meer tydrowende proses, maar lei tot ’n veel duideliker monogram as ander metodes.

Klassieke horlosie

Hierdie horlosie bemeester die balans van vintage-inspirasie en moderne ontwerp. Dit vertoon die minimalistiese estetika van sy skoon gesig tot sy afgeronde raamwerk wat gemaklik om die pols sit.

Kleurvolle sokkies

Sokkies hoef nie saai te wees nie en het die vermoë om ’n voorkoms op ’n eenvoudige manier indrukwekkend te maak. Falke se herfs/winter 2017-reeks word herken aan sy topkwaliteit sokkies wat deur alombekende modegiere met ’n unieke Suid-Afrikaanse interpretasie beïnvloed word. Die nuutste tegnologie word tydens hierdie reeks se produksieproses gebruik en sorg vir ’n nommerpassnit. Die Quantum-reeks word gebrei met ingevoerde Italiaanse gemerseriseerde katoen en is beskikbaar in moderne kleure om ’n tikkie kleur aan jou pa se klerekas te gee. Die verskeie ontwerpe is deur geologie, botaniese invloede en astrologie geïnspireer, wat ’n aardse gevoel met ’n kinkel skep.

The post Vadersdaggeskenke vir modieuse pa’s appeared first on rooi rose.

Motorfietsstyl

Die motorfietsbaadjie is een van daardie items wat jy altyd op die loopplanke sal sien – of dit nou in leer of suede is; vir winter of somer. Boonop kan dit enige uitrusting moderniseer. Wees motorfietssjiek en dra dit saam met ’n paar leerstewels en denims of hou dit elegant met ’n eenstuk of maksirok. Hoe ookal, jy kan van dag tot aand op hierdie item staatmaak.

Kantoorbaadjie

Die kantoorbaadjie is kenmerkend aan sy omvoukraag en snyersnit, hoewel dit deesdae ook as ’n lospassende snit gedra kan word vir ’n informeler voorkoms. Kantoorbaadjies skep ’n professionele voorkoms wat dikwels by klere van dieselfde styl gedra word, byvoorbeeld die knopieshemp en hakskoene. Vir ’n informele koffie-afspraak is jeans en tekkies egter die beste keuse.

Militêr

Met sy kenmerkende kleur en detail, skep hierdie baadjie ’n styl van sy eie. Let wel: dit is egter nie dieselfde as ’n parka met sy kappie en intrektoutjies om die middel nie. Die militêre baadjie is perfek vir daardie laag-op-laag voorkoms. Hoewel dit dikwels saam met jeans gestileer word, kan jy dit, met ’n gordel om jou middel, ook saam met lospassende rokke of rompe dra om steeds ’n gekurwe silhoeët te skep. Kikker dit op met moderne en bonkige bykomstighede.

Denim

As jy twyfel, kies denim. Dit is stylvol, speels, vroulik én klassiek; afhangende van hoe jy dit stileer. Hierdie jaar is denim-op-denim hoogmode met ekstra detail soos borduur- of appliekwerk. Kies ’n korter snit om by hooggesnyde jeans of rompe te dra sodat dit jou middel beklemtoon. Vir ’n moeitelose sjiek voorkoms, dra dit saam met ’n maksierok en ’n paar enkelstewels.

The post Ken jou baadjies appeared first on rooi rose.

Doen ons vasvra en kyk watter soort jeans pas die beste by jou!

The post Wat is jou denim-persoonlikheid? appeared first on rooi rose.

Kies ’n veelsydige rok wat jy deur die dag óf saans kan dra. Ons kies hierdie style vir die 2016-seisoen …

The post Een rok, twee geleenthede appeared first on rooi rose.

1. Spuit jou gesig, hals en lyf gereeld met ’n verfrissingsproei; dit laat jou nie net heerlik koel voel nie, maar bevogtig ook jou vel. Gooi dit in jou strandsak om dit byderhand te hou.

2. Dra katoen of ander ligte klere wat lug deurlaat en vermy sweterige poliëster-kledingstukke.

3. Vryf poeier aan die dele van jou lyf wat geneig is om te sweet. Hou dit by jou en gebruik soos nodig. Wees egter versigtig dat die wit poeier nie op swart klere beland nie.

4. Gebruik ’n deodorant wat ook ’n anti-perspirant is. Die anti-perspirant sal jou minder laat sweet terwyl ’n gewone deodorant slegs die geur verbloem.

5. “As jy uitermatig baie sweet (hiperhidrose is die mediese term), kan jy botoks onder jou armholtes, voete en hande laat spuit. Dit is veilig en baie doeltreffend maar wel seer op jou hande en voete. Bespreek dit met jou dokter,” sê dermatoloog dr. Willie Visser.

6. Belangrik: Bly gehidreerd, drink minstens 2 liter water gedurende die dag.

The post Voel skoon en vars hierdie somer appeared first on rooi rose.

’n Droë sjampoe is een van ons gunstelingprodukte in die skoonheidskantoor! Wanneer ons ’n lui hare-dag het, of nie tyd het om te was nie, spuit ons vinnig droë sjampoe aan om ons hare te vervris en nuwe lewe te gee.

Bonus: Droë sjampoe gee ongelooflike tekstuur en volume aan ’n mens se hare, so gebruik sommer jou droë sjampoe vir ’n bietjie ekstra volume en woema.

Ons gunstelinge

The post Droë sjampoe: ideaal as jy nie jou hare wil was nie appeared first on rooi rose.

Stap 1

Gebruik ’n wimperkruller slegs op skoon, maskara-vrye wimpers.

Stap 2

Kyk af, plaas jou wimpers tussen die twee tangetjies, so naby as moontlik aan jou ooglid (sonder om jou vel te knyp).

Stap 3

Wanneer al jou wimpers binne die wimperkruller is, lig jou arm op en druk vir 10 sekondes af.

Probeer dié:

Tweezerman Lash Curler

The post Krul só jou wimpers appeared first on rooi rose.

Vraag
Het julle raad vir hare wat koek?

Antwoord
Kam of borsel jou hare goed voordat jy dit was terwyl jou hare nog droog is. Gebruik meer sjampoe op jou wortels (waar dit meer olierig is), en werk dit deur na jou haarpunte.

Wanneer jy sjampoe aanwend, maak seker jy vryf nie jou hare te veel nie omdat nat hare baie makliker beskadig word. Jou haarpunte is die ‘oudste’ hare op jou kop en het meer sorg nodig, begin dus altyd om jou opknapper op jou punte aan te wend en dan van onder na bo (jou wortels), aan te wend. Hou ’n kam met wye tande in die stort en kam ook jou hare van onder na bo nadat jy opknapper aangewend het. Dit sal help dat jou hare minder koek.

Belangrike wenk: Was van bo na onder en knap op van onder na bo.

*Dr. John Gray is ’n mediese dokter, skrywer van vele haar- en velpublikasies, artikels en boeke, asook die mediese adviseur aan Procter & Gamble-skoonheid vir die afgelope 25 jaar.

The post Raad vir gekoekte hare appeared first on rooi rose.

Stap 1

The post Kry die “half nat”-voorkoms appeared first on rooi rose.

Vraag

My hare lyk so ongesond. Hoe kan ek dit weer laat blink? – Marina

Antwoord

Dit is belangrik om ’n opknapper te gebruik nadat jy jou hare met sjampoe gewas het. Die sjampoe maak die haarvliesies oop (sodat vuilheid kan uit) en opknapper maak die haarvliesies weer toe. Wanneer die vliesies toe is, blink die hare meer. Jy kan ook stileerprodukte gebruik wat ekstra glans gee. Wella Professional se Illumina-salonbehandeling, kan jou hare tot drie weke lank glans gee.

*Steven Phillips is ’n haarstilis en die eienaar van Absolut Hair in Claremont, Kaapstad.

Probeer gerus ’n glanssproei om jou hare te laat blink.

Wella Pro Series Heat and Shine Spray

Pantene Pro-V Hair Colour Solutions Instant Colour Protect Shine Spray

The post As jou hare nie blink nie appeared first on rooi rose.