Leerlinge van die lewe     

Die kreatiewe egpaar, Donnalee Roberts en Ivan Botha, is fyn ingestel op die lewenswyshede en kennis wat hulle soos geskenke van mekaar, hul kinders en uit lewenservaring ontvang.

Sukkel om swanger te raak     

Een uit ses paartjies vind dat swangerskap hulle ontwyk. Wat veroorsaak onvrugbaarheid en watter behandelingsopsies is beskikbaar? Kan mense wat verkies om swangerskap weens finansiële, loopbaan- of ander oorwegings uit te stel, vroegtydig mediese raad inwin? 

Ons loer in by Refentse Morake en Jennifer Myburgh

As kind wou Refentse die president van Suid-Afrika word, maar eintlik, erken die sanger wou hy nog altyd net ’n verskil maak, en hy hoop hy kan ’n simbool van versoening wees.

Eet lekker by die skool en werk

Voorbereiding is die sleutel tot vinnige en voedsame kosblikke of dit nou vir kroos of vir jouself is. 

Gloeiend en gesond

Dis die begin van die jaar en die beste tyd om jou velsorgroetine ’n blink nuwe voorkoms te gee. Ons wys jou hoe om jou vel te verhelder, verfyn en vernuwe.

My stokperdjie het my gered 

ʼn Stokperdjie is noodsaaklik vir jou, meen kenners. Boonop kan dit dalk selfs later ʼn inkomste genereer. ʼn Pottebakker, ʼn kunstenaar en ʼn broodbakker deel hul passies.

Appels vir Afrika

Krakerige en sappig met eindelose moontlikhede, dis wat ’n vars appel jou bied. Met dié resepte kan jy sien hoe heerlik appels kan wees.

Nuwe jaar, nuwe jy … of bly jy waar jy is?

Ons is geneig om ’n nuwe jaar met ’n tikkie meer optimisme tegemoet te gaan. Ons maak voornemens, en is vol moed om uiteindelik by die gim aan te sluit, ’n nuwe werk te soek of selfs om te leer brei. Maar so baie van daai planne bly net planne … 

Hekel ’n matjie vir badtyd 

Met hierdie steek wat lieflike tekstuur verskaf en katoendraad, sal hierdie mat jou vir jare hou.

Geslagsgeweld in SA 

Suid-Afrika is een van die lande met ’n uiters hoë voorkoms van geslagsgegronde geweld, veral teenoor vroue. Wat word daaraan gedoen en hoekom bly soveel vroue so lank in afbrekende verhoudings?

Lees ook: WEN ’n wegbreek na Paternoster!

The post 10 redes waarom jy rooi rose se Januarie-uitgawe móét lees! appeared first on rooi rose.

Marciel Hopkins vier haar seuntjie met reënboog-kleure

Die gewilde Boer soek ’n vrou-aanbieder, Marciel Hopkins, het haar eerste Moedersdag op ‘n besonderse manier gevier – met haar ooievaarstee! Dié stylvolle en kleurvolle geleentheid is by die De Grendel wynlandgoed gehou, en bekende gesigte soos Mila Guy, Donnalee Roberts, Anna-Mart van der Merwe en Amalia Uys was onder die gaste.

Marciel en haar man, Handré Lourens, verwag hul eersteling – ’n seuntjie – in Junie.

Op sosiale media het sy gedeel:

“Ons baba seuntjie is in al die helderste kleure van die reënboog gevier by my babatee die naweek! Dankie aan elkeen wat ons dubbel & dwars kom bederf en seën het – dit maak my eerste Moedersdag as ’n voornemende mamma ekstra spesiaal.”

(Foto’s: Instagram/Marciel Hopkins)

Demi Lee Moore verwag haar eersteling – en dit is ’n …

Die geliefde sangeres en Die Kontrak-wenner, Demi Lee Moore, het verlede week die geslag van haar eersteling met aanhangers gedeel. Sy en haar man, Barthlo Visagie, ‘n kitaarspeler, het ’n video gedeel waarin hulle blou konfettie-kanonne afvuur – die paartjie verwag dus ’n seuntjie!

Op Instagram het sy die volgende geskryf:

“…. my vriendin sê die ander dag – sy dink dit is ‘n meisie, maar sy hoop eintlik dit is ‘n seuntjie, want die wêreld kort meer Barts! – en ek stem so saam… soooo oogewonde oor ons klein mensie. “

View this post on Instagram

 

A post shared by D E M I • L E E • MOORE (@demilee.moore)

Die derde Pretorius-pienkvoet is hier!

Die aktrise en regisseur Simoné Pretorius (34), het pas hul gesin met nóg ’n Pretorius-pienkvoet uitgebrei. Sy en haar man, Andries, is reeds ouers van die vierjarige dogtertjie, Harper en eenjarige James (’n seuntjie).

Die nuwe toevoeging aan die Pretorius-familie is weer ’n dogtertjie, en Simoné het die goeie nuus Dinsdagmiddag op sosiale media gedeel, maar nog geen naam bekendgemaak nie.

 

View this post on Instagram

 

A post shared by Simoné Pretorius (@simonenortmann)

Refentse deel eerste foto van sy gesin

Die “Reisiger”-sanger, Refentse, het hierdie Moedersdag ’n spesiale eerbetoon aan die ma van sy kind, Tané Joubert, gebring – deur vir die eerste keer ’n foto van hul gesin op sosiale media te deel. Die paartjie se eersteling, ’n seuntjie, het op 4 Maart vanjaar sy opwagting gemaak.

 

View this post on Instagram

 

A post shared by Refentse (@refentsemusic)

Die Pollards verwag hul tweede kind

Die Springbok-losskakel Handré Pollard en sy vrou, Marise, het onlangs op Instagram aangekondig dat sy swanger met ‘n dogtertjie is – net ’n paar dae nadat hulle hul seuntjie, Hunter, se eerste verjaarsdag gevier het.

In die oulike aankondigingsvideo dra Marise ’n geel rok wat haar bababoepie mooi wys, terwyl Hunter ’n T-hemp aanhet waarop “brother” staan. Volgens die plasing, sal Hunter in Oktober ‘n ouer boetie word.

“Our family is growing! Hunter is going to be a big brother and we are beyond excited; God is so good. Our little girl will join us end of October ,” het sy by die plasing geskryf.

 

View this post on Instagram

 

A post shared by Marise Pollard (@marisepollard)

Baie geluk aan al die bekendes met hul babageluk!

Lees ook: Vreemder as fiksie: Wonderwerkbaba in die hitte van ’n kankerstryd

The post Baba-opwinding onder die sterre: Hierdie 5 bekendes vier nuwe lewe! appeared first on rooi rose.

Die lys kunstenaars wat vanjaar gaan optree lees soos ’n wie’s wie van top jong talent. Die 19-jarige Afrikaanse sanger, Refentse Morake, wie se meteoritiese opgang hom oornag ’n huishoudelike naam gemaak het, tree as gaskunstenaar op. Met die Kaapstadse Filharmoniese Jeugorkes wat die begeleiding verskaf, deel Refentse die verhoog met, onder andere, die koor van Kenmere Laerskool, sopraan Palesa Malieloa, jazz-sanger Austin-Lee Jacobs, die jong pianis Qden Blaauw en sangeres Dirja Lekas, sowel as Donné de Kock en Ellani de Jager van die Grey-vioolduo. Die orkes en soliste word deur Stefan Lombard gedirigeer, terwyl die sprankelende RSG-omroeper, Sue Pyler, as seremoniemeester sal optree.

Almal is welkom om hul eie piekniek te bring, maar piekniekmandjies teen R195 per persoon kan ook bestel word by die Red Table Restaurant wat in die Nederburg-herehuis bedryf word. Skakel Jeannine by 021 877 5155 vir meer besonderhede. Die publiek word ook daarop gewys dat alkoholiese drankies nie op die perseel gebring mag word nie. Koeldranke en uitgesoekte Nederburg-wyne sal by die venue te koop aangebied word.

Kaartjies teen slegs R100 per persoon is beskikbaar by www.webtickets.co.za. Kinders van 12 jaar en jonger geniet gratis toegang. Alhoewel kaartjies op die dag by die hekke te koop sal wees word dit sterk aanbeveel om vroegtydig te bespreek.

Waar: Nederburg in die Paarl

Wanneer: Saterdag 26 November

Tyd: hekke open om 16:00 met die vertoning wat om 18:00 begin

Vir meer inligting, besoek gerus www.nederburg.com of skakel 021 877 5123 gedurende kantoorure.

The post Nederburg Piekniek Pops-konsert appeared first on rooi rose.