Bestanddele

Kors

• 90 g donkersjokolade, gekap
• 30 ml (2 e) botter, in blokkies gesny
• 500 ml (2 k) sjokoladekoekies, fyn gekrummel

Vulsel

• 300 g donkersjokolade
• 200 g botter
• 2 eiers
• 2 eiergele
• 60 g strooisuiker
• kakao vir versiering

Metode

1. Voorverhit die oond tot 180 °C.
2. Spuit ’n 35 cm x 12 cmlosboompan met kleefwerende kossproei.
3. Kors: Sit die botter en sjokolade in ’n glasbak en mikrogolf op die ontvriesstelling tot die mengsel net begin smelt. Roer gereeld.
4. Gooi die koekiekrummels by en meng goed in ’n voedselverwerker.
5. Keer in die voorbereide pan uit en druk stewig vas.
6. Bak vir 10-12 minute. Laat afkoel.
7. Vulsel: Smelt die botter en sjokolade in ’n glasbak of ’n dubbelkoker.
8. Roer tot glad en glansend.
9. Klop die eiers, eiergele en suiker saam tot lig en romerig.
10. Vou van die eiermengsel by die gesmelte sjokolade in.
11. Roer die sjokolademengsel by die res van die eiermengsel tot goed deurgemeng.
12. Gooi die vulsel in die afgekoelde kors en bak vir 10 min. tot net geset. Haal uit en laat heeltemal set.
13. Lig die tert uit die pan en sif kakao bo-oor.

The post Verruklike warm sjokoladetert appeared first on rooi rose.

Deeg
1 Meng 225 g botter, 200 g strooisuiker, 2 groot eiers en 500 g meel in ’n voedselverwerker tot ’n bal deeg vorm.
2 Rol liggies tussen twee lae bakpapier uit en sit vir minstens 1 uur in die yskas. Voorverhit die oond tot 180 °C.
3 Rol die deeg ’n ½ cm dik in ’n reghoek uit en sit op ’n bakplaat.
4 Meng 1 eiergeel en 30 ml (1 e) room en smeer oor die deeg.
5 Strooi 100 g gevlokte amandels oor.
6 Bak vir 20-30 min. tot goudkleurig en gaar. Laat afkoel.

Bessiebolaag
7 Meng groot hande vol kersies, frambose, aarbeie en bloubessies met 30 ml suiker en die uitgedrukte sap van 1 suurlemoen.

Sjokoladebolaag
8 Sit 250 g mascarpone en 100 g gekapte witsjokolade in ’n glasbak oor ’n kastrol met kokende water en smelt oor lae hitte.
9 Werk versigtig, want dit skif maklik, roer eers wanneer alles afgesmelt is. Laat afkoel.
10 Sit vir 30 min. in die yskas. Klits met ’n klitser 150 ml dubbeldikroom by.
11 Rasper die skil van 2 lemmetjies by.

Opdiening
12 Skep die witsjokoladebolaag op die tert gevolg deur die bessies en tooi met kruisementblare.

The post Bessie-en-witsjokolade-tert appeared first on rooi rose.