Die bekende Suid-Afrikaanse ontwerper, besigheidsman en televisiepersoonlikheid Diaan Daniels, wat al vir meer as 25 jaar sy stempel in die modebedryf afdruk, is bekend vir sy pragtige skeppings wat elegansie met moderne neigings meng.

Lees ook: Diaan Daniels gee wenke vir jong ontwerpers: Klim só die leer na sukses!

 

 

Hy besit Diaan Daniels Couture en sy ontwerpe is al deur talle plaaslike asook internasionale sterre gedra. Hy was ook die aanbieder van die VIA-program Die Bruid-boetiek.

 

“Ek het Amor 25 jaar gelede by Mej. Bloemfontein ontmoet waar sy opgetree het, ons albei was nog aan die begin van ons loopbane. Sy het baie van my ontwerpe gehou, en net daar en dan ‘n uitrusting by my gekoop. Toe ons mekaar verlede jaar in die gym raakloop, het ons weer begin gesels en ek het vir haar ‘n uitrusting vir ‘n funksie geleen,” het Diaan vertel.

Dié twee wil nie veel oor haar voorkoms vir haar spesiale aand weggee nie, maar Diaan het wel verklap dat die rok “sexy, maar steeds tydloos” is.

“Ek dink almal gaan verbaas wees oor die kleur van die rok!”

• Begin vroeg: Begin die ontwerpproses ‘n paar maande vooruit om genoeg tyd vir passings te hê en om seker te maak die ontwerper is nie vol bespreek nie.
• Doen jou navorsing: Soek inspirasie op Pinterest, aanlyn platforms en rooitapyt-geleenthede om idees in te samel. Onthou wel dat jy nie 10 rok-idees in een ontwerp kan saamvat nie. Wees eerlik met jou ontwerper oor jou wense sodat hul jou visie verstaan, maar wees oop vir hul professionele advies en voorstelle, hulle het die kundigheid om jou visie te verbeter.
• Stel ‘n realistiese begroting op: Bepaal hoeveel jy bereid is om op jou rok te spandeer en kommunikeer dit duidelik aan jou ontwerper.
• Oorweeg jou liggaamstipe: Kies ‘n styl wat jou liggaamsvorm vlei en jou selfversekerd sal laat voel. Moenie net neigings volg nie; kies iets wat jou selfversekerd en gemaklik laat voel, jou ontwerper sal jou hiermee kan help.
• Wees getrou aan jouself: Kies ‘n ontwerp wat jou persoonlike styl weerspieël en jou gemaklik laat voel. Jy kan ook elemente byvoeg wat jou persoonlikheid weerspieël. Of dit nou ‘n unieke kleur of spesiale versierings is, dit sal jou rok laat uitstaan.
• Dink aan die tema (as jy wil): As jou matriekafskeid ‘n spesifieke tema het, hoef jy nie noodwendig by die tema in te pas nie.
• Keuse van kleur en materiaal: Jou ontwerper sal weet watter materiaal by jou droom-ontwerp sal pas, wees oop vir hul voorstelle. Kies ‘n kleur wat jou velkleur komplementeer en jou sal laat uitstaan, dis nie die geleentheid om voorspelbaar te wees nie.
• Details, details, details: Besluit vooraf hoeveel versierings soos kralewerk, kant, of paillette jy op jou rok wil hê.
• Beplan jou bykomstighede: Dink aan die bykomstighede wat jy die aand van jou matriekafskeid gaan nodig hê, soos skoene, juweliersware, en ‘n handsakkie. Vat dit saam na jou passings toe om seker te maak dit pas by jou rok. Hou dit eenvoudig, meisies!
• Oorweeg hoe jou haarstyl en grimering jou rok gaan komplementeer: ‘n Proef-afspraak vir jou hare en grimering dieselfde dag as jou finale passing is ideaal as jy wil seker maak al die elemente van jou voorkoms werk goed saam.
• Dis noodsaaklik om ‘n paar keer jou rok te gaan aanpas: Jou rok moet tog perfek pas.
• Geniet die proses: Geniet die reis om jou droomrok te skep en die ervaring om saam met ‘n professionele ontwerper te werk!

The House of Givenchy is sad to report the passing of its founder Hubert de Givenchy, a major personality of the world of French Haute Couture and a gentleman who symbolized Parisian chic and elegance for more than half a century. He will be greatly missed. pic.twitter.com/xapm0zSwDy

— GIVENCHY (@givenchy) March 12, 2018

Graaf Hubert James Marcel Taffin de Givenchy is op 21 Februarie 1927 as lid van ’n kunssinnige,  aristokratiese familie gebore. Hoewel hy oorweeg het om van die regte ’n loopbaan te maak, het hy uiteindelik besluit om eerder die modewêreld te betree. Hy het oorspronklik vir Jacques Fath gewerk en daarna by Robert Piguet, Lucien Lelong en Elsa Schiaparelli. Op 24-jarige ouderdom het hy sy eie modehuis, Givenchy, gestig. Sy nuwe en verfrissende ontwerpe was gou gewild.

Wonder jy hoe om “Givenchy” en ander ontwerpersname uit te spreek? Ons wys jou hoe.

Sy styl was al redelik bekend in Parys (hy het van Dior se swaarder New Look wegbeweeg) maar het wêreldwyd aandag getrek nadat hy saam met die toe nog betreklik onbekende Audrey Hepburn begin werk het. Hepburn moes vir haar rol in Sabrina soos ’n Paryse vrou aantrek en sy het kostuumsake in haar eie hande geneem: sy wou eers saam met Cristóbal Balenciaga werk, maar hy was te besig om te help en sy het haar na Givenchy gewend. Dié ontwerper, wat self druk besig was met ’n nuwe reeks, dog toe dat ’n ander bekende Hepburn, genaamd Katharine, saam met hom wou werk. Hy was doodverbaas toe Audrey met haar kort hare en dun lyfie by sy ateljee instap.

Gelukkig het hulle dadelik oor die weg gekom en so het Givenchy vir Hepburn voor en agter die skerms begin aantrek. Van haar bekende flieks met Givenchy- ontwerpe sluit in Breakfast at Tiffany’s, Funny Face, en Charade. Givenchy het selfs ’n parfuum ontwikkel (genaamd l’Interdit) met Audrey Hepburn as muse. Nadat sy dit ‘n paar jaar lank eksklusief gedra het, het hulle dit vir die publiek beskikbaar gestel en sy was natuurlik die gesig vir bemarkingsveldtogte. Hul vriend- en vennootskap het tot die einde van Hepburn se lewe geduur.