Metode

1. Geur 4 steaks met sout en gemaalde swartpeper. Laat vir 15 min. staan.
2. Verhit 15 ml (1 e) avokado-olie en 15 ml (1 e) botter in ’n pan oor matige hitte.
3. Braai 1 ui, geskil en oorlangs in dik skywe gesny en 10 ml (2 t) balsemiekasyn vir 5-8 min. daarin of tot sag.
4. Roer 15 ml (1 e) korrelmosterd by en hou eenkant.
5. Smeer die steaks met avokado-olie en braai vir 3-4 min. aan elke kant op ’n warm riffelpan. Laat rus.
6. Rooster 4 groot snye plaasbrood.
7. Sit roket, geroosterde tamaties en die steaks op 2 van die snye brood.
8. Skep lepels van die uie bo-op en sit die ander snye brood bo-op. Sny elk in 3 dele en smul!

The post Steakburgers met mosterd-uie appeared first on rooi rose.

Genoeg vir 4-6

Bestanddele

Sous

• 60 ml (¼ k) perskeblatjang
• 60 ml (¼ k) sojasous

Roerbraai

• 500-600 g riboog-steaks, kruisskyf (<em>rump</em>) werk ook goed
• 60 ml (¼ k) teriyaki-sous
• 15 ml (1 e) sojasous
• 30 ml (2 e) olyfolie
• 2 knoffelhuisies, fyn gekap
• 6 cm vars gemmer, fyn gerasper
• 1 klein groen brandrissie, fyn gekap
• 5 murgpampoentjies, in repies gesny
• 8 broccolini, in die lengte middeldeur gesny
• 8 mange tout, in repies gesny
• 250 g eksotiese sampioene, sny enige groot sampioene kleiner
• handjie vol vars koljander
• 30 ml (2 e) swart sesamsaad

Metode

1. Meng die sousbestanddele in ’n bakkie. Hou eenkant.
2. Meng die teriyaki- en sojasous in ’n middelslagbak en marineer die biefstuk vir 1 uur daarin.
3. Geur die biefstuk met sout – nie te veel nie, want die soja is reeds sout – en gemaalde swartpeper. Sny die vleis in repe. Gooi die teriyaki van die marinade by die roerbraaisous.
4. Verhit 15 ml van die olie.
5. Roerbraai die steak vir 3 min. in sarsies in die wok. Skuif die gaar vleis teen die sykante van die wok op en gooi die nuwe repe in die middel van die wok waar dit die warmste is. Braai tot al die vleis net-net gaar is, skep uit en hou eenkant.
6. Gooi die res van die olyfolie (15 ml) in die wok saam met die knoffel, gemmer, en brandrissie en roerbraai vir 1 min.
7. Voeg die murgpampoentjies en broccolini by en roerbraai vir 2 min. Voeg die mange tout en sampioene by en roerbraai vir nog 2 min.
8. Gooi die vleis terug in die wok saam met die sous. Roerbraai tot alles deurgemeng en deurwarm is. Sit met vars koljander en sesamsaad voor.

The post Steak-en-sampioen-roerbraai appeared first on rooi rose.

Voorverhit die oond tot 200 °C.

1. Geur 4 prima riboogskywe met of sonder die ribbeen met sout en swartpeper. Braai 4 min. aan elke kant in ’n verhitte riffelpan oor hoë hitte. Pak op ’n bakplaat en rooster verder in die oond tot gaar na smaak – sowat 5-8 min. vir halfgaar/ pienk steak.
2. BOONTJIES: braai 125 g (½ pak) blokkies spek in 15 ml (1 e) verhitte olyfof avokado-olie oor hoë hitte tot bros. Haal uit die pan en hou eenkant.
3. Kap 1 stingel seldery, 1 groot ui, 3 klein preie, 3 klein wortels en braai in dieselfde pan met 5 ml (1 t) gekapte knoffel tot goudbruin. Gooi 60 ml (¼ k) witwyn by en laat wegkook. Voeg die spek by en meng 200g (½ blik) kersietamaties en 1 x 400 g-blik cannelini-boontjies (met die sous) deur. Hou eenkant warm.
4. Maak ’n vinnige sampioensous deur 250 g (1 pakkie) gesnyde sampioene van jou keuse (soos knopie-, portobellini- of eksotiese sampioene) in 15 ml (1 e) verhitte olyfolie oor hoë hitte tot goudbruin te braai.
5. Gooi 45 ml (3 e) brandewyn of port by en laat wegkook. Voeg 125 ml (½ k) room by en laat kook tot verdik. Geur met sojasous na smaak, gemaalde swartpeper en neutmuskaat.
6. Indien jy jou sous dunner verkies, kan jy dit nou met ekstra room verdun.
7. Sny die riboog-steak in skywe en sit voor met die sampioensous en die Provensaalse boontjies waaroor basiliekruidblare gestrooi is.

The post Riboogskyf met Provensaalse cannelini-boontjies appeared first on rooi rose.

Gaan só te werk

1 Voorverhit die oond tot 200 °C.
Geur die pampoen en die aartappels in afsonderlike bakke en bak vir 35-40 min. in aparte oondpanne.
2 Sny die uie en karamelliseer.
3 Maak die romerige spinasie en hou eenkant warm tot etenstyd.
4 Haal die pampoen en aartappels uit die oond. Hou die aartappels warm.
5 Rooster die druiwe vir die pampoenslaai. Meng al die bestanddele vir die slaai, behalwe die roketblare, deur.
6 Skroeibraai die steaks en sit met die uie, pampoenslaai, spinasie en aartappels voor.

Geskroeide steak

Genoeg vir 6

3-4 prima riboog-skywe
10 ml (2 t) heuning
10 ml (2 t) Marmite
30 ml (2 e) olyfolie
sout en gemaalde swartpeper

Verhit die oond tot 200 °C. Verhit ’n bakplaat in die oond.
1 Meng die heuning en Marmite in ’n bakkie en hou eenkant tot benodig.
2 Verhit ’n riffelpan oor ’n hoë hitte. Smeer die steaks met die heuning en Marmite en ’n bietjie van die olie. Skroei die steaks vir 4 min. aan elke kant vir halfgaar steaks.
3 Sit die vleis op die warm bakplaat in die oond en rooster vir nog 5 min.
4 Sit die steak voor met die gekaramelliseerde uie en groente.

Wenk
– Vir mediumgaar steaks: Verlaag die oond se hitte na matig en rooster vir nog 1-2 min. aan elke kant.
– Vir gaar steaks: Rooster vir nog 2-3 min. aan elke kant.

Gekaramelliseerde uie

Genoeg vir 6

15 ml (1 e) olyfolie
30 ml (2 e) botter
4 groot uie, oorlangs in dik ringe gesny
45 ml (3 e) bruinsuiker
klein hand vol tiemieblare

1 Verhit die olie en botter in ’n groot dikboompan. Voeg die uie by en soteer stadig tot gaar en deurskynend, roer deurentyd.
2 Voeg die bruinsuiker en tiemieblare by en braai vir sowat 30 min. of tot dit goed gekaramelliseer is.

Spesery-aartappels

Genoeg vir 8

8 aartappels, geskil en in wiggies gesny
15 ml (1 e) koljandersaad
15 ml (1 e) komynsaad
2 knoffelhuisies, gekneus
sout en gemaalde swartpeper
45 ml (3 e) olyfolie
45 ml (3 e) botter

Voorverhit die oond tot 220 °C.
1 Kook die aartappels vir 5-10 min. in kookwater tot sag, maar dit moet nog vorm behou. Dreineer en sit in ’n diep oondpan.
2 Kneus die koljander- en komynsade en strooi oor die aartappels. Meng die knoffel deur en geur na smaak.
3 Sprinkel die olyfolie en botter oor die aartappels en bak vir 30-40 min. of tot goudbruin en krakerig. Draai in die baktyd om.

Romerige spinasie

Genoeg vir 6

15 ml (1 e) olyfolie
30 ml (2 e) botter
1 ui, fyn gekap
3 knoffelhuisies, gekneus
sout en gemaalde swartpeper
15 ml (1 e) koekmeel
klein hand vol tiemieblare
knypie fyn neutmuskaat
400 g (2 pakke) babaspinasie
125 ml (½ k) room, warm gemaak
125 ml (½ k) parmesaan, fyn gerasper

1 Verhit die olie en botter in ’n pan oor matige hitte en soteer die ui en knoffel vir 5 min. daarin tot sag. Geur na smaak.
2 Strooi die meel, tiemie en neutmuskaat oor, roer en braai vir nog 3 min.
3 Voeg ’n bietjie van die room en die spinasie by en laat verwelk. Dié kan in sarsies gedoen word as daar te veel spinasie vir die pan is. Hou aan roer, anders kan dit brand.
4 Gooi die res van die room en parmesaan by en roer deur die warm spinasie. Geur na smaak met baie grof gemaalde swartpeper.

Nog idees
– ’n Verleidelike variasie: Smelt 125 g camembertkaas (wit randjie afgesny) by die room voor jy dit byvoeg.

Pampoenslaai met druiwe, gorgonzola en okkerneute

Genoeg vir 6

60 ml (¼ k) olyfolie
5 ml (1 t) fyn komyn
5 ml (1 t) fyn koljander
sout en gemaalde swartpeper
800 g (1 klein) pampoen met die skil, in skywe gesny en pitte verwyder
’n hand vol swart druiwekorrels
45 ml (3 e) balsemiekasyn
5 ml (1 t) bruinsuiker
2 hande vol roketblare
150 g sagte gorgonzola
30 ml (2 e) okkerneute, gekap

Voorverhit die oond tot 220 °C
1 Meng die helfte van die olyfolie met die komyn, koljander, sout en peper in ’n mengbak.
2 Pak die pampoenwiggies uit op die bakplaat, sprinkel die spesery-olie oor en bak vir 30 min. of tot goudbruin en gaar.
3 Verhit die oorblywende olyfolie in ’n pan oor ’n matige hitte. Voeg die druiwe by en kook tot hulle begin oopbars. Roer
deurentyd.
4 Voeg die balsemiekasyn en suiker by die druiwe en meng deur. Kook tot die suiker gesmelt is.
5 Pak die pampoen, druiwe, blare en gorgonzola op ’n opdienbord. Bedruip met die warm druiwesous en strooi die okkerneute oor. Sit dadelik voor.

Nog idees 
– Gebruik lemoensegmente pleks van druiwe as dit uit seisoen is.

The post Geskroeide steak met gekaramelliseerde uie en spesery-aartappels appeared first on rooi rose.

Genoeg vir 8

• 30 g botter
• 30 ml (2 e) olyfolie
• 1 kg borsstuk (brisket), in blokkies gesny
• 500 g lamsniertjies, skoongemaak en ruweg in blokkies gesny
• 60 ml (¼ k) koekmeel
• sout en peper
• 1 ui, fyn gekap
• 2 knoffelhuisies, fyn gekap
• 1 wortel, gekap
• 2 selderystingels, gekap
• 250 ml (1 k) rooiwyn
• 500 ml (2 k) tuisgemaakte beesvleisaftreksel
• 1 bouqet garni (lourierblaar, pietersielie, tiemie)

Deeg
• 250 g koekmeel
• knypie sout
• 120 g botter
• 100 g roomkaas
• 45 ml (3 e) koue water

1 Verhit die helfte van die botter en olie in ’n groot kastrol oor matige hitte.
2 Geur die beesvleis met sout en swartpeper. Bedek met die helfte van die meel en skud die oortollige meel af. Braai die vleis in sarsies tot goudkleurig. Haal uit en hou eenkant.
3 Geur die niertjies met sout en swartpeper. Bedek met die oorblywende meel en skud die oortollige meel af. Braai die niertjies tot goudkleurig. Haal uit en hou eenkant.
4 Braai die ui, knoffel, wortel en seldery vir 5-7 min. of tot goudbruin in die oorblywende botter en olie. Voeg die vleis en niertjies by.
5 Voeg die rooiwyn, aftreksel en bouquet garni by. Laat prut vir 2½ uur oor lae hitte, of totdat die vleis sag is. Laat heeltemal afkoel.

Deeg
6 Meng die koekmeel, sout en botter in die bak van ’n voedselverwerker. Verwerk totdat die mengsel soos broodkrummels lyk. Voeg die roomkaas en water by en verwerk totdat dit ’n deeg vorm.
7 Druk die deeg met jou hande bymekaar en vorm in ’n plat skyf. Draai goed toe met kleefplastiek en laat vir 30 min. in die yskas rus.
8 Verhit die oond tot 200 °C. Vul ’n 24 cm-tertpan met die afgekoelde steak-en-niertjie-bredie.
9 Rol die deeg ’n paar sentimeter groter as die tertpan uit en bedek die tertpan met die deeg.
10 Versier die bokant met die oorblywende deeg.
11 Prik die deeg liggies sodat die stoom kan ontsnap, of sit ’n uitgeholde murgbeentjie in die middel van die deeg.
12 Verf die deeg met eierglaseersel (1 eier geklits met ’n knypie sout).
13 Bak vir 30-35 min. of tot goudkleurig en gaar.

The post Steak-en-niertjie-pastei appeared first on rooi rose.

Alida Ryder se bekende blog, Simply Delicious, is een van my gunsteling-kosblogs. Haar boek, Heerlik en Maklik: Hartskos is ook ’n staatmaker in my kombuis.

“My ma was nie baie lief vir kos maak nie, maar so nou en dan wou sy ons bederf en het dan vir ons dié steaks gemaak. Sy het vroegmiddag al begin om die steak plat te slaan en dit was altyd so lekker om by die kombuistafel te sit en toe te kyk hoe sy die steaks vinnig in die meel, eier en dan weer in meel druk voor hulle in die warm vet gebraai word. Wanneer ek na haar verlang, is dit steeds die gereg wat ek die graagste maak.”

My ma se brosgebraaide lendeskyf

Genoeg vir 4

• 4 lendeskywe (sirloin steaks)
• 500 ml (2 k) meel, met sout en peper gegeur
• 2 eiers, geklits
• olie vir braai
• suurlemoenskyfies
• groenslaai om mee te bedien

1 Slaan die steak met ’n vleishamer plat. Voorverhit 60 ml olie in ’n groot pan oor hoë hitte.
2 Druk die steaks eers in die gegeurde meel, dan in die eier en dan weer in die meel.
3 Braai tot goudbruin en gaar.
4 Sit op kombuispapier om die oortollige olie te absorbeer en sit dadelik voor met romerige kapokaartappels of bros gebraaide skyfies en ’n groenslaai.

Lees ook: RESEP: Armand Aucamp se witvis met vanieljesous van Tahiti

The post Brosgebraaide lendeskyf appeared first on rooi rose.

Cowboy-steak met die lekkerste, krakerige tjips deur Vickie de Beer. Foto: Lee Schwagele van CRPhotographic

The post Cowboy-steak met die lekkerste, krakerige tjips appeared first on rooi rose.

Deur Vickie de Beer. Foto’s deur Lee Schwagele CRPhotographic

Pangrattato

• 3 dik snye ciabattabrood, gekrummel
• 2 e (30 ml) olyfolie
• 2 t (10 ml) gekapte knoffel
• 1 roosmaryntakkie, blaartjies afgestroop en fyngekap
• 3 e (45 ml) dennepitte
• skil van een suurlemoen, fyngerasper

1. Verhit die oond tot 180 ˚C. Meng al die bestanddele behalwe die suurlemoenskil in ’n mengbak. Gooi die mengsel in ’n oondpan en versprei eweredig.
2. Rooster vir 5-8 min. of tot goudkleurig en bros. Roer elke 2-3 min. deur die broodkrummels om seker te maak hulle verbruin eweredig. Haal uit en laat afkoel.
3. Roer die suurlemoenskil deur die geroosterde mengsel, geur met sout en strooi net voor opdiening oor die filet.

The post Confit-beesfilet met pangrattato appeared first on rooi rose.

Voeg ’n bietjie oemf by jou aandetes met die nuwe, beperkte uitgawe, McCain Spicy Wedges. Hierdie aartappelwiggies is die perfekte groot-hap-wiggie, bros aan die buitekant en sag aan die binnekant, met ’n effense byt. Voel jy al hoe jou mond begin water?

McCain Spicy Wedges word van die beste aartappels gemaak met lekker paprika-en-kruie speserye. As jy wonder wat die perfekte pasmaat vir dié wiggies is, het ons net die antwoord. Enigiets van ribbetjies, gemarineerde hoender, Prego en natuurlik sappige steak (soos die resep hieronder) werk goed saam met McCain Spicy Wedges.

McCain se beperkte uitgawe Spicy Wedges is beskikbaar by supermarkte landwyd en kos R29,99. Vir meer inligting, resepte en kompetisies, volg McCain op Facebook, Twitter en Instagram.

The post Sirloin steak bedien met McCain Spicy Wedges appeared first on rooi rose.

Serves 4

1 Season 4 steaks with salt and ground black pepper. Set aside for 15 minutes.
2 Heat 15 ml (1 tablespoon) avocado oil and 15 ml (1 tbsp) butter in a pan over medium heat.
3 Fry 1 onion (peeled and sliced thick diagonally) and 10 ml (2 tsp) balsamic vinegar therein until tender.
4 Stir in 15 ml (1 tbsp) wholegrain mustard and set aside.
5 Brush the steaks with avocado oil and fry for 3-4 minutes on each side on a hot griddle. Rest.
6 Toast/grill 4 slices country bread.
7 Arrange rocket, roasted tomatoes and steaks on 2 slices of bread.
8 Spoon onion on top and place the other slices of bread on top. Cut each sandwich into 3 parts. Bon appetite!

The post Steakburgers with mustard and onions appeared first on rooi rose.

The post Die perfekte steak appeared first on rooi rose.

The post Lendeskyf met chermoula, soetrissies & gekaramelliseerde uie appeared first on rooi rose.

The post Krakerige aartappels met speserye appeared first on rooi rose.

The post Roosmarynkluitjies op ’n bredie appeared first on rooi rose.