Genoeg vir 12 plaatkoekies.

Bestanddele

Beslag

• 280 g (2 k) koekmeel
• 10 ml (2 t) koeksoda
• 60 ml (¼ k) strooisuiker
• 3 eiers
• 200 ml (1¾ k) melk
• 230 ml aangemaakte rooibostee
• 15 ml (1 e) asyn

Metode

1. Sif die koekmeel en koeksoda saam in ’n groot mengbak en voeg die strooisuiker by. Klits die eiers, melk, rooibos en asyn saam in ’n ander bak. Maak ’n holte in die gesifte meel en voeg die eiermengsel geleidelik by die meel en klits tot ’n gladde beslag vorm. Laat die beslag vir minstens 10 min. rus.
2. Smeer ’n braaipan met olie en verhit op die vuur of ’n gasbrander. Skep sowat ’n half koppie van die mengsel in die pan. Braai die plaatkoekie vir ±1 min. of tot borrels op die oppervlak vorm. Draai om en bak vir minstens nog 1 min. aan die ander kant. Herhaal met die res van die mengsel. Sit warm voor.

The post Reuse Rooibostee-plaatkoekies appeared first on rooi rose.

Genoeg vir 6

Bestanddele

• 250 g repiesspek
• 100 g pekanneute
• 15 ml (1 e) heuning
• 300 g (500 ml) (2 k) koekmeel
• 30 ml (2 e) strooisuiker
• 1 x 10 g-sakkie kitsgis
• knypie sout
• 375 ml (1½ k) melk
• 170 g botter, gesmelt
• 2 eiers
• ekstra botter vir die bakslag, gesmelt
• esdoringstroop (maple syrup) en blou- en swartbessies vir die opdiening

Metode

1. Verhit die oond tot 200 °C. Pak die spek op ’n bakplaat. Bak vir 10 tot 15 min. tot bros en goudkleurig.
2. Verhit ’n middelslagpan oor matige hitte. Braai die pekanneute vir 3-5 min. daarin of tot geurig. Voeg die heuning by en braai vir nog 3 min. tot liggies gekaramelliseer. Haal van die hitte af en laat staan vir 5 min. om effens af te koel.
3. Haal die spek uit die oond en laat vir 5 min. afkoel. Kap die neute en spek ruweg op ’n kapplank, hou eenkant.
4. Meng die meel, strooisuiker, sout en kitsgis in ’n elektriese menger met die deeghaak aan. Meng die melk, botter en eiers in ’n maatbeker en gooi by die meel. Voeg die spek en karamelneute by. Meng in die masjien tot die deeg glad en elasties is.
5. Bedek die bak en laat die deeg vir 1 uur in die mengbak rys tot dubbel die grootte.
6. Smeer ’n wafelpan aan albei kante met botter, laat die pan op die stoofplaat warm word – of gebruik ’n elektriese wafelpan – en skep 180 ml deeg (afhangend van hoe groot die pan is) daarin en bak vir 3 tot 5 min. aan elke kant, of tot goudkleurig en gaar. Herhaal met die res van die deeg. Sit voor met esdoringstroop en bessies.

Lees ook: Heel gebraaide hoender

The post Vandag is Wafeldag! Hierdie is die beste-este wafels appeared first on rooi rose.

Plaatkoekies met heuningbotter

Lees nog:

Alles-in-een-ontbyt

The post Plaatkoekies met heuningbotter appeared first on rooi rose.

Lewer sowat 10-12 plaatkoekies

185 g (1¼ k) meel
7,5 ml (1 ½ t) bakpoeier
knypie sout
5 ml (1 t) kaneel
2,5 ml (½ t) neutmuskaat
15 ml (1 e) strooisuiker
80 ml hawermout
375 ml (1½ k) karringmelk
1 eier, liggies geklits
gerasperde skil van 1 lemoen (opsioneel)
1 appel, gerasper
35 g botter, gesmelt + ekstra vir braai

1 Sif die meel, bakpoeier, sout, kaneel en neutmuskaat in ’n middelslag-mengbak. Roer die strooisuiker en hawermout by.
2 Meng die karringmelk, eier, lemoenskil en appel en voeg die botter by. Gooi die karringmelkmengsel by die meelmengsel en meng goed. Laat vir 20 min. staan.
3 Braai lepels vol van die beslag in ’n bietjie gesmelte botter in ’n pan. Draai om wanneer daar borreltjies bo-op vorm en braai tot goudbruin alkant. Sit voor met haselneut-en-heuning-botter.

Haselneut-en-heuning-botter

100 g botter
100 g haselneute, liggies gerooster en grof gekap
100 g heuningkoek of 3 e (45 ml) heuning

1 Verwerk al die bestanddele in ’n voedselverwerker tot glad. Skep uit en rol in waspapier toe.
2 Hou vir 20 min. in die yskas tot hard. Skep dun skyfies op die warm plaatkoekies en sit voor terwyl die botter smelt.

The post Hawerplaatkoekies met haselneutbotter appeared first on rooi rose.

Genoeg vir 4

• 500 ml (2 k) amandelmeel
• knypie sout
• 2,5 ml (½ t) bakpoeier
• 2,5 ml (½ t) kaneel
• 4 eiers
• 10 ml (2 t) xylitol
• 125 ml (½ k) jogurt
• botter vir braai

1 Meng al die droë bestanddele in ’n groot mengbak.
2 Klits die eiers, xylitol en jogurt saam. Meng die droë bestanddele by die nat bestanddele en meng goed.
3 Verhit die botter in ’n kleefwerende pan oor matige hitte.
4 Skep groot eetlepels vol van die mengsel in die pan (braai so 3-4 op ’n slag) en braai vir 3-5 min. of tot borrels aan die bokant verskyn.
5 Draai om en braai vir nog 2 min. of tot goudbruin.
6 Sit met vars bessies en room voor.

The post Amandel-en-jogurt-plaatkoekies appeared first on rooi rose.

20 plaatkoekies (6 cm in deursnee)

1 appel, in dun skywe gesny en met suurlemoensap besprinkel
1 eier, geklits
10 ml (2 t) bruinsuiker
2,5 ml (1/2 t) sout
250 ml (1 k) vetvryemelk
5 ml (1 t) canola-olie
375 ml (1 1/2 k) koekmeel
5 ml (1 t) koeksoda
5 ml (1 t) bakpoeier
knypie sout
125 ml (1/2 k) semels
gemaalde kaneel vir geur
1 appel, gerasper

Voorverhit die oond tot 200 ºC.

1 Verf elk van die appelskywe liggies met olie en ’n bietjie heuning. Bak vir 8 min.
2 Klits die eier liggies in ’n mengbak, voeg die suiker en sout by en klits vir 1 min.
3 Voeg die helfte van die melk en olie by en klits goed.
4 Sif die meel, koeksoda, bakpoeier, sout en kaneel saam en voeg bietjie vir bietjie by die eiermengsel en meng tot glad. (Moenie te veel meng nie.)
5 Voeg die res van die melk, semels en gerasperde appel by en meng liggies. Laat rus vir 10 min.
6 Verhit ’n kleefvrye pan oor matige hitte en spuit met kleefwerende kossproei.
7 Sit ’n appelskyfie in die pan en skep ’n opgehoopte eetlepel van die mengsel op elke skyfie. Bak vir 3-4 min. aan elke kant of tot goudbruin. Die appel sal aan die deeg klou as jy dit omdraai.
8 Opdienvoorstel: Meng gekapte, vars kruisement met ongegeurde jogurt en sit dit saam met die plaatkoekies voor.

Lees ook: Gestolde aarbei caprese slaai

The post Gesonde plaatkoekies appeared first on rooi rose.