soutdeeg | rooi rose

Basiese soutdeeg vir pasteie

Rooi Rose — Fri, 08 Nov 2024 08:42:00 +0000

Genoeg vir 1 groot tert of 6 kleintjies.

Bestanddele

500 ml (2 k) koekmeel
250 ml (1 k) sagte botter
125 ml (½ k) suurroom
5 ml (1 t) sout

Metode

Meng al die bestanddele en knie liggies tot ’n sagte deeg vorm. Verwerk dit andersins in ’n voedselverwerker tot die deeg bymekaarkom.
Verdeel die deeg in twee dele en druk die deeg effens platter (dit help met die uitrolslag). Laat rus vir minstens 30 min. in die yskas.

Soutdeeg met ’n heerlike sampioenvulsel

Rooi Rose — Mon, 19 Jun 2023 09:24:54 +0000

Soutdeeg met ’n heerlike sampioenvulsel

Ingredients

250 ml (1 k) yskoue botter, in blokkies gesny
250 ml (1 k) koue, gladde roomkaas
250 ml (1 k) koekmeel + ekstra

Instructions

1 Meng die botter, roomkaas en meel liggies saam tot glad, maar moenie oorwerk nie, jy moet nog van die roomkaas sien. Bedek met kleefplastiek en laat vir 30 min. in die yskas rus.
2 Voorverhit die oond tot 180 °C.
3 Rol die deeg liggies op ’n meelbestrooide werkvlak uit tot 5 mm dik. Sny in blokke van 8 cm x 10 cm. Die afgesnyde kante kan weer uitgerol word, maar moenie die deeg laat warm word nie.
4 Sit op ’n bakplaat en verf met eiergla-seersel (1 eier geklop met bietjie water). Bak vir 15 min. tot goudkleurig en gaar.

Sampioenvulsel

Braai 250 g blokkies spek tot bros. Kap 1 ui en 1 knoffelhuisie fyn en braai saam met 250 g gekapte portobellini-sampioene in 15 ml olyfolie tot sag. Voeg 100 g eksotiese sampioene (soos sjiitake en porcini) en ’n paar salieblare by en braai vir nog 3 min. Geur na smaak met neutmuskaat, sout en peper. Sit ’n deegvierkant op 4 borde, skep van die sampioenvulsel daarop gevolg deur kruieblare en crème fraîche. Sit nog ’n deegvierkant bo-op elkeen en smul.

The post Soutdeeg met ’n heerlike sampioenvulsel appeared first on rooi rose.

Werk so met deeg

Anelle Tewson — Mon, 16 Feb 2015 12:57:00 +0000

• Hoe kouer alles is, hoe beter. Gebruik yskoue botter en yskoue water. Deeg rol ook makliker op ’n koue werkvlak soos marmer uit. Jy kan selfs die rolstok in die yskas sit.

• Werk altyd met jou vingerpunte en probeer die deeg so min moontlik hanteer, want jou hande maak die deeg warm.

• Druk die deeg effens platter en draai deeglik met kleefplastiek toe voor jy dit in die yskas sit, anders droog dit uit en breek wanneer jy dit uitrol.

• Laat die deeg vir minstens 30 min. rus voor jy dit uitrol sodat die gluten (dit wat deeg elasties maak) ontspan en jy dit dus makliker kan uitrol.

• Wanneer jy deeg uitrol, moet jy die deeg in die rondte draai en nie die rolstok in verskillende rigtings druk nie. Rol die deeg voor jou uit, draai dit dan 90 grade na links of regs, en rol weer uit. Hou so aan tot jy ’n ronde stuk deeg het.

• Moenie te veel meel oor die werkvlak strooi nie. Vee die oortollige meel met ’n kwassie weg.

Toerusting waarsonder jy nie kan werk nie

• Paletmes of deegskraper
• Meelstrooier
• Kwassies
• ’n Goeie rolstok
• Kleefplastiek of sakkies

Heerlike resepte vir deeg

Soutdeeg met ’n heerlike sampioenvulsel

Staatmaker-koekiedeeg

Kerriehoenderpastei met maklike aartappeldeeg

Maak jou eie brooddeeg

Basiese soetkoekiedeeg

The post Werk so met deeg appeared first on rooi rose.