In die slaghuis kan jy met die blokman oor spesialiteitvarksnitte gesels, ’n resep of twee uitruil of net ’n wenk vir die beste “crackling” of brosvet kry. Raak tuis tussen die rakke vol plaasprodukte, vars organiese groente en mooi blomme.

Die Franse sjef, Christophe Dehosse, het onlangs die vernuwing in die deli aan die gang gesit waar jy nou op die langstoep in vrede kan ontspan om ’n luilekker middagete te geniet.

Die spyskaart stel Franse plaaskos ten toon wat van gehalte, vars of tuisgemaakte bestanddele gemaak word. Ander bestanddele word uit die omliggende omgewing verkry en so word die kontrei op jou bord vasgevang.

Gaan kuier gerus op die plaas se stoep en smul aan die beste uit die omgewing.

Deli
deli@joostenberg.co.za
Tel:021 884 4141
Slaghuis
pork@joostenberg.co.za
Tel 021 884 4206

The post Kontrei-kuier op Joostenberg appeared first on rooi rose.