Vraag

Wat is die beste manier om fyn plooitjies op my gesig te verbloem? – Janine

Antwoord

Gebruik ’n goeie voorbereidingslagie (primer) onder jou onderlaag. Dis ’n produk wat al die fyn (én dieper) lyntjies en vergrote porieë opvul en jou vel egaliger laat lyk. Die voorbereidingslagie laat ook jou onderlaag langer aanbly. Vermy ’n mat- of poeieronderlaag omdat dit die voorkoms van ongewenste fyn lyne sal beklemtoon – kies liewer ’n deursigtiger, vloeibare, glansende onderlaag.

*Marlinette Newman is ’n vryskut haar- en grimeerkunstenaar van Kaapstad.

Ons sê, probeer:

Lees ook: Ons 20 beste grimeerwenke

The post Verbloem só fyn plooie appeared first on rooi rose.

Deur Leandri de Kock 

In ’n era van kitsoplossings wat belowe om dit te genees en dat reg te stel, is dit verstaanbaar dat ons dikwels ’n bietjie skepties is. Ons wil graag dink dat ons tyd kan terugdraai en ons plooie kan laat verdwyn, maar is dit moontlik om dit oornag te doen? Ek het die nuwe Skin Republic Anti-Wrinkle Smooth Patches op die proef gestel. Dit is vir seker ’n handelsmerk wat ek graag gebruik, nie net omdat ek van ’n gesiglappie-masker (sheet mask) hou nie, maar ook omdat hul bestanddele eenvoudig en hul pryse billik is.  

Ek was vreeslik opgewonde toe ek hul nuwe pleisters kon toets, en sjoe, ek het werklik van harte gehoop dat dit sou werk al was ek skepties daaroor. Op die eerste aand het ek groot gegaan: Ek het die pleisters versigtig om my mond, die krakies om my oë, tussen my wenkbroue en op my voorkop geplaas. Ek kon nie eens my gesig beweeg nie, wat presies is wat jy wil hê as die hele punt is om te voorkom dat jou spiere saamtrek (dit geld veral vir my wat graag frons). Die volgende oggend, het ek nie enige groot resultate verwag nie, maar tot my verbasing was daar resultate. Hoewel ek dalk nog nie die diepste plooie het nie, was die prominentste plooie aansienlik gladder en feitlik onopspoorbaar, en die vel het meer plomp gevoel. Die peptiedformule wat in die pleisters is, het beslis hul werk gedoen en dit is aand ná aand bewys.  

Kollageen en hialuronsuur dra verder by tot die velversterkende bestanddelelys, wat voorkom dat die vel oornag uitdroog. En hoewel die pleisters beweging strem, voel dit nie ongemaklik nie. Oor die volgende twee weke het dit iets geword waarna ek elke aand uitgesien het, maar as jy net op soek is na ’n kitsoplossing voor ’n belangrike geleentheid, sal hierdie pleisters die werk in ’n japtrap doen. Skin Republic verbind hulle tot eenvoudige en doeltreffende velsorg, en daarom kan hierdie innoverende produk maklik in enige roetine, en op enige ouderdom, ingepas word. En omdat dit die beste werk wanneer jou vel in ’n proses van herstel is (oornag), is daar geen tyd wat vermors word nie. Daar is ook geen gemors nie, net resultate. Dié resultate is met ’n kliniese studie bewys en noem ’n vermindering van 23% in fyn lyntjies en plooie. Jy kan dit gerus glo, want ek het eerstehandse ervaring en betwyfel dikwels produkte wat te goed klink om waar te wees. 

In hierdie geval kan ek met graagte rapporteer dat dit waar is. 

Probeer dit self – Skin Republic Anti-Wrinkle Smooth Patches is nou beskikbaar by Clicks of aanlyn by theskinrepublic.co.za 

R79,99 vir 12 plakkers

Lees ook: Begin jou verjongingskuur vroeg

The post Skin Republic Anti-Wrinkle Smooth Patches: ’n Resensie   appeared first on rooi rose.

Daar is die 3 verskillende plooie waarvoor jy hierdie seisoen moet uikyk:

1 Die trekklavier-plooi

Hierdie tipe plooi lyk soos die blaasbalk van ’n trekklavier. Die plooitjies is smal en maak ’n zigzag-patroon wat boontoe kyk. Dit word ook Sunburst-plooie genoem. Die trekklavier-plooi is die gewildste tipe plooi vir die seisoen. Dra so ’n geplooide romp met ’n t-hemp vir ’n informele voorkoms. ’n Metaalkleurige geplooide romp in die afwerking is veral modieus!

2 Die kristal-plooi

As ’n mens vinnig kyk, lyk die kristal-plooi presies soos die trekklavier-plooi, maar dit is nietemin verskillend. Die plooie is baie fyn en skerp, en dit lê plat (anders as die trekklavier-plooi wat boontoe kyk). Die plooie oorvleuel mekaar ’n bietjie – amper soos vertikale blindings. ’n Mens sien hierdie plooie ook dikwels in mans se tuxedo-hempde.

3 Die boks-plooi

Hierdie plooi is wyd gevou om ’n plat area aan die bokant te vorm. Dit kan gebruik word as ’n enkel plooi (bv. aan die agterkant van ’n hemp), of as ’n reeks plooie (soos die van ’n Cheerleader). Die boks-plooi is ’n uitstekende afwerking om ’n hemp meer vroulik te laat lyk, maar dit gee ’n romp ook ’n meer deftige gevoel.

The post Plooie is terug! appeared first on rooi rose.

Hoe sal jy verouder?

Moenie wag tot dit te laat is voor jy begin aandag gee aan die spoortjies wat die tyd op jou vel gelaat het nie. Sorg van jongs af vir jou vel om voortydige veroudering te voorkom. Jou velkleur en -soort het ’n groot invloed op die proses. As jy ’n ligte, sensitiewe vel het, sal plooie waarskynlik vroeër sigbaar wees as by iemand met ’n olyfkleurige, olierige vel.

Dit is baie belangrik om te weet wat jou velsoort en -toestand is. Dit bepaal die keuse van jou velprodukte. As jy onseker oor jou velsoort is, gaan vra hulp by ’n raadgewer in die skoonheidsafdeling van een van die groot winkels. Jy kan ook by ’n skoonheidsterapeut gaan aanklop.

Volgens dermatoloë is chronologiese ouderdom nie meer die bepalende faktor in velprobleme nie. Altesame negentig persent van veroudering vind plaas vanweë ons leefstyl! Hou gouer jy leer om jou vel op te pas, hoe beter.

Verouderingsfaktore

Loop jy vir lang tydperke deur onder die son se giftige strale? Rook jy? Drink jy dalk effens te veel? Dié faktore, asook oorerflike faktore, soos hoe jou ouers verouder het, speel ’n groot rol in hoe jou vel sal lyk as jy ouer word.

Jy kan nie jou velsoort verander nie, maar jy het tog beheer oor die toestand van jou vel. Die toestand van jou vel verander deurentyd namate jy ouer word. Vroue se holderstebolder hormoonskommelings – puberteit, swangerskap en menopouse – het ’n groot uitwerking op hul velle. Spanning is nog ’n groot sondaar, en kan jou gesig vaal laat lyk of selfs volwasse aknee veroorsaak.

Behou ’n glansende gelaat

’n Glansende vel is enige vrou se droom. Wanneer jy jonk is, lyk dit behoorlik of jy straal. Die rede is dat selhernuwing in dié stadium elke twee weke plaasvind. Selhernuwing laat die kollageen in jou vel uitswel en dit sorg vir die pragtige, vars, jong voorkoms. Namate jy ouer word (en dit begin reeds in jou twintigerjare) vind selhernuwing al hoe stadiger plaas. In jou dertiger- en veertigerjare gebeur dit net elke veertig dae.

Maar daar is maniere om in enige fase van jou lewe ’n glansende gelaat te verkry en te behou. Ons wys aan die hand van die verskillende velsoorte hoe jy op enige ouderdom weer met ’n stralende gesig kan spog.

Olierige vel

Jy is dalk nie baie lief vir jou olierige vel nie, maar wees dankbaar: ’n olierige vel verouder stadiger as ander velsoorte.

Daar is twee soorte olierige velle. Die een word deur die onstuimige hormone van jou tienerjare veroorsaak. In dié fase sukkel jy gewoonlik met puisies, maar ontspan – dit verbeter as jy ouer word. Die ander soort, die gewone olierige vel, kom meestal by olyf- en donkerder velkleure voor.

Albei die soorte velle moet versigtig hanteer word. As jy jou olierige vel hardhandig hanteer, of produkte gebruik wat te sterk is, sal dit die sebumkliere stimuleer om nog net meer olie te vervaardig. Oormatige olievervaardiging veroorsaak dat dooie vel jou porieë verstop en swartkoppies ontwikkel. Dit kan tot vergrote porieë en puisies lei.

Hou jou vel skoon as jy ’n olierige vel het. Gebruik produkte wat sagkens werk om die olie-afskeiding te balanseer, die dooie vel te verwyder en terselfdertyd jou vel beskerm.

Volwasse aknee

Aknee onder volwassenes is meer problematies. Jou vel is geneig om droër te wees as jy ouer is en reeds lyntjies en plooitjies het. Baie van die “tienerprodukte” droog jou vel net verder uit. Maar moenie bekommerd wees nie, die skoonheidshuise maak vir alles voorsiening!

In die salon

Wees bedag op gesigbehandelings wat die vel stimuleer en jou gesig net nog olieriger sal maak.

Jou terapeut behoort eers die behoeftes van jou vel te bepaal voor sy vir jou ’n plan van aksie vir tuissorg kan uitwerk, want dis nie ’n probleem wat oornag opgelos kan word nie.

Aknee ná 40

Aknee is ’n tienerkwaal: jy moet daardeur om ’n beeldskone twintiger te word. Maar deesdae is aknee skynbaar ook ’n probleem van die middeljare. Talle vroue in hul veertigerjare sit skielik met ’n regte tienervel met aknee – ’n pynlike puisie gedurig iewers of sommer net ’n onegalige vel. Waar kom dit vandaan?

Een verklaring is die intense hormoonskommelings wat jy in jou veertigerjare beleef, net soos in jou tienerjare. Dr. Nicolas Perricone, spesialis op jeugdige veroudering, het ’n baie interessante verklaring: Hy sê jou aknee begin by ’n hoër cholesterolvlak, en veral hoër, slegte LDL-cholesterol. Soos jy ouer word, word jou cholesterolvlakke outomaties hoër. ’n Dieet hoog in onversadigde vette en ’n gebrek aan oefening laat dit nog meer toeneem.

LDL-cholesterol speel ’n groot rol in die ontwikkeling van laegraadse inflammasie in jou hele liggaam. Dis waarom jou risiko op hartsiektes en beroerte styg. Maar daar is ook ’n verband met jou vel: Aknee is ’n siekte van sistemiese inflammasie wat veral deur stres en hormoonskomme-lings gesneller word.

Dus: Aknee in jou later jare is die gevolg van die interaksie tussen jou veranderende hormoonprofiel (jy “verloor” jou estrogeen, wat tevore jou cholesterolvlakke help laag hou het), stres en jou LDL-cholesterol, wat baie sterk bepaal word deur die hoeveelheid ongesonde vette (soos diere-vette in rooi vleis en harde vet soos margarien) in jou dieet, ’n gebrek aan oefening, ’n tekort aan antioksidante om inflammasie teë te werk (soos vitamien C en E en reverasterol in druifpitekstrak) en die hoeveelheid vet om jou middel.

Jou aknee sal verbeter as jy:

• antioksidante neem en meer groen, heuningbos- of rooibostee drink l jou stres en gewig beter bestuur deur elke dag veertig minute lank te oefen,
• die regte dieet volg, genoeg slaap, daagliks diep ontspan, geestelike vrede kweek deur gebed of meditasie en werksbevrediging of ’n doelvervulde lewe lei.

As jy eers ’n dertigplusser is, word plooitjies meer sigbaar omdat jou kollageen en elastien afgebreek word

Normale vel

Normale of kombinasievel wat die eerste tekens van veroudering toon: Die eerste fyn lyntjies om jou oë begin reeds in jou twintigerjare hul verskyning maak. In dié fase is ’n goeie velsorgroetine baie belangrik om vroeë veroudering teë te werk. Reinig jou vel twee keer per dag en wend room in die oggend en saans aan. Dis nou tyd om ook ’n oogroom te begin gebruik. Jy kry verskeie oogrome: vir sakkerigheid, donker kringe en fyn plooitjies. Kies die een wat by jou vel se behoefte pas.

’n Sonskerm is natuurlik ewe belangrik. Die gereelde gebruik van produkte met ’n sonbeskermingsfaktor (SBF) is die grootste guns wat jy jouself kan bewys. Onthou dat die son een van die grootste sondaars is as dit by veroudering kom. Gebruik produkte met ’n hoë SBF op jou gesig, maar wend dit ook op jou nek en bors en die agterkant van die hande aan – dis dié dele wat eerste jou ouderdom verklap. Rome wat geskik is vir ’n vroeë stadium van veroudering behoort groot hoeveelhede antioksidante te bevat wat die vrye radikale wat deur die son, stres en besoedeling veroorsaak word, teë te werk.

As jy eers in jou dertigerjare is, word plooitjies meer sigbaar omdat jou kollageen en elastien afgebreek word.

In dié fase het jy produkte nodig wat selhernuwing aanhelp. Bevogtig jou vel goed – dit help om fyn lyntjies te laat uitdy. ’n Ligte afskilfering sal glans verleen. Begin ook ’n spesiale teenverouderingsnagroom gebruik.

Sensitiewe vel

Sensitiewe velle het vroeër hoofsaaklik voorgekom onder mense met ligte velle en blonde of rooi hare, maar velsensitiwiteit het ’n probleem geword wat al hoe meer mense begin raak, en deesdae moet dit eerder as ’n veltoestand as ’n velsoort gesien word. Die hoofoorsaak van sensitiwiteit is spanning, besoedeling en die son. Behandel ’n sensitiewe vel met produkte wat sagkens werk en die vel sal beskerm, bevog en kalmeer.

Ander velprobleme

• Onegalige velkleur

As ’n mens kyk na al die produkte wat onlangs vir ’n onegalige velkleur bekend gestel is, is dit duidelik dat dit ’n groot probleem is. ’n Onegalige vel kan by enige velkleur voorkom, maar ons sien dit meestal by donkerder velle. ’n Onegalige velkleur en ’n growwe tekstuur word veroorsaak deur ’n vel wat te veel melanien vervaardig. Blootstelling aan sekere elemente, soos die son, en selfs voorbehoedpille stimuleer die proses. Dit kan ouderdomsvlekke, vergrote porieë en selfs ’n gelerige kleur veroorsaak. Gebruik ’n room wat afskilferende alfa- en betahidroksiedsure (AHA) soos glikol- en salisielsuur bevat. Probeer ook gerus ’n tuisafskilfering. Dit is buitendien goed vir teenveroudering. Gebruik altyd ’n sonskerm as jy ’n tuisafskilfering gedoen het omdat sommige van dié produkte jou vel meer sonsensitief kan maak.

• Diep lyne, plooie en vel wat hang

Dit is nie regtig so ’n groot probleem soos wat dit lyk nie! Gelukkig is daar ’n magdom produkte en behandelings beskikbaar wat die toestand kan teëwerk. Kollageenvesels hou jou vel ferm, maar namate jy ouer word, rek die vesels en jou vel begin hang. As die probleem baie groot is, is “die mes” die enigste oplossing, maar vir minder ernstige toestande is daar heelwat produkte wat die illusie van ’n fermer gesigvorm skep. Hierdie produkte bevat bestanddele wat kollageengroei aanmoedig en die afbreek van die vesels vertraag.

The post Vries die tyd appeared first on rooi rose.

The post Dra geplooide rompe so appeared first on rooi rose.

Intussen vergeet ons dat ons ander se lewensverhale op hul gesigte lees, al gebeur dit meestal onbewustelik. Ons eien vasberadenheid, ontevredenheid of teruggetrokkenheid in ’n trek om die oë, die neus, die mond en het onmiddellik ’n aanvoelingvir die méns agter die gesig.

“Plooie kom van die emosionele onbewuste,” sê Marthie Maré, ’n fisionomiekenner (gelaatskundige) van Pretoria. “Sterk emosie veroorsaak lyntjies, en hulle verskyn meestal ná ’n tydperk van swaarkry.”

Tog dui plooie nie net op sielelyding nie. “Vir elke plooi kry jy ’n gratis talent as beloning. Wanneer mense weet waarop die lyntjies op hul gesigte dui, is hulle baie keer trots op élke plooi.” Gaan staan dus voor die naaste spieël en doen ’n bietjie “wie is ek”-navorsing! Marthie is aan die woord: Die linkerdeel van jou gesig verteenwoordig jou persoonlike lewe, terwyl die regterdeel op jou minder intieme verhoudings en werklewe wys – die gesig wat jy vir die wêreld opsit. Jou spieëlbeeld sal die linkerkant van jou gesig steeds links reflekteer, maar wanneer jy na iemand voor jou kyk, sal sy linkerkant aan jou regterkant wys. As jy byvoorbeeld meer courage lines aan jou regterkant het, beteken dit dat die meeste uitdagings in jou werkslewe of minder intieme verhoudings was.

• Uitreiklyntjies

Net die plooitjies wat uit die hoek van die oog waaier, tel as sogenaamde “lagplootjies” of uitreiklyntjies. Uitreiklyntjies dui aan hoeveel jy na ander uitreik deur byvoorbeeld advies in te win of menings te vra. Hoe meer jy het, hoe meer reik jy uit. Hoe verder hulle na die haarlyn strek, hoe wyer reik jy uit.

• Moedlyntjies

Plootjies wat horisontaal onder die oog vorm en afneig na die wange, is moedlyntjies of courage lines. Hulle vorm ná ’n lang tyd van swaarkry waar jy moed nodig gehad het om op te staan en terug te veg. Jy kan daaraan dink as die eremedaljes wat jy op jou gesig dra. As jy in ’n moeilike situasie is, kan jy jouself ondersteun deur liggies met jou vingers oor jou moedlyntjies te streel in die wete dat jy die nodige moed het om enige uitdaging te oorkom.

• Fronslyne: woedevlaggies

Daar is verskillende fronslyne. Vertikale plooie wat aan die wenkbroue raak, is woedevlaggies wat op onderdrukte woede en/of aggressie dui. Die talent wat hiermee saamgaan, is diplomasie. Jy kan iets op ’n mooier manier sê as wat jy graag sou wou. Jy sal dikwels stilbly of jou woede sluk om die vrede te bewaar. Ek raai mense met woedevlaggies aan om van die oorsaak van die aggressie ontslae te raak. As dit onmoontlik is (jy kan tog nie altyd van ’n situasie of persoon wegkom nie) moet jy ’n manier kry om jou aggressie te verwerk. Jy kan gim toe gaan, ’n kussing slaan of onder ’n boom staan en skree – solank jy dit gereeld doen. Anders gaan die onverwerkte emosie na jou organe en sit jy kort voor lank met hart-, lewer- of galprobleme.

• Fronslyne: ’n toewydingslyn

Enkelplooi in die middel van die voorkop, tussen die wenkbroue, word ’n toewydingslyn genoem. As jy dié lyn het, is jy in goeie geselskap: Moeder Teresa het ’n duidelike toewydingslyn gehad. Dit beteken jy het die behoefte om jou aan mense of ’n sekere saak te wy. Spiritueel groei jy dalk vinniger as ander mense. Jy is ook doelgerig; jy vorder van punt A na punt B sonder om asem te skep.

• Fronslyne: perfeksionisme

Verskeie vertikale fronslyne dui op perfeksionisme. Jy is krities teenoor jouself en ander. My vraag is gewoonlik: gaan die kwessie waaroor jy jou nou ontstel – byvoorbeeld of die koffiebekers in ’n netjiese ry staan – oor vyf jaar nog saak maak? Is dit die moeite werd om die lewe vir jouself en ander ongemaklik te maak omdat jy ’n uitkoms presies só wil hê? Probeer om elke dag iets wat vir jou nie reg lyk nie, te aanvaar. Draai die koffiebekers sommer met opset skeef en skuif hulle eers later terug. Kyk of jy al langer met dit wat nie perfek is nie kan saamleef, en geniet eerder die kuier saam met vriende of familie.

• Steunlyne

Die vertikale lyne tussen die wange en kakebeen langs die mond word steunlyne (support lines) genoem. Hulle verskyn ná ’n moeilike tydperk waar jy ’n gebrek aan emosionele steun ervaar het. Steunlyne aan die linkerkant dui op ’n gebrek aan steun van familie en hegte friende, en regs te min steun van kollegas ofdie samelewing. Sulke belewenisse gee jou empatie vir mense in soortgelyke omstandighede. Jy verstaan die kuns om hulle te ondersteun. Dié lyne dui ook op sjarme. uitbrandingslyn Die horisontale lyntjie hoog op die neusbrug is ’n uitbrandingslyn.

Dit kom voor by mense wat hulself oorwerk en baie verantwoordelikheid vir en namens ander neem – dikwels onnodiglik. Ek beveel graag aan dat hulle gerééld hul batterye herlaai. ’n Flits met ’n pap battery se liggie skyn maar flou; jy kan nie veel vir ander beteken as jou energiebronne uitgeput is nie.

• Teleurstellingslyne

Plooie wat van die buitekant van die neusvleuel na die buitehoek van die mond loop, word teleurstellingslyne genoem. Die meeste van ons het sulke lyne, want ons ervaar almal die soet en suur van die lewe. As die lyn links dieper is as regs, dui dit op persoonlike teleurstelling.

• Boliplyn

’n Horisontale lyn tussen die basis van die neus en die bolip sê dat jou hart soms nie in jou glimlag is nie. Jy is weer eens in goeie geselskap – Julia Roberts het dit ook! Dis algemeen by akteurs, joernaliste en mense wat dikwels vir ander moet glimlag. Ek sê graag mense moenie ophou glimlag nie; jou glimlag is dalk net wat iemand anders die dag nodig het. Dié lyn kan ook dui op trane wat nie gestort word nie.

• Geheimplooitjies

Die halfmaantjies wat om die mondhoeke vorm, is geheimplooitjies of secrecy lines. Dit dui op ’n sterk behoefte dat ander jou privaatheid en persoonlikeruimte respekteer. Dit beteken nié dat jy
duistere geheime het nie!

• Empatielyne

Lyne wat van die mondhoeke afloop na die ken, is empatielyne. Let maar op by ’n begrafnis: die mense naaste aan die oorledene sal reeds ’n duikie aan die linkerkant hê wat later ’n lyn gaan word weens die emosionele pyn. Empatielyne aan die regterkant word soms veroorsaak deur pyn oor die lewe, veral by ouer mense wat sukkel om aan te pas by politieke en ander veranderinge. Mense met empatielyne ontwikkel ongelooflike deernis met ander. “Kom praat met my” staan nie op jou voorkop geskryf nie, maar in jou empatielyne.

• Groewe rondom neusvleuels

Diep groeflyne reg rondom die neusvleuel dui op die ervaring van ’n gebrek aan erkenning, veral finansieel. Aan die linkerkant wys dit jy voel jou familie, selfs jou lewensmaat, ondersteun jou te min op geldelike gebied; regs kan wys dis moontlik tyd om ’n verhoging te vra. Onthou dat ons hier met persepsies werk, met hoe die eienaar van die gesig die werklikheid ervaar.

• Oorlewingslyne

“Rokersplootjies” of die vertikale lyntjies om die mond het niks met die rookgewoonte te doen nie; dis oorlewingslyne. Jy ontwikkel dit wanneer jy voel jou mening word nie na waarde geskat nie, of dat jy voortdurend verkleineer word. Oorlewingslyntjies links meen jy voel jou nabymense minag jou mening, en regs dat die werk of vriende of die samelewing jou sienings kritiseer. Die betrokke talent is dat jy enige situasie kan hanteer.

• Erkenningslyntjie

Die horisontale lyntjie bo die ken verwys na ’n behoefte aan erkenning. As jy byvoorbeeld vir die motor voor jou plek maak, word ’n dankie van die bestuurder baie waardeer. Jou optrede word nie gedryf deur die erkenning wat jy gaan kry nie, maar jy is daarop ingestel dat dinge op die regte manier gedoen word. Die talent lê daarin dat jy moeite vir ander sal doen.

• Geselslyn

Die lyn wat van die een kant van die gesig onder om die ken deurloop na die ander kant, is ’n geselslyn. Dit lyk soos ’n ekstra glimlag. Mense met dié kenmerk gesels lekker en is spontaan, mits hulle gemaklik voel.

• Humorlyntjies

Leeuneusplootjies of humorlyntjies dui op ’n ondeunde sin vir humor of ’n stout streep. Dis ’n hanteringsmeganisme wat jou help om by jou volle verstand te bly! Humorlyntjies links op die neus beteken jy hanteer jou persoonlike lewe goed deur jou sin vir humor toe te pas, en regs dat jy jou minder intieme verhoudings of die lewe in die algemeen só ligter maak.

• Puisies, aknee, vlekkies en moesies

Puisies en aknee is gewoonlik rooi, wat op woede en/of frustrasie dui. Die ligging van die puisie(s) vertel waarmee jy op die oomblik probleme ondervind. As dit herhaaldelik op dieselfde plek uitslaan, is dit ’n langdurige probleem. ’n Puisie links op die ken dui op frustrasie in terme van ’n persoonlike saak waaroor ’n besluit geneem moet word, en regs op die ken oor ’n werksbesluit. As jy finaal ’n besluit neem en die frustrasie verdwyn, sal die puisie(s) ook verdwyn. ’n Puisie of koorsblaar op die onderlip wys jy ervaar frustrasie vanweë die onvermoë om ander van jou saak te oortuig, en op die neuspunt beteken dit: “My finansies dryf my tot raserny!” Bruin vlekkies (liver spots) dui op moeilike lesse wat oor ’n lang tydperk geleer is. ’n Vlekkie op die kakebeen wys byvoorbeeld op lesse ten opsigte van deursettingsvermoë.

Sproete verteenwoordig energie en ’n sterk wil – dink aan die term “rissiepit”. As jy met ’n moesie gebore is, dui dit op ’n lewensles wat verband hou met die ligging daarvan. Op die regterwang het dit byvoorbeeld te doen met hoe jy jou in die openbaar, sosiaal, of by die werk laat geld. As dit eers ná geboorte vorm, wys dit na ’n situasie wat ’n groot impak op jou lewe het en wat in terme van die ligging daarvan geïnterpreteer kan word. Alle merke, selfs littekens op die gesig, hou betekenis in na gelang van hul posisie.

The post Elke plooi vertel ’n storie appeared first on rooi rose.