Bestanddele

Genoeg vir 6.

• 30 ml (2 e) olyfolie
• 1 kg boerewors
• 1 groot ui, fyn gekap
• 3 knoffelhuisies, fyn gekap
• 150 ml witwyn
• ’n hand vol rosatamaties, middeldeur gesny
• 1 x 410 g-blik witbone
• 1 x 410 g-blik Italiaanse tamaties
• 6 groot bruin sampioene
• 6 eiers
• ’n hand vol basiliekruidblare
• ’n hand vol orego

Metode

Voorverhit die oond tot 180 °C.

1. Smeer die wors met ’n bietjie olie en rooster vir sowat 10 min. in die oond tot amper gaar.
2. Voeg die ui, knoffel en witwyn by die wors en skraap die vleissappe met ’n spaan los. Rooster vir 5-7 min. tot die ui sag is. Voeg die tamaties, geblikte tamaties en bone by.
3. Sit die sampioene bo-op en verhit tot die sous borrelend warm is.
4. Maak met die agterkant van ’n lepel holtes in die warm sous. Breek elke eier in ’n koppie en skink een vir een versigtig in die holtes. Sit terug in die oond en bak tot die eierwit ondeursigtig is en die geel sag.
5. Strooi basiliekruid en orego oor en sit warm voor met baie roosterbrood.

Wenk: Vervang die blik Italiaanse tamaties deur Mexikaanse tamaties as jy van ’n bietjie byt in jou ontbyt hou.

Lees ook: Aartappelrösti met geposjeerde eiers

The post Alles-in-een-ontbyt appeared first on rooi rose.

Genoeg vir 12 rolletjies.

Bestanddele

• 1,350 kg (810 ml) (3¼ k) koekmeel
• 60 g (60 ml) (¼ k) suiker
• 30 ml (2 e) gemengde speserye
• 1 x 10 g kitsgis
• 5 ml (1 t) sout
• 100 g botter, gesmelt
• 125 ml (½ k) karringmelk
• 125 ml (½ k) pampoenpuree (kook 200 g pampoen tot sag in gesoute kookwater, dreineer goed en druk fyn, laat afkoel)
• 1 eier

Vulsel

• 100 g sagte botter
• 210 g (250 ml) (1 k) bruinsuiker
• 30 ml (2 e) kaneel

Metode

1. Meng die koekmeel, suiker, gemengde speserye, kitsgis en sout in die bak van ’n elektriese menger met die deeghaak aan. Meng die botter, karringmelk, pampoenpuree en eier in ’n groot maatbeker of middelslag-mengbak. Gooi by die meel in die masjien en meng tot glad en elasties.
2. Bedek die bak en laat die deeg vir 1 uur in die mengbak rys tot dubbel die grootte.
3. Verhit die oond tot 180 °C. Voer 2 groot kolwyntjiepanne met 6 holtes elk met bakpapier uit.
4. Rol die deeg op ’n skoon, meelbestrooide werkvlak in ’n reghoek van sowat 30 cm x 40 cm uit met die lang kant horisontaal voor jou.
5. Smeer die botter op die deeg. Meng die bruinsuiker en kaneel en strooi eweredig oor die deeg. Rol die gevulde deeg in ’n lang rol op. Sny die rol in 12 ewe groot stukke. Sit ’n stukkie deeg in elk van die holtes van die kolwyntjiepanne. Laat die rolletjies vir 30 min. rys.
6. Bak vir 25-30 min. tot goudkleurig en gaar. Sit warm voor saam met lekker sterk espresso.

The post Pampoen-en-kaneel-rolletjies appeared first on rooi rose.

Resep deur Vickie de Beer. Foto Lee Schwagele van crphotographic.co.za

Genoeg vir 8.

Bestanddele

• 3 e (45 ml) botter
• 8 dik snye brood
• 1 ui, fyngekap
• 1 t (5 ml) fyngekapte vars knoffel
• 1 e (15 ml) vars tiemie, van die takkies gestroop
• 6 repies spek
• 1 k (125 ml) crème fraîche
• 1½ e (25 ml) Dijon-mosterd
• 2 k (500 ml) melk
• ½ t (2,5 ml) sout
• 12 eiers
• 500 g kersietamaties, op die stingel
• 3 k (200 g) beleë cheddar, gerasper

Metode

Verhit die oond tot 180 ˚C.

1. Sit die snye brood op ’n bakplaat en bak vir 3-4 min. of tot goudbruin. Haal uit en hou eenkant.
2. Bak die repies spek op dieselfde bakplaat tot net gaar (maar nie bros nie).
3. Verhit 1 e (15 ml) botter in ’n pan oor matige hitte en braai die uie, knoffel en tiemie vir 2 min. daarin.
4. Klop die crème fraîche, mosterd, melk en sout saam in ’n mengbak. Voeg die eiers een-een by en meng goed.
5. Smeer ’n 22 cm x 34 cm-bak met 2 e (30 ml) botter en pak die roosterbrood daarin. Pak die spekrepies tussen die snye en skep die gebraaide uiemengsel en tamaties eweredig oor die brood. Strooi die kaas oor.
6. Gooi die eiervla oor die broodmengsel en laat week vir sowat 30 min.
7. Bak die broodpoeding vir 1-1½ uur of tot goudbruin en die eiervla gestol het. Bedek met foelie as die bokant te donker bak voor die eiervla geset het.

Lees nog: 

Die beste gebraaide broodjies denkbaar!

The post ‘Broodpoeding’ met spek en beleë cheddar appeared first on rooi rose.

Genoeg vir 6

Bestanddele

• 250 g repiesspek
• 100 g pekanneute
• 15 ml (1 e) heuning
• 300 g (500 ml) (2 k) koekmeel
• 30 ml (2 e) strooisuiker
• 1 x 10 g-sakkie kitsgis
• knypie sout
• 375 ml (1½ k) melk
• 170 g botter, gesmelt
• 2 eiers
• ekstra botter vir die bakslag, gesmelt
• esdoringstroop (maple syrup) en blou- en swartbessies vir die opdiening

Metode

1. Verhit die oond tot 200 °C. Pak die spek op ’n bakplaat. Bak vir 10 tot 15 min. tot bros en goudkleurig.
2. Verhit ’n middelslagpan oor matige hitte. Braai die pekanneute vir 3-5 min. daarin of tot geurig. Voeg die heuning by en braai vir nog 3 min. tot liggies gekaramelliseer. Haal van die hitte af en laat staan vir 5 min. om effens af te koel.
3. Haal die spek uit die oond en laat vir 5 min. afkoel. Kap die neute en spek ruweg op ’n kapplank, hou eenkant.
4. Meng die meel, strooisuiker, sout en kitsgis in ’n elektriese menger met die deeghaak aan. Meng die melk, botter en eiers in ’n maatbeker en gooi by die meel. Voeg die spek en karamelneute by. Meng in die masjien tot die deeg glad en elasties is.
5. Bedek die bak en laat die deeg vir 1 uur in die mengbak rys tot dubbel die grootte.
6. Smeer ’n wafelpan aan albei kante met botter, laat die pan op die stoofplaat warm word – of gebruik ’n elektriese wafelpan – en skep 180 ml deeg (afhangend van hoe groot die pan is) daarin en bak vir 3 tot 5 min. aan elke kant, of tot goudkleurig en gaar. Herhaal met die res van die deeg. Sit voor met esdoringstroop en bessies.

Lees ook: Heel gebraaide hoender

The post Vandag is Wafeldag! Hierdie is die beste-este wafels appeared first on rooi rose.

Sygladde semolinapap met roos-en-framboos-pere deur Vickie de Beer

Genoeg vir 4.

Bestanddele

Roos-en-framboos-pere

• 1 liter (4 k) water
• 500 ml (2 k) suiker
• 120 g (1 k) frambose
• 5 ml roosgeurse
• 4 pere, geskil

Semolinapap

• 2,4 liter melk
• 240 ml semolina<
• 60 ml (4 e) suiker
• 500 ml (2 k) room

Metode

1. Begin met die pere: Sit die water en suiker in ’n groot kastrol. Roer oor lae hitte tot die suiker opgelos is.
2. Voeg die frambose, roosgeursel en pere by. Kook vir 20-30 min. of tot die pere sag is, maar steeds vorm behou.
3. Laat prut intussen 500 ml (2 k) melk en die suiker in ’n middelslagkastrol.
4. Meng die res van die melk en die semolina in ’n mengbakkie. Voeg die semolina by die warm melk en klits tot dit goed deurgemeng is.
5. Kook die semolina vir 10-15 min. tot dit begin verdik. Voeg die room by en meng goed deur. Kook die pap nog ’n rukkie tot dit weer verdik as dit te dun geword het.
6. Lig die pere met ’n gaatjieslepel uit die stroop sodra dit sag is. Kook die stroop verder oor matige hitte tot dit begin verdik.
7. Verdeel die warm semolina tussen 4 bakkies en sit met die roos-en-framboos-pere voor.

The post Sygladde semolinapap met roos-en-framboos-pere appeared first on rooi rose.

Bestanddele

• 6 eiers
• 125 ml (½ k) melk
• ’n knypie sout
• 8 snye plaasbrood
• 125 ml (½ k) mascarpone
• 125 ml (½ k) Nutella (sjokoladesmeer)
• 60 ml (¼ k) botter
• 30 ml (2 e) bruinsuiker
• 3 nektariens, in kwarte gesny

Metode

1. Klits die eiers en melk saam en geur met sout.
2. Smelt die helfte van die botter in ’n braaipan.
3. Smeer die een helfte van die snye brood met Nutella en die ander met mascarpone. Sit die snye opmekaar. Doop in die eiermengsel en laat die oortollige eier afdrup. Braai die brood tot goudbruin alkant.
4. Smelt die oorblywende botter en suiker in ’n skoon braaipan en braai die nektarienskywe daarin tot goudkleurig.
5. Sit die warm Franse roosterbrood met die gebraaide nektariens en ekstra heuning voor.

Lees ook:

Franse roosterbrood met bloubessies

Gebakte Franse roosterbrood met ham en gruyère-kaas

The post Sjoko-Franse roosterbrood appeared first on rooi rose.

Genoeg vir 4

• 50 g botter
• 4 appels, geskil en in kwarte gesny
• 45 ml (3 e) bruinsuiker
• 5 ml (1 t) vanieljegeursel
• 15 ml (1 e) suurlemoensap
• 125 ml (½ k) bloubessies
• 125 ml (½ k) frambose
• 90 g meel
• gerasperde skil van 1 suurlemoen
• 30 ml (2 e) suiker
• ’n knypie sout
• 4 eiers, geskei
• 180 ml (¾ k) melk
• 125 ml (½ k) mascarponekaas vir die opdiening
• heuning om bo-oor te drup

Voorverhit die oond tot 220 °C. Ons het die pofpannekoeke in emaljeborde gebak, maar jy kan hulle ook in ’n oondvaste pan bak.

1. Smelt die botter in ’n middelslagpan. Voeg die appels by en braai vir 5 min. tot die skywe kleur kry. Voeg die bruinsuiker, vanieljegeursel en suurlemoensap by en braai verder oor lae hitte tot goudkleurig.
2. Voeg die bloubessies en frambose by en roer deur die warm stroop. Hou eenkant.
3. Meng die meel, suurlemoenskil, suiker en sout saam en maak ’n holte in die middel. Klop die eiergele en melk liggies saam en voeg stadig by die meel. Roer tot glad.
4. Klop die eierwitte tot stywe punte vorm en vou liggies by die mengsel in.
5. Verdeel die beslag tussen die 4 verhitte emaljeborde. Skep van die gekaramelliseerde vrugte bo-oor elk en bak vir 10-15 min. of tot goudkleurig en gepof.

Lees meer: Slaai met vrugte, parmaham & fetakaas

The post Pofpannekoeke appeared first on rooi rose.

5 van ons beste ontbytresepte. Resepte deur Vickie de Beer.

Alles-in-een-ontbyt

Genoeg vir 6-8

So min as moontlik skottelgoed, dis wat ek in ’n ontbyt soek!

30 ml (2 e) olyfolie
1 kg boerewors
1 groot ui, fyn gekap
3 knoffelhuisies, fyn gekap
150 ml witwyn
’n hand vol rosatamaties, middeldeur gesny
1 x 410 g-blik witbone
1 x 410 g-blik Italiaanse tamaties
6 groot bruin sampioene
6 eiers
’n hand vol basiliekruidblare
’n hand vol orego

Voorverhit die oond tot 180 °C.

1 Smeer die wors met ’n bietjie olie en rooster vir sowat 10 min. in die oond tot amper gaar.
2 Voeg die ui, knoffel en witwyn by die wors en skraap die vleissappe met ’n spaan los. Rooster vir 5-7 min. tot die ui sag is. Voeg die tamaties, geblikte tamaties en bone by.
3 Sit die sampioene bo-op en verhit tot die sous borrelend warm is.
4 Maak met die agterkant van ’n lepel holtes in die warm sous. Breek elke eier in ’n koppie en skink een vir een versigtig in die holtes. Sit terug in die oond en bak tot die eierwit ondeursigtig is en die geel sag.
5 Strooi basiliekruid en orego oor en sit warm voor met baie roosterbrood.

#rooirosewenk
Vervang die Italiaanse tamaties met Mexikaanse tamaties as jy van ’n bietjie byt in jou ontbyt hou.

Turkse ontbyt

Genoeg vir 2

Jy bak die eiers in romerige jogurt en lekker speserye. Dit klink dalk vreemd, maar dit is ongelooflik lekker! Ons het vir elke ou sy eier in ’n pannetjie gebak maar jy kan ook alles in ’n groot pan bak.

80 ml (1⁄3 k) olyfolie
2,5 ml (½ t) komynsaad
2,5 ml (½ t) mosterdsaad
2,5 ml (½ t) gedroogde rissievlokkies
5 ml (1 t) vinkelsaad
5 ml (1 t) paprika
3 cm-stuk vars gemmer, gerasper
2 knoffelhuisies, fyn gekap
1 klein rooi ui, fyn gekap
1 groot rooi soetrissie, in blokkies gesny (wit vliesies en pitjies uitgehaal)
180 ml (¾ k) jogurt
4 eiers
’n hand vol oregoblaartjies

Voorverhit die oond tot 180 °C.

1 Verhit die olyfolie in twee pannetjies (of een groot pan) en verdeel die komyn, mosterd, rissievlokkies, vinkelsaad en paprika tussen die pannetjies. Braai die speserye vir 4-5 min.
2 Voeg die gemmer, knoffel, ui en soetrissie by en braai oor lae hitte tot sag (verdeel steeds alles).
3 Skep die jogurt op die speserye en soetrissiemengsel, roer liggies deur, laat warm word. Maak met ’n lepel ’n klein holtetjie en breek 2 eiers in elk van die pannetjies.
4 Bak tot die eier na smaak gaar is – sowat 7-8 min. vir ’n sagte eier en 10 min. vir ’n harder eier. Strooi die orego oor en sit voor met plaasbrood vir die mopslag.

Die beste eierbroodjie

Genoeg vir 4

8 snye plaasbrood, gebotter
200 g cheddarkaas in dun skyfies gesny
8 lappies goeie salami of ham
4 eiers

Beslag
4 eiers
60 ml (¼ k) room
sout en swartpeper
60 ml (¼ k) botter vir braai

1 Sit 4 van die gebotterde snye op ’n broodbord en pak die kaas en salami daarop, bedek met die ander 4 snye. Druk met ’n 5½ cm-koekiedrukker ’n gaatjie in die middel van elke toebroodjie.
2 Maak die beslag: Klop die eiers, room, sout en peper saam. Verhit ’n pan oor matige hitte. Smelt ’n klontjie botter daarin.
3 Doop die toebroodjies in die beslag en braai vir 5 min. of tot ligbruin aan die een kant. Draai die broodjies om, breek ’n eier in elke gaatjie en bak vir 4 min. tot die eier gaar is. Jy kan ’n deksel opsit om dit vinniger gaar te maak. Haal die broodjie versigtig uit en smul!

Franse roosterbrood met bosbessies

Compote
150 g bloubessies
30 ml (2 e) suiker
drukkie van ’n halwe suurlemoen
8 snye plaasbrood, redelik dik gesny
125 ml (½ k) mascarponekaas
gerasperde skil van 1 suurlemoen
8 eiers, liggies geklop en in ’n platterige bak gegooi
125 ml (½ k) melk
knypie sout
60 ml (4 e) botter vir braai
ekstra bessies vir opdiening

1 Laat prut die bloubessies, suiker en suur-lemoensap vir 10 min. in ’n klein kastrol. Haal af en laat afkoel.
2 Meng die suur-lemoenskil en mascarponekaas. Smeer elke sny brood aan die een kant lekker dik met die mascarpone. Skep ’n opgehoopte eetlepel bloubessiecompote op die mascarpone op 4 van die broodjies. Versprei effens. Sit die ander snye (mascarpone-kant na binne) op die 4 snye.
3 Meng die eiers, melk en sout en gooi in ’n platterige bak.
4 Doop die broodjies een-een in die eiermengsel, draai om en doop die ander kant ook.
5 Verhit die botter in ’n kleefvrye pan en braai die broodjies een-een daarin tot goudbruin. Herhaal met die res.
6 Sny elke broodjie deur en sit warm voor met ekstra bessies.

Brood-en-botterpoedinkies in ontbytstyl

Lees nog: RESEP: Sjokolade-ontbytbakkie

The post 5 van ons beste ontbytresepte appeared first on rooi rose.

My ma het dié beskuit veral vir vakansies gebak en as die soetsuurreuk van die gis die huis vol hang, het die vakansiegees ons gegryp. Dit was ontbytkos saam met moerkoffie, of het laatmiddag gate in honger mae toegestop.  Deur Vickie de Beer

Bestanddele:

• 225 g (1 k) botter
• 250 ml (1 k) melk
• 500 ml (2 k) louwarm water
• 1 kg meel + 250 g ekstra indien benodig
• 2 pakkies kitssuurdeeg
• 10 ml (2 t) sout

Metode:

1. Smelt die botter in die melk en voeg die sout by. Gooi dié mengsel en die water in ’n groot mengbak. Voeg die gis by 1 k van die afgemete meel.
2. Voeg drie kwart van die meel by die watermengsel en meng goed. Voeg die res van die meel geleidelik by tot ’n sagte deeg vorm. Jy sal dalk nie al die meel gebruik nie.
3. Knie tot mooi glad en blink – vir sowat 7 min. in ’n elektriese menger of vir 10 min. met die hand. As die deeg taai is, kan dit op ’n meelbestrooide werkvlak geknie word om die taaiheid weg te vat.
4. Maak toe met ’n skoon lappie en laat rys op ’n warm plek tot dubbel die volume.
5. Knie liggies af en maak bolletjies die grootte van gholfballe. Pak die panne lekker vol met die bolletjies knus teen mekaar gedruk. Jy kan ’n bietjie gesmelte botter tussen die bolletjies smeer. Laat rys weer tot so ’n entjie bo die pan.
6. Voorverhit die oond tot 200 °C en bak vir 45 min. tot ’n uur.
7. Verlaag die oondtemperatuur tot 100 °C. Draai die heel beskuit om en breek die bolletjies van onder af los. Sit op ’n draadoondrak.
8. Droog uit in die oond tot kurkdroog binne. Dit duur ’n hele paar uur of laat  oornag uitdroog.

The post Boerbeskuit appeared first on rooi rose.

Ons keurige versameling van ontbytopsies verseker dat jy alles het wat jy nodig het, of jy nou op pad werk toe is, jouself weer wil herlaai na ‘n strawwe oefensessie of ‘n  vergadering tydens ontbyt wil skeduleer.

Kort ná sonsopkoms gons Hyde Park Corner met die uitnodigende reuk van vars gebroude koffie en die heerlike geur van tuisgemaakte gebak … Die onmiskenbare verleiding van ontbyt. Ons inkopiesentrum is gerieflike geleë, en is so ontwerp om jou dag met elegansie en gemak af te skop deur die perfekte kombinasie van gehalte-etes en ‘n gesofistikeerde atmosfeer te bied. 

Fynproewersontbyt

Bederf jouself met ‘n wye verskeidenheid topontbytaanbiedinge, van ‘n ou gunsteling soos die volle Engelse ontbyt tot voedsame smoothie bowls en vegan-lekkernye. Ons restaurante voorsien in alle smake en dieetvoorkeure met ingevoerde tees.

Just Teddy is bekend as ’n luukse pâtisserie en boulangerie.

Die stylvolle kafee le parc by Tashas en die elegante Olives & Plates by die blaaie van duisende boeke gevind kan word – hulle sal jou nie teleurstel nie!

Geniet ‘n luukse ontbytervaring wat jou van alles anders laat vergeet. Southern Sun Hyde Park se ‘Champagne Breakfast with a View’ sal jou asem wegslaan.

Klop die verkeer: Sommige van ons gewilde ontbytplekke maak so vroeg as 07:00 die oggend oop, wat beteken dat jy jou ontbyt in rus en vrede kan sit en geniet, terwyl jy steeds spitsverkeer kan misloop. 

Lees ook: Dis weer fliektyd met kykNET Silwerskermfees

The post Die perfekte stylvolle begin tot jou dag wag by Hyde Park Corner! appeared first on rooi rose.

The post Glutenvrye muffins appeared first on rooi rose.

Turkse eiers met spek-broodvingers. Resep deur Vickie de Beer. Foto Lee Schwagele vir crphotographic.co.za

Turkse eiers met spek-broodvingers

Foto: Lee Schwagele vir rooi rose

Genoeg vir 4

• 1 e (15 ml) botter
• 1 ui, fyngekap
• 1 e (15 ml) fyngekapte knoffel
• 1 t (5 ml) fyngekapte brandrissie
• 2 t (10 ml) komyn
• 2 t (10 ml) gerookte paprika
• 1 x 400 g-blik tamaties
• 4-6 eiers
• 4 snye roosterbrood, in vingers van 10 cm x 2 cm gesny
• 8 repies spek
• 2 e (30 ml) botter
• ½ k (125 ml) crème fraîche
• vars koljanderblare vir opdiening

1 Verhit die oond tot 180 ˚C.
2 Verhit die botter in ’n oondvaste middelslagpan en braai die ui, knoffel, brandrissie, komyn en gerookte paprika vir sowat 3-5 min daarin tot gaar.
3 Voeg die tamaties by, druk hulle fyn met ’n vurk en braai vir 10 min. of tot die mengsel effens verdik het. Geur met sout en gemaalde swartpeper. Skep lepels vol van die crème fraîche oral op die tamatiemengsel.
4 Vou die repies spek om die broodvingers.
5 Verhit die botter in ’n pan oor matige hitte en braai die spekbroodjies daarin tot gaar en bros.
6 Vorm met ’n lepel 4 holtes in die tamatiesous en breek ’n eier versigtig in elke holte.
7 Bak die eier-en-tamatie-mengsel vir sowat 10 min. of tot die eiers gestol en gaar is. Haal uit.
8 Sit die Turkse eiers voor met vars koljanderblare en doop die spekvingers in die sous.

Lees ook: 

Alles-in-een-ontbyt

RESEP: Sjokolade-ontbytbakkie

The post Turkse eiers met spek-broodvingers appeared first on rooi rose.

Mueslistafies resep

Lees ook:

RESEP: Sjokolade-ontbytbakkie

Spanspek-ontbytbakkies met tuisgemaakte granola

The post Mueslistafies appeared first on rooi rose.

Plaatkoekies met heuningbotter

Lees nog:

Alles-in-een-ontbyt

The post Plaatkoekies met heuningbotter appeared first on rooi rose.