Deur Bea Lingenfelder. Hooffoto: Pixabay

Oop rug of nie

’n Laaggesnyde rug is ’n klassieke voorkoms; dis sinoniem met elegant. Maar nie almal verkies ’n lae ooprug-nommertjie wat jou laat bibber elke keer as die aandwindjie verbyskuur nie. Goeie alternatiewe is ’n toerygrug of die bruid-styl wat met ’n string knopies toemaak.

Pasop vir onderklere wat dalk by jou lae rug kan uitsteek, veral as jy ’n verslankingskous (spandex) wil aantrek. Meet tot waar jou rok oop is sodat jy kan toets wanneer jy onderklere koop.

Die Disney-prinses

Almal van ons het as tienjariges oor daardie prinsesrokke van Disney-flieks gedroom, soos Belle s’n van Beauty and the Beast, of Aspoestertjie s’n. Maar om in ’n gepofte balrok te dans is makliker gesê as gedaan: Die baie lae net en materiaal maak dit moeilik vir jou en jou dansmaat om te beweeg en daar is ‘n kans dat iemand jou rok kan vastrap. Maak seker jou rok se soom eindig ’n paar sentimenter bo die vloer sodat dit gemaklik oor jou tone beweeg. Oefen ook vooraf met jou maat sodat julle ’n paar truuks rondom jou rok kan uitdink en julle soos bobaasdansers kan geniet.

’n Sleep

’n Dramatiese sleep is moeilik om te weerstaan, maar dit is nie so prakties nie. ’n Té lang sleep kan dalk mooi lyk, maar as jy in jou spore teruggeruk word elke keer wanneer iemand daarop trap, gaan jy jou besluit begin berou. Kies ’n praktiese lengte wat by jou styl en lengte pas. Die standaard-oplossing is om ’n vingerhakie aan die onderkant van jou sleep vas te werk sodat jy dit om jou vinger kan haak wanneer jy dans.

#rrwenk: Hoe gemaak as die vingerhakie breek? Gooi die sleep oor die arm wat jy om jou dansmaat se rug hou. Stel ook jou maat vroegtydig in kennis dat hy slegs die ander arm moet gebruik as hy jou wil draai.

Kralewerk

Hierdie styl is baie gewild, veral op die bostuk van die rok. Krale kan in slim patrone gebruik word om ’n verslankende voorkoms te skep, die illusie van groter borste te skep en dit kan jou selfs langer laat lyk. As jy nie van baie detail hou nie, kan voue en slim materiaal-tegnieke net so goed werk. As jy wel kralewerk op jou rok het, maak seker dat jy ekstra krale of blinkers byderhand het indien jy op kort kennisgewing ’n paar moet vaswerk.

Halslyne

Om die perfekte halslyn te kies sal jy eers jou liggaamsbou moet identifiseer: Het jy breë skouers? Is hulle reghoekig of eerder rond na onder? Het jy groot borste en ’n klein middel of omgekeer?

Die gewildste en veiligste halslyn is die V-nek: Dit verslank jou skouers, sit vleiend om die borste en skep die voorkoms van ’n vernoude middellyn. Die beste is om natuurlik jou ontwerper of die winkelkonsultant vir raad te vra.

Dit is belangrik om die praktiese en visuele elemente teenoor mekaar op te weeg. Nie almal van ons is gebou vir alle halslyne nie en daarom moet jy vooraf bepaal wat vir jou die belangrikste is: ’n Halslyn wat foto-perfek sit, maar wat jy kort-kort moet optrek, of is dit vir jou belangriker om die aand saam met vriende ten volle te geniet.

The post Ontwerpwenke vir jou matriekafskeidrok appeared first on rooi rose.

Deur Cornel Dunn

Fokusmuur

Skep ’n fokusmuur om ’n verskeidenheid geometriese elemente te komplimenteer. Gebruik maskeerband om verskillende vorms op jou muur te ontwerp. Die verf in hierdie foto is Gold Tweed en Agean Splendour van Plascon.

Geometriese ontwerpe

Hangligte

Die eenvoud van die ontwerpe van die hangligte maak dit geskik om in ’n groep te kombineer.

Hangligte

Babakamer

Skep ’n tydlose babakamer met verskillende patrone en ontwerpe. Hou die kleur minimaal vir die beste resultate.

Babakamer

Patrone

Kombineer gerus verskillende patrone in kontrasterende kleure. Hou net die elemente min.

Patrone

Muurplakkers

Muurplakkers is beskikbaar in byna eindelose ontwerpe. Dis boonop maklik verwyderbaar.

Kombineer elemente

Ingangsportaal

Skep ’n eenvoudige ingangsportaal deur met vorms te speel.

Ingangsportaal

The post Flair met vorms appeared first on rooi rose.

Die skou volg op die sukses van die vorige Designer Trunk Show’s deur Anna Raimondo, die ontwerper van SMITH Juweliersware. Dit is haar derde ontwerperskou. Die huidige skou se tema is The Memphis Edition en is geïnspireer deur die Memphis-groep wat onder leiding van Ettore Sottsas in die 1980’s kleurvolle, geometriese style bekend gemaak het.

Elke ontwerper wat aan die skou deelneem, sal ontwerpe vertoon wat by die tema aanpas.

’n Verskeidenheid produkte insluitend geweefde mandjies, swemklere vir kinders, skoonheidsprodukte, onderklere, beeldhouwerk, kuns, huishoudelike bykomstighede, mode-items, jenewer, keramiek en juweliersware sal te sien wees.

Kopers sal bederf word met drinkgoed van Grand Provence en snoephappies.

Die Designer Trunk Show sal op 14 Desember 2016 by 6 Spin-straat in Kaapstad tussen 18:00 en 21:00 plaasvind. Toegang is gratis.

Vir meer inligting besoek die Facebookblad of die webblad hier.

Ontwerpers wat deelneem

Angels & Earth
Hul geometriese glashouers is nie net visueel ’n treffer nie, maar is ook funksioneel. Die glashouers verseker ’n konstante balans van temperatuur en humiditeit.

FEAT. sock co
Hulle maak sokkies van hoë gehalte wat stories vertel en pret geskenke is.

Keri Muller
Haar besigheid, Simple Romance, is die tuiste vir haar wye verskeidenheid produkte en kunswerke. Haar bekendste werk is gemaak van herwinde boeke.

Facets
Is ’n vennootskap tussen Anna Raimondo (SMITH Juweliersware) en Keri Muller (Simple Romance) en is gebaseer op hul uitstalling vroeër vanjaar. Hul werke is gemaak van materiale soos koper en semi-edelgesteentes.

Ash Ceramics
Hulle fokus op ’n hoë gehalte huisware met ’n kontemporêre invloed. Ontwerpe is geïnspireer deur die moderne kleurvolle Kaapstad en vorms word beïnvloed deur minimalistiese Skandinawië. Elke keramiekstuk bring die eeue-oue tradisie van pottebakkery en kontemporêre ontwerp saam.

Apotments
Dit is ’n samewerking tussen Fabrica Creative Consultancy en Ash keramiek. Die potte boots die hoë geboue na en die ontwerpe op die potte herhaal die vensters en fasades van die stadsbeeld.

Edition 1
Hulle fokus op ongewone patroonontwerpe. Foto’s word uitgesny, gemanipuleer en saamgestel en gedruk op katoen.

Henriette Botha
Haar bykomstighede en juwele word beïnvloed deur haar vrye denke en is nie deur die mode geïnspireer nie. Sy volg ’n nuwe benadering tot tradisionele handwerk met internasionale standaarde.

Clementina keramiek
Clementina van der Walt is ’n bekende Suid-Afrikaanse ateljee-pottebakker, gebaseer in Kaapstad. Haar werk is verteenwoordig in verskeie internasionale en Suid-Afrikaanse versamelings.

Lorne
Dié juwele is ’n kombinasie van abstrakte ontwerpe met alledaagse funksionaliteit. Dit is ’n mengsel van fantastiese ontwerp en spontaneïteit.

Temple of Reason
Dit is ’n Kaapstad-gebaseerde ontwerp-etiket en het items wat gereed is om te dra. Elke versameling is geskep as ’n beperkte uitgawe en ’n persentasie van die wins gaan aan ’n liefdadigheidsorganisasie van jou keuse.

I Speak Gayle
Die werk ondersteun die plaaslike tekstielindustrie en is gebaseer op Gayle-taal van ons Koninginne van die 60’s.

SMITH Juweliersware
Anna Raimondo se ontwerpe is geïnspireer deur haar reise, die mense wat sy ontmoet en die natuurlike omgewing rondom haar. Sy skep juwele wat ’n storie vertel, wat uniek is en dat sy wil haarself dra. Elke stuk is met die hand gemaak.

The post Design Trunk-ontwerpskou appeared first on rooi rose.

Die Suid-Afrikaanse Oudhede, Kuns en Ontwerp-vereniging (SAADA) het onlangs die datums van hul jaarlikse ekspo bekendgemaak!

Dié jaar kan kuns fanatici uitsien na SAADA-geleenthede in Johannesburg, met ’n soortgelyke byeenkoms wat in 2017 in Kaapstad gaan plaasvind.

Datums vir dié onderskeie ekspo’s is soos volg:

Johannesburg

Waar: Die Wanderer’s Klub in Illovo

Wanneer: 28 – 30 Oktober 2016

Tyd: 10:00 – 18:00

Kaapstad

Waar: The Lookout, V&A Waterfront

Wanneer: 17 – 19 Februarie 2017

Tyd:

Vrydag – 10:00 tot 20:00

Saterdag – 10:00 tot 19:00

Sondag – 10:00 tot 17:00

Besprekings kan op die SAADA-webtuiste gedoen word.

The post SAADA-ekspo’s appeared first on rooi rose.

Hier volg ses belangrike eienskappe van Skandinawiese dekor …

1. Vloerbedekking: Vloere met volle matbedekking het nooit in Swede posgevat nie. Skandinawiese huise spog met ligte houtvloere – behalwe in die badkamers.

2. Kleur: Wit met koel grys en blou tekstiele skep die regte gevoel vir ’n Skandinawiese tuiste.

3. Teksture: Hout bly belangrik. Dit word teen mure en plafonne gebruik om warmte te skep. ’n Geel ondertoon op die hout word vermy deur gebruik te maak van sagte grys.

4. Ontwerp: In Skandinawië is die lyne skoon, van die argitektuur tot by die meubels.

5. Funksie: Skandinawiërs se eerste behoefte is gemaklike leef-areas.

6. Maak minder: Met ’n Skandinawiese dekorstyl is min steeds te veel. Raak ontslae van al die Engelse Victoriaanse foefies en leef eenvoudig.

Foto’s

Tilberg-stoel (R1 340) van Hemma
Alex dagbed (R1 0449,00) van Sofacompany.com
Bokkie-tafel (R45 00) van Hemma
Conrad driesitplek-bank (R16 900) van Sofacompany.com
Swaelstert-tafel (R3 900) van Hemma
Kruisie-muurhanger (R400) van Monoshop
Kussing (R350) van Monoshop
Seilhouers vanaf (R190 tot R350) van Monoshop

Verbruikers

www.sofacompany.com
www.hemma.co.za
www.monoshop.co.za

The post Skandinawiese dekor appeared first on rooi rose.

Ons wys vir jou vyf van ons gunsteling-ontwepers wat ons by die Home Expo ontmoet het. Gaan loer gerus op hul webtuistes vir verdere inligting.

A Love Supreme
021 674 6006
www.alovesupreme.co.za

Artvraat Designs
021 434 0083
www.artvraatdesigns.com

Barrydale Weavers
028 572 1488

IS-Creatif
081 505 3434
www.is-creatif.co.za 

Vintage Etc
021 701 6961
www.vintage-etc.com

The post Suid-Afrikaanse ontwerpers appeared first on rooi rose.