Bestanddele

• 500 ml (2 k) gevriesde bessies
• 500 ml (2 k) volroom- Griekse jogurt
•  125 ml (½ k) room
•  40 ml xylitol

Metode

1. Verwerk al die bestanddele in ’n voedselverwerker tot glad.
2. Gooi die mengsel in 8 roomys-lollievorms.
3. Vries oornag.

The post Blitsige roomys appeared first on rooi rose.

Begin reeds die vorige dag met die roomyskoek.

Genoeg vir 10-12

Bestanddele

• 1 x 360 g-blikkie karamel
• 750 ml (3 k) room
• 15 ml (1 e) vanieljegeursel
• 300 g x 70% donkersjokolade, ruweg gekap
• 200 g swartbessies (bevrore of vars)
• 100 g pekanneute, liggies gerooster en ruweg gekap
• 200 g Romany Creams met sjokoladevulsel, fyn gemaal

Metode

1. Spuit ’n jellievorm of Bundt-koekpan met ’n deursnee van 25 cm met kleefwerende kossproei.
2. Meng die karamel, room en vanieljegeursel in ’n groot mengbak. Klits met ’n elektriese klitser tot lig en donsig.
3. Verdeel die roomysmengsel eweredig tussen 3 verskillende mengbakke.
4. Smelt die sjokolade vir 1 min. op die ontvriesstelling van die mikrogolfoond. Roer die sjokolade deur en smelt vir nog 30 sek. op ’n slag tot dit heeltemal gesmelt is – roer ná elke 30 sek. Vou slegs 200 g van die gesmelte sjokolade by een van die mengsels in. Hou die res eenkant. Vul die voorbereide pan met die sjokoladeroomys. Sit in die vrieskas vir 30 min.
5. Verwerk die swartbessies in ’n voedselverwerker tot glad en vou die swartbessies by een van die laaste twee mengsels in. Gooi die swartbessieroomys bo-op die sjokoladeroomys en sit vir nog 30 min. in die vrieskas.
6. Meng die pekanneute deur die oorblywende roomys en vul die pan met die pekanneut-roomys. Sit in die vrieskas vir 30 min.
7. Meng die Romany Creams en oorblywende sjokolade en druk die kors met die agterkant van ’n lepel liggies bo-op die karamelmengsel vas.
8. Sit die roomyskoek oornag in die vrieskas, laat dit vries en haal eers 10-15 min. voor die uitkeerslag uit die vrieskas. Sit voor met ekstra bessies en vars kruisement.

The post Feestelike roomyskoek appeared first on rooi rose.

Genoeg vir 6.

Bestanddele

• 560 g dubbelroomjogurt
• 90 g heuning
• gerasperde skil van 2 lemmetjies
• 250 g frambose

Metode

1. Klits die jogurt, heuning en lemmetjieskil saam in ’n middelslagmengbak.
2. Skep die jogurtmengsel in lolliehouers met ’n inhoudsmaat van 125 ml.
3. Druk die frambose fyn (behou ’n bietjie tekstuur) en vul die houers met die vars frambose.
4. Sit ’n teelepel in elke houer en vries vir 4 uur of oornag.

The post Blitsige framboos-en-jogurt-lollies appeared first on rooi rose.

Genoeg vir 8

Bestanddele

• 1 klein waatlemoen, geskil en in happie-grootte stukke gebreek
• 2 lemmetjies, in wiggies gesny + fyn gerasperde skil van 3 lemmetjies
• 500 ml (2 k) klaarbereide lemmetjie-sorbet (ons het Lecca ill Gelato gebruik)
• 100 g (1 pakkie) pistasieneute, gekap
• hand vol kruisementblare

Metode

1. Pak die waatlemoen en lemmetjies in ’n dienbak en strooi die lemmetjieskil oor.
2. Skep die roomys net voor die voorsitslag bo-op en strooi die pistasieneute en kruisementblare oor.

The post Waatlemoen-en-lemmetjie-slaai appeared first on rooi rose.

Genoeg vir 6

Jy kan ook ’n bessieroomys maak. Roer 500 g fyn gemaakte bessies by die basiese mengsel.

• 500 ml (2 k) karringmelk
• 500 ml (2 k) room
• gerasperde skil en sap van 2 suurlemoene
• 4 eiergele
• 60 ml (¼ k) suiker
• knypie sout
• 30 ml (2 e) chia-saad

1. Verhit die karringmelk, room en suurlemoenskil in ’n kastrol oor matige hitte tot dit saggies begin borrel. Haal af en hou eenkant.
2. Klop die eiergele, suiker en sout tot lig en romerig. Voeg die suurlemoensap by.
3. Gooi die roommengsel by die eiergele terwyl jy deurentyd klits. Gooi die mengsel terug in die kastrol.
4. Kook stadig oor lae hitte terwyl jy deurentyd roer tot die vla verdik – dit moet die agterkant van ’n houtlepel bedek.
5. Trek van die hitte af en hou eenkant tot heeltemal afgekoel. Sit vir 2 uur of tot koud in die yskas.
6. Roer die chiasaad by en gooi in die bak van ’n roomysmasjien. Karring die roomys volgens die masjienaanwysings.
7. Laat effens set voor jy die roomys tussen lagies wafels skep, of sit die wafels saam met die roomys voor.

Volgraanwafels

Genoeg vir 10 wafels

Ons het ’n stroopwafelpannetjie gebruik. andersins kan jy die koekies op bakpapier wat met kleefwerende kossproei gespuit is, in ’n voorverhitte oond by 180 °C bak. Haal uit die oond. Die wafeltjies sal bros word sodra dit afgekoel het.

• 200 g speltmeel
• 80 g tefmeel
• 95 g suiker
• knypie sout
• 1 eier
• 80 g sagte botter

1. Meng die spelt, tef, suiker en sout in ’n mengbak.
2. Voeg die eier en botter by en knie tot ’n deeg gevorm het.
3. Weeg die deeg in 40 g bolletjies af.
4. Spuit ’n stroopwafelpannetjie met kleefwerende kossproei en verhit oor hoë hitte.
5. Sit ’n bolletjie deeg in die middel van die wafelpan en maak die pan toe. Bak vir 2 min. aan elke kant, of tot goudbruin in kleur.
6. Lig uit die pannetjie en herhaal met die oorblywende deeg.

The post Chia-en-suurlemoen-roomys met volgraan-wafeltjies appeared first on rooi rose.

Ryspoedingyslollies met Geroosterde Klapper deur Vickie de Beer, bygestaan deur Lichelle May en Inemarie Rabie. Foto’s deur Lee Schwagele van www.crphotogrpahic.co.za

Ryspoedingyslollies met Geroosterde Klapper

The post Ryspoedingyslollies met geroosterde klapper appeared first on rooi rose.

Resep deur Rediscover Dairy 

Bestanddele 

• 500 ml (2 kop) vars room 
• 500 ml (2 kop) amasi (maas) 

• 250 ml (1 kop) kondensmelk 
• 5 ml (1 teelp) vanillageursel 
• 1 kop dubbellaag sjokoladekoekies, grof gebreek 

Metode

1. Voer ‘n broodpannetjie met kleefplastiek uit en plaas in die vrieskas om te verkoel.

2. Meng die vanieljegeursel en kondensmelk in ‘n mengbak saam.

3. Klits die room met ‘n elektriese menger tot die sagtepunt stadium

4. Voeg die kondensmelk met die vanillageursel en die amasi by die geklopte room en meng goed totdat al die bestandele goed geinkorporeer is. 

5. Sodra die roomysmengsel goed gemeng is, vou die gebreekte sjokoladekoekies in.

6. Skep die mengsel uit in die verkoelde broodpannetjie en plaas in die vrieskas vir 3 – 4 uur totdat die roomys goed gevorm is. 

7. Wanneer die roomys gereed is, keer dit uit op ‘n bord, sny in porsies en bedien dadelik. 

Lees ook: Maklike klapper-en-aarbei-fudge

The post Amasi en sjokoladekoekie-roomys appeared first on rooi rose.

The post Klapper-en-lietsjie-roomys appeared first on rooi rose.

Affogato is warm espresso wat oor vanieljeroomys gegooi word.

• Warm espresso
• Vanieljeroomys

1. Verkil die glasies in die yskas en skep ’n skeppie roomys in elkeen.
2. Sit die espresso afsonderlik in ’n koppie voor en laat elke gas dit na smaak oorgooi.

Vir ander variasies gebruik sjokolade-, koffie-, toffie-, of karamelroomys.

Lees ook: Lekker idees met roomys

Lees ook: Maak koffie soos ’n barista

The post Hemelse Affogato appeared first on rooi rose.

Broekies

“Broekies” is sjokoladebruintjies wat met koekies gemeng is, vandaar die naam!

• 450 g 70% donkersjokolade, fyn gekap
• 45 g botter
• 225 g strooisuiker
• 80 ml (⅓ k) mielieblom
• 5 ml (1 t) bakpoeier
• 3 eiers
• 5 ml (1 t) vanieljegeursel

1 Voorverhit die oond tot 180 °C. Voer ’n bakplaat met bakpapier uit.
2 Smelt 350 g sjokolade en die botter in ’n groot mengbak wat knus oor ’n kastrol pas wat halfvol kookwater is. Roer deurentyd totdat die sjokolade en botter gesmelt is. Trek van die hitte af en laat afkoel.
3 Meng die strooisuiker, mielieblom, bakpoeier, eiers en vanieljegeursel in ’n groot mengbak en klop met ’n elektriese klitser tot lig en donsig.
4 Voeg die sjokolademengsel by en roer deur.
5 Skep eetlepels van die deeg op die bakplaat. Bedek met die oorblywende sjokolade.
6 Bak vir 10-12 min. of tot die koekies liggies begin kraak en set.

Luukse warmsjokolade-melkskommel

Genoeg vir 4

Warmsjokolade met ’n lagie karamel onder, grondboontjiebotterroom bo-op en karamelroomys heel bo.

Gesoute karamel
• 175 g ligbruinsuiker
• 250 ml (1 k) room
• 50 g botter
• 5 ml (1 t) sout

Grondboontjiebotterroom
• 125 ml (½ k) room
• 30 ml (2 e) grondboontjiebotter
• 10 ml (2 t) versiersuiker
• 10 ml (2 t) vanieljegeursel

Warmsjokolade
• 500 ml (2 k) volroommelk
• 500 ml (2 k) room
• 300 g 70% donkersjokolade, fyn gekap
• 60 ml (¼ k) kakaopoeier
• 10 ml (2 t) vanieljegeursel
• 4 balletjies vanielje- of karamelroomys

Karamel
1 Meng die suiker, room, botter en sout in ’n klein kastrol oor matige hitte en bring tot kookpunt.
2 Verlaag die hitte en laat prut vir 3-4 min. Trek van die hitte af.

Room
1 Klits die room, grondboontjiebotter, versiersuiker en vanieljegeursel in ’n groot mengbak tot dit stywe punte vorm. Hou eenkant tot benodig.

Warmsjokolade
1 Verhit die volroommelk en room in ’n kastrol oor matige hitte.
2 Bring tot by kookpunt, trek van die hitte af en voeg die donkersjokolade en kakaopoeier by. Roer totdat al die sjokolade gesmelt is.
3 Gooi sowat 2 e (30 ml) van die karamelsous in die opdienkoppies/glasies.
4 Vul met die warmsjokolademelk en sit voor met ’n skeppie grondboontjiebotterroom en ’n balletjie vanielje- of karamelroomys.

The post Verleidelike warmsjokolade-melkskommel appeared first on rooi rose.

Swartbessie-en-beet-jogurtroomys

Genoeg vir 4

• 150 g rooi beet
• 150 g gevriesde swartbessies
• klein hand vol kruisement
• 40 g Erythritol of Xylitol (versoeters)
• 250 g mascarpone

1 Voorverhit die oond tot 200 °C.
2 Draai elke beet in foelie toe en rooster vir 60 min. of tot gaar.
3 Haal uit en laat afkoel. Skil die beet af.
4 Meng die beet, swartbessies, kruisement, Erythritol en mascarpone in ’n voedselverwerker tot glad.
5 Gooi die mengsel in ’n broodpannetjie, bedek met kleefplastiek en vries oornag.

Kry ook ons resep vir ’n lekker beet-smoothie hier

Roomys met avokado, kruisement en lemmetjie

Genoeg vir 4

• 4 avokado’s, geskil en ontpit
• 250 ml (1 k) room of klapperroom
• groot hand vol kruisement
• 40 ml (2 t) lemmetjiesap
• gerasperde skil van 3 lemmetjies
• 75 g Erythritol of Xylitol (versoeters)

1 Meng al die bestanddele in ’n voedselverwerker tot glad.
2 Gooi die mengsel in ’n broodpannetjie, bedek met kleefplastiek en vries oornag.

Lees ook: Kruisement-en-jogurt-hoenderstukke

Roomys met piesang, mango, borrie, gemmer en klapper

Genoeg vir 4

• 350 g piesangs, in dik ringe gesny en gevries
• 100 g mango, geskil, gesny en gevries
• 2,5 ml (½ t) borrie
• 5 ml (1 t) fyn gekapte gemmer
• 60 ml (¼ k) klapperroom

1 Meng al die bestanddele in ’n voedselverwerker tot glad.
2 Gooi die mengsel in ’n broodpannetjie, bedek met kleefplastiek en vries oornag.

Glutenvrye en laekoolhidraat-wafelhorinkies

Genoeg vir 8-10

Jy het ’n Italiaanse wafelpannetjie, ’n pizelle, nodig om hierdie wafels te maak. Kyk op die Internet vir ’n verskaffer naby jou.

• 100 g amandelmeel
• 10 g psyllium-doppe (husks)
• 1 ml (¼ t) sout
• 2,5 ml (½ t) vanieljegeursel
• 40 g Eryth-ritol
• 60 g botter, gesmelt
• 2 eiers
• 125 ml (½ k) melk

1 Meng die amandelmeel, psyllium-doppe (husks) en sout in ’n groot mengbak.
2 Klits die vanieljegeursel, Erythritol, botter, eiers en melk saam in ’n middelslagbak.
3 Gooi die nat bestanddele by die droë bestanddele en klits tot goed gemeng.
4 Voorverhit die wafelpannetjie oor matige hitte.
5 Gooi 30 ml van die beslag in die wafelpannetjie en bak vir 2-4 min. aan elke kant of tot goudkleurig.
6 Rol die wafels in ’n kegelvorm en sit vir 5-10 min. eenkant.
7 Hou andersins die wafeltjies plat en bedien die roomys daarop.

The post Soet-sonder-sonde-roomys appeared first on rooi rose.

Genoeg vir 4; 750 ml roomys

Die beet moet papierdun gesny word, want dit word rou gepiekel.

Lees ook: Kleurryke groentepiekels

Lees ook: Beet-bokmelkkaas-en-vye-tert

The post Beet carpaccio met romerige bokmelkkaas en heuning roomys appeared first on rooi rose.

Voorgereg

Foto deur Lee Schwagele

Eiers gevul met beet en avokado

Hoofgereg

Foto: Charles Russel

Mediterreense groentetert

Pêrelgortslaai

Oosterse waatlemoenslaai

Nagereg

Foto: Lee Schwagele

Chia-en-suurlemoen-roomys met volgraan-wafeltjies

The post Spyskaart vir ’n vegetariese Kersete appeared first on rooi rose.

genoeg vir 10-12

Donkersjokoladekoek
• 500 ml (2 k) water
• 250 ml (1 k) kookolie
• 450 g sagte bruinsuiker
• 200 g donkersjokolade, fyngekap
• 115 g kakao
• 4 groot eiers, liggies gekluts
• 325 g koekmeel
• 5 ml (1 t) bakpoeier
• 2.5 ml (½ t) sout
• 10 ml (2 t) baksoda

Framboos-roomys
• 600 ml dubbeldikroom
• 1 x 397 g blikkie kondensmelk
• 500 g vars of bevrore frambose

Malvalekkerversiersel
• 4 eierwitte
• 250 ml (1 k) strooisuiker
• 15 ml (1 e) rooswater

1 Voorverhit die oond tot 180°C. Voer drie 24 cm-koekpanne met bakpapier uit.
2 Bring die water tot kookpunt in ’n middelslag kastrol. Verwyder van die hitte en voeg die suiker en olie by. Roer totdat die suiker opgelos is.
3 Voeg die sjokolade by en roer tot glad. Klits die eiers by.
4 Voeg die koekmeel, bakpoeier, sout en baksoda by en klits tot net gemeng. Bedek die mengsel met kleefplastiek en hou eenkant vir 1 uur.
5 Verdeel die mengsel gelykop tussen die koekpanne. Bak vir 30-35 min. of tot ’n toetspen skoon uitkom. Koel deeglik af.
6 Voer een 24 cm- koekpan met bakpapier uit sodat jy ’n 10 cm hoë kraag het.
7 Vir die framboosroomys: klits die room en kondensmelk tot dik en romerig. Verwerk helfte van die frambose met ’n voedselverwerker tot glad. Druk die mengsel deur ’n sif.
8 Vou die framboospuree deur die roommengsel tot goed gemeng.
9 Smeer ’n laag framboosroomys op elke koek. Bedek elke koek met die oorblywende frambose. Sit die koeklagies in die voorbereide koekpan. Sit in die vrieskas tot heeltemaal gevries (oornag).
10 Vir die versiersel: klits die eierwitte in ’n hittebestande mengbak tot sagte punte vorm. Voeg die strooisuiker stadig by en klits tot dik en glansig. Sit die mengbak oor ’n kastrol met water oor matige hitte. Klits die meringue tot dit warm voel as jy jou vinger daarin druk. Verwyder van die kastrol. Klits dit weer tot heeltemal afgekoel. Voeg die rooswater by en roer deur.
11 Keer die koek uit die koekpan. Bedek die koek met versiersel. Skroei die malvalekker met ’n blaasvlam tot goudkleurig. Sit dadelik voor.

Verjaarsdagkoek 1: Tina Bester se witsjokoladekoek

Verjaarsdagkoek 2: Wessels van Vuuren se rooiwyn-sjokoladekoek

Verjaarsdagkoek 4: Kanya Hunt se haselneutkoek met rooifluweel-roosversiering

Verjaarsdagkoek 5: Martjie Malan se framboo-en-suurlemoenkoek

Verjaarsdagkoek 6: Corli Botha se maklike verjaarsdagkoek met bessie-coulis en outydse melkversiersel

The post #75verjaarsdagkoek 3: Katelin Williams se gebakte Alaska-koek appeared first on rooi rose.