Genoeg vir 4.

Bestanddele

• 1 ui, geskil en oorlangs in repe gesny
• 1 rooi soetrissie, in repies gesny – pitjies en wit vliesies verwyder
• 30 ml olyfolie
• 200-250 g oorskiethoender, in repies gesny
• 15 ml fyn gekapte knoffel
• 5 ml fyn gekapte brandrissie
• 10 ml paprika
• 10 ml fyn gemaalde komyn
• 10 ml rooipeper
• sout
• ¼ pers kool en ¼ groen kool, dun gesny
• 8 Mexikaanse tacos of tortillas

Salsa 

• 1 avokado, geskil en in blokke gesny
• uitgedrukte sap van 1 lemmetjie of ’n ½ suurlemoen
• 1 rooi ui, geskil en in klein blokkies gesny
• 1 gaar soetmielie, die pitte van die stronk afgesny
• ’n handjie vol vars koljanderblare, gekap
• sout

Metode

1. Braai die ui, rissie en knoffel oor matige hitte in die verhitte olyfolie tot sag en voeg die hoender, paprika, komyn en rooipeper by. Roer deur, geur met sout en braai vir 2-3 min.
2. Meng intussen al die bestanddele vir die salsa en geur met sout.
3. Bou die tacos: Vul elkeen met ’n lagie van die kool, gevolg deur die hoender-en-soetrissie-mengsel.
4. Skep laastens ’n paar skeppies van die salsa bo-op en sit voor.

Lees ook:

Maak die perfekte pizza

Hoenderpastei

The post Mexikaanse tacos appeared first on rooi rose.

Alles genoeg vir 6

Paprika-aïoli

Gebruik ’n skoon voedselverwerker en meng 4 eiergele, 60 ml (¼ k) suurlemoensap, 10 ml (2 t) mosterd, 10 ml (2 t) suiker, 5 ml (1 t) sout, 2 fyn gekapte knoffelhuisies en 15 ml (1 e) gerookte paprika tot liggeel. Gooi 500 ml (2 k) sonneblomolie stadig en in ’n dun straaltjie by terwyl die verwerker loop. Die sous sal dik en romerig word.

Tamatie-bruschetta

Verf 12 snye plaasbrood of ciabatta met 60 ml (¼ k) olyfolie en rooster vir 1-2 min. aan elke kant op ’n warm riffelpan tot goudbruin. Smeer die warm brood met die gesnyde kant van 2 knoffelhuisies en dan die gesnyde kante van 6 middeldeurgesnyde tamaties sodat die sap in die brood intrek.

Gebraaide amandels met knoffel en tiemie

Braai 500 ml (2 k) heel, geskilde amandels in 45 ml (3 e) olyfolie. Voeg 30 ml (2 e) vars tiemieblaartjies en 5 ml (1 t) gekapte knoffel by en roer deur. Geur en sit warm voor.

Somerse sangria

• Meng 80 ml (1⁄3 k) brandewyn en 750 ml (3 k) droë witwyn in ’n groot mengbak.
• Voeg 1 perske, 1 nektarien, 1 pruim en 16 vars kersies by en verkoel vir ’n paar uur.
• Voeg net voor die gaste kom 1 liter gemmerlim en baie gekapte ys by.

Probeer ook: Seekos-tapas

Tapas-uitpakslaai

Patatas bravas

Soetrissiepakkies met chorizo

Spaanse frikadelle met romesco-doopsous

Spaanse tortillas met chorizo

The post Tapas! appeared first on rooi rose.

Genoeg vir 6-8

• 4 rooi soetrissies, middeldeur gesny en pitte verwyder
• 30 ml (2 e) olyfolie
• sout en gemaalde swartpeper
• 250 g halloumikaas, in 4 cm plat vingers
• 100 g chorizo, oorlangs in dun skyfies gesny
• ’n hand vol basiliekruidblare

Voorverhit die oond tot 200 °C.

1 Rooster die soetrissies in die oond. Doen dit so: klik hier
2 Laat lê die soetrissies plat op ’n skoon werkvlak.
3 Sit ’n skyfie halloumi in die middel van elke soetrissie gevolg deur twee skyfies chorizo. Rol toe en steek met ’n tandestokkie vas. Sit terug in die oond tot die kaas begin smelt.

The post Soetrissiepakkies met chorizo appeared first on rooi rose.

Genoeg vir 4

Gaan só te werk

1 Voorverhit die oond tot 200 °C. Vul die hoender en bak vir sowat ’n uur tot 1 uur 20 min.
2 Sny die soetrissies en sit ná omtrent ’n halfuur saam met die hoender in die oond. Maak die sous vir die soetrissies en hou eenkant tot etenstyd.
3 Maak die luukse ciabatta-knoffelbrood sodat dit in die oond kan gaan sodra die hoender en soetrissies uitkom.
4 Maak die slaaisous vir die avokado-slaai en was die slaaiblare. Sny die avokado’s wanneer die hoender uit die oond kom en sit die knoffelbrood in die oond.
5 Sny die hoender op en sit op ’n mooi opdienbord. Gooi die sous oor die warm soetrissies en sit met warmciabatta-knoffelbrood en bindslaai-en-avokado-slaai voor.

1 klein suurlemoen, in wiggies gesny
hand vol tiemie
1 groot werfhoender
125 ml (½ k) olyftapenade
olyfolie om oor te sprinkel
sout en gemaalde swartpeper

Voorverhit die oond tot 200 °C.
1 Druk die suurlemoenwiggies en tiemie in die holte van die hoender. Tel die vel op die borskant van die hoender versigtig op en wikkel jou vingers tussen die vel en vleis in (daar is ’n natuurlike gaping). Druk die tapenade onder die vel in, maar werk versigtig sodat die vel nie skeur nie. Versprei dit so ver moontlik onder die vel deur dit aan die bokant met jou vingers vorentoe te stoot.
2 Sit die hoender in ’n diep oondpan, sprinkel olie oor en geur na smaak. Bak vir ’n uur tot 1 uur 20 min. of tot gaar en goudbruin.
3 Sit voor met die geroosterde soetrissie, ciabatta-knoffelbrood en slaai.

Nog idees
– Die hoender smaak net so lekker as jy rooisoetrissiepesto onder die vel indruk.

Toskaanse soetrissies

Genoeg vir 4

5 ml (1 t) kappertjiesaad, gekap
2-3 ansjovisfilette, gekap
1 knoffelhuisie, gekneus
30 ml (2 e) olyfolie
6 rooi soetrissies, middeldeur gesny en wit vliesies en pitjies verwyder
sout
300 g (2 hande vol) kersietamaties, middeldeur gesny
45 ml (3 e) olyfolie om oor te sprinkel
30 ml (2 e) rooiwynasyn om oor te sprinkel
parmesaankaaskrulle vir opdiening
hand vol basiliekruidblare

Verhit die oond tot 200 °C.
1 Meng die kappertjiesaad, ansjovis, knoffel en 30 ml (2 e) olyfolie en hou eenkant.
2 Rooster die soetrissies saam met die hoender of op ’n afsonderlike bakplaat in die oond. Sprinkel die helfte van die 45 ml olyfolie oor en geur met sout voor jy die groente in die oond sit.
3 Haal uit en sit die warm soetrissies op ’n mooi opdienbord.
4 Sprinkel die kappertjiesous, ekstra olyfolie (indien nodig) en asyn oor.
5 Voeg die kersietamaties by en meng deur.
6 Eindig met die vars basiliekruidblare en parmesaankrulle.

Bindslaai-en-avokado-slaai

Genoeg vir 4

Slaaisous
1 ansjovisfilet, fyn gekap
1 knoffelhuisie, gekneus en fyn gekap
5 ml (1 t) Dijon-mosterd
125 ml (½ k) crème frâiche
45 ml (3 e) olyfolie
45 ml (3 e) rooiwynasyn, of na smaak
10 ml (2 t) heuning
60 ml (¼ k) gerasperde parmesaan + ekstra vir krulle bo-op
2 koppe bindslaai (cos) of botterslaai, blare afgebreek en gewas
3 avokado’s, middeldeur gesny en pitte verwyder

1 Meng al die bestanddele vir die slaaisous en hou eenkant by kamertemperatuur.
2 Pak die slaaiblare uit in ’n plat slaaibak.
3 Skep net voor ete lepels vol van die avokado uit die skil en sit op die slaaiblare.
4 Skep lepels vol van die slaaisous oor die blare en avokado en strooi laastens die parmesaankrulle oor.
5 Sit voor saam met die hoender.

The post Geroosterde tapenade-hoender met soetrissies appeared first on rooi rose.

The post Soetrissies gevul met feta en kruie appeared first on rooi rose.

The post JY KAN soetrissies rooster appeared first on rooi rose.

The post Lendeskyf met chermoula, soetrissies & gekaramelliseerde uie appeared first on rooi rose.