quiche | rooi rose

Maklike varkpasteitjies en quiche

Rooi Rose — Fri, 24 Oct 2025 14:14:41 +0000

Pasteie

Bestanddele

Sowat 8 pasteie

Vulsel

700 g gehalte-varkworsies
1 ui, fyn gekap
10 ml (2 t) fyn gekapte knoffel
15 ml (1 e) olyfolie
30 ml (2 e) vinkelsaad
fyn gerasperde skil van 1 lemoen
45 ml (3 e) port
’n groot hand vol pietersielie en grasuie, fyn gekap
sout en gemaalde swartpeper
1 appel, gerasper

Deeg

200 g koekmeel
200 g botter
200 g cheddar
gerasper eierglaseersel

Metode

Vulsel

Druk die varkvleis uit die omhulsel in ’n mengbak uit.
Braai die ui en knoffel in ’n pan tot goudkleurig. Roer die worsvleis by en braai vir 5 min. Gooi die vinkelsaad, lemoenskil, port en kruie by en meng goed. Geur met sout en peper. Sit laastens die appel by.

Deeg

Verwerk al die bestandele in ’n voedselverwerker tot dit bymekaarkom. Vorm ’n plat sirkel, draai in kleefplastiek toe en sit vir 1 uur in die yskas.
Rol die deeg 5 mm dik op ’n skoon, meel-bestrooide werkvlak uit.
Druk 15 cm-sirkels uit en voer ’n muffin-pannetjie met 6 holtes met die deegsirkels uit.
Verdeel die vulsel tussen die holtes en bedek elk met ’n 7 cm-sirkel. Knyp die deksel met jou vingerpunte toe en verf met geklitste eier.
Bak vir 40 min. of tot goudbruin en gaar. Laat effens afkoel voor jy die pasteitjies uithaal.

Quiche

Bestanddele

Genoeg vir sowat 12 klein of 1 groot quiche

Deeg

500 g meel
240 g botter
200 g roomkaas
90 ml (6 e) water

Vulsel

4 eiers
125 ml (½ k) room
sout en gemaalde swartpeper
1 kg botterskorsieblokke, gerooster
80 ml (? k) pistasieneute
125 g bloukaas
’n hand vol pietersielie, gekap

Metode

Deeg

Verwerk al die bestandele saam in ’n voedselverwerker tot dit ’n bal vorm. Draai die deeg in kleefplastiek toe en sit vir 1 uur in die yskas.
Rol die deeg 5 mm dik op ’n skoon, meelbestrooide werkvlak uit.
Sny 12 cm × 8 cm-sirkels uit die deeg en voer quichepannetjies of ’n 20 cm-losboompan daarmee uit. Laat vir 20 min. in die yskas rus.
Voorverhit die oond tot 180 °C. Voer die pannetjies met bakpapier uit en vul met droë bone of keramiekballetjies. Bak vir 20 min. blind tot ligbruin. Haal die bakpapier en bone uit en bak vir nog 10 min. Laat afkoel.

Vulsel

Klits die eiers en room saam en geur met sout en peper. Hou eenkant.
Pak die pampoen, pistasieneute, bloukaas en pietersielie in die tertkors en gooi die eiermengsel oor.
Sit op ’n bakplaat en bak by 180 °C tot die eiermengsel gestol het – sowat 60 min. vir die groot tert of 20-25 min. vir die kleintjies. Laat effens afkoel en sit voor.

The post Maklike varkpasteitjies en quiche appeared first on rooi rose.

Laekoolhidraat-quiche

Rooi Rose — Wed, 23 Jul 2025 11:25:08 +0000

Genoeg vir 4-6 klein quiches of 1 groot quiche.

Bestanddele

125 g botter
2 groot eiers
40 ml xylitol
150 ml klappermeel
10 ml bakpoeier

Quiche

2 eiers
30 ml gekapte sprietuie
30 ml gekapte pietersielie
sout en gemaalde swartpeper
250 g dik spek, in blokkies gesny en bros gebraai
12 kersietamties
½ klein blomkool, in blommetjies verdeel

Metode

Basiese tertkors

Voorverhit die oond tot 175 °C.

Voer ’n 24 cm-pan of 10 klein quiche-pannetjies (met ’n deursnee van 10 cm) met bakpapier uit.
Smelt die botter en laat afkoel. Klop die eiers, afgekoelde botter en xylitol saam.
Sif die klappermeel saam met die bakpoeier en roer deur die eiermengsel tot dit bymekaarkom en deeg vorm.
Voer die tertpan/pannetjies met die deeg uit, sit op ’n bakplaat en hou in die yskas tot benodig.

Quiche

Verhit die oond tot 180 °C.

Maak die basiese tertkorsdeeg soos bo beskryf. Sit die uitgevoerde pannetjies op ’n bakplaat.
Meng die room, eiers en kruie goed saam in ’n mengbeker.
Verdeel die tamaties en blomkool tussen die tertjies en gooi dan die room-mengsel versigtig in die tertkorse tot bo.
Bak vir sowat 15 min. tot goudkleurig.

The post Laekoolhidraat-quiche appeared first on rooi rose.

Blitsvinnige spek en groente quiches

Michelle Nortje — Wed, 05 Feb 2025 12:52:11 +0000

Resep deur Vickie de Beer. Foto Lee Schwagele crphotographic.co.za

Bestanddele

Spesery geroosterde groente

1 t (5 ml) fyngekapte knoffel
1 t (5 ml) komyn
1 t (5 ml) vinkelsaadjies
1 t (5 ml) koljandersaad
½ t (2,5 ml) gerookte paprika
½ k (125 ml) olyfolie
1 groot patat, skoongeskrop en in blokke opgesny
6-8 babawortels
3 rooi-uie, in kwarte gesny
1 blomkool en 1 broccoli, in blommetjies gesny
3 e (45 ml) olyfolie
400 g haloumi, in 3 cm-blokke gesny
¼ k (60 ml) elk pampoensaad, sonneblomsaad en gevlokte amandels

Spek en groente quiches

Bêre vir 2 dae in die yskas in ’n digsluitende houer.

Metode

Spesery geroosterde groente

Verhit die oond tot 200 ˚C.
Meng die knoffel, komyn, vinkel, koljander, gerookte paprika en olyfolie in ’n groot mengbak.
Voeg die groente by die spesery-olie, meng goed en skep in ’n groot oondpan.
Rooster die groente vir 30-40 min, of tot gaar. Voeg die haloumi en saadjies by as daar 10 min. van die roostertyd oor is.
Haal uit en laat afkoel voordat jy dit vir die week in ’n digsluitende houer bêre.

Spek en groente quiches

Verhit die oond tot 180˚C. Sit 6 repies spek op ’n bakplaat en bak vir 10 min. tot gaar (nie bros nie).
Spuit ’n muffinpannetjie met 6 holtes met kleefwerende kossproei.
Meng 3 liggies geklitste eiers, ¼ k (60 ml) room, 1 k (grof gekapte) van die geroosterde groente (*sien resep bo) en ’n hand vol gekapte vars basiliekruid in ’n mengbak. Geur met sout en swartpeper.
Vou ’n spekrepie in elke holte en vul elke holte ¾ met die eier-en-groente-mengsel. Bak vir 15-20 min. of tot gaar.

The post Blitsvinnige spek en groente quiches appeared first on rooi rose.

Botterskorsie-en-amandel-quiche

Michelle Nortje — Fri, 12 May 2023 12:33:54 +0000

Lewer: 4–6 porsies
Moeitevlak: Maklik
Bereidingstyd: 1 uur 45 min.
Kooktyd: 45 min.

Bestanddele

Kors
75 g gesoute botter, teen kamertemperatuur
100 g koekmeelblom
50 g amandelmeel
1 eiergeel
fyn seesout

Vulsel
500 g botterskorsie, geskil, ontpit en in blokkies gesny
olyfolie vir besprinkeling
fyn seesout en varsgemaalde swartpeper
3 eiers
20 ml ongesoute botter, gesmelt
100 g amandelmeel
100 g comté-kaas of sterk cheddar, gerasper
’n knippie fyn neutmuskaat
’n knippie fyn wonderpeper
’n knippie fyn komyn
50 g gevlokte amandels

By JAN is Vrydagmiddagete gewoonlik iets geurigs en seisoenaal wat in ’n japtrap berei kan word. Hierdie quiche het nie net ’n wonderlike tekstuur nie, dit het ook ’n heerlike neuterige smaak wat die botterskorsie perfek komplementeer. Ons sit dit graag voor met ’n bietjie crème fraîche en fyngekapte grasuie as ’n bykos saam met ons hoofgeregte gedurende die herfs- en wintermaande.
Metode

Voorverhit die oond tot 180 °C.

Vir die kors, gebruik jou vingers om die botter en meel in ’n groot mengbak te meng. Voeg die eiergeel en sout by en meng tot ’n deeg. Voeg ’n bietjie yswater by as die deeg nie sag genoeg is nie. Bedek met kleefplastiek en plaas in die yskas vir 1 uur.

Vir die vulsel, plaas die botterskorsie-blokkies op ’n bakplaatjie, bedruip met olyfolie en geur met sout en peper. Rooster in die voorverhitte oond vir 15 minute of tot die botterskorsie sag is. Plaas die gaar botterskorsie in ’n voedselverwerker en meng tot ’n gladde puree. Plaas die puree in ’n mengbak en voeg die eiers, gesmelte botter, amandelmeel, kaas en speserye by. Meng goed met ’n houtlepel en geur met sout en peper.

Spuit ’n quiche- of koekpan met kleefwerende kossproei. Rol die deeg uit op ’n werkoppervlak wat liggies met meel bestrooi is, lig die deeg op en plaas dit in die quiche-pan. Druk liggies met jou vingers tot die deeg eweredig versprei is. Knip ’n stuk waspapier en plaas dit in die pan. Vul met rou rys of bone en bak blind in die voorverhitte oond vir 10–15 minute tot die kors goudbruin is. Haal die rys uit en laat afkoel. Vul die kors met die botterskorsie-en-eiermengsel en bak teen 180 °C vir sowat 45 minute. Sprinkel die gevlokte amandels oor die quiche net voor jy dit uit die oond haal. Sit warm voor.

Wenk: Pampoenspesery maak ’n heerlike geskenk wanneer jy dit vooraf meng en in ’n oulike flessie verpak. Meng 80 ml fyn kaneel, 15 ml fyn gemmer, 15 ml fyn neutmuskaat, 7,5 ml fyn naeltjies, 7,5 ml fyn wonderpeper en verpak.

Klik hier vir Jan-Hendrik se Olyf-en-roosmaryn-broodstokkies met geklopte miso-botter PLUS lees ons onderhoud met dié gesogte Michelin-ster wenner.

The post Botterskorsie-en-amandel-quiche appeared first on rooi rose.

5 spyskaarte vir Kersfees

Catherine Schenck — Mon, 04 Dec 2017 12:03:48 +0000

Met hierdie Kersspyskaarte kan jy die lekkerste Kersete voorberei – sonder om te sukkel!

Ons deel ’n spoggerige spyskaart vir ’n tradisionele ete. Daar is ’n vingerhappie-spyskaart vir ’n meer ontspanne ete. Vir ’n lekker somersdag het ons ’n koue spyskaart saamgestel, wat natuurlik minder moeite beteken! Kersdag val hierdie jaar op ’n Maandag, so indien jy met Meat Free Monday wil voortgaan, of vegetariese gaste bedien, is hierdie smullekker spyskaart perfek. Daar is ook ’n laekoolhidraatspyskaart indien jy (en jou gaste) nie te veel koolhidrate wil inneem nie. Al hierdie resepte is ideaal vir ’n heerlike somerkersfees.

Lees ook: Nostalgiese spyskaart vir Kersfees