Bruin sampioen gevul met Rooibos-koeskoes, botterskorsie, feta, basilie en geroosterde amandels

Rooi Rose — Tue, 16 Apr 2024 10:40:29 +0000

Bruin sampioen gevul met Rooibos-koeskoes, botterskorsie, feta, basilie en geroosterde amandels

Serves: Genoeg vir 8 mense Nutrition facts: 200 calories 20 grams fat

Ingredients

8 groot bruin sampioene
250ml koeskoes
300g ongesoute botter
2 koppies botterskorsie, geskil en in 2cm stukkies gekap.
50g feta
’n Handvol amandels
250ml kokende Laager rooibostee
20ml olyfolie
10ml hoenderaftreksel
2 fyngedrukte knoffelhuisies
’n Handvol vars fyngekapte basilie
Droë knoffel-en gemengde kruiemengsel, sout en growwe swartpeper
’n Paar eetlepels balsemiek asyn-reduksie (opsioneel)

Instructions

Sampioene
1 Verhit oond tot 200°C.
2 Verhit die botter en fyngedrukte knoffel in ’n mikrofgolf-veilige bak totdat die mengsel gesmelt het - omtrent 1 minuut.
3 Smeer ’n bakplaat, wat groot genoeg is vir 8 sampioene, met die botter en knoffel-mengsel. Plaas die sampioene op die bakplaat en voeg ’n bietjie droë knoffel-en gemengde kruiemengsel by die sampioene voordat dit in die oond vir 20 minute gebak word.
4 Geur die sampioene met sout en growwe swartpeper sodra dit uit die oond kom.

Vulsel
1 Verhoog die oond tot 230°C.
2 Voer ’n groot bakplaat met bakpapier. Versprei die botterskorsie-stukkies eweredig op die bakplaat en bak 20-30 minute.
3 Plaas die koeskoes in ’n breë, plat bak/houer. Voeg die hoenderaftreksel by die sterk rooibostee en roer totdat die aftreksel opgelos het. Maak seker dat al die koeskoes met die rooibostee bedek is. Plaas die koeskoes eenkant om vir 10 minute af te koel. Masseer die koeskoes totdat los korreltjies vorm.
4 Kombineer die koeskoes, botterskorsie, feta, basilie en feta in ’n pan oor lae hitte en meng goed.
5 Geur met sout en growwe swartpeper.

Vir opskep: verdeel die koeskoes eweredig en skep op die gebakte sampioene. Voeg die balsemiekasyn-reduksie by vir ekstra geur.

The post Bruin sampioen gevul met Rooibos-koeskoes, botterskorsie, feta, basilie en geroosterde amandels appeared first on rooi rose.

Romerige sampioensop met kraakbrode

Rooi Rose — Thu, 18 Aug 2022 10:00:00 +0000

Romerige sampioensop met kraakbrode

Serves: Genoeg vir 4 Nutrition facts: 200 calories 20 grams fat

Ingredients

60 ml (4 e) botter
1 ui, gekap
250 g portobellini-sampioene, middeldeur gesny
sout en gemaalde swartpeper
1 liter (4 k) hoenderaftreksel
250 ml (1 k) melk
¼ ui met 2 naeltjies ingedruk
1 lourierblaar
6 peperkorrels
60 ml (4 e) meel
5 ml (1 t) sojasous
’n knypie neutmuskaat
15 ml (1 e) olyfolie
100 g gemengde sampioene, soos sjiitake, sjimeji en enoki
Kraakbrode
Genoeg vir 4-6 dun brode
500 g klaarbereide brooddeeg (vra by die supermark se bakkery)
100 g okkerneute
’n hand vol salieblare
20 ml (4 t) Maldon-sout
60 ml (4 e) olyfolie

Instructions

Voorverhit die oond tot 200 °C.
1 Smelt helfte van die botter (2 e) in ’n middelslagkastrol en braai die ui en portobellini-sampioene daarin tot goudkleurig. Geur na smaak met sout en gemaalde swartpeper.
2 Voeg die hoenderaftreksel by en kook vir 15 min.
3 Verhit die melk, ui, lourierblaar en peperkorrels in ’n ander kastrol. Haal van die hitte af enlaat vir 20 min. eenkant staan. Gooi die melk deur ’n sif en verwyder die geurmiddels.
4 Smelt die res van die botter en voeg die meel by. Braai vir 1-2 min. en voeg die gegeurde melk bietjie vir bietjie by en roer met ’n draadklopper. Kook vir 5-7 min. tot gaar en roer deurentyd.
5 Voeg die sampioenmengsel by die melkmengsel en geur met die sojasous en neutmuskaat.Verwerk tot glad met ’n stokmenger of in ’n voedselverwerker.
6 Verhit die olyfolie in ’n pan en braai die sampioene daarin tot goudkleurig. Geur met sout en gemaalde peper. Dien die sop in bakkies op en strooi van die gebraaide sampioene bo-oor.

Kraakbrode

1 Verhit ’n bakplaat in die oond. Verdeel die deeg in 2 dele en rol elk op ’n skoon, meelbestrooide werkvlak uit.
2 Verf met die olyfolie, strooi die okkerneute en salie oor en geur met Maldon-sout.
3 Sit op die warm bakplaat en bak vir 5-7 min. tot goudbruin. Sit met die warm sop voor.

Lees nog:

Basiese hoender-en-groente-sop

Deegdekseltjie vir sop

The post Romerige sampioensop met kraakbrode appeared first on rooi rose.

sampioen | rooi rose

Bruin sampioen gevul met Rooibos-koeskoes, botterskorsie, feta, basilie en geroosterde amandels