Gebakte Carbonara. Resep deur Vickie de Beer

Genoeg vir 4

Bestanddele

• 250 g spekrepies, in blokkies gesny
• 400 g (4 k) pennenoedels
• 2 middelslaguie, fyn gekap
• 1 knoffelhuisie, fyn gekap
• 30 ml olyfolie
• 6 eiers
• 250 ml melk
• 250 ml room
• 100 g cheddarkaas, gerasper
• sout, neutmuskaat en swartpeper
• 250 ml ertjies
• 150 g mozzarellakaas, in blokkies gesny

Metode

Verhit die oond tot 180 °C.

1. Braai die spek in ’n middelslagpan tot bros. Voeg die uie en knoffel by en soteer tot sag en deursigtig.
2. Kook die pasta volgens die aanwysings op die pakkie.
3. Meng die eiers, melk, room en cheddarkaas. Geur met sout, neutmuskaat en peper.
4. Skep die pasta in ’n oondvaste bak met ’n inhoudsmaat van 3 liter. Strooi die ertjies oor en gooi die melk-en-eiermengsel bo-oor. Druk die blokkies mozzarella tussen die pennepasta in.
5. Bak tot goudkleurig en geset voor jy smul.

Lees nog:

Spek-en-sampioen-pasta

Hoenderlewertjiepasta

The post Gebakte Carbonara appeared first on rooi rose.

Genoeg vir 6

Rooster die aartappels eerder as om dit te kook. Die krakerige tekstuur is ’n lekker variasie op die ou gunsteling. Vervang die spek met tuna wat grof gevlok is en net voor ete oor die aartappels gestrooi is.

Bestanddele

• 750 g (±30) baba-aartappels, middeldeur gesny
• 30 ml (2 e) olyfolie
• 2 groterige knoffelhuisies, geskil en gekneus
• sout en gemaalde swartpeper
• ’n paar tiemietakkies
• gerasperde skil van 1 suurlemoen
• 1 rooi brandrissie, fyn gekap, opsioneel
• 2 groot hande vol vars roketblare
• 250 g spek, in stukkies gesny en bros gebraai

Slaaisous

• 80 ml (1/3 k) olyfolie
• 30 ml (2 e) witwynasyn
• 1 knoffelhuisie, gekneus en fyn gekap
• 5 ml (1 t) Dijon-mosterd
• ’n hand vol gekapte kruie: pietersielie, grasuie en tiemie
• sout en swartpeper

Metode

Voorverhit die oond tot 200 ºC.

1. Sit die aartappels in ’n enkellaag in ’n oondskottel of op ’n bakplaat, sprinkel die olyfolie oor en geur goed met sout en swartpeper.
2. Sit die knoffel- en tiemietakkies tussenin.
3. Rooster vir sowat 30 min. tot gaar en bros aan die buitekant. Jy kan die oondrooster vir die laaste 10 min. aanskakel sodat die aartappels lekker bruin kan word. Onthou om die aartappels so dan en wan goed deur te roer.
4. Haal die aartappels uit die oond en roer die suurlemoenskil en brandrissie deur die warm aartappels.
5. Meng solank al die bestanddele vir die slaaisous. As die slaaisous te skerp is, sit nog ’n klein bietjie suiker by en as dit te olierig is, kan jy nog ’n bietjie asyn gebruik.
6. Roer die res van die bestanddele by die aartappels en sprinkel die slaaisous oor. Die slaai kan koud of warm voorgesit word.

The post Warm geroosterde aartappelslaai appeared first on rooi rose.

Genoeg vir 4 sosaties.

Bestanddele

• 4  Hoenderfilette, in groot blokkies gesny
• 4 repies Repiesspek
• 60 ml (¼ k) Grondboontjiebotter
• 15 ml (1 e) sojasous
• 15 ml (1 e)  Fyngekapte Brandrissie, knoffel en gemmer
• 60 ml (¼ k) lemoensap

Metode

1. Geur die hoender met sout en swartpeper en week 4 sosatiestokkies vir 10 min. in water. Ryg die hoenderblokkies om die beurt met die spek (vleg die spek tussendeur die
   hoender) op die sosatiestokkies.
2. Verhit ’n riffelpan of braai oor matige hitte. Braai die sosaties 4 min. aan elke kant of tot goudkleurig en gaar.
3. Meng die grondboontjiebotter, sojasous, gemmer, knoffel, brandrissie en lemoensap. Geur met sout en swartpeper. Sit voor met die hoendersosaties.

The post Gebraaide hoender-en-spek-sosaties appeared first on rooi rose.

Genoeg vir 4.

Bestanddele

• 350 g macaroni
• 15 ml (1 e) olyfolie
• 250 g (1 pakkie) spek, in blokkies gesny
• 250 g (1 houertjie) roomkaas
• gerasperde skil van een suurlemoen
• 250 g camembert, in blokkies gesny
• ’n hand vol Italiaanse pietersielie, ruweg gekap
• 180 ml (¾ k) broodkrummels
• 80 ml (¼ k) parmesaan

Metode

1. Voorverhit die oond tot 220 °C.
2. Kook die macaroni volgens die aanwysings op die pakkie tot al dente.
3. Verhit intussen die olie in ’n pan oor matige hitte en braai die spek tot goudbruin en bros.
4. Dreineer die macaroni, hou 300 ml van die pastawater eenkant. Voeg die roomkaas by die water en roer tot die kaas gesmelt is. Giet die roomkaasmengsel oor die macaroni.
5. Voeg die suurlemoenskil, camembert en pietersielie by en meng goed. Skep die macaroni in ’n bak met ’n inhoudsmaat van 2 liter. Strooi die broodkrummels en parmesaan oor die macaroni en bak vir 30 min. tot goudbruin.

Lees ook:

Hoenderlewertjiepasta

Spek-en-eier-pasta

The post 3 kaas macaroni appeared first on rooi rose.

Genoeg vir 4.

Bestanddele

Romerige slaaisous

• 125 ml (½ k) crème fraîche
• 5 ml (1 t) fyngekapte knoffel
• 5 ml (1 t) Dijon-mosterd
• 5 ml (1 t) heuning
• 2 ansjovisfilette
• 30 ml (2 e) appelasyn
• 15 ml (1 e) parmesaan, fyn gerasper
• 60 ml (¼ k) olyfolie
• 4-6 hoendereiers

Slaaibestanddele

• 1 kg baba-aartappels, gekook en geskil
• 125 ml (½ k) basiliekruidpesto
• 5 babamurgpampoene, in linte gesny
• 2-3 repies dikspek, brosgebraai
• ’n hand vol roketblare

Metode

1. Meng al die bestanddele vir die sous en hou eenkant.
2. Sit die eiers versigtig in ’n kleinkastrol met kookwater en kook vir presies 2 min. Dreineer en bedek met koue water.
3. Dop af wanneer afgekoel. Hou eenkant.
4. Meng die pesto deur die warm baba-aartappels.
5. Pak die res van die slaai bestanddele op ’n bord. Voeg die aartappels by. Breek die eiers oor die slaai oop en sit met die slaaisous voor.

The post Caesar-slaai met ’n kinkel appeared first on rooi rose.

Resep deur Vickie de Beer. Foto Lee Schwagele van crphotographic.co.za

Genoeg vir 8.

Bestanddele

• 3 e (45 ml) botter
• 8 dik snye brood
• 1 ui, fyngekap
• 1 t (5 ml) fyngekapte vars knoffel
• 1 e (15 ml) vars tiemie, van die takkies gestroop
• 6 repies spek
• 1 k (125 ml) crème fraîche
• 1½ e (25 ml) Dijon-mosterd
• 2 k (500 ml) melk
• ½ t (2,5 ml) sout
• 12 eiers
• 500 g kersietamaties, op die stingel
• 3 k (200 g) beleë cheddar, gerasper

Metode

Verhit die oond tot 180 ˚C.

1. Sit die snye brood op ’n bakplaat en bak vir 3-4 min. of tot goudbruin. Haal uit en hou eenkant.
2. Bak die repies spek op dieselfde bakplaat tot net gaar (maar nie bros nie).
3. Verhit 1 e (15 ml) botter in ’n pan oor matige hitte en braai die uie, knoffel en tiemie vir 2 min. daarin.
4. Klop die crème fraîche, mosterd, melk en sout saam in ’n mengbak. Voeg die eiers een-een by en meng goed.
5. Smeer ’n 22 cm x 34 cm-bak met 2 e (30 ml) botter en pak die roosterbrood daarin. Pak die spekrepies tussen die snye en skep die gebraaide uiemengsel en tamaties eweredig oor die brood. Strooi die kaas oor.
6. Gooi die eiervla oor die broodmengsel en laat week vir sowat 30 min.
7. Bak die broodpoeding vir 1-1½ uur of tot goudbruin en die eiervla gestol het. Bedek met foelie as die bokant te donker bak voor die eiervla geset het.

Lees nog: 

Die beste gebraaide broodjies denkbaar!

The post ‘Broodpoeding’ met spek en beleë cheddar appeared first on rooi rose.

Koejawels kom oorspronklik uit die trope van Suid-Amerika en is een van ons lekkerste laatwintervrugte. Genoeg van die vrug in jou dieet sorg vir ’n gesonde vel en gestel. Dit bevat, per gewig, vyf keer meer vitamien C as lemoene en is ook ryk aan kalium wat bloeddruk reguleer. Selfs die geblikte soort is steeds hoog in vitamien C en boonop heeljaar op ons rakke. Die geel skilletjie kan soms ’n bietjie bitter wees, maar word deur die soet koraalpienk vlees oorheers.

Koejawels se geurpasmaats

Gerookte en geroosterde vark, bloukaas, basiliekruid, tiemie, kerrie, roomkaas, appel en peer, brandrissie, sjerrie, asyn, gemmer, klapper en klappermelk, heuning, kaneel, anys, kardemom, swartpeper, vanielje.

2 blitsidees met hierdie lekker vrug:

Koejawelpuree

Gooi 1 x 410 g-blik koejawels (dreineer en behou die stroop) en 2 cm gerasperde vars gemmer in ’n houer en verpulp met ’n stokmenger. Verdun die koejawelpuree met van die stroop wat jy eenkant gehou het, indien nodig. Skep in ’n glashouer en hou in die yskas. Skep lepels vol oor jogurt vir ontbyt, of oor roomys as nagereg.

Heuningkoejawels-en-spek-slaai

Genoeg vir 4
Verhit 10 ml olyfolie in ’n pan en braai 2 dik repe spek, in stukkies gesny, oor matige hitte tot bros. Skep uit en hou eenkant. Smelt 10 ml botter in dieselfde pan en braai 4 koejawels, geskil en in kwarte gesny, vir sowat 3 min. aan elke kant daarin tot goudbruin. Drup 15 ml heuning oor terwyl die koejawels braai. Pak 125 g gekrummelde bloukaas en ’n hand vol kruieblare soos basiliekruid en bronkors op ’n bord en rangskik die koejawels en spekblokkies bo-op. Meng 30 ml (2 e) balsemiekasyn, 10 ml (2 t) heuning, 60 ml (¼ k) olyfolie, geur met sout en peper en sit saam met die slaai voor.

Koop só

Koop geelgroen vrugte sonder kneusplekke wat net-net ryp begin word en nie meer so baie ferm is nie. Volg jou neus met die koopslag, sommige variëteite se skilletjie bly groen – hoe skerper die geur hoe soeter die vrug.

Bêre só

Hou die tropiese vrug op ’n rak in ’n warmer vertrek tot dit ryp word. Ryp vrugte met hul sterk geur kan in die yskas gehou word. Skil en kook liggies in ’n suikerstroop indien jy die vrugte wil vries.

Maak só

Die skilletjie is bitter en kan afgeskil word voor die vrugte in suikerstroop ingemaak word. Sny middeldeur en skep liefs die harde pitte uit indien die vrug in ’n bredie gebruik gaan word, of vryf die pulp deur ’n sif om die pitte te verwyder.

Gebruik só

Koejawels word gewoonlik met soet geregte geassosieer maar waag ’n bietjie en gebruik hulle ’n keer in sout geregte as marinade vir gerookte varkribbetjies, of saam met skerp kase.

Lees ook: 2 blitsidees met tiemie

The post Twee blitsidees met koejawels appeared first on rooi rose.

Resep deur Vickie de Beer. Foto Lee Schwagele crphotographic.co.za

Bestanddele

Spesery geroosterde groente

• 1 t (5 ml) fyngekapte knoffel
• 1 t (5 ml) komyn
• 1 t (5 ml) vinkelsaadjies
• 1 t (5 ml) koljandersaad
• ½ t (2,5 ml) gerookte paprika
• ½ k (125 ml) olyfolie
• 1 groot patat, skoongeskrop en in blokke opgesny
• 6-8 babawortels
• 3 rooi-uie, in kwarte gesny
• 1 blomkool en 1 broccoli, in blommetjies gesny
• 3 e (45 ml) olyfolie
• 400 g haloumi, in 3 cm-blokke gesny
• ¼ k (60 ml) elk pampoensaad, sonneblomsaad en gevlokte amandels

Spek en groente quiches

Bêre vir 2 dae in die yskas in ’n digsluitende houer.

Metode

Spesery geroosterde groente

1. Verhit die oond tot 200 ˚C.
2. Meng die knoffel, komyn, vinkel, koljander, gerookte paprika en olyfolie in ’n groot mengbak.
3. Voeg die groente by die spesery-olie, meng goed en skep in ’n groot oondpan.
4. Rooster die groente vir 30-40 min, of tot gaar. Voeg die haloumi en saadjies by as daar 10 min. van die roostertyd oor is.
5. Haal uit en laat afkoel voordat jy dit vir die week in ’n digsluitende houer bêre.

Spek en groente quiches

1. Verhit die oond tot 180˚C. Sit 6 repies spek op ’n bakplaat en bak vir 10 min. tot gaar (nie bros nie).
2. Spuit ’n muffinpannetjie met 6 holtes met kleefwerende kossproei.
3. Meng 3 liggies geklitste eiers, ¼ k (60 ml) room, 1 k (grof gekapte) van die geroosterde groente (*sien resep bo) en ’n hand vol gekapte vars basiliekruid in ’n mengbak. Geur met sout en swartpeper.
4. Vou ’n spekrepie in elke holte en vul elke holte ¾ met die eier-en-groente-mengsel. Bak vir 15-20 min. of tot gaar.

The post Blitsvinnige spek en groente quiches appeared first on rooi rose.

Genoeg vir 4.

Bestanddele

• 6 aartappels, in wiggies gesny
• sout en gemaalde swartpeper

Slaaisous

• 125 ml (½ k) olyfolie + ekstra om vir die bakslag oor die aartappels te sprinkel
• 45 ml (3 e) balsemiekasyn
• 30 ml (2 e) Dijon-mosterd
• 5 ml (1 t) heuning
• 250 g swoerdlose repiesspek
• 2 hande vol babaspinasieblare, gewas
• 4 eiers, sag gekook en afgedop

Metode

Voorverhit die oond tot 200 °C.

1. Pak die aartappelwiggies in ’n oondpan, geur na smaak en sprinkel ’n bietjie olie oor. Bak vir sowat 30 min. tot goudbruin, bros en gaar.
2. Meng intussen die olie, asyn, mosterd en heuning tot goed gemeng. Geur die slaaisous na smaak en hou eenkant.
3. Braai die spek tot bros in ’n verhitte pan.
4. Sit die spinasie in ’n slaaibak en voeg die warm aartappels en spek by. Gooi die slaaisous oor en meng deur. Sit die eiers bo-op en smul.

The post Geroosterde aartappel-en-spek-slaai appeared first on rooi rose.

Spek-en-sampioen-pasta

Genoeg vir 4.

Bestanddele

• 125 ml (½ k) gedroogde porcini- of sjiitake-sampioene
• 15 ml (1 e) olyfolie
• 250 g (1 pak) blokkiesspek
• 2 uie, gesny
• 2 knoffelhuisies, gekneus en fyn gekap
• sout en gemaalde swartpeper
• 250 g (1 pak) portobellinisampioene, gesny
• 400 g engelhaarpasta
• 120 g (1 pak) gemengde, eksotiese sampioene soos enoki, sjiitake en porcini
• 60 ml (¼ k) koue botter
• 60 ml (¼ k) gerasperde parmesaan
• crème fraîche vir opdiening (opsioneel)
• hand vol pietersielie, gekap

Metode

1. Maak ’n groot kastrol drie kwart vol water en geur met ’n knypie sout. Bring tot kookpunt.
2. Bedek die gedroogde sampioene met genoeg kookwater (sowat ’n ½ k) en laat staan vir 5 min. tot sag.
3. Verhit solank die olie in ’n groot pan oor hoë hitte en braai die spek, uie, knoffel en portobellini-sampioene tot goudkleurig en gaar. Geur na smaak.
4. Voeg die pasta by die kookwater en kook volgens die aanwysings op die pak.
5. Dreineer die geweekte sampioene (hou die geurige sampioenwater), kap ruweg en voeg saam met die eksotiese sampioene by die spek-en-uie-mengsel. Gooi die sampioenwater by en kook af tot dit met die helfte verminder het.
6. Dreineer die pasta en roer die sampioenmengsel, botter en parmesaan deur.
7. Sit voor met ’n skeppie crème fraîche en pietersielie.

#rrWenk: Meng ’n ¼ k crème fraîche deur die pasta as jy van ’n romeriger sous hou. Kry al die bestanddele gereed voor jy begin. Braai die sampioene en spek terwyl die pasta kook en roer dan net deur die warm pasta.

Lees ook:

Hoenderlewertjiepasta

Spek-en-eier-pasta

The post Spek-en-sampioen-pasta appeared first on rooi rose.

The post Coq au Vin appeared first on rooi rose.

Turkse eiers met spek-broodvingers. Resep deur Vickie de Beer. Foto Lee Schwagele vir crphotographic.co.za

Turkse eiers met spek-broodvingers

Foto: Lee Schwagele vir rooi rose

Genoeg vir 4

• 1 e (15 ml) botter
• 1 ui, fyngekap
• 1 e (15 ml) fyngekapte knoffel
• 1 t (5 ml) fyngekapte brandrissie
• 2 t (10 ml) komyn
• 2 t (10 ml) gerookte paprika
• 1 x 400 g-blik tamaties
• 4-6 eiers
• 4 snye roosterbrood, in vingers van 10 cm x 2 cm gesny
• 8 repies spek
• 2 e (30 ml) botter
• ½ k (125 ml) crème fraîche
• vars koljanderblare vir opdiening

1 Verhit die oond tot 180 ˚C.
2 Verhit die botter in ’n oondvaste middelslagpan en braai die ui, knoffel, brandrissie, komyn en gerookte paprika vir sowat 3-5 min daarin tot gaar.
3 Voeg die tamaties by, druk hulle fyn met ’n vurk en braai vir 10 min. of tot die mengsel effens verdik het. Geur met sout en gemaalde swartpeper. Skep lepels vol van die crème fraîche oral op die tamatiemengsel.
4 Vou die repies spek om die broodvingers.
5 Verhit die botter in ’n pan oor matige hitte en braai die spekbroodjies daarin tot gaar en bros.
6 Vorm met ’n lepel 4 holtes in die tamatiesous en breek ’n eier versigtig in elke holte.
7 Bak die eier-en-tamatie-mengsel vir sowat 10 min. of tot die eiers gestol en gaar is. Haal uit.
8 Sit die Turkse eiers voor met vars koljanderblare en doop die spekvingers in die sous.

Lees ook: 

Alles-in-een-ontbyt

RESEP: Sjokolade-ontbytbakkie

The post Turkse eiers met spek-broodvingers appeared first on rooi rose.

Ertjie-en-spek-sop

Lees ook:

Geurige hoendersop

Die heerlikste bykosse vir sop

The post Ertjie-en-spek-sop appeared first on rooi rose.

Mikrogolfoond-beesvleisbredie

Genoeg vir 4

Bestanddele

• 1 kg beesvleis (bladstuk), in 3 cm-blokkies gesny
• 1 knoffelhuisie, gekap
• 2 repies spek, in kleiner stukkies gesny
• 250 ml (1 k) cabernet sauvignon, of enige rooiwyn
• 250 ml (1 k) beesvleisaftreksel
• 15 ml (1 e) tamatiepuree
• 1 lourierblaar, ’n takkie pietersielie en ’n takkie tiemie
• 1 pak (500 g) klaarbereide en gesnyde botterskorsie
• 1 wortel, in ringe gesny
• ’n hand vol gekapte pietersielie en orego
• skil van 1 suurlemoen

Metode:

1 Sit al die bestanddele, behalwe die groente en gekapte kruie, in ’n groterige mikrogolfbestande kastrol of bak.
2 Kook vir 5 min. op 100% of hoog en roer goed deur.
3 Kook vir nog 25 min. op 60% of medium en roer elke 5 min.
4 Voeg die groente die laaste 10 min. by die bredie.
5 Wanneer die bredie gaar is, roer die gekapte kruie en suurlemoenskil by. Sit saam met rys of kapokaartappels voor.

Lees ook:

Pampoenbredie

Groenboontjiebredie

The post Vinnige mikrogolfoond-beesvleisbredie appeared first on rooi rose.