Resep: Vickie de Beer

Genoeg vir 6-8 porsies

Bestanddele

Deeg

• 150 g botter
• 160 ml water
• 375 g meel
• ’n knypie sout

Vulsel

• 30 ml (2 e) olyfolie
• 1 ui, ruweg gekap
• 250 g stukkies spek, bros gebraai
• 30 ml (2 e) botter
• 500 g eksotiese sampioene
• 125 ml (½) k brandewyn
• 30 ml (2 e) room
• 50 g haselneute, gekap
• ’n hand vol tiemietakkies
• 1 eier, liggies geklits
• ’n hand vol salieblare

Metode

Voorverhit die oond tot 180 °C.

Deeg:
1 Sit die botter en water in ’n kastrol en kook vir 2 min.
2 Haal van die hitte af en voeg die meel op een slag by, geur met sout. Roer tot ’n bal vorm.
3 Keer die deeg op ’n skoon, meelbestrooide werkvlak uit en knie tot elasties. Bedek met kleefplastiek en laat rus vir 20 min.

Vulsel:
4 Verhit die olyfolie in ’n pan en braai die ui en spek daarin tot bros. Haal uit en hou eenkant.
5 Verhit die botter in dieselfde pan en braai die sam-pioene ’n bietjie op ’n slag daarin tot goudbruin.
6 Gooi die brandewyn in die pan en laat afkook. Sit al die gebraaide sampioene en die uiemengsel terug in die braaipan en voeg die room by. Braai vir nog 3 min.

Maak die pastei:
7 Rol die deeg dun uit op ’n groot, omgekeerde bakplaat en skep die sampioenmengsel in die middel daarvan – los genoeg deeg om die rand oop om oor te vou. Strooi die haselneute en tiemie oor.
8 Vou die deeg om die sampioene in die middel, druk liggies vas en verf met die eier. Bak vir 25-30 min. tot goudkleurig. Haal uit en strooi salieblare oor. Sit warm voor.

The post Oop sampioenpastei appeared first on rooi rose.