Gekaramelliseerde ryspoeding. Deur: Vickie de Beer. Foto: CRPhotographic

Genoeg vir 12

Ons het ’n lagie bruinsuiker oor die ryspoeding gegooi en dit toe met ’n blaasvlam geskroei om ’n karamellaag te vorm. Koop dié nuttige kombuisblaasvlamme by Boardmans, @home of by kombuiswinkels.

Bestanddele

• 500 g mascarponekaas
• 1 liter (4 k) volroommelk
• 5 ml (1 t) fyn kaneel
• 5 ml (1 t) gemaalde kardemomsade – maal in ’n koffiemeul fyn
• 220 g arborio-rys
• 80 g strooisuiker
• 1 heel neutmuskaat
• 50 g botter
• 50 g bruinsuiker

Metode

1. Klits die mascarpone, melk, kaneel en kardemom saam in ’n middelslagmengbak tot goed gemeng.
2. Bring die rys, suiker, mascarponemengsel en die botter in ’n middelslagkastrol oor matige hitte tot kookpunt.
3. Roer deurentyd. Verlaag die hitte en prut vir 25-30 min.
4. Roer heeltyd met ’n houtlepel tot die rys sag en romerig is. Skep die ryspoeding in ’n 23 cm-bak.
5. Gooi die bruinsuiker oor en karamelliseer met ’n blaasvlam.

Lees ook: Karoo-lamspastei

Lees ook: Sjokoladefluweelkoek

The post Gekaramelliseerde ryspoeding appeared first on rooi rose.

Genoeg vir 4

Gebakte kwepers

500 ml (2 k) strooisuiker
1 liter (4 k) water
3 middelslagkwepers, geskil en middeldeur gesny
’n halwe stukkie heel kaneel, in stukke gebreek
’n heel stukkie lemoenskil, sowat 1 cm breed
3 naeltjies
1 heel steranys

Ryspoeding

110 g arboriorys (risottorys)
60 ml (¼ k) botter
15 ml (1 e) suiker
1,125 liter (4½ k) melk
60 ml (¼ k) room
60 ml (¼ k) kondensmelk
’n knypie sout
saadjies van 1 vanieljepeul

Voorverhit die oond tot 180°C.

1 Kwepers: Verhit die suiker en water saam oor matige hitte en roer tot die suiker heeltemal opgelos is. Voeg die speserye en kwepers by en kook vir 3-4 uur tot sag en donkerrooi.
2 Rys: Meng al die bestanddele vir die ryspoeding saam in ’n middelslagkastrol.
3 Kook vir sowat 45 min. oor lae hitte tot dit verdik en die rys sag is. Roer deurentyd omdat dit nogal maklik vasbrand.
4 Sit onmiddellik met die kwepers voor. As die poeding afkoel en verdik, voeg 30 ml (2 e) melk by en warm weer stadig op.

The post Romerige ryspoeding met kwepers appeared first on rooi rose.