Deur Bea Lingenfelder. Foto’s: © 2018 AFI – African Fashion International Fashion Week

Die gunstelinge

MaXhosa by Laduma

Geliefde ontwerpers soos MaXhosa by Laduma en Imprint het die gehoor meegevoer met hul Afrika-reis op die loopplank. Die MaXhosa-reeks is bekend vir sy “moderne, kontemporêre kleredrag wat die inwoners van Afrika sou aantrek as die kultuur nog in sy oorspronklike vorm omhels kon word.” Patroonryke wintermateriale soos wol en ander weef-kombinasies is in ’n warm, helder kleurpalet vertoon. Klere is soos Afrika-komberse om die modelle gedrappeer, vernuwe met moderne elemente soos leerbelde, vlieënierbaadjies en oopskouerrokke.

Leigh Schubert

Met ’n string erebenoemings agter haar naam het Leigh Schubert ons weer verlief gemaak op die klassiek-met-’n-kinkel gevoel. Wit hemde, kimono’s en ander stapelitems is omskep tot iets speels en besonders. Haar sukses word as gevolg van haar “toeganklike, gesofistikeerde, maar tog opvallende unieke styl” gekenmerk. Dit is ’n styl wat jy van die loopplank direk tot in jou klerekas kan koop.

Die dramatiese items

Die eerste aand se vertonings is met betowerende ontwerpe van Quinteria & George afgelsuit. Die reeks is deur hul besoek aan Swaziland geïnspireer. Hierdie land se koninkryk is as die ondertoon van die reeks beskou en die droomagtige atmosfeer het die drome van jong dames uitgebeeld wat nog altyd ’n koningin of prinses wou word.

Die modeweek is Saterdagaand op ’n nostalgiese noot afgesluit. Orapeleng het die gehoor meegevoer met ontwerpe kenmerkend aan vroulike ikone soos Audrey Hepburn, Diana, Grace Kelly, en so meer. Die reeks “Beyond the Grave” lê klem op die 50 jaar waarin baanbrekervroue ’n aansienlike invloed op velde soos mode, ekonomie en die film-industrie gehad het. Daar was swewende aandrokke tot blinkerpakke, en uiteindelik die applaustrekker-rok wat almal betower het.

Khosi Nkosi

Met die hedendaagse veldtogte oor liggaamsvorme is dit amper onmoonlik om nié ’n reeks te verbreed wat vir alle liggaamtipes beskikbaar is nie. Die Boss Lady-reeks het hulde aan vroue gebring met ontwerpe wat vleiend is en aangepas kan word tot enige liggaamstipe. Van sweetpakbaadjies met oop skouers tot meerminstert-maksirokke – die “Boss Lady” is vereer in al haar eienskappe. Die ontwerper het met hierdie aanhaling haar vertoning begin:

“Being a Boss Lady does not necessarily mean that you’re the CEO of XYZ company. Anyone can be a boss lady, whether you’re at work or at play, an employee or an employer. A boss lady is a respectable femme fatale in her own right – she is naturally strong, poised and holds her presence in a crowded room.”

Hulde aan familielede

Craig Port

Emosies het hoog geloop met die vertoning van Craig Port se reeks: Tell Laura I love her. Hy het die reeks aan sy onlangs oorlede suster, Laura, opgedra. Volgens Craig het sy suster hom oor die verandering van die popkultuur geleer en hom blootgestel aan ’n prettige, pittige en glansryke wêreld. Sy reeks skep ’n vroeër jare “disco”-atmosfeer met uitklokbroeke van fluweel, blinkerversierings en silhoëtte wat beweging skep met elke tree. ’n Paar verrassing-verskynings is deur sy dogter en familie se kinders gemaak wat die gehoor se harte verder gesteel het.

The post Alles wat jy moet weet van Kaapstad Modeweek 2018 appeared first on rooi rose.

Selfs al koop jy nie al jou klere by internasionale mode-ontwerpers nie, wil jy tog nie gevang word met die verkeerde uitspraak van alombekende ontwerpers se name nie. Aan die anderkant maak hulle dit ook nie juis vir ons maklik nie – in Frans val die h meestal weg (hoe moes ons dit geweet het?) En sommige Italiaanse uitsprake is ook tongknopers.

Spreek dit só uit

Ann demeulemeester: ann de-mule-eh-meester

Anna sui: anna swee

Balenciaga: bah-len-see-ah-gah

Balmain: bahl-mahhhhn

Bottega veneta: bow-tay-guh vah-netta

Christian lacroix: christian luh-kwa

Christian louboutin: christian loo-boo-tan

Dolce & gabbana: dol-chey and gab-ana

Dries van noten: drees van know-ten

Gianfranco ferre: gee-ahn-franco feh-ray

Givenchy: zjee-von-shee

Hermès: er-mez

Hervé léger: air-vay lay-jah

Issey miyake: iss-ee mee-yah-key

Jean paul gaultier: zhon paul go-tee-ay

Lanvin: lahn-vahn

Loewe: loh-wev-eh

Louis vuitton: loo-wee vwee-tahn

Marchesa: mar-kay-sah

Miu miu: mew-mew

Moschino: mos-key-no

Proenza schouler: pro-en-zuh skool-er

Rochas: row-shahs

Rodarte: row-dar-tay

Salvatore ferragamo: sal-vah-tor-re fer-ra-gah-moh

Sonia rykiel: sewn-yah ree-key-el

Thakoon: tah-koon

Versace: vur-sah-chee

Yohji yamamoto: yoh-jee yam-ah-mo-to

Yves saint laurent: eve san lau-ron

The post Hoe om moeilike ontwerpersname uit te spreek appeared first on rooi rose.

Die luukse modehuis, Dolce & Gabbana, het onlangs verskeie opslae op sosiale media gemaak nadat hul eksklusiewe Abaya-reeks op Style.com/Arabia geloods is.

Dié modehuis se ontwerpers, Domenico Dolce enStefano Gabbana, het vir die eerste keer in die modehuis se geskiedenis hul kenmerkende, sensuele silhoeëtte opsygeskuif om ’n meer lospassende voorkoms vir die Moslemvrou te skep. Na gelang hiervan bevat die reeks verskeie hijabs en abayas wat spesifiek vir Moslem-verbruikers in die midde-Ooste ontwerp is.

’n Hijab verwys na die sluier wat Moslemvroue gebruik om hul koppe en borste mee te bedek en die abaja is ’n lospassende rok wat die grootste gedeelte van die lyf toemaak. Dit word tradisioneel in neutrale kleure soos swart gedra en stop kort voor die enkels.

Die abaja’s in die reeks is swart of beige en is van verskeie, duursame materiale gemaak. Sommige van die ontwerpe is met kant afgerond waar ander weer unieke patrone, soos polka kolle, suurlemoene en madeliefies wat ook in die modehuis se Lente/Somer 2016-reeks te sien is, vertoon.

Volgens ’n amptelike persverklaring poog die modehuis om ’n pragtige, visuele storie oor die genade en skoonheid van die wonderlike vroue van Arabië,” te vertel.

Dié Abaya-reeks is reeds te koop en is beskikbaar by alle Dolce & Gabbana-winkels in die midde-Ooste, sowel as sommige winkels in Parys, Londen, Milan en Munich.

The post Dolce & Gabbana maak opslae met jongste reeks appeared first on rooi rose.

Die wie’s wie van bekendes was daar: Beyoncé en haar man Jay Z, Charlize Theron en Sean Penn, Kim Kardashian en Kanye West, Blake Lively, Emma Stone, Taylor Swift,  Sarah Jessica Parker en selfs Michelle Obama.

Hierdie is ons 5 gunstelingrokke van die aand:

1. Charlize Theron in Dior

3. Blake Lively in Gucci

4. Karolina Kurkova in Marchesa

Foto’s:

Charlize Theron, Sarah Jessica Parker, Blake Lively en Karolina Kurkova – Greatstock/Corbis
Arizona Muse – Gallo/Getty Images

Galery-foto’s: Instagram

The post Ons 5 gunstelingrokke by MET Gala 2014 appeared first on rooi rose.