1 As jy fyn hare het en meer volume wil hê, moet jy dit elke dag was. Dit sal jou hare nie beskadig of die hare se natuurlike olies verhoed om langs die lengte van die haarskag af te beweeg nie. As jy baie volume wil hê vir ’n spesiale geleentheid, gebruik ’n sjampoe en bevogtiger wat volume gee.

Lees ook: Haarstyle vir fyn hare

2 Wil jy los, natuurlike golwende hare hê? Haarstilis, Richard Ward, sê krulle sak uit en dit is beter om meer krulle in te sit as wat jy wil hê sodat dit perfek lyk wanneer jy uitgaan.

3 As jou hare koesterende aandag nodig het, verhit jou diep bevogtiger in die mikrogolf vir 30 sekondes voor jy dit aanwend. Die hitte help die bevogtiger om jou hare makliker binne te dring en om die droë punte te behandel.

Lees ook: Jy kan jou eie haarmasker maak

4 Jy wil jou hare by die huis kleur, maar kry nie die presiese skakering nie. “Probeer om twee skakerings-pakkies te meng, “sê kleur-kenner Anita Cox McMillan.” Voeg rooi kleure by bruin sodat dit nie oorweldigend is nie. Bly altyd twee of drie skakerings binne jou natuurlike haarkleur om foute te vermy.

5 Almal moet ’n stel Velcro-rollers besit. Dit laat jou hare lyk asof dit professioneel drooggeblaas is want dit gee natuurlike volume. Draai dit in, blaas met die haardroër en laat 10 minute afkoel. Spuit haarsproei aan voor jy dit verwyder.

6 Masseer olyfolie in jou kopvel om jeuk te verlig en vlokkerige dele te streel. Laat dit oornag aan vir ’n diep hidrerende behandeling.

Lees ook: 13 haarwasfoute wat jy maak

7 “Vermy produk-oorlading,” sê Richard Ward. “Vryf die produk in beide jou hande soos handeroom totdat dit byna geabsorbeer is en smeer dan aan jou hare.”

8 Jou hare lyk net blink wanneer die kutikula plat lê. Smeer ’n bietjie serum aan klam hare en blaas droog met jou droër in die rigting af met die haarskag.

9 As jou haarstrepies uitgroei, maak jou paadjies op ander plekke om jou haarkleur nuut te vertoon voor jy tyd het om na die haarkapper te gaan.

Lees ook: 10 gewoontes vir gesonde hare

The post 9 wenke vir hemelse hare appeared first on rooi rose.

Vraag
Hoeveel keer per week moet ek my hare was?

Antwoord
Dr. Gray sê: “Doen weg met die mite dat jy net elke derde dag jou hare moet was.” Hy sê dit hang af van jou leefstyl en tipe hare. Byvoorbeeld, as jy daagliks die gimnasium besoek, stel hy voor dat jy elke dag jou hare was omdat hare, soos die res van jou vel, vuil word. Hy verseker verder as jy elke dag jou hare was, sal dit ook nie jou hare meer olierig maak nie omdat dit nie die produksie van olierigheid sal oorstimuleer, soos vele mense glo nie. Hy stel voor dat daar spesifieke sjampoes op die mark is vir olierige hare en wat nie jou hare sal uitdroog nie.

Dr. John Gray is ’n mediese dokter, skrywer van vele haar- en velpublikasies, artikels en boeke, asook die mediese adviseur aan Procter & Gamble skoonheid vir die afgelope 25 jaar.

The post Was jy jou hare te veel? appeared first on rooi rose.

Het jy al ooit gewonder wat is droë sjampoe en hoe werk dit? Ons verduidelik:

’n Droë sjampoe raak onstlae van oortollige olie op jou haarwortels, sonder enige water. Dit is ’n vinnige sproei wat jou hare vars en verfris laat voel, boonop gee droë sjampoe ekstra volume aan jou hare!

Batiste se droë sjampoe werk perfek wanneer jy nie tyd het om hare te was nie, soggens voor werk, as jy verslaap het of selfs ná ’n gim-sessie, perfek vir die besige vrou!

Hoe werk dit:

Wanneer jy die droë sjampoe aan jou wortels spuit en masseer, absorbeer dit enige oortollige olie op jou hare.

Hoe wend ek dit aan?

Stap 1

Skud die botteltjie Batiste Dry Shampoo en spuit dit aan jou hare se wortels (hou die botteltjie sowat 30cm van jou hare af).

Stap 2

Masseer nou deur jou hare en wortels met jou vingerpunte

Stap 3

Borsel deur jou hare en siedaar, varser, skoner hare in ’n japtrap.

Kyk ook hier na die stap-vir-stap video.

The post Gebruik só droë sjampoe appeared first on rooi rose.