tamaryn green | rooi rose

Babakoors: Hierdie bekendes verwag pienkvoete in 2025

Karlien Meiring — Tue, 20 Aug 2024 12:50:44 +0000

Hierdie Suid-Afrikaanse bekendes het onlangs opwindende baba-nuus gedeel:

Bernice West

Die sangeres Bernice West en haar man, Jannes Erasmus, het onlangs aangekondig dat hulle hul eerste klein lyfie in Januarie 2025 verwag. Die paartjie het die opwindende nuus op Instagram gedeel deur aanhangers met ‘n ‘nuwe liedjie’ te verras wat toe al die tyd hul swangerskap-aankondiging is. Hul het nog nie hul eersteling se geslag bekend gemaak nie.

View this post on Instagram

A post shared by b e r n i c e (@bernicewest_)

Melinda Bam

Melinda Bam, Mej. Suid-Afrika 2011, en haar man Adriaan Bergh, Mnr. Suid-Afrika 2011, verwag hul tweede kind in Januarie 2025. Die egpaar, wat tans vakansie in St. Tropez, Frankryk hou, het die nuus met hul volgelinge in ‘n stylvolle foto op Byblos Beach gedeel. Hul eerste kind, Ruach, is verlede jaar 10 Maart gebore.

View this post on Instagram

A post shared by melindabam (@melindabam)

Tamaryn Green-Nxumalo

Dokter Tamaryn Green-Nxumalo, ook ‘n voormalige Mej. Suid-Afrika, “kon nie vir ‘n beter geskenk op haar 30ste verjaardag gevra het nie.” Sy en haar man, Ze Ndwandwe Nxumalo, het gister hul baba-nuus in ‘n hartroerende video op sosiale media gedeel. Dit is hul eerste kind, en die verwagte geboortedatum is nog nie bekend nie.

View this post on Instagram

A post shared by Dr Tamaryn Green Nxumalo (@tamaryngreen)

Mila Guy en Bennie Fourie

Die akteurspaar Mila Guy en Bennie Fourie het onlangs hul swangerskap en die geslag van hul eersteling in twee skreeusnaakse video’s op sosiale media aangekondig. Hulle verwag ‘n seuntjie volgende jaar, Januarie. Mila en Bennie het in April 2023 na jare van vriendskap uiteindelik die knoop deurgehaak.

View this post on Instagram

A post shared by Mila Fourie (@milaguy)

Greteli de Swardt

Die aktrise Greteli de Swardt en haar man, Juan, het onlangs aangekondig dat hulle hul tweede kind, ‘n seuntjie vroeg volgende jaar verwag. Hul eersteling, Alé, is verlede jaar April gebore, en die video’s wat Greteli op haar Instagram-profiel tot dusver gedeel het, spreek boekdele van die gesin se opwinding oor die nuwe toevoeging.

View this post on Instagram

A post shared by Greteli de Swardt (@greteli.deswardt)

Lees ook: ‘Een keer om die son’: Weet pa’s altyd beter?

The post Babakoors: Hierdie bekendes verwag pienkvoete in 2025 appeared first on rooi rose.

Agter die skerms met Tamaryn Green

Catherine Schenck — Tue, 15 Jan 2019 09:24:51 +0000

Agter die skerms met Tamaryn Green. Hooffoto: Leana Clunies-Ross

Loer hier na die agter-die-skerms-foto’s:

Agter-die-skerms-foto’s: Zoë Salzwedel.

“Ek het regtig die fotosessie vir rooi rose geniet. Die span is ongelooflik en ons het soveel pret gehad! Ons het die foto’s in ’n asemrowende omgewing geneem terwyl die reën heeltyd gedreig het, en tog het ons dit reggekry om pragtige foto’s te neem. Ek kan nie wag om die Februarie-uitgawe te sien nie!” – Tamaryn Green

Kyk na die video:

Die span

Foto: Zoë Salzwedel

Produksie: Hannelie Diedericks

Stilis: Kim Berell van The Fashion Office

Hare en grimering: Tamaryn van Tonder

Produksie-assistent: Melissa-Jade Myburgh

Fotograaf: Leana Clunies-Ross

Hierdie voorbladfotosessie is geskiet by die Thaba Eco Hotel in Johannesburg.

Lees Ilse Salzwedel se onderhoud met Tamaryn op bl. 12 van die Februarie-uitgawe van #rooirose wat nou op winkelrakke beskikbaar is.

Tamaryn is eerste prinses by Mej. Heelal-kompetisie

Catherine Schenck — Tue, 18 Dec 2018 07:57:55 +0000

Tamaryn is eerste prinses by Mej. Heelal-kompetisie verwerk deur Catherine Schenck. Hooffoto: Yolanda van der Stoep.

Tamaryn Green is gekroon as Eerste Prinses, terwyl Mej. Fillipyne, Catriona Gray, gekroon is as Mej. Heelal. Suid-Afrikaner Demi-Leigh Nel-Peters, Mej. Heelal 2017, het die kroon aan Gray oorhandig by die 67ste Mej. Heelal-kompetisie.

Lees ook: Demi-Leigh Nel-Peters: Die mooiste in die heelal

Die 24-jarige Green, van die Paarl in die Wes-Kaap, het Suid-Afrika verteenwoordig teen 93 ander deelnemers in hierdie kompetisie. Green was een van die gunstelinge in die oploop tot die finale ronde van die Mej. Heelal-kompetisie.

Tamaryn Green onthul haar uitrustings vir Mej. Heelal

Catherine Schenck — Thu, 22 Nov 2018 13:29:17 +0000

Tamaryn Green onthul haar uitrustings vir Mej. Heelal deur Catherine Schenck. Foto’s: Yolanda van der Stoep – verskaf.

Mej. Suid-Afrika 2018, Tamaryn Green (24), het vandag twee van haar uitrustings vir die Mej. Heelal-kompetisie by haar afskeidsgeleentheid by die Maslow Hotel in Sandton onthul. Mej. Heelal 2018 vind op 17 Desember 2018 in Bangkok, Thailand, plaas. Suid-Afrikaners hoop dat sy ons tweede Mej. Heelal in ’n ry sal wees na Demi-Leigh Nel-Peters se kroning verlede jaar. Ons het vir Tamaryn ’n paar vrae gevra.

Vertel ons meer van die twee rokke wat jy vandag onthul het.

Die eerste uitrusting wat ek vandag gedra het is my nasionale kostuum. Dis geïnspireer deur die bloukraanvoël en is gemaak deur Malikah Hajee en Lloyd Kandlin van The Costume Department in Kaapstad. Ek waardeer die bloed, sweet en trane wat hulle in daardie kostuum ingewerk het, want die eindresultaat is presies wat ons wou hê. Ek is so opgewonde om dit op ’n internasionale verhoog te dra, want dit stel nie net ons nasionale voël voor nie, maar dit stel ook ons [as Suid-Afrikaners] voor waar ons nuwe hoogtes bereik. Ons as Suid-Afrikaners vlieg hoog, ons styg bo ons probleme uit en ons oorwin dit, en dis hoekom die rok so treffend is.

Foto: Yolanda van der Stoep

My vaarwelrok is gemaak deur Galluzzi e Gini, wat die mees fantastiese ontwerpers is. Hulle het my rok vir Mej. Suid-Afrika gemaak, hulle het hierdie rok gemaak en hulle het ook die rok wat ek die finale aand sal dra, gemaak. Ek het werklik ’n hegte band met hulle gevorm en hulle kry dit net altyd reg [om ’n pragtige rok te skep]. Die rokke is perfek en dis presies wat ons gehoop het dit sal wees.

Foto: Yolanda van der Stoep

Waarvoor is jy die meeste opgewonde vir Mej. Heelal?

Ek sien uit om al die ander deelnemers te ontmoet. Ek is so opgewonde om van hulle te leer; hulle praat ander tale, hulle is van ander gelowe en kom uit ander kulture. Ek sien so uit om hulle beter te leer ken.

Waarvoor is jy die meeste senuagtig vir Mej. Heelal?

Weet jy, ek is senuagtig oor daardie laaste vraag. Of jy nou in die topvyf of toptwee eindig, tydens daardie oomblik is jy op die verhoog waar hulle jou die laaste vraag vra en jy moet net kalm bly en onthou waarvoor jy staan – die belangrikste is om dit als goed deur te voer en om net ’n goeie antwoord te gee.

As, nee, wanneer jy Mej. Heelal gaan wen, sal jy vir ’n jaar in New York woon. Waarna sien jy die meeste uit?

Genugtig! Ek is ’n meisie van ’n klein dorpie af – ek’s van die Paarl – en net om Johannesburg toe te moes trek was alreeds ’n groot aanpassing! So ek weet nie eintlik waarna ek als uitsien as ek New York toe gaan nie. Ek weet net ek sal aanpas. Maar wanneer jy ’n klein dogtertjie is droom jy altyd oor om te kan reis, en hierdie is ’n wonderlike geleentheid wat my sal toelaat om dit te doen. Ek dink ek gaan net so geseënd voel om daar te wees.

En wat sal jy die meeste mis?

Kaapstad! Ek gaan die strande, die atmosfeer en my gesin mis. Ek is beslis ’n gesinsmens.

The post Tamaryn Green onthul haar uitrustings vir Mej. Heelal appeared first on rooi rose.