Instructions

Verhit die oond tot 180 °C.

1 Braai die skenkels in sarsies in baie warm avokado-olie in ’n groot oondvaste kastrol tot goudkleurig. Geur na smaak. Haal uit en hou eenkant.
2 Braai die gekapte uie vir 4 min. in dieselfde kastrol tot goudkleurig. Voeg die knoffel by en braai vir nog 1 min. oor lae hitte.
3 Voeg die meel by en roer vir 3 min. totdat al die olie geabsorbeer is.
4 Gooi die rooiwyn en aftreksel geleidelik by, roer deurentyd. Bring tot kookpunt.
5 Voeg die verbruinde vleis, tamatiepuree, tiemie en lourierblare by. Bedek en bak vir 2uur.
6 Panbraai die spek oor hoë hitte tot bros. Voeg die uitjies en sampioene by en braai tot goudkleurig.
7 Meng die sampioenmengsel deur die vleis. Bedek en bak weer vir nog 30 min.
8 Kapokaartappels: Kook die aartappels in gesoute kookwater tot sag. Dreineer, druk fyn en meng die botter deur. Meng die res van die bestanddele deur. Geur na smaak. Sit die Boeuf Bourguignon met die kapokaartappels voor.

Instructions

Romerige peperwortelpolenta
1 Bring die water, melk en room in ’n middelslagkastrol tot kookpunt. Geur met sout.
2 Hou die polenta ’n entjie bokant die melkmengsel en gooi stadig in ’n stroompie by die kokende vloeistof. Roer heeltyd met ’n houtlepel of balvormige klitser. (Wees versigtig dat die polenta nie spat en jou brand nie.)
3 Laat dit stadig prut tot dit begin verdik. Verlaag die hitte verder en prut vir sowat 30 min. tot deurgaar.
4 Net voor julle eet: Roer die crème fraîche, botter, parmesaan en peperwortel deur die polenta. Voeg nog warm melk by indien dit te dik na jou sin is.

Fantastiese sampioensous

1 Braai die sampioene en knoffel vir 5-7 min. oor matige hitte in die verhitte botter en olyfolie.
2 Gooi die brandewyn by en kook af tot met die helfte verminder. Gooi die aftreksel by en laat vir 8-10 min. kook.
3 Meng die room by en kook vir nog 3-4 min. of tot effens verdik. Gooi laastens die sojasous by.