Resepte, stilering en fotografie: Marlo Kitshoff-Carstens

16 porsies

Bestanddele

Kors

• 400 g (200 g x 2 pakkies) tenniskoekies
• 150 g botter, gesmelt

Vulsel

• 770 g (385 g x 2 blikke) kondensmelk
• 250 ml (1 k) suurlemoensap
• 6 ekstragroot eiers, geskei

Meringuelaag

• 6 ekstragroot eierwitte
• 375 ml (1½ k) strooisuiker
• knypie sout

Metode

Kors

1. Verhit oond tot 160 °C.
2. Kap koekies in voedselverwerker tot fyn. Voeg genoeg gesmelte botter by om koekiekrummels aan mekaar te laat klou.
3. Druk koekiekrummels op bodem vas en langs kante van 22 cm-losboomkoekpan vas of gebruik kleiner losboomkoekpanne.

Vulsel

1. Meng kondensmelk en suurlemoensap in mengbak.
2. Klits eiergele met vurk en roer by kondensmelkmengsel tot goed gemeng.
3. Giet in tertkors en bak vir 12 minute. Haal uit oond.

Meringuelaag

1. Klits eierwitte tot styf. Voeg strooisuiker en sout bietjie vir bietjie by terwyl aanhoudend geklits word tot glansend en styf. 
2. Skep meringue bo-op vulsel sodat dit punte vorm.  
3. Bak weer vir 15 minute of tot ligte goudbruin bo-op.
4. Laat afkoel af en sit voor.

Lees ook: Marlo se maklike tiramisu

The post Marlo se suurlemoenmeringuetert appeared first on rooi rose.