Natuurlike olies vir jou huis deur: Cornel Dunn. Hooffoto: Pixabay.com

Sitroengras

Gebruik sitroengrasolie as ’n natuurlike en veilige lugverfrisser. Die vars sitrusgeur sal lank in die huis hang.

Dit is die perfekte olie om in jou huis te gebruik omdat dit ook as ontsmettingsmiddel gebruik kan word.

Span dit ook as ’n insekweerder in.

Lees ook: Laaf jou voete met kruie uit jou tuin

Laventel

Dié gewilde krui is wyd bekend vir sy kalmerende eienskappe. Dit bring die stresvlakke af en help met ’n gesonde slaappatroon.

#rrWenk: Sit 5 tot 8 druppels laventelolie in ’n watersproeibottel en spuit voor slaaptyd op jou kussings.

Bloekom

Sit dit op jou lysie skoonmaakprodukte vir die huis.

Die olie is ook goed vir asemhalingsprobleme.

#rrWenk: Meng bloekomolie en teeboomolie in ’n waterspuitbottel en spuit in die dreinopening van jou stort om muf te voorkom.

Suurlemoen

Weer eens is dit ’n perfekte produk om jou huis skoon te kry en terselfdertyd sal die huis vars ruik.

#rrWenk: Gebruik 1 tot 2 druppels direk op vetterige oppervlakke om dit silwerskoon te laat.

Lees ook: Geur vir jou huis

Peperment

Gebruik 5 tot 7 druppels pepermentolie in ’n waterbottel en sproei in jou huis om goggas buite te hou.

Deurdrenk ook ’n wattebolletjie met pepermentolie om miere te verdryf.

Teeboomolie

Teeboomolie is ’n gewilde huishoudelike skoonmaakmiddel.

Gooi ook ’n paar druppels in jou troeteldier se bed om vlooie weg te hou.

Sproei die olie op oppervlakke waar muf voorkom.

Pomelo

Pomelo-olie is perfek om werkvlakke silwerskoon te hou.

Boonop ruik dit heerlik.

Lees ook: Hoe om jou huis heerlik te laat ruik – sonder chemikalieë

The post Natuurlike olies vir jou huis appeared first on rooi rose.

Ontdek die volgende vlak van versorging vir jou grasperk met Gardena se robotgrassnyer – dit laat jou toe om die lewe te geniet en te doen waarvoor jy lief is sonder die beslommernis van grassny!

GARDENA se Sileno-reeks van robotgrassnyers is die mees gevorderde oplossing om ’n groen, welige grasperk te hê, wat deurlopend goed gesny is. Maak nie saak of jy ’n klein of groot, eenvoudige of meer gekompliseerde tuin het nie; GARDENA se intelligente robotgrassnyerreeks bied die regte oplossing vir jou en jou spesifieke tuin.

Maklike toepbeheer – Die onlangse reeks SILENO-grassnyers werk met die nuutste tegnologie wat jou toelaat om jou snyer met behulp van ’n Bluetooth-toep te bestuur. Tel eenvoudig jou slimfoon op, maak die GARDENA Bluetooth-toep oop en jy is gereed om sonder enige ophef te gaan! Jy kan maklik jou SILENO vanaf die gemak van jou huis (tot en met 10 m van die toestel af) beheer.

Pro-stil – Sag en aanpasbaar. Ontspan in jou tuin terwyl die SILENO-grassnyer saggies werk en nie jou of jou bure sal steur nie. Die SILENO-grassnyer werk doeltreffend in alle weersomstandighede – of dit reën of die son skyn.

Presies en aanpasbaar – dit navigeer en pak die smalste ruimtes en knapste hoeke met betroubare presisie aan. Met ’n funksie waarmee dit op spesifieke kolle sny, beweeg die grassnyer in ’n spiraal om al die gedeeltes van die grasperk te bereik, soos onder trampoliens en tuingereedskap. Die groot ossillerende wiele stuur die snyers maklik op gedeeltes rond wat ’n helling van tot 35% het.

Sensoriese snyfunksie – die intelligente snystelsel wat die SILENO-grassnyer se snytyd aanpas volgens hoe vinnig die gras gegroei het. Die gedeeltes wat vinniger groei, sal meer gereeld gesny word, wat ’n gelyke en welige grasperk tot gevolg het.

Volhoubaar – met die SILENO-grassnyer, hoef jy nie grassknipsels op te hark nie. Die deklaagfunksie laat fyner graspunte terug in die grasperk val en dien as natuurlike bemesting.

Maklik om te installeer – Installasie is so maklik soos ABC en kan maklik en vinnig gedoen word. Volledige installasiegids is ingesluit en daar is ’n video op die webwerf om jou te help om jou SILENO suksesvol aan die gang te kry.

Voordele daarvan om ’n robotgrassnyer te besit:

– Dis heeltemal selfstandig

– Werk dag of nag

– Werk in alle weerstoestande – of dit reën of die son skyn

– Werk vir eenvoudige of meer komplekse grasperke

– Reeks beskikbaar vir klein, middelslag- en groot tuine

– Kan vanaf die gemak van jou rusbank beheer word

– Maklik om skoon te hou

GARDENA-produkte is by alle groot hardewarewinkels en kwekerye beskikbaar. Vir meer inligting besoek www.gardena.co.za

Lees ook: Ons bied aan: Die Gardena-reeks van grassnyers en knippers.

The post Ontdek die volgende vlak van grasperk-versorging met Gardena se robotgrassnyer appeared first on rooi rose.