Groente met doopsouse

Is jy bekommerd dat jou kleinding sy neus sal optrek vir wortelstokkies, komkommer, of kersietamaties? Gee hom dan iets soos hoemoes of jogurt as ’n doopsous om hierdie heerlike versnaperings meer aanloklik te maak.

Probeer een van hierdie smaalike hoemoesresepte

Vingerhappies

Blokkies kaas sowel as groente- en vrugtestokkies is goeie versnaperings om vir jou kleinding voor te sit. Wanneer jy ’n verskeidenheid aanbied, raak hulle gewoond aan verskillende smake en, deur nie nét vrugte voor te sit nie, raak hulle ook gewoond daaraan om minder soetgoed te eet.

Gladdejantjies

Gladdejantjies (smoothies), is altyd ’n wenner en jy het boonop net ’n paar bestanddele nodig om ’n lekker een te maak. Eksperimenteer met verskillende smake – miskien verkies jou poplap bessies en appels bo vrugte soos perskes. Voeg ’n paar neute of ’n bietjie muesli by vir ’n versnapering wat meer vullend is. Probeer een van hierdie lekker resepte

Nog idees

Jy kan ook versnaperings soos springmielies vooraf voorberei en in houers of plastieksakkies sit. Onthou dat springmielies nie vol sout gestrooi moet word nie! Te veel sout is nie ’n goeie ding nie.

Sorg vir die volgende in jou kind se kosblik

• ’n Koolhidraat, soos brood of pasta.
• ’n Proteïen, soos rooivleis, hoender, eier of vis.
• ’n Kalsiumryke item, soos kaas, jogurt of melk.
• Minstens een vrug of groente.
• En daar moet darem ’n verrassing soos koekies of droëvrugte wees – verkieslik iets wat nie te hoog in rietsuiker is nie.

Leer jóú kosbare kind dat die volgende paar items altyd beter waarde as gemorskos bied:

Grondboontjies en neute, eerder as lekkergoed.

Jogurt, eerder as oliebolle.

Stil en vonkelwater, eerder as koeldranke of vrugtesap.

’n Vrug eerder as sjokolade.

Biltong eerder as skyfies.

Lees ook: GOEIE NUUS:’Reënboogran’  kom ook na kykNET!

The post Versnaperings vir jou en die kleinspan appeared first on rooi rose.

Resep deur Rediscover Dairy 

BESTANDELE: 

• 2 hande vol baba spinasieblare  
• 3/4 appel 

• 2-cm stukkie vars gemmer 
• 1/2 bevrore mango 
• 200ml plein volroomjogurt 
• geroosterde neute en sade, rosyne en ‘n blerts volroomjogurt en kaneel vir garnering  

METODE:  

Voeg die spinasieblare, appel, gemmer, bevrore mango en volroomjogurt in ‘n hoë-aangedrewe menger.  

Meng al die bestandele tot mooi glad. Jy kan ‘n klein hoeveelheid water of melk byvoeg om dit net aan die gang te kry. 

Gooi jou Gladde Jantjie in ‘n papbakkie en versier die bokant met enigiets waarvoor jy lus voel, soos byvoorbeeld geroosterde neute, sade en rosyne en ‘n blerts volroomjogurt.  

Strooi dan ‘n bietjie kaneel oor vir ekstra oemf. 

Voedingsinligting: 

Lees ook: Gladdejantjies (Smoothies): vriend of vyand?

The post Spinasie, appel en mango gladdejantjie appeared first on rooi rose.

Al wat leef en beef het deesdae ’n wondertoebehoor in hul kombuis om “smoothies” mee te maak.

Dit is geen geheim dat vars vrugte en groente propvol noodsaaklike nutriënte is nie. Tog is vrugte hoog in vrugtesuikers en waar jy versadig sou voel na twee lemoene, kan ’n vrugtedrankie maklik vier lemoene insluit. Boonop word die vesel ook fyngekap en is dit dan minder effektief. Waar mense ’n masjien gebruik wat sap onttrek (juicer), word baie van die heilsaamheid met die pulp weggegooi.

Dit is glad nie vreemd om vier porsies vrugte in een gladdejantjie te gebruik nie. Neem jy in ag dat dit as ’n drankie geniet word eerder as ’n maaltyd, kan jy ongemerk hope energie inneem onder die dekmantel van pure gesondheid.

Resepte sluit maklik ’n handvol neute en dubbelroomjogurt in, wat gelaai is met heilsaamheid, maar ook kilojoules.

Gladdejantjies met groente is veel beter omdat dit minder suiker bevat. Groentesoorte soos wortels en beet bevat heelwat suiker, maak dus seker dat jy minder daarvan gebruik.

’n Gladdejantjie met 3 kiwivrugte, 1 mango, 500 ml pynappelsap en een piesang (genoeg vir twee mense) bevat 2 455 kJ. Dus: 1 227 kJ per persoon. Boonop is dit baie hoog in suiker.

Een medium lemoen bevat byvoorbeeld 258 kJ. Gebruik jy dus twee lemoene in ’n gladdejantjie het jy reeds meer kJ as een 330 ml Coke (583 kJ). Dit is wel so dat vrugte veel gesonder as gaskoeldrank is, maar as jy jou suiker- en energie-inname dophou, is dit belangrik dat jy die sommetjies voor die tyd maak.

Wat kan jy doen om suiker en energie te verminder?

Vervang die pynappelsap met een koppie laevet-jogurt en een koppie ys. So voeg jy ook proteïene by. Kom in die gewoonte om groente by te voeg.

Watter vrugte en groente is laag in kJ?

• Appelkose: 210 kJ per 100 g
• Pomelo: 176 kJ  per 100 g
• Kersies 241 kJ per 100 g
• Perskes: 163 kJ per 100 g
• Aarbeie: 210 kJ per 100 g
• Naartjies: 169 kJ per klein vrug
• Broccoli: 130 kJ per koppie
• Blaarslaai: 26 kJ per koppie
• Blomkool: 113 kJ per koppie
• Seldery: 67 kJ per koppie
• Komkommer: 50 kJ per 100 g
• Aspersies: 113 kJ per koppie

Lees ook: Kosblik-idees week 4

The post Gladdejantjies (Smoothies): vriend of vyand? appeared first on rooi rose.

Verskillende mengers en versappers

• Menger: ’n Menger prosesseer die hele vrug of groente en is ideaal vir veselryke gladdejantjies (smoothies).
• Sentrifugale versapper: Prosesseer die vrugte en groente soos ’n vinnige spoed-rasper. Die sirkel-beweging forseer die sap wat ligter is deur ’n kanaal aan die buitekant van die versapper.
• Stadige versapper: Kou die vrugte en groente stadiger, dit druk ook die sap en voedingstowwe uit. Die sap loop uit in een kompartement en met die roterende rasper stoot dit dan die reste uit na ’n ander kompartement.

Verskil tussen mengers en versappers

• Versappers haal die vesel-inhoud van vrugte en groente in die vorm van pulp uit, maar mengers los die vesel in.
• Mengers kan gebruik word vir vrugte en groente met ’n lae waterinhoud.
• Smoothie- en kosmengers kan gebruik word vir salsas, doopsouse en sop, terwyl sappers hoofsaaklik vir sap gebruik word.

Versappers en sap-voordele

• Jou liggaam absorbeer meer voedingstowwe direk en vinniger deur vrugte- en groentesap.
• As jy jou liggaam regtig wil skoonmaak, is vars en gesonde sappe die antwoord. Sap genees van binne.
• Baie mense vind dat vars sap vir hulle meer energie gee.
• Vars groente- en vrugtesap is laag in kalorieë

Voordele van gladdejantjies

• Gladdejantjies kan as ’n maaltydvervanger gebruik word en is baie vullend.
• Jy kan proteïenbronne in smoothies voeg, soos whey poeier, melk, sojamelk en selfs tofu.
• Soet smoothies wat van vrugte gemaak word, is makliker om bekend te stel aan jong kinders.
• Smoothies kan tot 36 uur in die yskas gehou word, terwyl vars sappe se kwaliteit begin versleg sodra dit gemaak word.

Kry ook ons lekker resep vir ’n beet-smoothie hier

Lees ook: Gesond in volkleur

Verbruikersgids

Yuppychef | yuppiechef.com
Makro | 0860 300 999

The post Mengers en versappers appeared first on rooi rose.