Jan Hendrik van der Westhuizen is die eerste Suid-Afrikaner wat in 2016 ’n Michelin-ster ontvang het vir sy restaurant JAN in Nice, Frankryk, waar hy gaste met egte Franse flair en ’n tikkie Suid-Afrikaanse nostalgie bekoor. Sedertdien het JAN daarin geslaag om elke jaar sy ster te behou.

Ouma Wes se pampoenkoekies

Genoeg vir 30

Bestanddele

• 700 g (3 k) gaar fyn gedrukte pampoen
• 275 g (2 k) bruismeel
• 2 eiers
• 5 ml (1 t) sout
• 15 ml (1 e) bakpoeier
• olie vir braai

Karamelsous

• 15 ml (1 e) botter
• 375 ml (1½ k) suiker
• 200 ml melk

Metode

1. Pampoenkoekies: Meng al die bestanddele. Die mengsel moenie te styf wees nie – voeg nog ’n bietjie melk by indien dit te styf is.
2. Verhit ’n bietjie olie in ’n pan en skep ’n eetlepel vol van die mengsel daarin. Braai vir 1 tot 2 min. aan elke kant, of tot goudkleurig.
3. Karamelsous: Smelt die botter en suiker in ’n middelslagkastrol oor lae hitte tot dit begin karamelliseer. Voeg die melk by, terwyl jy roer.
4. Kook tot alles gesmelt is. 5 Sit die pampoenkoekies met die karamelsous voor.

The post Die beste pampoenkoekies appeared first on rooi rose.

Hoender-en-pampoen-pastei. Deur Vickie de Beer

Genoeg vir 4

Bestanddele

• 4 klein pampoentjies
• 500 g botterskorsie
• 30 ml (2 e) olyfolie
• 250 g (15 klein) pekeluitjies
• ½ ui, gekap
• 1 seldery, fyn gesny
• 1 wortel, geskil en gekap
• 5 ml (1 t) knoffel
• 400 g gaar hoender, gevlok
• 125 ml (½ k) witwyn
• 125 ml (½ k) room
• 5 ml (1 t) fyn neutmuskaat
• sout en gemaalde swartpeper
• ’n handvol pietersielie, gekap
• 1 x 200 g rol klaarbereide blaardeeg
• glaseersel: 1 eier, liggies geklop met 15 ml (1 e) water

Metode

1. Voorverhit die oond tot 200 °C.
2. Sny die bokante van die pampoentjies af en hou eenkant vir doppies. Skraap die pitte uit en gooi weg. Hol die pampoentjies uit en hou die pampoenstukkies eenkant. Sit die botterskorsie en pampoenstukkies op ’n bakplaat en sprinkel olyfolie oor. Rooster tot sag. Sit die uitgeholde pampoentjies op ’n bakplaat, geur met sout en sprinkel olyfolie oor. Bak vir 10 min. tot halfgaar maar nie pap nie.
3. Verhit die olie in ’n groot pan oor matige hitte en soteer die uie, seldery, wortel en knoffel tot bruin en sag.
4. Meng die hoender, wyn en room deur en geur met neutmuskaat, sout en peper. Prut vir 5-10 min. tot deurwarm en effens verdik.
5. Meng die pietersielie en gaar botterskorsie en pampoen deur. Skep in die pampoentjies.
6. Sny 4 x 13 cm-sirkels uit die blaardeeg en verf die rande met glaseersel. Sit ’n sirkel op elke pampoen, geglaseerde kant na onder. Druk die deeg styf vas.
7. Maak ’n kruisie in die middel van die deeg en verf met die glaseersel. Sny pampoenblare uit die deeg en sit op die pasteitjies. Verf die blare ook met die glaseersel. Bak vir 20 min. tot goudbruin.

Lees nog: 

Hoenderpasteitjies

Vinnige steak-en-sampioen-pasteie

The post Hoender-en-pampoen-pastei appeared first on rooi rose.

Bestanddele:

• 500 g pampoenblokke
• sout en gemaalde swartpeper
• 5 groot eiers
• 15 ml xylitol
• 150 g botter, gesmelt en afgekoel
• 250 ml (1 k) dubbeldikjogurt
• 125 ml (½ k) amandelmeel
• 125 ml (½ k) klappermeel
• 10 ml (2 t) bakpoeier

Metode: 

Voorverhit die oond tot 200 °C.

1. Voer ’n 18 cm x 8,5 cm-pannetjie met bakpapier uit.
2. Sit die pampoenblokke op ’n bakplaat en geur met sout en peper.
3. Rooster vir 30-35 min. tot sag en droog.
4. Verpulp met ’n stokmenger. Hou eenkant.
5. Klits die eier en xylitol tot lig en donsig.
6. Voeg die botter, jogurt en pampoenpuree by en meng goed.
7. Meng die amandel- en klappermeel en bakpoeier. Gooi die eiermengsel by en meng goed.
8. Skep die beslag in die voorbereide pan en bak vir 40-45 min.

Variasies

Geroosterde tamaties met basiliekruidpesto

• Laat die pampoen weg.
• Rooster 1 k kersietamaties tot sag en gaar en roer saam met 30 ml pesto by die basiese beslag in.

Murgpampoentjie-en-fetakaas

• Laat die pampoen weg. Gooi 1 k grof gerasperde murg-pampoentjies en ’n ¼ k gekrummelde fetakaas by die basiese beslag.

The post Klam pampoenbrood appeared first on rooi rose.

Genoeg vir 12 rolletjies.

Bestanddele

• 1,350 kg (810 ml) (3¼ k) koekmeel
• 60 g (60 ml) (¼ k) suiker
• 30 ml (2 e) gemengde speserye
• 1 x 10 g kitsgis
• 5 ml (1 t) sout
• 100 g botter, gesmelt
• 125 ml (½ k) karringmelk
• 125 ml (½ k) pampoenpuree (kook 200 g pampoen tot sag in gesoute kookwater, dreineer goed en druk fyn, laat afkoel)
• 1 eier

Vulsel

• 100 g sagte botter
• 210 g (250 ml) (1 k) bruinsuiker
• 30 ml (2 e) kaneel

Metode

1. Meng die koekmeel, suiker, gemengde speserye, kitsgis en sout in die bak van ’n elektriese menger met die deeghaak aan. Meng die botter, karringmelk, pampoenpuree en eier in ’n groot maatbeker of middelslag-mengbak. Gooi by die meel in die masjien en meng tot glad en elasties.
2. Bedek die bak en laat die deeg vir 1 uur in die mengbak rys tot dubbel die grootte.
3. Verhit die oond tot 180 °C. Voer 2 groot kolwyntjiepanne met 6 holtes elk met bakpapier uit.
4. Rol die deeg op ’n skoon, meelbestrooide werkvlak in ’n reghoek van sowat 30 cm x 40 cm uit met die lang kant horisontaal voor jou.
5. Smeer die botter op die deeg. Meng die bruinsuiker en kaneel en strooi eweredig oor die deeg. Rol die gevulde deeg in ’n lang rol op. Sny die rol in 12 ewe groot stukke. Sit ’n stukkie deeg in elk van die holtes van die kolwyntjiepanne. Laat die rolletjies vir 30 min. rys.
6. Bak vir 25-30 min. tot goudkleurig en gaar. Sit warm voor saam met lekker sterk espresso.

The post Pampoen-en-kaneel-rolletjies appeared first on rooi rose.

Resep ontwikkel deur @crushmagonline

Porsies: 4-6 

Voorbereidingstyd: 20 minute 

Kooktyd: 40 minute 

Moeilikheidsgraad: maklik 

Bestanddele

Labneh 

• 500 g dubbelroomjogurt
• ¼ t (1,25 ml) sout 

Geroosterde pampoen en mandaryne 

• 1 groot pampoen, in groot skywe gesny
• 2 rooi-uie, elk in agt skywe gesny
• 4 knoffelhuisies, geskil
• 2 ClemenGold®-mandaryne, geskil en in dik sirkels gesny
• 3-4 takkies vars tiemie, blaartjies gepluk
• 10 vars salieblare
• 60 ml (¼ k) ekstrasuiwer olyfolie
• Maldon-sout en vars gemaalde swartpeper, om mee te geur 

Sitrusslaaisous 

• 125 ml (½ k) ekstrasuiwer olyfolie
• 2 ClemenGold®-mandaryne, versap
• skil van 1 ClemenGold®-mandaryn
• 15 ml (1 e) volgraanmosterd
• 15 ml (1 e) Dijonmosterd
• 15-30 ml (1-2 e) platblaarpietersielie, fyngekap
• 30 ml (2 e) koljander, fyngekap
• 15 ml (1 e) heuning
• knypie Maldon-sout en gemaalde swartpeper
• 250 ml (1 k) pampoensade, grofgekap
• 125 ml (½ k) amandels, grofgekap
• 15 ml (1 e) koljandersade, liggies fyngedruk
• 30 ml (2 e) wit sesamsade
• 15 ml (1 e) fynkomyn
• 15 ml (1 e) gerookte paprika
• 10 ml (2 t) fynkaneel
• 60 ml (¼ k) suiker 

Metode

Labneh 

1.  Voer sif of vergiettes met moeseliendoek of skoon vadoek uit en plaas dit oor bak.  
2. Voeg sout by jogurt en meng.  
3. Plaas jogurt in gevoerde vergiettes en bedek met oorhangende doek.  
4. Plaas dit in yskas vir 12-24 uur; hoe langer dit dreineer, hoe dikker sal dit word. 
5. Wanneer dit gereed is, maak die moeselien oop en skep labneh uit; hou eenkant tot gereed om te gebruik. (Wenk: Die oorblywende dikmelk wat gedreineer het, kan as aftreksel in ’n sop gebruik word of gebruik word om neute of graan in te week.) 

Geroosterde pampoen en mandaryne 

1.  Verhit oond tot 190 °C. 
2. Plaas pampoenwiggies in groot oondpan, voeg uie, knoffel, ClemenGold®-sirkels, tiemie en salie by. Drup olyfolie oor en geur goed met sout en swartpeper. 
3. Plaas in oond en braai vir 35 minute of totdat pampoen sag en goed gekaramelliseer is. 

Sitrusslaaisous 

1. Meng bestanddele saam en plaas opsy.  

Dukkah-krummel 

1. Rooster pampoenpitte, amandels en koljandersade in droë pan oor lae tot matige hitte totdat dit liggoudbruin is. Voeg sesamsaad by en rooster liggies. Voeg oorblywende bestanddele by en roer sodat suiker kan smelt en karamelliseer. As mengsel droog lyk, voeg bietjie water by.  
2. Sodra suiker gekaramelliseer en bruin geword het, verwyder dit uit pan en versprei op vel bakpapier. Laat dit afkoel en breek dit dan op sodat krummel vorm. 

Slaai se opdiening 

1.  Sprei labneh in dik laag oor opdienbord. Pak geroosterde groente daarop en begin met pampoenwiggies, gevolg deur  ClemenGold®-mandaryne, knoffel, uie en kruie.  
2. Bedruip slaai met sitrusslaaisous en versier laastens met dukkah-krummel. Sit dadelik voor. 

The post Winterslaai met geroosterde pampoen en ClemenGold®-mandaryne appeared first on rooi rose.

Basiese pampoentert resep deur Vickie de Beer. Foto Michael Le Grange

Genoeg vir 6.

Bestanddele

• 125 ml (½ k) suiker
• 125 ml (½ k) sagte botter
• 3 eiers
• 5 ml (1 t) sout
• 250 ml (1 k) bruismeel
• 500 g (1 pak) gaar pampoen, fyn gedruk met ’n vurk
• hand vol roketblare
• parmesaankrulle vir opdiening

Metode

Voorverhit die oond tot 180 °C. Spuit ’n 23 cm-koekpan met kleefwerende kossproei.

1. Room die botter en suiker saam. Klop die eiers een vir een by tot goed ingemeng.
2. Voeg die sout en bruismeel by en meng deur. Meng die pampoen goed deur. Skep in die koekpan en bak vir 45 min. tot goudbruin en gaar.
3. Sit voor met roketblare en parmesaankrulle bo-op.

Soeter pampoentert

Genoeg vir 6

1. Vermeerder die suiker tot 250 ml (1 k) en voeg 5 ml (1 t) vanieljegeursel by.
2. Sit voor met ’n lekker sous: Smelt 125 g botter, 125 ml (½ k) Ideal Milk en 60 ml suiker saam in ’n klein kastrolletjie. Kook vir 2 min. en gooi oor die warm tert sodra dit uit die oond kom.

Lees ook: Patattert

The post Basiese pampoentert appeared first on rooi rose.

Genoeg vir 4

Bestanddele

• 15 ml (1 e) olyf- of avokado-olie
• 1,5 kg lamsvleis (soos boudtjops), in blokke gesny
• sout en gemaalde swartpeper
• 2 groot uie, oorlangs gesny
• 500 g pampoenblokke
• 250 ml (1 k) water
• 1 groen brandrissie, fyn gekap met pitte
• 3 naeltjies
• 1 kaneelstokkie
• 15 ml (1 e) sagte bruinsuiker
• 30 ml (2 e) botter

Pampoenwiggies

• 500 g (sowat 8) dun pampoenwiggies met die skil aan
• 30 ml (2 e) heuning
• 30 ml (2 e) olyf- of avokadoolie
• sout en gemaalde swartpeper
• hand vol pietersielie, gekap

Metode

1. Verhit die olie in ’n groot kastrol oor hoë hitte en braai die vleis daarin tot goudbruin. Geur na smaak.
2. Voeg die uie by en braai vir 5 min. Tot sag en bruin. Meng die helfte van die pampoen en water by. Verlaag die temperatuur, bedek en prut vir 30 min.
3. Voeg die brandrissie, naeltjies, kaneel, suiker en botter by en prut vir 30 min. tot ’n uur of tot die vleis sag is. Geur na smaak.
4. Voorverhit die oond tot 200 °C.
5. PAMPOENWIGGIES: Sit die pampoen in ’n oondpan en drup die heuning en olie oor. Geur na smaak en bak vir 30 min. Tot gekaramelliseer en gaar.
6. Meng die pampoenwiggies en die pietersielie deur die bredie en bedien.

Lees ook:

Groenboontjiebredie

Beenmurg-en-lensie-bredie

The post Pampoenbredie appeared first on rooi rose.

The post Pampoenkoekies met roosmarynbotter appeared first on rooi rose.

The post Pampoenkaaskoekies appeared first on rooi rose.

Genoeg vir 6

• 500 g-stuk boerpampoen, in skywe gesny en pitte uitgehaal (moenie afskil nie)
• 60 ml (¼ k) olyfolie
• 1 ui, fyngekap
• 3 knoffelhuisies, fyngekap
• 5 cm-stukkie gemmer, geskil en fyngerasper
• 1 rooi brandrissie, fyngekap
• 5 cm-stukkie vars borrie, fyngerasper, of 7,5 ml borriepoeier
• 30 ml (2 e) garam masala
• 2 kaneelstokkies
• 2 lourierblare
• 350 g bruinlensies
• 2 x 400 g-blikkies heel geskilde tamaties
• 1 x 400 g-blikkie klapperroom
• 100 g Engelse spinasie (die klein blaartjies)
hand vol koljanderblare

Voorverhit die oond tot 200 °C.
1 Pak die pampoenskywe op ’n oondpan, sprinkel 30 ml olyfolie oor en geur met sout. Bak vir 30-35 min. of tot gaar en goudkleurig.
2 Verhit die olyfolie in ’n kastrol oor matige hitte en braai intussen die ui, knoffel, gemmer, brandrissie en borrie vir 5 min. daarin, of tot sag. Voeg die garam masala, kaneelstokkie en lourierblare by en braai vir nog 2 min. of tot geurig.
3 Voeg die lensies, tamaties en klapperroom by. Bring tot kookpunt, verlaag die hitte en laat prut vir 20-25 min.
4 Roer die spinasie deur en geur met sout en swartpeper.
5 Sit die lensiekerrie met die geroosterde pampoen en vars koljanderblare voor.

Lees ook: Indiese dosa met geurige blomkoolkerrie

Lees ook: Kerrie-pampoensop

The post Lensiekerrie met geroosterde pampoen appeared first on rooi rose.

Vleisdisse

Al woon jy nie in die Karoo nie, kan jy jou verbeel jy is daar met hierdie Karoo-lamspastei

Wat van hierdie lamsworsie-en-boontjiebredie vir ’n kouer dag?

Groenboontjiebredie is ideaal vir ’n Sondagmiddag, veral wanneer dié Sondagmiddag ook Erfenisdag is.

Hierdie soutribbetjie kan of van skaap- of varkribbe gemaak word.

Vir die braai is hierdie kerriesosaties en blatjanghoendervlerkies ideaal.

Foto deur Dawie Verwey

Onthou jy nog …

Gestolde slaaie? Probeer hierdie gevormde groenteslaai

Foto deur Johan Wilke

Toe en nou

Hier gee ons twee soortgelyke resepte: een meer tradisioneel en een meer modern.

Hier is die meer tradisionele groenbone met aartappel – teenoor Franse groenbone met geroosterde tamatieslaai

Verkies jy eerder hierdie sout-skaapribbetjie, of hierdie skaaprib in ’n taai Oosterse sous?

Wil jy nostalgies raak oor frikkadelle? Probeer dan hierdie koolfrikkadelle in ’n tamatiesous. Andersins, as jy haastig is, probeer hierdie kitsfrikkadelle in geroosterde rissie-en-tamatiesous.

Glo jy in die immergroen pannekoek met kaneelsuiker, of verkies jy as vulsel eerder karamellemoene en ’n gesoute karamelsous?

Probeer nou hierdie nostalgiese appeltert – en volgende keer dié oop karamelappeltert

’n Mens kry nie sommer iets meer tradisioneel as melktert nie … maar kyk net hoe is dit vernuwe in diepgebraaide melktertrolletjies!

Foto deur CRPhotographic

Pampoenresepte

Kyk, pampoen is so lekker en so eie aan tradisionele kookkuns dat ons sommer ’n afsonderlike kategorie daarvoor geskep het.

Probeer hierdie pampoen-en-lamsbredie

Gepraat van erfenisresepte … Vickie (ons kosredakteur) deel haar ma se resep vir tamaletjiepampoen asook haar eie pampoenslaai met dennepitte en radicchio

Hierdie pampoentertresep het twee variasies; een soet, een sout.

Sjef Jan-Hendrik van der Westhuizen deel sy Ouma Wes se pampoenkoekieresep met ons.

Lees ook ons onderhoude met Jan-Hendrik van der Westhuizen hier en hier.

Vir ’n interessante kinkel op die tradisionele, hoekom probeer jy nie hierdie resep vir pampoenkoekies en okkerneut-bruinbotter nie?

Foto deur Michael le Grange

Gebak: terte, poedings en nageregte

Hierdie resep vir kaneelsouskluitjies is gemakskos op sy eie.

Skuimpoedings met ingedampte melk is immergewild en ons gee boonop nog vier variasies vir dié treffer.

Ouma Ria se bruinpoeding is heerlik as warm nagereg.

Hierdie skuinskoek is hemels as dit warm voorgesit word met dubbeldikroom en moskonfyt.

Probeer hierdie konfyttertjies as kleiner soet-happies.

Hierdie mosbolletjies kan ook gedroog word om mosbeskuit te maak.

Foto deur Dawie Verwey

Lê dit in

Poog jy om jou spens soos ouma s’n te maak – vol bottels konfyt en ingelegde vrugte? Ons deel ’n paar gunstelinge.

Hierdie pampoenblatjang maak genoeg vir 2 x 375 ml-bottels.

Hier deel ons ’n versameling resepte vir konfyt, ingelegde vrugte en blatjangs

Probeer hierdie saffraankoejawels vir ’n interessante weergawe van die ou bekende.

Foto deur CRPhotographic

The post Resepte vir Erfenisdag appeared first on rooi rose.

Pampoen is ’n wenner in die wintermaande wanneer ons toustaan vir vertroostende soppe en bredies.

– Die veelsydige vrug (ja, dis nie ’n groente nie) se goudgeel vlees kan gekook, gestoom, gebak of gerooster word en in pastei, kerrie, sop en selfs in brood, koek of ander gebak gebruik word.

– Vul pampoene met ’n heerlike mengsel van bruinrys en neute, of gebruik pampoen as ’n vulsel vir pasta soos ravioli en gnocci.

– Onryp pampoen kan op dieselfde manier as murgpampoentjies geëet word.

– Geroosterde pampoenpitte met speserye is ’n gesonde snoephappie, of kan oor slaaie gestrooi word. Selfs pampoenblomme word geëet en in Frankryk is dit fynkos.

– Die helder oranjegeel kleur van pampoen is ’n teken dat dit propvol betakaroteen, ’n kragtige antioksidant, is. Betakaroteen word in die liggaam omgeskakel in vitamien A wat veral ’n belangrike rol speel in goeie sig.

– Pampoen is ook ryk aan vitamien C, magnesium, kalsium en kalium.

The post Die gesondheidsvoordele van pampoen appeared first on rooi rose.

The post Tameletjiepampoen appeared first on rooi rose.

Slaaisous
Dieselfde as vir die Franse boontjieslaai. Kry die resep hier

Slaai
• 6-8 ongeskilde pampoenskywe, pitte uitgekrap
• 30 ml (2 e) olyfolie
• sout en gemaalde swartpeper
• ’n groot hand vol slaaiblare, soos radicchio, roket en babaspinasie
• 80 ml (¾ k) dennepitte, liggies gerooster
• 250 ml (1 k) parmesaanskaafsels

1 Voorverhit die oond tot 200 °C.
2 Meng die slaaisousbestanddele en hou eenkant.
3 Pak die pampoenskywe op ’n groot bakplaat. Verf met olie en geur met sout en peper.
4 Rooster vir 30-35 min. tot sag en gekaramelliseer.
5 Pak die skywe op ’n groot bord. Skep die slaaiblare in die sekel van elke skyf.
6 Skep die slaaisous, dennepitte en parmesaan oor en sit voor.

The post Pampoenslaai met dennepitte en radicchio-slaai appeared first on rooi rose.