Maak 1 groot koek

Bestanddele

Suurlemoenkoek

• 540 g (4 k) meel, gesif afgemeet
• 5 ml (1 t) bakpoeier
• 5 ml (1 t) koeksoda
• ’n knypie sout
• 360 g botter
• 440 g (2 k) strooisuiker
• 8 eiergele
• gerasperde skil van 4 suurlemoene
• 10 ml (2 t) vanielje-ekstrak
• 320 ml (1¼ k) suurroom

Basiese suurlemoensmeer

Dit maak sowat 375 ml (1½ koppie)

1. Smelt 155 g botter in die mikrogolf.
2. Gooi die sap van 3 groot suurlemoene, 340 ml suiker en 2,5 ml sout by en meng goed.
3. Klits 5 eiers baie goed en roer by die suurlemoenmengsel in.
4. Mikrogolf vir 4 min. aaneen op 100% krag. Haal uit en roer. Mikrogolf dan vir sowat 1 min. op ’n slag en roer ná elke minuut vir sowat 10 min. tot die mengsel verdik.
5. Laat afkoel.

Botterversiersel

Genoeg vir sowat 2 koppies

1. Klop 500 g sagte botter met ’n elektriese menger tot lig en donsig en gooi 500 g gesifte versiersuiker by. Klop verder tot glad en voeg 5 ml (1 t) vanielje-ekstrak by.

Italiaanse meringue-versiersel

Genoeg om 1 groot koek toe te smeer

1. Klop 110 g eierwitte met ’n elektriese menger tot sagtepuntstadium en voeg 30 g strooisuiker by.
2. Verhit 300 g strooisuiker en 100 ml water oor lae hitte in ’n klein kastrol.
3. Draai die hitte hoër en verhit tot 113 °C.
4. Gooi die suikerstroop in ’n egalige stroompie by die eierwitte en klop tot die mengsel heeltemal afgekoel het.

Klapperversiersel

• 1 x hoeveelheid botter-versiersel (hierbo aangedui)
• 250 ml (1 k) fyn klapper, liggies gerooster
• 1 x hoeveelheid Italiaanse meringue (hierbo aangedui)
• 1 x hoeveelheid suurlemoensmeer (hierbo aangedui)

Metode

Voorverhit die oond tot 180 °C.

1. Voer twee 20 cm-panne met bakpapier uit en smeer met botter.

Suurlemoenkoek

1. Sif die meel, bakpoeier, koeksoda en sout saam en hou eenkant.
2. Klop die botter en suiker saam tot lig en donsig. Voeg die eiergele geleidelik by en klop goed ná elke byvoeging tot die mengsel weer lig en donsig is. Voeg die suurlemoenskil en vanielje by.
3. Voeg die meelmengsel en suurroom om die beurt by die mengsel. Begin en eindig met die meelmengsel.
4. Verdeel die beslag tussen die voorbereide panne en bak vir 50-55 min. tot ’n toetspen skoon uitkom. Laat vir 10 min. in die pannetjies afkoel en keer op ’n afkoelrak uit.

Maak intussen die klapperversiersel

1. Meng die botterversiersel en klapper en hou eenkant.
2. Sny elke koek middeldeur en smeer elke helfte met suurlemoensmeer en klapperversiersel.
3. Stapel die koeke opmekaar. Sit vir 20 min. in die yskas.
4. Versier die koek met die meringueversiersel.
5. Brand die meringue liggies met ’n blaasvlam om kleur te gee. Sit dadelik voor.

The post Suurlemoen-meringue-koek appeared first on rooi rose.

Bestanddele

Basiese soetkoekies

Genoeg vir 24 koekies

• 180 g botter
• 200 g strooisuiker
• 10 ml (2 t) vanieljegeursel
• 1 eier
• 240 g koekmeel
• 2,5 ml (½ t) bakpoeier
• 2,5 ml (½ t) sout

Gebakte karamel

Jy maak jou eie karamelkondensmelk deur kondensmelk in die oond te bak – dis baie veiliger as ons ou drukkokermetode!

•  2 x 360 g-blikkies kondensmelk

1. Voorverhit die oond tot 200 °C.
2. Gooi die kondensmelk in ’n dieperige oondpan en maak die pan met foelie toe. Sit die oondpan in ’n groter oondpan en maak die onderste oondpan vol water.
3. Bak vir 4 uur of tot goudkleurig. Hou maar fyn dop, want almal sal lepelsvol steel!
4. Smeer die karamel op die basiese soetkoekies en plak opmekaar.

Suurlemoen-en-klapper-koekies

1. Maak die basiese soetkoekieresep en voeg die gerasperde skil van 2 suurlemoene, 100 g fyn klapper en 15 ml suurlemoensap by.

Grenadellasmeer

Genoeg vir 250 ml

• 115 g vars of geblikte grenadellapulp
• 90 g suiker
• 65 g botter
• 2 eiers
• 1 eiergeel
• 30 ml (2 e) mielieblom

Metode

Basiese soetkoekies

1. Voorverhit die oond tot 180 °C. Voer ’n bakplaat met bakpapier uit.
2. Room die botter en suiker in ’n groot mengbak tot lig en donsig.
3. Voeg die vanieljegeursel en eier by en klits tot goed gemeng.
4. Voeg die koekmeel, bakpoeier en sout by en meng goed.

• Om ronde koekies te maak:
  Rol die deeg in balletjies (sowat 25 g elk) en sit op die voorbereide bakplaat. Druk hulle met ’n vurk of jou duim effens platter.
• Om vorms uit die deeg te druk:
  Rol die deeg so dun moontlik op ’n skoon werksvlak uit wat liggies met meel bestuif is. Bak vir 10-12 min. of tot goudkleurig en gaar.

Grenadellasmeer

1. Meng die grenadella, suiker en botter in ’n klein kastrol en verhit oor matige hitte. Roer tot die suiker opgelos is.
2. Klits die eiers, eiergeel en mielieblom met ’n elektriese klitser in ’n groot mengbak. Gooi die grenadellamengsel by terwyl jy die eiers deurentyd klits.
3. Gooi die mengsel terug in die kastrol en verlaag die hitte. Roer deurentyd vir 4-5 min. of totdat die mengsel verdik. Wees versigtig, want die eiers kan maklik skif.
4. Trek van die hitte af en gooi in ’n klein bakkie.
5. Bedek met kleefwerende plastiek en sit vir 1 uur in die yskas om af te koel.
6. Smeer die mengsel tussen die suurlemoenkoekies.

Lees ook: Suurlemoenbrood

The post Suurlemoen-en-klapper-koekies appeared first on rooi rose.

Maak 1 middelslagbrood

Bestanddele

• 375 ml (1½ k) koekmeel
• 10 ml (2 t) bakpoeier
• knypie sout
• 250 ml (1 k) jogurt
• 250 ml (1 k) suiker
• 3 ekstragroot eiers
• fyn gerasperde skil van 2 suurlemoene
• 3 ml (½ t) vanieljegeursel
• 125 ml (½ k) sonneblomolie

Suurlemoenstroop

• 80 ml (1⁄3 k) suurlemoensap
• 80 ml (1⁄3 k) suiker

Suurlemoenversiersel

• 250 ml (1 k) versiersuiker
• 45 ml (3 e) suurlemoensap
• fyn suurlemoenskilkrulle om oor te sprinkel

Metode

Voorverhit die oond tot 180 °C.

1. Voer ’n 23 x 12 cm-broodpan met bakpapier uit.
2. Sif die meel, bakpoeier en sout saam in ’n mengbak.
3. Klop die jogurt, suiker, eiers, suurlemoenskil en vanielje saam in ’n ander bak.
4. Meng die droë bestanddele by die jogurtmengsel en meng goed. Voeg die olie by. Gooi die mengsel in die pan en bak vir 50-60 min. of tot ’n toetspen skoon uitkom.
5. Suurlemoenstroop: Smelt die suurlemoensap en suiker in ’n pan oor matige hitte. Hou eenkant.
6. Laat die koek vir 10 min. in die pan afkoel. Keer op ’n draadrakkie uit en gooi die suurlemoenstroop versigtig oor terwyl die koek nog warm is. Laat afkoel.
7. Suurlemoenversiersel: Meng die suiker en genoeg suurlemoensap sodat dit die tekstuur van heuning het. Gooi oor die afgekoelde koek.
8. Strooi die suurlemoenskilkrulle oor.

The post Suurlemoenbrood appeared first on rooi rose.

Genoeg vir 6 tertjies of 1 groot tert.

Bestanddele

Koop klaarbereide tertdeeg as jy haastig is.

Tertdeeg

• 125 ml (½ k) botter
• 125 ml (½ k) strooisuiker
• 1 eier
• 420 ml (1½ k + 3 e) koekmeel + ekstra om oor te strooi
• 30 ml (2 e) marmelade

Meringue

• 2 eierwitte
• 125 ml (½ k) strooisuiker

Vulsel

• 250 ml (1 k) suurlemoensmeer
• 250 ml (1 k) mascarponekaas

Metode

Tertdeeg

1. Meng die botter en suiker in ’n voedselverwerker tot lig en romerig.
2. Voeg die eier by en meng goed. Voeg die meel by en meng tot dit bymekaarkom. Druk plat (dit rol makliker later) en draai met kleefplastiek toe. Sit vir minstens ’n uur in die yskas.
3. Voorverhit die oond tot 180 °C. Spuit ’n ronde 30 cm-losboomtertpan met kleefwerende kossproei.
4. Rol die deeg 3 mm dik op ’n meelbestrooide werkvlak uit en voer die pannetjies daarmee uit. Prik die basis liggies met ’n vurk.
5. Bak die deeg blind: Sit ’n stuk opgefrommelde bakpapier, groot genoeg om die tert te bedek, op die deeg en sit droë bone, rys ofbakgewiggies daarop. Bak vir 20 min. tot dit liggies begin verkleur.
6. Haal die bakpapier en gewiggies af en bak vir 2 min. of tot die rande ligbruin is. Verf die deeg met die marmelade en laat afkoel.

Vulsel

1. Meringue: Sit ’n hittebestande mengbak op ’n kastrol met stadig pruttende water en klop die eierwitte daarin tot sagte punte vorm.
2. Voeg die suiker bietjie vir bietjie by en klop deurentyd tot ’n blink en stywe meringue. Voel kort-kort aan die onderkant van die meringuebak sodat dit nie te warm word en die meringue laat skif nie. Dié proses “kook” die eierwitte.
3. Meng die suurlemoensmeer en mascarpone en skep in die tertkorse. Skep eetlepels vol van die meringue op sodat dit punte maak.
4. Sit die tertjies onder die oondrooster of brand met ’n blaasvlam bruin.

Lees ook: Resep vir suurlemoenbrood

Lees ook: Resep vir suurlemoenkoek

The post Suurlemoentertjies appeared first on rooi rose.

Genoeg vir 8.

Bestanddele

Koop klaarbereide tertdeeg as jy haastig is.

Tertdeeg

• 125 ml (½ k) botter
• 125 ml (½ k) strooisuiker
• 1 eier
• 420 ml (1½ k + 3 e) koekmeel + ekstra om oor te strooi
• 30 ml (2 e) marmelade

Vulsel

• fyn gerasperde skil van 2 groot suurlemoene en uitgedrukte sap van 4
• 180 ml (¾ k) strooisuiker
• 6 eiers, liggies geklits
• 355 ml (1¼ k + 3 e) dubbeldikroom
• strooisuiker om oor te strooi

Metode

Tertdeeg

1. Meng die botter en suiker in ’n voedselverwerker tot lig en romerig.
2. Voeg die eier by en meng goed. Voeg die meel by en meng tot dit bymekaarkom. Druk plat (dit rol makliker later) en draai met kleefplastiek toe. Sit vir minstens ’n uur in die yskas.
3. Voorverhit die oond tot 180 °C. Spuit ’n ronde 30 cm-losboomtertpan met kleefwerende kossproei.
4. Rol die deeg 3 mm dik op ’n meelbestrooide werkvlak uit en voer die pan daarmee uit. Prik die basis liggies met ’n vurk.
5. Bak die deeg blind: Sit ’n stuk opgefrommelde bakpapier, groot genoeg om die tert te bedek, op die deeg en sit droë bone, rys ofbakgewiggies daarop. Bak vir 20 min. tot dit liggies begin verkleur.
6. Haal die bakpapier en gewiggies af en bak vir 2 min. of tot die rande ligbruin is. Verf die deeg met die marmelade en laat afkoel.

Vulsel

1. Meng die suurlemoensap en suiker. Meng die eiers by. Moenie klits nie, roer net deur.
2. Bring die room tot kookpunt en roer by die suurlemoenmengsel. Meng die suurlemoenskil by.
3. Gooi die suurlemoenvulsel in die tertkors en bak vir 40 min. Laat by kamertemperatuur afkoel en sit in die yskas.
4. Strooi strooisuiker oor en as jy ’n blaasvlam het, kan jy die suiker liggies karamelliseer of brûlée, soos die Franse sê.

The post Suurlemoen brûlée-tert appeared first on rooi rose.

Geniet dit ook op geroosterde brioche vir ontbyt, of met botterbroodjies vir laatmiddagtee. Skep lagies suurlemoensmeer tussen repies gebakte filodeeg, of op tuisgebakte sponskoek. Meng met ’n gelyke hoeveelheid mascarpone en sit met biscotti voor.

Resep deur Vickie de Beer. Foto deur Dawie Verwey.

Bestanddele

Genoeg vir 5 x 250 ml-botteltjies

• 310 ml (1¼ k) botter
• sap van 6 groot suurlemoene
• 680 ml (2¾ k) strooisuiker
• 5 ml (1 t) sout
• 9 ekstragroot eiers

Metode

1. Smelt die botter in ’n diep, mikrogolfvaste bak in die mikrogolf. Voeg die suurlemoensap, suiker en sout by en meng goed.
2. Klits die eiers baie goed en roer by die suurlemoenmengsel in.
3. Mikrogolf vir 4 min. Roer elke minuut. Toets of die smeer dik genoeg is deur ’n houtlepel daarin te steek en as die agterkant van die lepel met ’n dikkerige lagie bedek is, is dit reg.
4. Indien nie, mikrogolf vir nog 1 min. en toets weer. (Die smeer word dikker namate dit afkoel.)
5. Bottel die smeer terwyl dit warm is en seël dadelik. Berg op ’n koel, droë plek of in die yskas

Resep: Basiese sponskoek

Resep: Die lekkerste botterbroodjies (skons)

Resep: Heerlike gebottelde smeer

The post Maklike mikrogolf-suurlemoensmeer appeared first on rooi rose.

Suurlemoenstroop

Genoeg vir 2 x 375 ml-bottels

• 500 ml (2 k) suurlemoensap, deur ’n moeseliendoek gesyg
• 750 ml (3 k) suiker

1. Verhit die sap en suiker tot net voor kookpunt. Roer aan die begin tot die suiker opgelos is.
2. Bottel die stroop warm en verseël dadelik. Berg op ’n koel, droë plek, of in die yskas.

Kruielimonade

Genoeg vir 4

1. Meng ¼ houer suurlemoenstroop (resep bo) met ’n ¾ houer sodawater. Meng ’n hand vol kruie soos tiemie, kruisement en basiliekruid deur.
2. Sit met baie ys voor. Gee die limonade skop met ’n skeutjie of twee vodka.

The post Kruielimonade met tuisgemaakte suurlemoenstroop appeared first on rooi rose.

Genoeg vir 6

Jy kan ook ’n bessieroomys maak. Roer 500 g fyn gemaakte bessies by die basiese mengsel.

• 500 ml (2 k) karringmelk
• 500 ml (2 k) room
• gerasperde skil en sap van 2 suurlemoene
• 4 eiergele
• 60 ml (¼ k) suiker
• knypie sout
• 30 ml (2 e) chia-saad

1. Verhit die karringmelk, room en suurlemoenskil in ’n kastrol oor matige hitte tot dit saggies begin borrel. Haal af en hou eenkant.
2. Klop die eiergele, suiker en sout tot lig en romerig. Voeg die suurlemoensap by.
3. Gooi die roommengsel by die eiergele terwyl jy deurentyd klits. Gooi die mengsel terug in die kastrol.
4. Kook stadig oor lae hitte terwyl jy deurentyd roer tot die vla verdik – dit moet die agterkant van ’n houtlepel bedek.
5. Trek van die hitte af en hou eenkant tot heeltemal afgekoel. Sit vir 2 uur of tot koud in die yskas.
6. Roer die chiasaad by en gooi in die bak van ’n roomysmasjien. Karring die roomys volgens die masjienaanwysings.
7. Laat effens set voor jy die roomys tussen lagies wafels skep, of sit die wafels saam met die roomys voor.

Volgraanwafels

Genoeg vir 10 wafels

Ons het ’n stroopwafelpannetjie gebruik. andersins kan jy die koekies op bakpapier wat met kleefwerende kossproei gespuit is, in ’n voorverhitte oond by 180 °C bak. Haal uit die oond. Die wafeltjies sal bros word sodra dit afgekoel het.

• 200 g speltmeel
• 80 g tefmeel
• 95 g suiker
• knypie sout
• 1 eier
• 80 g sagte botter

1. Meng die spelt, tef, suiker en sout in ’n mengbak.
2. Voeg die eier en botter by en knie tot ’n deeg gevorm het.
3. Weeg die deeg in 40 g bolletjies af.
4. Spuit ’n stroopwafelpannetjie met kleefwerende kossproei en verhit oor hoë hitte.
5. Sit ’n bolletjie deeg in die middel van die wafelpan en maak die pan toe. Bak vir 2 min. aan elke kant, of tot goudbruin in kleur.
6. Lig uit die pannetjie en herhaal met die oorblywende deeg.

The post Chia-en-suurlemoen-roomys met volgraan-wafeltjies appeared first on rooi rose.

The post Perske-en-suurlemoen-poeding appeared first on rooi rose.

Genoeg vir 6

Bestanddele

• 8 vye, in kwarte gesny
• 4 lemoene, geskil en in dun ringe gesny
• 250 g bababeet, gekook en geskil
• 100 g bokmelkkaas
• hand vol babaslaaiblare
• 100 g okkerneute, liggies gerooster

Slaaisous

• Meng 30 ml (2 e) balsemiekasyn, 10 ml (2 t) volgraanmosterd, 1 fyn gekapte knoffelhuisie, 5 ml (1 t) heuning en 125 ml (½ k) olyfolie in ’n klein bakkie.

Metode

Rangskik die vye, lemoene, beet, bokmelkkaas, slaaiblare en okkerneute op ’n groot dienbord en sit met die slaaisous voor.

Geroosterde eiervrug met tuisgemaakte sagte kaas

Genoeg vir 6

Begin ’n dag voor die tyd met die kaas.

Tuisgemaakte kaas

• 420 g volroom- Griekse jogurt
• 2,5 ml (½ t) sout
• 15 ml (1 e) suurlemoensap
• 2 takkies roosmaryn, fyn gekap
• hand vol pietersielie, fyn gekap

Slaai

• 30 ml (2 e) olyfolie
• gerasperde skil van 1 suurlemoen
• 2 knoffelhuisies, fyn gekap
• 2 groot eiervrugte, middeldeur gesny
• 100 g granaatpitte
• ’n hand vol babakruie-blaartjies

Kaas

1. Meng die Griekse jogurt, sout, suurlemoensap, roosmaryn en pietersielie in ’n groot mengbak. Skep die mengsel in ’n groot moeseliendoek en bind op met kombuistou. Hang die doek op in die yskas met ’n bak daaronder om die vloeistof op te vang. Laat hang vir 24 uur.
2. Voorverhit die oond tot 220 °C. Voer ’n oondpan met bakpapier uit.
3. Meng die olyfolie, suurlemoenskil en knoffelhuisies in ’n klein bakkie. Smeer die eiervrug met die oliemengsel.
4. Sny kepe oorkruis in die vleiskant van die eiervrugte. Sit die eiervrugte gesnyde kant na onder, op die voorbereide oondpan. Bak vir 10 min. Draai om en bak vir nog 10 min. of tot goudbruin.
5. Sit die eiervrug voor saam met die kaas en strooi die granaatpitte en blaartjies oor.

The post Beet-en-lemoen-slaai met bokmelkkaas appeared first on rooi rose.

10 heerlike suurlemoenresepte wat jy nou moet maak

Geroosterde suurlemoen-en-paprika-hoender

Klik hier

Gebakte koningklip met bros parmaham en suurlemoenkoeskoes

Klik hier 

Kruielimonade met tuisgemaakte suurlemoenstroop

Klik hier

Suurlemoentertjies

Klik hier

Maklike mikrogolf-suurlemoensmeer

Klik hier

Suurlemoenbrood

Klik hier

Suurlemoen-en-klapperkoekies

Klik hier

Suurlemoen-brulée-tert

Klik hier

Suurlemoen-meringue-koek

Klik hier

Papawersaad-en-suurlemoen-koek

Klik hier

The post 10 heerlike suurlemoenresepte wat jy nou moet maak appeared first on rooi rose.

genoeg vir 10

Sponskoek
• 170 g koekmeel
• 15 ml (1 e) mielieblom
• 6 eiers
• 200 g suiker
• knippie sout
• 70 g botter, gesmelt en afgekoel

Suurlemoenstroop
• 125 ml (½ k) vars suurlemoensap
• 125 ml (½ k) suiker

Framboos-en-suurlemoenversiersel
• 400 g botter, kamertemperatuur
• 600 g versiersuiker
• sap van een suurlemoen
• 200 g frambose

1 Voorverhit die oond tot 180˚C. Voer een 20 cm koekpan (dit moet ’n redelike diep pan wees) met bakpapier uit.
2 Smelt die botter en hou dit eenkant. Sif die meel en die mielieblom in ’n mengbak en hou dit byderhand.
3 Berei ’n dubbelkoker voor met 2 koppies water. Verhit oor matige hitte.
4 Plaas die suiker, sout en eiers in die mengbak van ’n elektriese menger en klits totdat dit goed gemeng is. Plaas die mengbak oor die pruttende water en klits aanhoudend. Die eiermengsel moet warm word en die suiker moet oplos. Toets gereeld of die mengsel warm is.
5 Plaas die mengbak in die elektriese menger sodra die mengsel baie warm is, klits teen hoë spoed. Die mengsel moet nou lig van kleur word en verdubbel in volume. Klits totdat die mengsel afgekoel het. Sowat 5-7 min.
6 Vou nou die meelmengsel versigtig met ’n breë spaan in. Roer twee eetlepels van die eier-en meelmengsel by die botter in.
7 Gooi dit nou weer by die ander bestanddele in die mengbak en vou goed deur sonder om te veel volume te verloor. Die mengsel moet lig, amper skuimerig en lig van kleur wees.
8 Gooi die mengsel in die koekpan en bak vir 25-30 min. of tot ’n toetspen skoon uitkom
9 Vir die suurlemoenstroop: kook die bestanddele in ’n klein potjie totdat die suiker opgelos is en dit stroperig word. Verwyder van die hitte en laat afkoel.
10 Vir die framboos-en-suurlemoenversiersel: plaas die botter in die mengbak van ’n elektriese klitser en klits tot sag en glad.
11 Voeg die versiersuiker by en klits teen medium spoed totdat die versiersel wit en romerig is. Sowat 5 min.
12 Voeg die suurlemoensap by en klits goed deur. Die frambose kan ook nou bygevoeg word en teen ’n stadige spoed deurgemeng word. Voeg so eetlepel of 2 kookwater by om dit maklik smeerbaar te maak.
13 Sny die koek in dun lae wat ewe dik is. Plaas die eerste laag op die koekbord en drup die suurlemoenstroop oor. Moenie die koek te nat maak nie. Smeer nou ’n lagie van die versiersel oor. Plaas nou die volgende koeklaag op en herhaal die proses tot al die lae voltooi is. Versier nou die hele koek met ’n dun laag van die versiersel, maak seker dit is mooi glad en egalig rondom en bo-op die koek.
14 Versier die bokant van die koek met roompoffertjies wat gedoop is in witsjokolade-ganache, goue roosblare en goud geverfde frambose.

Verjaarsdagkoek 1: Tina Bester se witsjokoladekoek

Verjaarsdagkoek 2: Wessels van Vuuren se rooiwyn-sjokoladekoek

Verjaarsdagkoek 3: Katelin Williams se gebakte Alaska-koek

Verjaarsdagkoek 4: Kanya Hunt se haselneutkoek met rooifluweel-roosversiering

Verjaarsdagkoek 6: Corli Botha se maklike verjaarsdagkoek met bessie-coulis en outydse melkversiersel

The post #75verjaarsdagkoek 5: Martjie Malan se framboos-en-suurlemoenkoek appeared first on rooi rose.

The post Suurlemoen-meringue-blompotkolwyntjie appeared first on rooi rose.