Deur: Savanna Douglas. Foto’s: Pexels

Pantone LLC, die wêreldowerheid oor kleur en verskaffer van professionele kleurstandaarde vir die ontwerpbedrywe, het die Rooibos Pantone® onder 2 390 ander kleure gekies as een van die uitstaande kleure van 2024. ‘n Bykomende vyf nuwe klassieke kleure is ook aangekondig.

Wêreldbekende kleurspesialis en uitvoerende direkteur van die VSA-gebaseerde Pantone Colour Institute, Leatrice Eiseman, sê die nuwe lentekleurpalet is ‘n harmonieuse mengsel van bekende skakerings wat met ‘n kontemporêre kinkel toegedien is.

“Kleure vir NYFW Lente 2024 stel ‘n nuwe interpretasie van huidige tye bekend as herinneringe aan die verlede en ‘n blik op die toekoms.”

Sy het na die Rooibos Pantone as “herstellend” verwys.

“Net soos mense soms kos gebruik om hulself te laat herleef, kan die lentekleurpalet ewe verfrissend wees. Die gesondheidsvoordele van kruie tee strek byvoorbeeld verder as persoonlike welstand. Dis herstellend in elke sin, verfrissend na smaak, maar ook verfrissend om na te kyk.

“Die Rooibostee Pantone® 18-1355 is volrond, rooi deurspek met ryk, houtagtige note. Die afgeronde skakering het dieselfde effek as die skakering van ‘n rok wat ‘n ruk lank in ‘n sederkis weggebêre was. Modehandelsmerke soos Gucci, Zegna, Josie Natori, Bally, Emilio Pucci en Markarian se Alexandra O’Neill is van die vroeë aannemers van die kleur,” merk Eiseman op.

Marthane Swart, sekretariaat van die SA Rooibosraad (SARC) sê die rooibosbedryf is opgewonde oor die nuus.

“Mode was nog altyd die voorloper in die stel van kleurneigings. Dit was vir ons ‘n groot ding toe die Rooibos Pantone vir die eerste keer bekend gestel is, maar om dit as ‘n kenmerkende kleur vir die volgende lente-/somerseisoen uit te sonder, het ons verwagtinge ver oortref.”

“Ons hoop dat wanneer mense die warm en uitnodigende amberkleur van rooibos dra, dit selfvertroue sal wek, tesame met emosies van warmte, gemak, optimisme, energie en passie.”

Behalwe dat die kleur in nuwe lente-/somermodeversamelings verskyn, sê kenners ons kan verwag dat die kleur ook in industriële ontwerpe gebruik sal word, van motors, elektronika, KI en tegnologie tot interieurs, films en animasie.

Hier is Pantone se NYFW lente/somer 2024 kleurpalet:

Lees ook: Die vleiendste denimromp vir jou figuur

The post Rooibos Pantone onder tien kleure gekies vir Lente 2024 by NY-modeweek appeared first on rooi rose.

Dis die eerste keer dat Pantone besluit om twee kleure die kollig te deel en hoewel beide Serenity (’n vaal blou) en Rose Quartz (’n dowwe pienk) in sterk kontras met 2015 se kleur van die jaar, Marsala (’n diep rooi) staan, is dit ’n verfrissende verandering.

Dié kombinasie is spesifiek gekies met die menslike psige in gedagte en poog om die ontwikkelende gier van “geslagsamesmelting” te reflekteer. Boonop verander dit ook hoe ons tradisionele kleurkombinasies benader.

“Met die geheel wat groter as sy individuele parte is, demonstreer die samevoeging van Serenity en Rose Quarts dat ’n inherente balans tussen ’n warmer rooskleur en ’n kouer blou ’n kalmerende gevoel van orde en vrede skep,” sê Leatrice Eiseman, uitvoerende direkteur van die Pantone Kleur Instituut, oor vanjaar se kleurkombinasie.

Dit is dus nie net sag op die oog nie, maar nooi jou ook om harmonie en rustigheid te vind. Ons kan nie aan ’n beter manier dink om 2016 te betree nie!

The post Pantone se kleure vir 2016 appeared first on rooi rose.